প্রধানমন্ত্রীগী লোইশঙ

৩শুবা ফিপিক মীফমদা ফোঙদোকখিবা প্রধান মন্ত্রীগী লোইশিনবগী ৱারোল

Posted On: 22 MAY 2023 2:32PM by PIB Imphal

শক্নাইরবশিং,

অদোমগী ৱাখল্লোনশিং ফোঙদোকপগীদমক অদোম থাগৎচরি। ঐখোয় খন্ন-নৈনবদগী থোরকপা অনৌবা ৱাখল্লোনশিং ঐখোয় শোইদনা খন্নগনি। পেসিফিক ইথৎ লৈবাকশিংগী দরকার ওইবশিং ঐখোয় খন্নরে। মফম অসিদা ঐখোয়না মরুওইনা লৌরিবা অসি মাঙলোমদা চঙশিনবা অসিনি। ফিপিক মনুংদা ঐখোয় মতেং পাংনবা মখা তানা হেনগৎহন্নবা, ঐ করিগুম্বা খর লাউথোকচে:

১. পেসিফিক লমদমদা অনা-লায়য়েংগী থবক ফগৎহন্নবা, ফিজিদা সুপর স্পিসিএলিতি কার্দিও হোস্পিতাল অমা লিংখৎনবা ঐখোয় ৱারেপ লৌরে। হোস্পিতাল অসিদা ত্রেন তৌরিবা স্তাফ, অনৌবা মতমগী খুদোংচাবশিং অমসুং ইনফ্রাস্ত্রকচর লৈগনি অমসুং মসিনা লমদম অসি শীনবা থুংনা পুন্সি চুপ্পা থবক তৌগনি। মসিগী অচৌবা গ্রিনফিল্দ প্রোজেক অসিগী অপুনবা শেনফম ভারত সরকারনা পুথোক্কনি।

২. পেসিফিক ইথৎ লৈবাক ১৪দা দাইলাইসিস য়ুনিতশিং লিংখৎপদা ভারতনা মতেং পাংগনি।

৩. পেসিফিক ইথৎ লৈবাক ১৪দা সি এম্বুলেন্সশিং পীগনি।

৪. ২০২২দা ,ঐখোয়না ফিজিদা জয়পুর ফুত কেম্প অমা পাংথোকখ্রে।

কেম্প অদুদা, মীওই ৬০০ হেনবদা লেম্না খুৎশেমগী খোঙশিং য়েন্থোকখি। মরুপশিং, মসিগী খুদোল অসি ফংলবা মীওইশিংনা মখোয় থৱায়গী খুদোল ফংলে হায়না খনখি।

পেসিফিক ইথৎ লৈবাকগীদমক, চহি অসিদা পাপুৱা নিউ গিনিদা জয়পুর ফুত কেম্প অমা পাংথোক্নবা ঐখোয়না ৱারেপ লৌরে। ২০২৪দগী হৌনা, পেসিফিক ইথৎ লৈবাকশিংদা চহি খুদিংগী অসিগুম্বা কেম্প অনি পাংথোক্লগনি।

৫. ভারত্তা জন ঔসাধি স্কিমগী মখাদা, মীয়ামদা অহোংবা মমলদা অফবা মখলগী জেনেরিক হিদাক-লাংথক ১৮০০ হেন্না ফংহল্লে। খুদম ওইনা, দাইবেতিস লায়য়েংনবা হিদাকশিং জন ঔসাধি কেন্দ্রশিংদা কৈথেলগী মমলদগী চাদা ৯০ হেন্না তানা ফংহল্লে। অতোপ্পা হিদাক-লাংথকশিংশু কৈথেলগী মমলদগী চাদা ৬০দগী চাদা ৯০ ফাওবা হোংনা ফংহল্লে। জন ঔসাধি সেন্তরশিংগা মান্নবা সেন্তরশিং অদোমগী লৈবাকশিংদা পুরক্নবা ঐনা থৌরাং তৌরি।

৬. পুন্সি মহিংগা মরী লৈনবা অনাবশিং হায়বদি দাইবেতিসগুম্বা অসি য়োগানা মপুংফানা মাঙজৌন্না ঙাকথোকপা ঙম্মি হায়বা সাইন্তিফিক ওইনা থিজিনবদগী খঙলে। মসিগী কান্নবা লৌনবা অদোমগী লৈবাকশিংদা য়োগা সেন্তরশিং লিংখৎনবা ঐখোয়না থৌরাং তৌরে।

৭. পাপুৱা নিউ গিনিদা লৈরিবা আই.তিগী সেন্তর ওফ এক্সলেন্সশিং ফগৎহল্লগনি অমসুং “রিজনেল ইনফোর্মেসন তেক্নোলোজি এন্দ সাইবরসেকুরিতি হব” ওন্থোক্লগনি।

৮. ফিজি মীয়ামগীদমক 24x7 ইমর্জেন্সি হেল্পলাইন অমা হাংদোক্লগনি অমসুং মসিগা মান্নবা খুদোংচাবা পেসিফিক ইথৎ লৈবাক পুম্নমক্তা লিংখৎপদা মতেং পাংবদা ঐখোয় হরাওগনি।

৯. পেসিফিক ইথৎ লৈবাক খুদিংমক্তা এস.এম.ই সেক্তর চাউখৎনবা প্রোজেক অমা লৈনা লাউথোক্লে অমসুং স্কিম অসিগী মখাদা, মেছিনশিং, তেক্নোলোজিশিং পীগনি অমসুং কেপাসিতি বিল্দিং প্রোগ্রামশিং পাংথোক্কনি।

১০. পেসিফিক ইথৎ লৈবাকশিংগী লুচিংবশিংগী লৈঙাক্কী য়ুমশিং সোলারদগী মৈ পীনবা প্রোজেক অদোম্না ফংলে। হৌজিক ঐখোয়না ফিপিক লৈবাকশিংদা য়ামদ্রবা সরকারগী বিল্দিং অমা সোলার ওন্থোক্লগনি।

১১. ঈশিং তাংবগী অৱাবা কোকহন্নবা, পেসিফিক ইথৎ লৈবাক খুদিংমক্তা মীয়ামগীদমক দিসেলিনেসন য়ুনিতশিং পীনবা ঐনা থাজবা পীরি।

১২. ঙসি ঐনা পেসিফিক ইথৎ লৈবাকশিংগীদমক “সাগর অমরুত স্কোলারসিপ” স্কিম লাউথোক্লে। স্কিম অসিগী মখাদা, মথং চহি ৫দা আই.তি.ই.সি ত্রেনিং ১০০গী খুদোংচাবশিং পীগনি।

শক্নাইরবশিং,

ঙসি, ঐগী ৱারোল মতাং অসিদা লোইশিঞ্জরে। মসিগী ফোরম অসিগা ঐগা নক্নবা মরী অমা লৈনৈ। মীওইবা মশেল মতেং পাংনবগী মতাংদা লৈরিবা খুদোংচাদবশিং মসিনা কোকহল্লে। ঐনা অমুক হন্না ঙসি মফম অসিদা শরুক য়ারিবা মীওই খুদিংমক থাগৎচরি।

মথংদা অদোম ভারত্তা তরাম্না ওক্নবা ঐনা থাজবা থমজরি।

অদোম থাগৎচরি!

*****



(Release ID: 1926550) Visitor Counter : 84