ঙসি নিউ দিল্লিগী বিজ্ঞান ভবন্দা রেলৱেজগী য়ুনিয়ন মিনিস্তর শ্রী অশ্বিনি বৈষ্ণবনা নেসনেল কনক্লেপ: নো সাল-সেবা,সুসান, গরিব কলয়ান হৌদোকখ্রে। থৌরম অদুদা ইনফোর্মেসন অমসুং ব্রোদকাস্তিংগী য়ুনিয়ন মিনিস্তর শ্রী অনুরাগ থাকুর, ইনফোর্মেসন অমসুং ব্রোদকাস্তিংগী রাজ্য মন্ত্রী দোক্তর এল.মুরুগান, ইনফোর্মেসন অমসুং ব্রোদকাস্তিং মিনিস্ত্রিগী সেক্রেতরি শ্রী অর্পুবা চন্দ্রা অমসুং প্রাসার ভারতিগী সি.ই.ও শ্রী গৌরব দ্বিবেদি শরুক য়াখি।

হৌজিক পাল্লিবা সরকার অসিগা ২০১৪গী মমাঙদা লৈরম্বা সরকারশিংগা চাংদম্নরদুনা য়ুনিয়ন মিনিস্তর শ্রী অশ্বিনি বৈষ্ণবনা হায়খি মমাঙগী সরকারশিংগী থবকশিং অসি স্কামশিংগা মান্নৈ, হৌজিক পাল্লিবা সরকার অসিনা ‘পাই পাই সে গরিব কি ভালাই’ (অনা-শিকি খুদিংমক লায়রবশিংগী য়াইফনবা শীজিন্নবা) ৱাখল্লোনগা লোয়ন্না থবক তৌরি।

মিনিস্তরনা হায়খি য়ুম অমগী মপু ওইবা হায়বসিনা লায়রবা মীওই অমগী পুন্সিদা অওনবা অমা পুরকই। মদুগীদমক, ঙসি পি.এম অৱাস য়োজনাগী মখাদা লৈবাক অসিদা য়ুম করোর ৩.৫ শাবদগী লায়রবশিংগী পুন্সি মহিংদা অফবা অহোংবা পুরক্লে। য়ুম খুদিংমক তোতি ঈশিং ফংহনবা হায়বসি মতম পুম্নমক্তা খন্দুনা লাক্লি, মমাঙদা অমুক্তা হোৎনখিদে নত্ত্রগা পাংথোকপা ঙমখিদে। অদুবু প্রধান মন্ত্রীনা মসি শিংনবা অমা ওইনা লৌখি অমসুং ঙসি মীওই করোর ১২ তোতি ঈশিং শম্লে। মমাঙঙৈগী লৈরংদা চাক থোকপগী চৎনবী মুৎথৎনবা সরকারনা থবক পায়খৎলে অমসুং ইমুং করোর ৯.৬তা গ্যাস সিলিন্দরশিং পীরে।

মহাক্না মখা তানা হায়খি মালেমগী লৈবাক কয়ানা কোবিদ-১৯ লাকশিন্নবা লান্থেংনরিঙৈদা, সরকারনা অচৌবা পুথোক-পুশিনগী খুদোংচাদবশিং লাকশিন্দুনা মীওই করোর ৮০ হেনবদা লেম্না চেঙ য়েন্থোকখি। মহাক্না লাল কিলাদগী ৱা ঙাংবদা মতমদা য়ুম থোং খুদিংদা তোইলেতশিং শানবা প্রধান মন্ত্রীনা পনখি। মসিদগী নুপীশিং অশোই-অঙাম থোক্তনবা অমসুং সেনিতেসনগী লমদা অওনবা অমা পুরক্তুনা ঙসিদি তোইলেত করোর ১১.৭২ শারে।

শ্রী অশ্বিনি বৈষ্ণবনা হায়খি অয়ুস্মান ভারতকী মখাদা হৌজিক ভারত্তা মালেমদা খ্বাইদগী চাউবা অনা-লায়য়েংগী ইন্সুরেন্সকী থবক পায়খৎলি অমসুং মসি লায়রবা মীওইশিংদা লুপা লাখ ৫ ফাওবা লেম্না লায়য়েংবগী খুদোংচাবা পীরি অমসুং য়ু.এস.এ অমসুং রুসিয়াগী অপুনবা মীশিংদগী হেন্না কোনশিল্লে।

মিনিস্তরনা হায়খি ২০১৪দগী মমাঙদা অমুক্তা ওইখিদ্রিবা মওংদা লৈবাক অসিগী ইনফ্রাস্ত্রকচর শেমগৎলে। ২০১৪ দগী হৌখিবা চহি ৯দা এয়রপোর্ত ৭৪ শেমগৎখি। নিংতম্বদগী হৌজিক ফাওবদা কিলোমিতর ৯১গী লম্বীশিং শেমখ্রে অমসুং ২০১৪দগী কিলোমিতর ৫৪গী লম্বীশিং শেমখ্রে। ২০১৪ ফাওবা ভারত্তা ৱাতরৱেজ অমতা লৈরমদে, ঙসি ভারতকী ঈশিং লম্বী ১১১ লৈরে অমসুং ভারতকী রেলৱেজ স্তেসনশিংদা মালেম থাক্কী এয়রপোর্তশিংদা ফংলিবা খুদোংচাবশিং অদু ফংলে।

মিনিস্তরনা হায়খি ভারত মতম শাংনা মালেমগী ইকোনোমিগী রেঙ্কিংদা মনিংদা লৈখি, অদুবু ঙসিদি ভারত মালেমদা খ্বাইদগী চাউবা ৫শুবা ইকোনোমি ওইরে। মথং চহি অনিদা ভারত ৪শুবা খ্বাইদগী চাউবা ইকোনোমি ওইরগনি অমসুং মথং চহি ৬তা খ্বাইদগী চাউবা অহুমশুবা ইকোনোমি ওইরগনি।

লৈবাক্কী ঙাক-শেনগী লমদা সরকারনা পায়খৎলিবা থবকশিংগী মতাংদা মিনিস্তরনা হায়খি মমাঙদা ভারত অচৌবা অকিং-অখঙগী থবক কয়া মায়োক্নখি, ঙসিদি লৈবাক অসি তেরোরিজম থেংন্নবা পাম্বৈ লৈরে অমসুং পাউখুম পীনবা থৌরাং তৌরে।

শ্রী অনুরাগ থাকুরনা হায়খি হৌখিবা চহি ৯ অসিদা ভারতকী মীচম মীয়ামগী পুন্সিদা অচৌবা অহোংবা অমা লাকপা উরে অমসুং সরকারগী মাইপাকপশিং অসি মীয়াম্না থম্বা থাজবশিংদগী হেল্লে। মমাঙদা ভারতকী শেন-থুমগী ফিবম ফরমদে অমসুং শেঞ্জা-থুমজানা পীক থনখি। ঙসিদি ভারত চহি ৯দা ফ্রেজাইল ফাইবতগী তোপ ফাইবতা হাইগৎলে।

মহাক্না মখা তানা হায়খি মমাঙঙৈদা সরকারগী স্কিমশিংগী কান্নবশিং মীওই খর খক্তনা ফংলমখি, ঙসিদি সরকার অসিনা খ্বাইদগী মনিং ইথং থংবদা লেপ্লিবা মীওই অদু ফাওবা খুদোংচাবা ফংনবা সরকারনা থবক পায়খৎলে। ঐখোয়না পায়খৎলিবা থবকশিংগী অরোনবা অমা ওইনা মীওই চাদা ২৭ লায়রবা কোকহনবা ঙম্লে। থবক তৌনিংবগী ৱাখল্লোন, অনৌবা ৱাখল্লোনশিং, অফবা লৈঙাক, তেক্নোলোজি শীজিন্নবা, অরোন-অথুপ লৈহন্দবা, মরম চানা থবক তৌবা হায়রিবা ময়াম অসিনা খ্বাইগী মনিংদা লৈরিবা মীওইশিং ফাওবা সরকারগী খুদোংচাবশিং ফংবা ঙম্বনি।

মিনিস্তরনা হায়খি হৌখ্রবা লোয়লম লৈঙাক্কী চৎনবীশিং লৌথোক্নবা অমসুং অনৌবা চৎনবীশিং শীজিন্ননবা সরকারনা খোঙলৈ থুনা থবক পায়খৎলে।  কর্তভ্য পথ শেম্বা অসি খুদম অমনি অমসুং অনৌবা পর্লিয়ামেন্ত অসি খুদম অমা ওইগনি। লৈবাক অসিগী তুংগী লাইবক লেপ্পদা নহারোলশিংনা মরুওইবা থৌদাং অমা লৌগনি। মসিগীদমক ঙসি ভারতকী নহারোলশিনা স্তার্দঅপ লাখ ১ অমসুং য়ুনিকোর্ন ১০০ হেন্না লিংখৎলে।

মিনিস্তরনা হায়খি য়ুমথোং খুদিং মচু অহুমগী ফিরাল পাইহন্নবা প্রধান মন্ত্রীনা হায়খিবা অদু লৈবাক অসিনা থবক ওইনা পাংথোকখি, অতোপ্পা লৈবাকশিংগী মহৈরোয়শিংনা শীজিন্নখিবা চপ মান্নবা মচু অহুমগী ফিরালশিং অদু ওপরেসন গঙ্গা মনুংদা লানফম অমদগী থোরকপদা শীজিন্নখি। সর্ভেশিং পাংথোকপা মতমদা মহাক মীয়াম্না য়াম্না পাম্নবা লুচিংবা ওইখি, মহাক্না মচু অহুমগী ফিরাল অসি মালেমদা খ্বাইদগী মপাঙ্গল কনবা ফিরাল অমা ওইহনখি।

ঙসি পাংথোকখিবা সেনসনশিংদা শরুক য়াখিবশিং সেক্রেতরি শ্রী অর্পুবা চন্দ্রনা তরাম্না ওকখি। মহাক্না খুন্নাইগী তোঙান-তোঙানবা কাংলুপশিংগী মীওইশিংশু তরাম্না ওকখি।

সেসন ১: “ইন্দিয়া: মাঙলোমদা চঙশিল্লি” হায়রিবা থিম অসি সেনিয়র জর্নেলিস্ত শ্রী নিতিন গোখালেনা মোদরেতর  ওইদুনা পাংথোকখি, পেনেলিস্তশিং অসি শরুক য়াখি

• সুনি ভারতি মিত্তল, ফাউন্দর অমসুং চিয়ার্মেন, ভারতি ইন্তরপ্রাইজেস
• শঙ্গিতা রেদ্দি, জোইন্ত মেনেজিং দিরেক্তর, এপোল্লো হোস্পিতালস
• দেবজানি ঘোস, প্রসিদেন্ত, নাসকোম
• সুরজিত ভাল্লা, ইন্তরনেসনেল মোনিতরি ফন্দ, ইন্দিয়াগী হান্নগী ইজুকিউতিপ দিরেক্তর
• সৌম্যা কান্তি ঘোস, গ্রুপ চীফ ইকোনোমিক এদভাইজর, স্তেৎ বেঙ্ক ওফ ইন্দিয়া
• দিপা সায়াল, প্রসিদেন্ত অমসুং পেত্রোন ইন চীফ, আই.দব্লিউ.আই.এল, ইন্দিয়া

সেসন ২: জন জন কা বিশ্বাস হায়বা থিম অসি পাউমী রিচা অনিরুধনা মোদরেতর ওইদুনা পাংথোকখি, পেনেলিস্তশিং অসি শরুক য়াখি

• নৱাজউদ্দিন সিদ্দিকি, এক্তর
• সিন্থিয়া মেককাফ্রে, ভারত্তা লৈবা য়ুনিসেফকী মীহুৎ
• কিরন মজুমদার সো, ইজুকিউতিপ চিয়ারপর্সন, বাইওকোন লিমিতেদ(ভিদিও মেসেজ)
• পদ্ম শ্রী শান্তি তেরেসা লাক্রা, নর্স
• নিখাত জারিন, বোক্সর
• অনিল প্রকাস জোসি, ইনভাইরোনমেন্তেলিস্ত দিব্য জেন, কো-ফাউন্দর, সিখো

সেসন ৩: য়ুব শক্তি হায়বা থিম অসি রেদ এফ.এমগী রেদিও জোক্কী রাওনকনা মোদরেতর ওইদুনা পাংথোকখি , মখাগী পেনেলিস্তশিং অসি শরুক য়াখি

• রিসাব সেত্তি, এক্তর
• রিতেস অগরৱাল, সি.ই.ও, ও.ৱাই.ও রুমস
• অম্মান অলি বঙ্গাস, শৈশকপা
• বিরেন রাসকুইনহা, ভারতকী হান্নগী হোক্কি কেপ্তেন
• য়াসোধারা বাজোরিয়া, দিরেক্তর, এক্সপ্রেসো তেক্নোলোজিস
• অখিল কুমার, বোক্সর

*****