রিপোর্তরশিং, কেমেরামেন আমসুং অতোপ্পা মীদিয়া ওর্গনাইজেশনশিংগী অতোপ্পা পর্সোনেল, মরু ওইনা সাইক্লোন “বিপর্জোয়”গী রিপোর্ত লৌরিবা লনাইগী তি.ভি. চেনেলশিংগী সেফতী অমসুং সেক্যুরিতীগীদমক্তা য়াম্না ৱাই হায়না ফোংদোরকখি। ইনফোর্মেশ অমসুং ব্রোদকাস্তিং মন্ত্রালয়না ঙসি সাইক্লোনগী মতাংদা গ্রাউন্দ রিপোর্তিংগীদমক্তা দিপ্লোই তৌরিবা অসিগুম্বা চেনেলশিংদা এদভাইজরী অমা থোকখ্রে।

মন্ত্রলয় অসিনা চেকশিন্নবা হায়রকখি মদুদি গ্রাউন্দ লেভেলদগী রিপোর্ত তৌবনা রিপোর্তরশিং অমসুং কেমেরামেন অমসুং মসিগী থৌদোক অসিগী রিপোর্তিং তৌনবগীদমক্তা লনাইগী সেতলাইত তি.ভি. চেনেলশিংনা দিপ্লোই তৌরিবা অতোপ্পা পর্সোনেলগী সেফতী অমসুং সেক্যুরিতীগী মতাংদা য়াম্না শাথিনা খুদোংথিনিংঙাই ওইগনি হায়না হায়খি। মন্ত্রালয় অসিনা অসিগুম্বা গ্রাউন্দ রিপোর্তিং তৌবা অসিনা মসিদা দিপ্লোই তৌরিবা পর্সোনেল কয়া অমগী পুন্সিদা খুদোংথিনিংঙাই ওইরগনি হায়না অৱাবা ফোংদোরকখি।

মন্ত্রালয় অসিনা মীদিয়া ওর্গনাইজেশনশিংদা শোকহনবা য়ানা লৈরিবা মফমশিংদা মখোয়গী পর্সোনেলশিং থাদোকপগী মতাংদা চেকশিং-থৌরাংশিং মরাং কাইনা অমসুং য়াম্না চেকশিন্না তৌগদবনি হায়না য়াম্না কন্না হায়রকখি। মখোয়না য়াম্না কন্না হায়রকখি মদুদি করিগুম্বা অমত্তদা ওর্গনাইজেশনশিংনা মীদিয়া পর্সোনেলশিংগী সেফতী অমসুং সেক্যুরিতী কমপ্রোমাইজ তৌগদবা মওংদা মখোয়গী পর্সোনেল দিপ্লোই তৌনবগী ৱারেপ অমত্তা লৌরোইদবনি অমসুং লোকেল এদমিনিস্ত্রেশন্না থোকপা চেকশিন-থৌরাংশিং অদু ঙাক্না চৎকদবনি।

সাইক্লোন “বিপর্জোয়” অসি ইকুই কুইদনা লৈবাক অসিগী নোংচুপ থংবা সমুদ্র খোংবান্দা য়ৌরগনি, মসিনা দাইমেন্সন মখল কয়া অমগী অকাই-অতোইশিং থোকহল্লবা য়াই। মন্ত্রালয় অসিনা মীয়ামদা থাজবা পীরকখি মদুদি কেন্দ্র সরকারনা রাজ্য সরকারশিংগা লোইননা সাইক্লোনগী শাফু অসিবু হন্ধহন্নবা থবক-থৌরমশিং কয়া অমা পাইখৎলি।

*****