‘অৱাবা থেংনবা ঙম্বা অমসুং তুংকোইনা চৎনগদবা তুংলমচৎকীদমক দিজাস্তর রিক্স রিদক্সন্দা শেন থাদবা হেনগৎহনবদা লৈবাকশিংগী থৌদাংশিং’ হায়বা হিরম অসি খন্নবা সেন্দাই ফ্রেমৱার্ক ফোর দিজাস্তর রিক্স রিদক্সন(এস এফ দি আর আর)২০১৫-২০৩০ মিদতার্ম রিভিয়ুগী অৱাংবা থাক্কী মীফম মনুংদা ঙসি ভারতকী নেসনেল দিজাস্তর মেনেজমেন্ত ওথোরিতি(এন দি এম এ) অমসুং জপান কোওপরেসন এজেন্সি(জিকা)না শীন্দুনা ঙসি য়ুনাইতেদ নেসন্স হেদক্বাতরসদা রিক্স রিদক্সন হব থৌরম অমা পাংথোকখ্রে। এস.দি.জিশিং ফংনবা অমসুং অইং-অশাগী ফিবম হোংলকপগা মরী লৈনবা অমাংবশিং হন্থহন্নবা অমসুং অৱা-অনা মায়োক্নবা ঙম্বা খুন্নাই অমা শেমগৎনবা দরকার ওইবশিং ফংবা ঙম্নবা দিজাস্তর রিক্স রিদক্সনগী থবকশিংদা সরকারশিংনা শেন থাদবা হেনগৎহন্নবা পান্দমদা থৌরম অসি শীনবনি। অৱা-অনা থেংনবা ঙম্বা অমসুং তুংকোইনা চৎনবা য়াগদবা খুন্নাই অমা শেমগৎনবা হৌজিক থেংনরিবা খুদোংথিবশিং হন্থহন্নবা অমসুং তুংগী খুদোংথিবশিং ঙাকথোক্নবা লৈবাক অমমমগী থৌদাংশিং লেপথোক্নবা থৌরম অসি পাংথোকপনি।

ভারতকী মীহুৎকাংবু অদু প্রধান মন্ত্রীগী প্রিন্সিপাল সেক্রেতরি দোক্তর পি.কে মিশ্রানা লুচিংখি। মহাক্কী ৱারোলদা দোক্তর মিশ্রানা হায়খি জি-২০ অমসুং জি-৭ অনিমক্না হিরম অসি মরুওইনা লৌবা মরম্না মালেমগী ওইবা থৌশিল শেম্বা মতমদা দিজাস্তর রিক্স রিদক্সনগী ৱাফম অসি মরুওইনা লৌরে। অৱা-অনা তারকপা মতমদা মাঙজৌন্না চেকশিনৱা পীবগী থবকশিং মপাঙ্গল কনখৎহন্নবা লৈঙাক্কী অকক্নবা থৌদাং অসি দরকার ওই অমসুং থোং মান্নবা লম্বী অমদা দিজাস্তর রিক্স রিদক্সনগী দরকার ওইবশিং অপুনবা ওইনা ফংহন্নবা শেন-থুমগী ফিবম অমা শেমগৎপা দরকার ওইরে। হিরম অসিদা শেন-থুমগা মরী লৈনবা ৱাফমশিং খন্নবা মথং চয়োলদা অনিশুবা ওইনা জি-২০ ৱার্কিং গ্রুপ মীফম পাংথোক্কনি।

ভারতনা জি-২০গী প্রসিদেন্দ ওইরিঙৈ মনুংদা, ৱার্কিং গ্রুপ ওন দি.আর.আর(দি আর আর দব্লিউ জি)না মরুওইবা হিরম মঙা পুখৎলে, হিরমশিং অদুদি হায়দ্রো-মেতিওরোলোজিকেল দিজাস্তর খুদিংমক মাঙজৌন্না চেকশিনৱা পীনবা থবকশিং মালেম শীনবা থুংনা ফংহনবা, দিজাস্তর অমসুং ক্লাইমেতগী অমাং-অতাশিং থেংনবা ঙম্বা ইনফ্রাস্ত্রকচরশিং হেনগৎহনবা, দিজাস্তর রিক্স রিদক্সনগী জাতি থাক্কী শেন-থুমগী ঙাক্লৌ মপাঙ্গল কনখৎহনবা, জাতি অমসুং মালেম থাক্কী  দিজাস্তর রেন্সপোন্স সিস্তেম মপাঙ্গল কনখৎহনবা অমসুং অকোয়গী ফিবমদা য়ুম্ফম ওইবা থৌরাংশিং পায়খৎপা হেনগৎহনবা। গ্লোবেল সাউথ য়াওনা জি-৭ অমসুং জি-২০গী লুচিংবশিংনা দিজাস্তর হন্থহন্নবা থবকশিং অথুবা মতমদা পায়খৎপা দরকার ওইরে হায়বা মীফম অদুদা খন্নখি।

অমাং-অতা থোকপা হন্থহন্নবা মেম্বর লৈবাকশিংনা মতেং পাংন্নবা তকশিনখি অমসুং দিজাস্তর রিক্স রিদক্সনগী লৈঙাক হেনগৎহন্নবা ৱাফমশিং খন্নখি। ভারতনা জি-২০গী প্রসিদেন্দ ওইরিঙৈ মনুংদা, সের্পা ত্রেক্কী মখাদা দিজাস্তর রিক্স রিদক্সনগী ৱার্কিং গ্রুপ অমা লিংখৎতুনা এস.এফ.দি.আর.আর অমসুং এস.দি.জিগী পান্দমশিং ফংনবা মেম্বর লৈবাকশিং মতেং পাংন্নবা মরুওইবা খোঙথাং অমা থাংজিল্লে। থৌরম অদুদা য়ুনাইতেদ নেসন্সতা ভারতকী লেংদ্রবা মীহুৎ এম্বেসেদর রুচিরা কমবোজ অমসুং ভারত দেলিগেসনগী মীহুৎশিং থৌরম অদুদা শরুক য়াখি।

****