প্রধানমন্ত্রীগী লোইশঙ
রোজগার মেলাগী মখাদা, মে ১৬দা প্রধান মন্ত্রীনা সরকারগী দিপার্তমেন্তশিং অমসুং ওর্গনাইজেসনশিংদা নৌনা থবক হাপ্লবা মীওইশিংদা এপোইন্তমেন্ত লেত্তর ৭১,০০০ য়েন্থোক্কনি
Posted On:
15 MAY 2023 11:41AM by PIB Imphal
মে ১৬,২০২৩গী অয়ুক পুং ১০:৩০ তাবদা ভিদিও কনফরেন্সকী খুৎথাংদা প্রধান মন্ত্রী শ্রী নরেন্দ্র মোদীনা সরকারগী দিপার্তমেন্তশিং অমসুং ওর্গনাইজেসনশিংদা নৌনা থবক হাপ্লবা মীওইশিংদা এপোইন্তমেন্ত লেত্তর ৭১,০০০ য়েন্থোক্কনি।থৌরম অদুদা প্রধান মন্ত্রীনা থবক ফংলবা মীওইশিংদা ৱা ঙাংগনি।
লৈবাক্কী তোঙান-তোঙানবা মফম ৪৫দা রোজগার মেলাশিং পাংথোক্কনি। কেন্দ্র সরকারগী দিপার্তমেন্তশিং অমসুং রাজ্য সরকার/য়ু.তি সরকারশিংগী দিপার্তমেন্তশিংদা থবক হাপ্লবশিং থৌরম অসিদা এপোইন্তমেন্ত লেত্তরশিং য়েন্থোক্কনি। লৈবাক্কী তোঙান-তোঙানবা মফমশিংদগী খনগৎলবা নৌবা থবক হাপ্লবশিং অদু গ্রামিন দাগ সেবকশিং, ইন্সপেক্তর ওফ পোস্ত, কম্মর্সিএল-কম-তিক্কেত ক্লার্ক, জুনিয়র দিবিজন ক্লার্ক, সব দিবিজনেল ওফিসার, তেক্স এসিস্তেন্তস, এসিস্তেন্তস ইনফোর্সমেন্ত ওফিসার, এসিস্তেন্ত ওদিৎ ওফিসারস, দিবিজনেল একাউন্তেন্ত, ওদিতর, কন্সতেবল, হেদ কন্সতেবল, এসিস্তেন্ত কমামন্দেন্ত, প্রিন্সিপাল, ত্রেন গ্রেজুয়েত তিচর, এসিস্তেন্ত রেজিস্তার, এসিস্তেন্ত প্রোফেসার য়াওরি।
রোজগার মেলা অসি থবক ফংহন্নবা প্রধান মন্ত্রীগী পান্দম মপুংফাহন্নবা মাইকৈদা থাংজিনবা খোঙথাং অমনি। রোজগার মেলা অসি মখা তানা থবক ফংহন্নবা মচাক অমা ওইনা থবক তৌগনি হায়বগী থাজবা থম্লি অমসুং নহারোলশিংদা শক্তি পীনবা অমসুং লৈবাক্কী চাউখৎ-থৌরাংদা মখোয় শরুক য়ানবা ৱাহন্থোক লৈবা খুদোংচাবা অমা পীগনি।
নৌনা থবক হাপ্লবশিং কর্মায়োগি প্রারাম্ভগী খুৎথাংদা মখোয় মশামক ত্রেনিং তৌনবগী খুদোংচাবা অমা ফংগনি অমসুং তোঙান-তোঙানবা সরকারগী দিপার্তমেন্তশিংদা নৌনা থবক হাপ্লবশিং ওনলাইন ওরিয়েন্তেসন কোর্স পাংথোক্কনি।
**********
(Release ID: 1924472)
Visitor Counter : 113
Read this release in:
English
,
Urdu
,
Marathi
,
Hindi
,
Nepali
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam