నాడు పోస్టు చేయడమైనది:
09 JUN 2023 7:06PM by PIB Hyderabad
సముచిత పురావస్తు సంరక్షణ ఆవశ్యకత, మన వారసత్వ-విజ్ఞానాల పరిరక్షణలో దానికిగల ప్రాధాన్యం గురించి ప్రధానమంత్రి శ్రీ నరేంద్ర మోదీ నొక్కిచెప్పారు.
అంతర్జాతీయ పురావస్తు దినోత్సవం సందర్భంగా జాతీయ పురావస్తు సంస్థ (ఎన్‌ఎఐ) నిర్వహించిన ప్రదర్శనపై వరుస ట్వీట్లకు స్పందిస్తూ పంపిన సందేశంలో:
“సముచిత పురావస్తు సంరక్షణ అన్నది మన వారసత్వం, విజ్ఞానాల పరిరక్షణపై మన నిబద్ధతకు గీటురాయి. గతంతో భవిష్యత్తరాల అనుసంధానానికి, మన సమష్టి జ్ఞాన వికాసం కొనసాగింపునకు ఇది దన్నుగా నిలుస్తుంది. మన చరిత్రను శ్రద్ధగా కాపాడే మన పురావస్తు నిపుణులను ఈ సందర్భంగా గౌరవించుకుందాం” అని ప్రధానమంత్రి పేర్కొన్నారు.