U Myntri Sorkar Pdeng ba dei khmih ia ka Tnat Information and Broadcasting u Anurag Thakur mynta ka sngi u la kyntu ia ki ophisar jong ka Tnat Information and Broadcasting kynthup ia ki media unit jong ka bad ki ophisar jong ka Indian Information Service (IIS) ban peit ia ki lad ba thymmai ha ka jingiakren bad ki briew bad ban wanrah ia ki teknoloji ba thymmai ha kata ka kam. U Myntri u la ai jingkren ha ka jingialang ha ka jingplie ia ka ‘Chintan Shivir’, ka jingialang halor ka phang ‘Citizen Centric Communication as a Tool for Good Governance' kaba la pynlong mynta ka sngi ha New Delhi. Da kaba maham ia ki nongiashim bynta ba kynthup ki heh ophisar jong ka Tnat Information and Broadcasting na kylleng ka ri, u Thakur u la ong ba ka jinglong ka media ka la kylla sted bha bad kumjuh ruh ka jinglong jong ki briew kiba ioh ia ka jingtip. Ha kaba iadei bad kane, u la bynrap ba donkam ban pdiang ia ki rukom sam jingtip jong ngi ban pyniahap bad ki jingdonkam jong kane ka juk mynta.

Ka Indian Information Service kalong ka bynta kaba kongsan jong ka Sorkar, u Myntri u la ong, bad bynrap ba kane ka Chintan Shivir ka la plie ki lad ba kham pher ia ki ophisar ban iatreilang, ban peit bniah dalade bad ban pynbeit ia ka kam ha ka por ha ka Tnat Information and Broadcasting. U la pynshlur ia ki ophisar ban trei na ka bynta ban wanrah jingjop lyngba ka jingpyndonkam bha ia ki jingdon jingem, ka jingiatreilang ban iasam jingtip bad ban iatreilang kum kawei ka kynhun.

U Myntri u la kyntu ia ki nongiashim bynta ban buh por ialade bad ban peit bad pynthymmai ia ki kam ba kongsan jong ka tnat bad ruh ki kam ba kongsan jong ki kynhun jong ki. Haba kren shaphang ka jingialam jong u Karmayogi Myntri Rangbah duh u Narendra Modi, u Myntri u la bthah ia ki Ophisar ban peit bniah na ka por sha ka por la ki lah ban ai kaba bha tam jong ki sha ka ri. 

U Myntri u la pynshai ia ki mat ba kongsan na ka bynta ka thong jong ki jingiakren na ka bynta ka Tnat bad ong ba kum ka sorkar kaba phaikhmat sha ka bha ka miat jong kiba kham duna ka ioh ka kot, kumta ruh kadei ban long ka mantra jong ka Antyodaya ban ialam lynti ia ki kam jong ki ophisar. U la ong ba bun ki briew ka India kim ioh jingtip na ki media, bad kim ioh ia ki TV ne ki kotkhubor. Kadei ka jingbah khlieh jong ki Ophisar ba don ha ka kam ban poi sha kata ka bynta jong ka imlang sahlang.

Hashuwa kane, u Secretary, Information and Broadcasting u la kren shaphang ka phang jong ka Shivir ba la phiah ha ki san bynta bad ong ba baroh ki phang kilong kiba kongsan bad la phiah ia ki ophisar sha ki kynhun ha kaba yn don ka jingiaphylliew jingmut ha ka por mynsngi bad wanrah ia ki jingthmu jong ki ha kaba kut. Ki san tylli ki phang jong ka jingiakren kilong

• Ka Participatory Communication with Citizens - Jan Bhagidari
• Ka jingpdiang ia ki Teknoloji ba thymmai ha ki kam ai jingtip ban pyniar ia ka jinglah treikam.
• Ka jingwanrah ia ka Quick Response Mechanism ban weng ia ka jingai jingtip ba bakla
• Ka Targeted Outreach lyngba ka Regional Communication
• Ka jingpynkhlain ia ka Public Service Broadcasting

Ka Chintan Shivir kaba la neh baroh shi sngi kadei kaba la pynlong ha National Media Center ha New Delhi ban iaphylliew jingmut halor ki mat ba kongsan ba iadei bad ka jingiakren Sorkar bad ban pynkhreh ia ka Action Plan bad Roadmap ban ialam lynti ia kine ki kam  jong ka Sorkar India.