প্রধানমন্ত্রীগী লোইশঙ
পি.এম.না সিলচর অমসুং অকোইবদা লৈরিবা মফমশিংদা ‘ইজ ওফ লিবিং’বু মখাতানা খুমাং চাউশিনহল্লিবা চাউখৎ-থৌরাংগী থবকশিং অদুদা নুংঙাইবা ফোংদোকপা
Posted On:
03 APR 2023 9:55AM by PIB Imphal
প্রধান মন্ত্রী, শ্রী নরেন্দ্র মোদীনা সিলচর অমসুং অকোইবদা লৈরিবা মফমশিংদা ‘ইজ ওফ লিবিং’বু মখাতানা খুমাং চাউশিনহল্লিবা চাউখৎ-থৌরাংগী থবকশিং অদুদা নুংঙাইবা ফোংদোকখি।
ত্বীত থ্রেদ অমদা, মেম্বর ওফ পার্লিয়ামেন্ত, দা. রাজদীপ রোইনা সিলচরগী ৱিকাস য়াত্রাগী মতাংদা খঙহল্লকখি। মহাক্না খঙহল্লকখি মদুদি মহৈ-মশিং তম্বীবা, লু-নানবা, হেল্থকিয়র, ৱাতর সপ্লাই, অকোইবদা লৈরিবা মহৌশাগী ফিভম, ত্রান্সপোর্তেশন, অহোংবা মমলদা লৈননবা য়ুম-কৈ ফংহনবা, অশোই-অঙাম য়াওদনবা চেকশিন থৌরাং অমসুং পব্লিক সর্বিসশিং, পুন্সি মহিং হিংবগী ফিভমশিং অদু লমদম অসিগী শেন্মিৎলোন চাউখৎলকপগা লোইন-লোইননা য়াম্না ফগৎলকখ্রে। মহাক্না সি.জি.ঐচ.এস. ৱেলনেস সেন্তর, প্রধান মন্ত্রি গ্রাম সরক য়োজনা (পি.এম.জি.এস.ৱাই.), প্রধান মন্ত্রী আৱাজ য়োজনা গ্রামিন (পি.এম.এ.ৱাই.- জি.) অমসুং সিলচর অমসুং অকোইবদা লৈরিবা মফমশিংগী প্রজা মীয়ামগী পুন্সিদা মখাতানা য়াম্না কোম্না হিংবা ঙমহল্লিবা অতোপ্পা চাউখৎ-থৌরাংগী অনৌবা থৌরাংশিং অদুগী মতাংদসু পন্দুনা হায়খি।
মেম্বর ওফ পার্লিয়ামেন্ত অদুগী ত্বীত থ্রেদশিং অদুগী পাউখুম ওইনা, প্রধান মন্ত্রী অসুম্না ত্বীত তৌখি;
“চাউখৎ-থৌরাংগী মহৈশিং অদুনা সিলচর অমসুং অকোইবদা লৈরিবা মফমশিংদা ‘ইজ ওফ লিবিং’বু মখাতানা খুমাং চাউশিনহল্লে হায়বসি তাবদা য়াম্না নুংঙাইরে।”
***
(Release ID: 1913204)
Visitor Counter : 144
Read this release in:
Bengali
,
English
,
Urdu
,
Hindi
,
Marathi
,
Assamese
,
Punjabi
,
Gujarati
,
Odia
,
Tamil
,
Telugu
,
Malayalam