প্রধান মন্ত্রী শ্রী নরেন্দ্র মোদীনা ফেব্রুৱারী ১০দা উত্তর প্রদেশ অমসুং মহারাস্ত্রদা চৎকনি। অয়ুক পুং ১০রোম তারকপদা প্রধান মন্ত্রীনা লখনৌদা চৎকনি মফম অসিদা মহাক্কী উত্তর প্রদেশ গ্লোবেল ইনভেস্তর্স সম্মিৎ ২০২৩ হৌদোক্কনি। নুমিৎ য়ুংবা মতুং পুং ২:৪৫ তাবা মতমদা মহাক্না মুম্বাইগী ছত্রপতি শিবাজী মহারাজ তর্মিনেলদগী ভন্দে ভারত ত্রেন অনি লমথাগনি। মহাক্না জাতিদা লম্বীগী প্রোজেক্ত অনিসু কত্থোক্কনি – সেন্তাক্রুজ চেম্বুর লিঙ্ক রোদ অমসুং কুরর অন্দরপাস প্রোজেক্ত। মসিগী মতুংদা নুমিদাং ৱাইরম পুং ৪:৩০ রোম তারকপদা মহাক্না মুম্বাইদা অলজামিয়া-তুস-সৈফিয়াগী অনৌবা কেম্পস শঙ্গাগনি।

লখনৌদা পি.এম.

প্রধান মন্ত্রীনা উত্তর প্রদেশ গ্লোবেল ইনভেস্তর্স সম্মিৎ ২০২৩ শঙ্গাগনি। মহাক্না গ্লোবেল ত্রেদ শোসু হৌদোক্কনি অমসুং ইনভেস্ত য়ু.পি. ২.০. লোঞ্চ তৌগনি।

উত্তর প্রদেশ গ্লোবেল ইনভেস্তর্স সম্মিৎ ২০২৩ অসি ফেব্রুৱারী ১০-১২দা পাঙথোক্কনি। মসি উত্তর প্রদেশ সরকারগী ফ্লেগশিপ ইনভেস্তমেন্ত সম্মিৎনি। মসিনা মালেম শিনবা থুংবদা লৈরিবা পোলিসি মেকরশিং, ইন্দস্ত্রীগী লুচিংবশিং, একাদেমিয়া, থিঙ্ক-তেঙ্কশিং অমসুং লুচিংবশিংবু বিজিনেসকী খুদোংচাবশিং পুন্না থীদোক্নবা অমসুং পার্তনরশিপশিং তৌনবা পুনশিনগনি।

ইনভেস্তর য়ু.পি. ২.০ অসি ‌ইনভেস্তরশিংদা মরী লৈনবা, নীংথিনা লেপথোক্লবা, স্তেন্দর্দাইজ সর্ভিসশিং ফংহন্নবা হোৎনরিবা পুম্নমক শুনা য়াওবা, ইনভেস্তরদা মীৎয়েং থম্বা অমসুং সর্ভিস্তা য়ুম্ফম ওইবা উত্তর প্রদেশকী ইনভেস্তমেন্ত ইকোসিস্তেম অমনি।

মুম্বাইদা পি.এম.

মুম্বাই-সোলাপুর ভন্দে ভারত ত্রেন অমসুং মুম্বাই-সাইনগর শির্দি ভন্দে ভারত ত্রেন অসি মুম্বাইগী ছত্রপতি শিবাজী মহারাজ তর্মিনসতা প্রধান মন্ত্রীনা লমথাগদবা ত্রেন অনি অদুনি। মসিনা অনৌবা ভারতকীদমক হেন্না ফবা, ইফিসিএন্ত ওইবা অমসুং পেসেঞ্জর ফ্রেন্দলী ত্রান্সপোর্ত ইনফ্রাস্ত্রকচর শেমগৎনবা প্রধান মন্ত্রীগী মঙলান থুংহন্নবা মাইকৈদা মরুওইবা খোঙথাং অমা ওইরগনি।

মুম্বাই-সোলাপুর ভন্দে ভারত ত্রেন অসি লৈবাক্কী ৯শুবা ভন্দে ভারত ত্রেন ওইরগনি। অনৌবা মালেমগী থাক্কী ত্রেন অসিনা মুম্বাই অমসুং সোলাপুরগী মরক্তা কন্নেক্তিবিতী ফগৎহল্লগনি অমসুং সোলাপুরগী সিদ্দেশ্বর, সোলাপুরগী মনাক্তা লৈবা অক্কলকোৎ, তুলজাপুর, পন্ধরপুর অমসুং পুনেগী মনাক্তা লৈবা অলান্দি অসিগুম্বা মরুওইবা তীর্থ য়াত্রাগী মফমশিংদা চৎপদা খুদোংচাহল্লগনি।

মুম্বাই-সাইনগর শির্দি ভন্দে ভারত ত্রেন অসি লৈবাক্কী ১০শুবা ভন্দে ভারত ত্রেন ওইরগনি। মসিনা নাশিক, ত্রিমবাকেশ্বর, সাইনগর, শির্দি, শানি সিঙ্গানাপুরগুম্বা মহারাস্ত্রগী মরুওইবা তীর্থ য়াত্রাগী মফমশিংদা কন্নেক্তিবিতী ফগৎহল্লগনি।

মুম্বাইদা লম্বীগী ত্রাফিক চিনবা হন্থহন্নবা অমসুং গারীশিং চত্থোক-চৎশিন তৌবদা স্ত্রীমলাইন তৌনবা প্রধান মন্ত্রীনা সেন্তাক্রুজ চেম্বুর লিঙ্ক রোদ (এস.সি.এল.আর.) অমসুং কুরর অন্দরপাস কত্থোক্কনি। কুরলাদগী ভাকোলা ফাওবগী নৌনা শাবা ইলিভেতেদ কোরিদোর অমসুং এম.তি.এন.এল. জঙ্কসন, বি.কে.সি.দগী কুরলাগী এল.বি.এস. ফ্লাইওভরনা সহর অসিদা নোংপোক নোংচুপকী মথৌ তাবা কন্নেক্তিবিতী ফগৎহল্লগনি। মশাশিং অসিনা ৱেস্তর্ন এক্সপ্রেস হায়ৱেগা ইস্তর্ন এক্সপ্রেস হায়ৱে শম্নহন্দুনা ইস্তর্ন অমসুং ৱেস্তর্ন সবঅর্বশিং নীংথিনা শম্নহল্লি। কুরর অন্দরপাস অসি ৱেস্তর্ন এক্সপ্রেস হায়ৱে (দবল্যু.ই.ঐচ.)দা ত্রাফিক হন্থহনবদা অচৌবা থৌদাং লৌরি অমসুং দবল্যু.ই.ঐচ.কী মালাদ অমসুং কুরর মাইকৈ শম্নহল্লি। মসিনা মীয়াম্না লম্বী লাইনা লান্থোকপা য়াহনগনি অমসুং গারীশিংনা দবল্যু.ই.ঐচ.তা অচিনবা ত্রাফিক্তা পন্দনা চৎপা য়াহল্লগনি।

প্রধান মন্ত্রীনা মুম্বাইগী মারোলদা অলজামিয়া-তুস-সৈফিয়া (সৈদি একাদেমী)গী অনৌবা কেম্পস শঙ্গাগনি। অলজামিয়া-তুস-সৈফিয়া অসি দাৱাদি বোহরা কম্ম্যুনিতগী মরুওইবা এজুকেস্নেল ইন্সতিত্যুত অমনি। হিস হোলিনেস স্যেদনা মুফাদ্দল সৈফুদ্দিনগী লমজিং মখাদা ইন্সতিত্যুত অসিনা কম্ম্যুনিতী অসিগী লর্নিং ত্রেদিসন অমসুং লিতরেসী কলচর ঙাকশেন্নবা থবক তৌরি।

***