রাজ্য সরকার ২২গী স্তেৎ দিজাস্তর রেসপোন্স ফন্দস(এস দি আর এফ) গী লুপা করোর ৭,৫৩২গী শেনফম অমা ঙসি ফাইনান্স মিনিস্ত্রিগী এক্সপেন্দিচর দিপার্তমেন্তনা থাদোকখ্রে। হোম এফেয়ার্স মিনিস্ত্রগী পাউতাক মতুংইন্না শেমফম অদু থাদোকখিবনি। রাজ্যশিংনা ফংখিবা শেনফমগী অকুপ্পা মরোলশিং মখাদা পীরি:

( লুপা করোর)

লৈবাক শীনবা থুংনা নোং কন্না চুরকপদগী, চৎন-কাংলোনশিং কোমথোক্লে অমসুং হৌখিবা শেনবা চহিদা রাজ্যশিংদা পীখিবা শেনফমশিংগী য়ুতিলাইজেসন সর্তিফিগেদশিং ঙাইরিবা রাজ্যশিংদা খুদক্তা শেনফমশিং থাদোক্লে।

দিজাস্তর মেনেজমেন্ত এক্ত, ২০০৫গী সেক্সন ৪৮(১)(এ)গী মখাদা রাজ্য অমমমগী স্তেৎ দিজাস্তর রেসপোন্স ফন্দস(এস দি আর এফ) শেম্লে। হায়রিবা ফন্দ অসি মরুওইনা নোতিফাইদ দিজাস্তরশিং থেংননবা রাজ্য সরকারশিংদা পীবনি। এস.দি.আর.এফতা কেন্দ্র সরকারনা অতোপ্পা রাজ্যশিংদা চাদা ৭৫ অমসুং অৱাং-নোংপোক অমসুং হিমালয়গী রাজ্যশিংদা চাদা ৯০ পুথোক্লি।

ফাইনান্স কম্মিসনগী ৱারেপ মতুংইন্না চহিগী ওইনা কেন্দ্রনা পুথোকফম থোকপা শেনফম চপ মান্নবা শরুক অনি থোক্না পুথোক্লি। চৎন-কাংলোনশিংগী মতুংইন্না, ফন্দশিং মমাঙদা থাদোকখিবা শেনফমগী য়ুনিলাইজেসন সর্তিফিগেদশিং ফংলবা মতুংদা অমসুং এস.দি.আর.এফনা পায়খৎখিবা থবকশিংগী মতাংদা রাজ্য সরকারদগী রিপোর্ত অমা ফংলবা মতুংদা থাদোকই। অদুবু অথু-অকায়গী য়েংলগা, হন্দক্কী ওইনা ফন্দ থাদোকপদা কোমথোক্লে।

নোংলৈ-নুংশিৎ, ইকং, য়ুহা হাবা, মৈ চাকপা, ঈশিং ইচাউ, সুনামি, লেন তাবা, লৈবাক নিংখাইবা, উন নিংখাইবা, নোং কন্না চুবা, তিল-কাংনা লান্দারকপা অমসুং উন তাবা অমসুং কা হেন্না ইংবদা অৱাবা তারবা মীওইশিংদা খুদক্কী ওইনা মতেং পাংনবা এস.দি.আর.এফ অসি শীজিন্নৈ।

মমাঙদা শীজিন্নবা, লমগী পাক-চাউবা, অপুনবা মীশিং, দিজাস্তর রিক্স ইন্দেক্স য়াওনা হিরম কয়াদা য়ুম্ফম ওইরগা রাজ্যশিংদা পীগদবা এস.দি.আর.এফ ফন্দগী চাং লেপ্পী। মরম অদুনা হায়রিবা মরমশিং অসিদা রাজ্যশিংগী থবক পাংথোকপা ঙম্বা, খুদোংথিনিঙাই ওইবগী চাং অমসুং খুদোংথিনিঙাই ওইবা ফিবমগী মমি তারি।

১৫শুবা ফাইনান্স কম্মিসনগী ৱারেপশিংদা য়ুম্ফম ওইরগা, কেন্দ্র সরকারনা চহি ২০২১-২২দগী ২০২৫-২৬ ফাওবগী ওইনা এস.দি.আর.এফকী লুপা করোর ১,২৮,১২২.৪০ কাইথোক্লে। হায়রিবা শেনফম অসিগী মনুংদা কেন্দ্র সরকারগী লুপা করোর ৯৮,০৮০.৮০গী চাকথুং য়াওরি। হৌজিক ফাওবদা কেন্দ্র সরকারনা লুপা করোর ৩৪,১৪০.০০ থাদোকখ্রে। হৌজিক থাদোকখিবা শেনফম অসিগা লোয়ননা, রাজ্য সরকারশিংদা পীখিবা এস.দি.আর.এফতা কেন্দ্র সরকারগী চাকথুং লুপা করোর ৪২,৩৬৬ য়ৌখ্রে।

****