ফাইনান্স অমসুং কোর্পোরেত এফিয়র্সকী কেন্দ্র মন্ত্রী, শ্রীমতি নির্মলা সিতারামন্না ঙসি পার্লিয়ামেন্ততা কেন্দ্রগী বজেত ২০২৩-২৪ লান্থোকখ্রে। বজেত অসিগী শম্লপ্পা ৱারোলশিং মখাদা পীরিঃ

পার্ত এ.

• চাউরাকপা চহি মাপনগী মনুংদা পর কেপিতা ইনকম্না শরুক অনি হেন্দুনা লুপা লাখ ১.৯৭ য়ৌরে।
• মমাংগী চহি মাপনসিদা ভারতকী শেন্মিৎলোনগী পাক চাউবা হেনগত্তুনা মালেমগী ১০শুবদগী ৫শুবদা লৈরে।
• ই.পি.এফ.ও. মেম্বরশিপ মশিংনা শরুক অনি হেনগত্তুনা করোর ২৭ য়ৌরে।
• ইং ২০২২দা লুপা করোর লাখ ১২৬গী শেনফমগী দিজিতেল পেমেন্ত ত্রাঞ্জেক্সন করোর ৭৪০০ য়ু.পি.আই.দা পাংথোকখি।
• স্বছ ভারত মিসনগী মখাদা ইমুং-মনুংগী অমাংশঙ করোর ১১.৭ শাখি।
• উজ্বালাগী মখাদা এল.পি.জি. জন্নেক্সন করোর ৯.৬ পীখি।
• মীওই করোর ১০২দা কোবিদ ভেক্সিন করোর ২২০ কাপখি।
• পি.এম. জন ধন বেঙ্ক একাউন্ত করোর ৪৭.৮।
• পি.এম. সুরক্ষা বিমা অমসুং পি.এম. জীবন জ্যোতী য়োজনাগী মখাদা মীওই করোর ৪৪.৬তা ইন্স্যুরেন্স কবর পীখি।
• পি.এম. কিসান সম্মান নিধীগী মখাদা লৌমী করোর ১১.৪ হেনবগী মফমদা লুপা করোর লাখ ২.২ পীথখি।
• “সপ্তারিশী”, বজেত অসিনা অহেনবা মিৎয়েং চঙলিবা ৱাফম তরেত অসিদি ইনক্লুসিব দিভেলপমেন্ত, লাস্ত মাইল য়ৌবা, ইনফ্রাস্ত্রকচর অমসুং ইনভেস্তমেন্ত, তৌবা ঙম্বগী মতিক ফুদোকপা, প্রীন গ্রোথ, নহাশিংগী পাঙ্গল অমসুং ফাইনেন্সিএল সেক্তরনি।

• লুপা করোর ২২০০ কাইথগদবা আত্মানির্ভর ক্লীন প্লান্ত প্রোগ্রাম অমা ভেল্যু ৱাংবা হোর্তিকলচর লৌরোক ফংহন্নবগীদমক্তা লাইনা লৈতবা, ক্বালিতী লৈবা প্লান্তিং মেতরিএল ফংবা হেনগৎহন্নবা হৌদোক্লগনি।
• ইং ২০১৪গী মতুংদা হান্নদগী লৈরক্লবা মেদিকেল কোলেজ ১৫৭তা পুন্সিনবা অনৌবা নর্সিং কোলেজ ১৫৭ লিংখৎকনি।

· এক্লাব্যা মোদেল রেসিদেন্সিএল স্কুল ৭৪০গীদমক্তা কেন্দ্রনা ওজা অমসুং সপ্পোর্ত স্তাফ ৩৮,৮০০ লৌগনি অমসুং মথংগী চহি ৩০সিদা ত্রাইবেল মহৈরোই লাখ .৩.৫দা তেংবাংগনি।

· পি.এম. অ ৱস য়োজনাগীদমক্তা থাদবা শেনফম্বু ৬৬% হেনগত্তুনা লুপা করোর ৭৯,০০০ য়ৌহনখ্রে।

· খ্বাইদগী চাউনা শেল কাইথোকপা অমসুং ইং ২০১৩-১৪দা কাইথোকখিবা শেনফমগী চাউরাকপা শরুক মাপন ওইদুনা রেলৱেজতা লুপা করোর লাখ ২.৪০গী কেপিতেল পীখ্রে।

· অর্বান ইনফ্রাস্ত্রকচর দিভেলপমেন্ত ফন্দ (য়ু.আই.দি.এফ.) অসি প্রাওরিতী সেক্তর লেন্দিং শোর্তফোল শিজিন্নদুনা লিংখৎকনি, অমসুং নেস্নেল হাউজিং বেঙ্কনা শেন্নগনি, অমসুং তাইয়র ২ অমসুং ৩গী শহরশিংদা অর্বান ইনফ্রাস্ত্রকচর শেম্নবগীদমক্তা পব্লিক এজেন্সীশিংনা শিজিন্নগনি।

• এম.এস.এম.ই., অচৌবা কারবার অমসুং চেরিতেবল ত্রস্তশিংনা দোক্যুমেন্তশিংবু ওনলাইন্দা সেক্যুর ওইনা থম্বা অমসুং শেয়র তৌদুনা শিজিন্নবা য়ানবগীদমক্তা এন্তাইতী দিজিলোক্কর শেম্লগনি।
• অনৌবা খুদোংচাবা লৌবা, ব্যুজিনেস মোদেল অমসুং ইমপ্লোয়মেন্ত পোতেন্সিএল কয়া থবক্তা ওন্থোকপা য়াহন্নবা ৫জি. সর্ভিস্তা য়ুম্ফম ওইবা এপ্লিকেসন শানবগীদমক্তা লেব ১০০ লিংখৎকনি।

· লুপা করোর ১০,০০০গী অপুনবা শেনফম ইনভেস্ত তৌদুনা সর্ক্যুলর ইকোনোমী খুমাং চাউশিলহন্নবগীদমক্তা ‘ৱেস্ত তু ৱেল্থ’কী অনৌবা প্লান্ত ৫০০বু গোবরধন (গেল্বানাইজিং ওর্গানিক বাইও-এগ্রো রিসোর্স ধন) স্কিমগী মখাদা লিংখৎকনি। নেচরেল অমসুং বাইও গ্যাস মার্কেতিং তৌনবগীদমক্তা লুপ খুদিংগী ৫% কম্প্রেস বাইওগ্যাসকী মেন্দেত হৌদোক্লগনি।

· মথংগী চহি অহুমগী মনুংদা লৌমী করোর অমবু নেচরেল ফার্মিং তৌহন্নবগীদমক্তা কেন্দ্রনা তেংবাংগনি। মসিগীদমক্তা, বাইও-ইনপুত রিসোর্স সেন্তর ১০,০০০ লিংখত্তুনা নেস্নেল লেবেল দিস্ত্রিব্যুতেদ মাইক্রো-ফর্তিলাইজর অমসুং পেস্তিসাইদ মেন্যুফেকচরিং নেতৱর্ক শেমগনি।

· কোদিং, এ.আই., রোবোতিক্স, মেকাত্রোনিক্স, আই.ও.তি., ৩দি. প্রিন্তিং, দ্রোন অমসুং সোফ স্কিলগুম্বা ইন্দস্ত্রী ৪.০গী অনৌবা য়ুগকী কোর্স তম্বীদুনা মথংগী চহি ওহুমদা নহা লাখ কয়াদা স্কিল পীনবগীদমক্তা প্রধান মন্ত্রী কৌশল বিকাস য়োজনা ৪.০ হৌদোক্লগনি।

· নহাশিংবু মালেমগী থাক্কী খুদোংচাবা কয়া ফংহন্নবা স্কিল লৈহন্নবগীদমক্তা তোঙানবা রাজ্যশিংদা স্কিল ইন্দিয়া ইন্তর্নেস্নেল সেন্তর ৩০ লিংখৎকনি।

· লুপা করোর ৯০০০বু কোর্পস্তা হাপচিনবগী খুত্থাংদা এম.এস.এম.ই.গী শেমদোক্লবা ক্রেদিত গেরেন্তী স্কিম অসি এপ্রিল ১, ২০২৩দগী চৎনবা হৌরগনি। স্কিম অসিনা লুপা করোর লাখ ২গী এদিস্নেল কোলেতরেল-ফ্রী গেরেন্তীদ ক্রেদিত লৌবা য়াহনগনি অমসুং ক্রেদিতকী কোস্তপু চাউরাক্না ১%গী চাংদা হন্থহনগনি।

· কম্পেনিজ এক্তকী মখাদা ফিল্দ ওফিসশিংদা মেনবা তোঙানবা ফোর্মশিং সেন্ত্রেলাইজ ওইবা মওংদা শেন্নদুনা কম্পেনীশিংদা হেন্না য়াঙবা রেস্পোন্স পীবা ঙম্নবগীদমক্তা সেন্ত্রেল প্রোসেসিং সেন্তর লিংখৎলগনি।

· সেনিয়র সিতিজন সেবিং স্কিমগী মেক্সিমম দিপোজিত লিমিত অসিসু লুপা লাখ ১৫দগী লুপা লাখ ৩০দা হেনগৎলগনি।

· ইং ২০২৫-২৬ ফাওবদা তার্গেতেদ দিস্কেল দেফিসিত অসি ৪.৫%গী মখাদা লৈরগনি।

• নহা ওইবা ওন্তোপ্রিনরশিংগী এগ্রি-স্তার্তঅপশিংবু খুঙ্গংগী মফমশিংদা পুক্নিং থৌগৎনবগীদমক্তা এগ্রিকলচর এক্সেলেরেতর ফন্দ শেম্লগনি।
• ভারতপু ‘শ্রী অন্না’গী গ্লোবেল হব অমা ওইহন্নবগীদমক্তা ইন্দিয়ন ইন্সতিত্যুত ওফ মিল্লেত রিসর্চ, হাইদ্রবাদপু খ্বাইদগী ফবা থৌওং, রিসর্চ অমসুং তেক্নোলোজীশিংবু মালেমগী থাক্তা শেয়র তৌননবগীদমক্তা সেন্তর ওফ এক্সলেন্স অমা ওইনা শৌগৎলগনি।
• এনিমেল হসবেন্দরী, দাইরী অমসুং ফিশরীজকী লুপা করোর লাখ ২০গী এক্রিকলচরেল ক্রেদিতকী পান্দম থম্লে।
• পি.এম. মতস্যা সম্পদা য়োজনাগী অনৌবা সব-স্কিম অমা ঙামী, ঙা য়োনবা অমসুং মাইক্রো অমদি অপীকপা ইন্তর্প্রাইসশিংগী থবক খুমাং চাউশিলহন্নবা অমসুং মার্কেত চাউথোকহন্নবগীদমক্তা লুপা করোর ৬০০০কী তার্গেতেদ ইনভেস্তমেন্তকা লোয়ননা হৌদোক্লগনি।
• ইনক্লুসিব ওইদুনা লৌমীশিংদা অহেনবা মিৎয়েং চঙদুনা পুরকপা ৱারোইশিন লৈহন্নবা অমসুং এগ্রি-তেক ইন্দস্ত্রী অমসুং স্তার্তঅপশিংনা শাহৌ লৌবদা তেংবাংনবগীদমক্তা দিজিতেল পব্লিক ইনফ্রাস্ত্রকচর ফোর এগ্রিকলচর অসিবু ওপন সোর্স, ওপন স্তেন্দর্দ অমসুং ইন্তর ওপরেবল পব্লিক গুদ ওইনা শারগনি।
• লুপা করোর ২৫১৬কী ইনভেস্তমেন্ত তৌদুনা প্রাইমারী এগ্রিকলচর ক্রেদিত সোসাইতী (পি.এ.সি.এস.) ৬৩০০০ কম্প্যুতরাইজেসন তৌবা হৌরে।
• লৌমীশিংনা মখোয়গী পোত্থোক থম্বদা তেংবাংবা অমসুং মতাং চাবা মতমদা য়োন্দুনা ফংফম থোকপা মমল ফংহন্নবগীদমক্তা চাউরবা দিসেন্ত্রেলাইজ স্তোরেজ কেপাসিতী শেম্লগনি।
• সিক্কল সেল এনেমিয়া ইলিমিনেসন মিসন হৌদোক্লগনি।
• রিসর্চ অমসুং ইন্নোভেসন তেংবাংনদুনা পাংথোকপগী থৌওং পুক্নিং থৌগৎনবগীদমক্তা খনগৎলবা আই.সি.এম.আর. লেবকী খুত্থাংদা জোইন্ত পব্লিক অসুং প্রাইভেত মেদিকেল রিসর্চ পুক্নিং থৌগৎলগনি।
• ফার্মাস্যুতিকেল্সতা রিসর্চ তৌবা পুক্নিং থৌগৎনবা অনৌবা প্রোগ্রাম হৌদোকখ্রে।

· শাহৌ লৌবা ঙম্বগী মতিক অমসুং থবক পীবা, ক্রাউদ ইন প্রাইভেত ইনভেস্তমেন্ত হেনগৎহনবা অমসুং গ্লোবেল হেদৱিন্দ লাকপদা তেংবাংবা ঙম্নবগীদমক্তা চহি অহুম থংন-থংননা ৩৩%গী চাংদা হেনগৎপা লুপা করোর লাখ ১০গী কেপিতেল ইনভেস্তমেন্ত।

· হকশেল, ন্যুত্রিসন, এজুকেসন, এগ্রিকলচর, ৱাতর রিসোর্স, ফাইনেন্সিএল ইনক্লুজন, স্কিল দিভেলপমেন্ত অমসুং বেসিক ইনফ্রাস্ত্রকচরগুম্বা তোঙানবা দোমেনশিংগী তঙাই ফদবা গবর্নমেন্ত সর্ভিসশিং সেচ্যুরেসন তৌনবগীদমক্তা ব্লোক ৫০০ কোনবা এস্পিরেস্নেল ব্লোক প্রোগ্রাম হৌদোকখ্রে।

· সেদ্যুল ত্রাইবশিংগী দিভেলপমেন্ত এক্সন প্লানগী মখাদা মথংগী চহি অহুমদা প্রধান মন্ত্রী পি.ভি.তি.জি. দিভেলপমেন্ত মিসন পায়খৎনবগীদমক্তা লুপা করোর ১৫,০০০।

· ক্রিতিকেল ত্রান্সপোর্ত ইনফ্রাস্ত্রকচর প্রোজেক্ত ১০০, হিথাংফমশিংগী লাস্ত অমসুং ফর্স্ত মাইল কন্নেক্তিবিতী, কোয়লা, স্তীল, হার অমসুং ফুদ গ্রেন সেক্তরগীদমক্তা প্রাইভেত সোর্সতগী লুপা করোর ১৫০০০ য়াওনা লুপা করোর ৭৫,০০০গী ইনভেস্তমেন্ত।

· ইনফ্রাস্ত্রকচরগী লমদা প্রাইভেত ইনভেস্তমেন্ত তৌবগী খুদোংচাবা হেনগৎহন্নবা ন্যু ইনফ্রাস্ত্রকচর ফাইনান্স সেক্রেতরিএত লিংখৎখ্রে।

· তীচর্স ত্রেনিংগী মতিক লৈবা ইন্সতিত্যুত ওফ এক্সলীন্স ওইনা দিস্ত্রিক্ত ইন্সতিত্যুত ওফ এজুকেসন এন্দ ত্রেনিং শেমখ্রে।

· জিওগ্রাফী, লোল, জোনর অমসুং থাক শিনবা থুংবগী ক্বালিতী লৈবা লাইরিক ফংবা হেনগৎহন্নবা অমসুং দিভাইস এগ্নোস্তিক এসেসিবিলিতীগীদমক্তা অঙাং অমসুং ইনখৎলক্লিবা মীওইশিংগী নেস্নেল দিজিতেল লাইব্রেরী লিংখৎকনি।

· তুং কোইনা চৎকদবা মাইক্রো ইরিগেসন পীনবা অমসুং থক্নবা ঈশিংগী সর্ফেস তেঙ্ক থলহন্নবগীদমক্তা লৈরিবা অপ্পর ভদ্রা প্রোজেক্ততা কেন্দ্রগী তেংবাং ওইনা লুপা করোর ৫৩০০ পীরগনি।

· অহানবা থাক্তা অরিবা ইন্সক্রিপ্সন লাখ অয়া দিজিতাইজ তৌদুনা, দিজিতেল ইপিগ্রাফী ম্যুজিয়ম অমদা ‘ভারত শেয়র্দ রিপোজিতরী ইন্সক্রিপ্সন’ লিংখৎকনি।

· কেন্দ্রগী ‘ইফেক্তিব কেপিতেল এক্সপেন্দিচর’ অসি লুপা করোর লাখ ১৩.৭ ওইরগনি।

· ইনফ্রাস্ত্রকচরদা ইনভেস্তমেন্ত তৌবা হেনগৎহন্নবা অমসুং কমপ্লিমেন্তরী পোলিসী এক্সনগীদমক্তা মখোয়দা ইন্সেন্তিবাইজ তৌনবগীদমক্তা রাজ্য সরকারশিংদা শেন্দোই য়াওদনা পীরিবা চহি ৫০গী লোনবু চহি অমগা শাংদোকহনবা।

· অর্বান প্লান্নিং রিফোর্ম অমসুং ঐখোয়গী শহরশিংবু “হয়েংগী সস্তেনেবল শহর”দা ওন্থোক্নবা থবক পায়খৎনবগীদমক্তা রাজ্য অমসুং শহরশিংদা পুক্নিং থৌগৎপা।

· রাজ্য অমসুং শহরশিংবু সেপ্তিক তেঙ্ক অমসুং সিৱরশিংগী মেকানিকেল দিস্লদজিং ১০০%কী চাংদা পাংথোকপা ঙমহন্দুনা মেনহোলদগী মছিন হোল মোদতা ওন্থোকপা।

· সরকারগী থৌমী লাখ কয়াদা মখোয়গী স্কিল অপগ্রেদ তৌহন্নবা অমসুং পীপল সেন্ত্রিক এপ্রোচ লৈহনবদা তেংবাংনবা লেপ্তনা তম্বা য়াবগী খুদোংচাবা পীনবগীদমক্তা ইন্তিগ্রেতেদ ওনলাইন ত্রেনিং প্লেতফোর্ম, আই.জি.ও.তি. কর্ময়োগী হৌদোকখ্রে।

· কারবার তৌবা হেন্না নুংঙাইহন্নবগীদমক্তা কমপ্লাইএন্স ৩৯০০০ হেন্না লৌথোকখ্রে অমসুং লিগেল প্রোবিজন ৩৪০০ হেনববু দিক্রিমিনেলাইজ তৌখ্রে।

· ত্রস্ত-বেজ গবর্নেন্স হেন্না খুমাং চাউশিলহন্নবা সেন্ত্রেল এক্ত ৪২ এমেন্দ তৌনবা জন বিশ্বাস বিল হৌদোকখ্রে।

· “মেক ইন ইন্দিয়া অমসুং মেক এ.আই. ৱর্ক ফোর ইন্দিয়া”গী পান্দম ফংবা ঙম্নবগীদমক্তা মকোক থোংবা এজুকেস্নেল ইন্সতিত্যুসনশিংদা আর্তিফিসিএল ইন্তেল্লিজেন্সকী সেন্তর ওফ এক্সলেন্স অহুম লিংখৎলগনি।

· স্তার্তঅপ অমসুং একাদমিয়াশিংনা ইন্নোভেসন অমসুং রিসর্চ পাক শন্না পাংথোকপা ঙমহন্নবগীদমক্তা নেস্নেল দেতা গবর্নেন্স পোলিসী পুরক্লগনি।

· দিজিলোক্কর সর্ভিস অমসুং আধারবু ফাউন্দেস্নেল আইদেন্তিতী ওইনা শিজিন্নদুনা মীওই অমগী শক্তাক অমসুং লৈফম অপদেসন তৌবা অমসুং রিকন্সাইল তৌবগী ৱান স্তোপ সোল্যুসন শেমলগনি।

· ইজ ওফ দুইং বিজনেস লৈহন্নবগীদমক্তা অখন্নবা সরকারগী এজেন্সীশিংগী দিজিতেল পথাপ খুদিংদা পি.এ.এন.বু কম্মন আইদেন্তিফাইয়র ওইনা শিজিন্নরগনি।

· এম.এস.এম.ই.শিংনা কোবিদকী মতমগী মনুংদা করিগুম্বা কন্ত্রেক্ত লোইশিনবা ঙমদবা থোক্লবদি বিদ তৌবা নত্ত্রগা পর্ফোরমেন্স সেক্যুরিতীগা মরী লৈনবা ফোর্ফিত তৌখ্রবা শেনফমগী ৯৫%বু সরকার নত্ত্রগা সরকারগী অন্দর্তেকিংশিংনা এম.এস.এম.ই.শিংদা হন্দোক্কনি।

· দিভেলপমেন্ত নীদশিংদা চাংয়েংনবা ঙম্নবগীদমক্তা স্কার্স রিসোর্স নিংথিনা য়েন্থোকপা য়ানবগীদমক্তা রিজল্ততা য়ুম্ফম ওইবা ফাইনান্সিং পাংথোক্কনি।

· অচুম্বা ৱায়েল নিংথিনা পীবা ঙমহন্নবগীদমক্তা ই-কোর্ত প্রোজেক্তকী ফেজ ৩ অসি লুপা করোর ৭০০০গী শেনফম কাইথোক্তুনা হৌরগনি।

• লেব গ্রোন দাইমন্দ (এল.জি.দি.) সেক্তরগী আর. অমসুং দি. গ্রান্ত্র অসিনা এল.জি.দি. সীদ অমসুং মছিনগী ইন্দিজিনিয়স প্রদক্সন তৌবা অমদি ইম্পোর্ত দিপেন্দেন্সী হন্থহন্নবা পুক্নিং থৌগৎকনি।
• শেন্মিৎলোনবু লো কার্বন ইন্তেন্সিতীদা ওন্থোকপদা তেংবাংবা অমসুং ফোসিল ফুএল ইম্পোর্ত্তা মখা পোনবা হন্থহন্নবা ইং ২০৩০ ফাওবদা গ্রীন হাইদ্রোজেন মিসনগী মখাদা এম.এম.তি. ৫গী এনুএল প্রদক্সনগী তার্গেত থম্লে।
• ইনর্জী সেক্যুরিতী, ইনর্জী ত্রাঞ্জিসন অমসুং নেত জিরো পান্দমগীদমক্তা লুপা করোর ৩৫০০০ কাইথোকপা।
• শেন্মিৎলোনবু সস্তেনেবল দিভেলপমেন্তকী লম্বীদা পুনবগীদমক্তা হেন্না ফবা ইনর্জী স্তোরেজ সীস্তেম খুমাং চাউশিলহনগনি।
• লদাখতগী রিন্যুএবল ইনর্জী গ্রিদ ইন্তিগ্রেসন অমসুং ইভাক্বেসন তৌনবগীদমক্তা লুপা করোর ২০৭০০ শিজিন্ননবা পীখ্রে।

· মহুত শিনবা য়াবা অতোপ্পা হার শিজিন্নবা অমসুং কেমিকেল ফর্তিলাইজর খল ঙাক্না শিজিন্ননবা রাজ্য অমসুং য়ুনিয়ন তেরিতোরীশিংবু ইন্সেন্তিবাইজ তৌনবা “পি.এম. প্রোগ্রাম ফোর রেস্তোরেসন, এৱিয়র্নেস, নৌরিশমেন্ত অমসুং এমেলিওরেসন ওফ মদর আর্থ” (পি.এম.-প্রনাম) হৌদোক্লগনি।

· এম.জি.এন.আর.ই.জি.এস., কেম্পা ফন্দ অমসুং অতোপ্পা সোর্সশিং পুন্সিন্দুনা সোল্ত পেন মফম অমসুং সমুদ্র তোর্বান্দা মেংগ্রুব থানবগীদমক্তা ‘মেংগ্রুব ইনিসিএতিব ফোর শোর্লাইন হেবিতেত & তেঞ্জিবল ইনকম’ (এম.আই.এস.ঐচ.তি.আই.) পায়খৎলগনি।

· ইনভাইরনমেন্তেল্লী সস্তেনেবল অমসুং রেস্পোন্সিব এক্সনগীদমক্তা অহেনবা রিসোর্স ইন্সেন্তিবাইজ অমসুং শিজিন্ননবগীদমক্তা ইনভাইরনমেন্ত (প্রোতেক্সন) এক্তকী মখাদা গ্রীন ক্রেদিত প্রোগ্রাম নোতিফাই তৌরগনি।

·ৱেতলেন্দ নিংথিনা শিজিন্ননবা, বাইও দাইবর্সিতী, কার্বন স্তোক, ইকো-তুরিজমগী খুদোংচাবা হেনগৎহন্নবা অমসুং লোকেল খুন্নাইগী শেন্দান লম্বী হেন্না ফগৎহন্নবগী থৌওং পুক্নিং থৌগৎনবগীদমক্তা মথংগী চহি ৩০ চুপ্না অমৃত ধরোহর স্কিম পায়খৎকনি।

· দিমান্দদা য়ুম্ফম ওইবা ফোর্মেল স্কিলিং, এম.এস.এম.ই. য়াওনা ইমপ্লোয়রশিংগা লিঙ্ক তৌবগী মতৌ লৈহন্নবা অমসুং ওন্তোপ্রিনরশিপ স্কিমশিং ফংবা নুংঙাইহন্নবগীদমক্তা অমত্তা ওইনা পুন্সিল্লবা স্কিল ইন্দিয়া দিজিতেল প্লেতফোর্ম অমা হৌদোক্লগনি।

· চহি অহুমগী মনুংদা নহা লাখ ৪৭তা স্তাইপেন্দ সপ্পোর্ত পীনবগীদমক্তা পেন-ইন্দিয়া নেস্নেল এপ্রেন্তাইসশিপ প্রোমোসন স্কিমগী মখাদা দাইরেক্ত বেনেফিত ত্রান্সফর স্কিম অমা হৌদোক্লগনি।

· চেলেঞ্জ মোদকী খুত্থাংদা য়ামদ্রবদা তুরিস্ত দেস্তিনেসন ৫০ খনগৎকনি; লৈবাক অমসুং মীরমগী তুরিস্তশিংগীদমক্তা কমপ্লিত পেকেজ ওইনা শেমগৎকনি।

· সেক্তরগা অখন্নবা স্কিলিং অমসুং ওন্তোপ্রিনর্শিপ দিভেলপমেন্ত অমা ‘দেখো অপ্না দেশ’ খোঙথাংগী পান্দম ফংহন্নবগীদমক্তা পায়খৎলগনি।

· ভাইব্রেন্ত ভিলেজ প্রোগ্রামগী খুত্থাংদা ঙমখৈগী খুঙ্গংশিংদা তুরিজম ইনফ্রাস্ত্রকচর অমসুং এমেনিতীশিং লৈহল্লগনি।

· রাজ্যশিংনা মশাগী অমসুং অতোপ্পা রাজ্যশিংগী ও.দি.ও.পি. (ৱান দিস্ত্রিক্ত, ৱান প্রদক্ত), জি.আই. পোত্থোক অমদি হেন্দিক্রাফ য়োনবা অমসুং পুক্নিং থৌগৎচনবগীদমক্তা য়ুনিতী মোল অমা লিংখৎনবা তেংবাংগনি।

· ক্রেদিত নিংথিনা পীবা ঙম্নবা, ফাইনেন্সিএল ইনক্লুজন খুমাং চাউশিলহন্নবা অমসুং ফাইনেন্সিএল স্তেবিলিতী পুরকহন্নবা থৌওংশিংদা তেংবাংনবগীদমক্তা শেল থুম অমসুং মরী লৈনবা ই-পাউশিংগী থমফম ওইনা তেংবাংহন্নবা নেস্নেল ফাইনেন্সিএল ইনফোর্মেসন রেজিস্ত্রী অমা শেম্লগনি। মসিগুম্বা  ক্রেদিত পব্লিক ইনফ্রাস্ত্রকচর অসিবু য়েংশিন্নবগীদমক্তা আর.বি.আই.গা তান্নদুনা অনৌবা লেজিস্লেতিব ফ্রেমৱর্ক অসি দিজাইন তৌগনি।

· ফাইনেন্সিএল সেক্তর রেগ্যুলেতরশিংনা হৌজিক লৈরিবা কাঙলোনশিংবু পব্লিক অমসুং রেগ্যুলেতেদ এন্তাইতীশিংগা খন্ন-নৈনদুনা পাক শন্না য়েংশিনগনি। তোঙানবা কাঙলোনশিংগী মখাদা এপ্লিকেসনগী ৱারেপ লৌবগী অকক্নবা মতমসু লেপকনি।

· গিফ আই.এফ.এস.সি.দা পাংথোক্লিবা কারবারগী থবকশিং হেনগৎহন্নবগীদমক্তা মখাগী থৌরাংশিং লৌখৎখ্রেঃ

· দুএল রিগ্যুলেসন থোকহন্দনবগীদমক্তা এস.ই.জেত. এক্তকী মখাদা আই.এফ.এস.সি.এ.দা শক্তি শিন্নবা।

· আই.এফ.এস.সি.এ., এস.ই.জেত. ওথোরিতী, জি.এস.তি.এন., আর.বি.আই., এস.ই.বি.আই. অমসুং আই.আর.দি.এ.আই.দগী অয়াবা লৌবা অমসুং রেজিস্ত্রেসন তৌনবা সিঙ্গল ৱিন্দো আই.তি. সীস্তেম অমা শেম্লে।

· ফোরেন বেঙ্ককী আই.এফ.এস.সি. বেঙ্কিং য়ুনিতশিংনা এক্বিজিসন ফাইনান্সিং তৌবা য়াহল্লে।

· ত্রেদ রি-ফাইনান্সিংগীদমক্তা একজিম বেঙ্ককী সবসিদরী শেম্বা।

· আর্বিত্রেসন, এনিল্লরী সর্ভিস অমসুং এস.ই.জেত.কী মখাদা দুএল রিগ্যুলেসন লৈহন্দনবগীদমক্তা আই.এফ.এস.সি.এ. এক্ততা এমেন্দ তৌবা।

· ওফশোর দিরাইবেতিব ইন্সত্রুমেন্তশিংবু ভেলিদ কন্তেক্ত ওইনা শকখঙবা।

· বেঙ্ক গবর্নেন্স ফগৎহন্নবা অমসুং ইনভেস্তরশিংগী প্রোতেক্সন হেনগৎহন্নবা বেঙ্কিং রেগ্যুলেসন এক্ত, বেঙ্কিং কম্পেনিজ এক্ত অমসুং রিজর্ব ওফ ইন্দিয়া এক্ততা এমেন্দমেন্ত পাংথোকপগী ৱাহৌদোক থম্বা।

· দিজিতেল কন্তিনুইতী সোল্যুসন পাম্বা লৈবাকশিংদা গিফ আই.এফ.এস.সি.দা মখোয়গী দেতা ইম্বেসী লিংখৎপদা তেংবাংগনি।

· এস.ই.বি.আই.বু নেস্নেল ইন্সতিত্যুত ওফ সেক্যুরিতিজ মার্কেত্তা এজুকেসনগী কাঙলোন অমসুং স্তেন্দর্দ শেম্নবা, য়েংশিন্নবা, শেন্ননবা অমসুং চৎনহন্নবা মপাঙ্গল হাপকনি অমসুং দিগ্রী, দিপ্লোমা অমসুং সর্তিফিকেত পীবা য়াবগী শক্তিসু পীগনি।

· ইনভেস্তরশিংনা ক্লেম তৌদ্রবা শেয়র অমসুং অনপেদ দিবিদেন্দশিং ইনভেস্তর এজুকেসন অমসুং প্রোতেক্সন ফন্দ ওথোরিতীদগী লায়না রিক্লেম তৌবা য়াহন্নবা ইন্তিগ্রেতেদ আই.তি. পোর্তেল শেম্লগনি।

· নিংতম্বগী অমৃত মহোৎসবকী নুংঙাইবা ফোংদোক্নবগীদমক্তা, মহিলা সম্মান সেবিং সর্তিফিকেত কৌবা অমুকখক্কী ওইবা অপীকপা সেবিং স্কিম অনৌবা অমা হৌদোক্লগনি। মসিনা নুপী নত্ত্রগা নুপীমচাগী মিংদা চহি ২গী (মার্চ ২০২৫ ফাওবা) ওইনা লুপা লাখ ২ ফাওবগী শেনফম্বু পার্সিএল ৱিথদ্রোএল ওপসনগা লোয়ননা ৭.৫%গী লেঙদবা শেন্দোইদা দিপোজিত তৌবগী খুদোংচাবা পীগনি।

· মন্থলী ইনকম একাউন্ত স্কিমগী খ্বাইদগী য়াম্বা দিপোজিত লিমিতপু সিঙ্গল একাউন্তকী ওইনা লুপা লাখ ৪.৫দগী লুপা লাখ ৯দা অমসুং জোইন্ত একাউন্তকীনা লুপা লাখ ৯দগী লুপা লাখ ১৫দা হেনগৎখ্রে।

· রাজ্যশিংদা পীরিবা ইন্তরেস্ত লৌদবা চহি ৫০গী লোন অসিবু ২০২৩-২৪গী মনুংদা কেপিতেল এক্সপেন্দিচরশিংদা শিজিন্নগনি। লোন অসিগী শরুক অমদি রাজ্যশিংনা তসেংবা কেপিতেল এক্সপেন্দিচর হেনগৎপদা কন্দিস্নেল ওই অমসুং আউতলেগী শরুক অমনা অখন্নবা লোন লৌথরিবা রাজ্যশিংদা মরী লৈনগনি।

· রাজ্যশিংদা জি.এস.দি.পি.গী ৩.৫%গী ফিস্কেল দিফিসিতকী অয়াবা পীরি অমসুং মসিগী মনুংদগী ০.৫% অসিনা পাৱর সেক্তর রিফোর্মগা মরী লৈনৈ।

ইং ২০২২-২৩গী রিভাইজ ইস্তিমেতঃ

• • বোরোৱিং নত্তনা, অপুনবা রিসিপ অসিদি লুপা করোর লাখ ২৪.৩নি, মসিগী মনুংদগী নেত তেক্স রিসিপকী শেনফম্না লুপা করোর লাখ ২০.৯নি।
  • অপুনবা এক্সপেন্দিচরনা লুপা করোর লাখ ৪১.৯নি অমসুং মসিগী মুংদা চাউরাকপা লুপা করোর লাখ ৭.৩না কেপিতেল এক্সপেন্দিচরনি।
  • ফিস্কেল দিফিস্তনা বজেত ইস্তিমেতকী কাঙলোন ইন্দুনা জি.দি.পি.গী ৬.৪%নি।

· বজেত ইস্তিমেত ২০২৩-২৪:

• বোরোৱিং নত্তনা, অপুনবা রিসিপ অসিদি লুপা করোর লাখ ২৭.২ অমসুং অপুনবা এক্সপেন্দিচরনা লুপা করোর লাখ ৪৫ ওইগনি পারি।
• নেত তেক্স রিসিপ্না লুপা করোর লাখ ২৩.৩ ওইগনি পারি।
• ফিস্কেল দিফিসিতনা জি.দি.পি.গী ৫.৯% ওইগনি পারি।
• ইং ২০২৩-২৪দা ফিস্কেল দিফিসিত ফাইনান্স তৌনবগীদমক্তা, দেতেদ সেক্যুরিতীশিংদগী লাকপা নেত মার্কেত বোরোৱিংশিংনা লুপা করোর লাখ ১১.৮ ওইগনি পারি।
• গ্রোস মার্কেত বোরোৱিং অসি লুপা করোর লাখ ১৫.৪ ওইগনি পারি।

পার্ত – বি.

দাইরেক্ত তেক্স

• দাইরেক্ত তেক্স প্রোপোজেলনা তেক্সেসনগী কন্তিনুইতী অমসুং স্তেবিলিতী ঙাকপা, কমপ্লাইএন্সকী পোৎলুম হন্থহন্নবা তোঙানবা কাঙলোন কয়া লাইথোকহনবা, ওন্তোপ্রিনর ওইবগী ইথিল খুমাং চাউশিলহনবা অমসুং সিতিজনশিংদা তেক্স রিলিফ পীবগী পান্দম থম্লি।
• কমপ্লাইএন্সপু লাইথোকহনবা অমসুং খুদোংচাবা ওইহন্দুনা ইনকম তেক্স বিভাগনা তেক্স পেয়র সর্ভিস হেন্না ফগৎহন্নবা লেপ্তনা হোৎনরি।
• তেক্স পেয়র সর্ভিস মখা তানা ফগৎহন্নবগীদমক্তা তেক্স পেয়রশিংগী খুদোংচাহন্নবা কম্মন আই.তি. রিতর্ন ফোর্ম শিজিন্নবগী ৱাহৌদোক থম্বগা লোয়ননা  গ্রাইবেন্স রিদ্রেসেল মেকানিজম অসিবুসু হেন্না মপাঙ্গল লৈহন্নবা থৌরাং লৈরি।
• পর্সনেল ইনকম তেক্সকী রিবেত লিমিত অসি হন্দক্কী তেক্সকী অনৌবা কাঙলোন অসিদা মমাংগী লুপা লাখ ৫দগী লুপা লাখ ৭তা হেনগৎখ্রে। অদুনা, হন্দক্কী অনৌবা কাঙলোন অসিদা লুপা লাখ ৭ ফাওবগী ইনকম লাকপা মীওইনা ইনকম তেক্স থীদ্রবসু য়ারে।
• ইং ২০২০দা ইনকম স্লেব তরুক্কা লোয়ননা হৌদোকখিবা পর্সনেল ইনকম তেক্স রেজিম অসিদা হন্দক্কী অনৌবা স্ত্রকচর অসিদা স্লেব মশিং মঙাদা হন্থরক্লগনি অমসুং তেক্স একজেম্পসন লিমিতনা লুপালাখ ৩দা হেনগৎলগনি। অনৌবা রেজিম অসিদা পুরক্লিবা অহোংবনা তেক্স পেয়র খুদিংদা হেন্না নুংঙাইহনগনি।

অনৌবা তেক্স রেত

• অনৌবা তেক্স রেজিম অসিদা তোলোব চাবা মীওইগী লুপা ৫০,০০০ স্তেন্দর্দ দিদক্সনগী বেনেফিত, অমসুং ফেমিলী পেন্সনগী দিদক্সন্না লুপা ১৫,০০০ ফাওবা পীবগী ৱাহৌদোক থম্লি।
• অনৌবা তেক্স রেজিম অসিদা সর্চারজ রেত অসি ৩৭%তগী ২৫%তা হন্থদুনা খ্বাইদগী য়াম্বা ওইরি। মসিনা মরম ওইরগা, পর্সনেল ইনকম তেক্স রেত অসি ৩৯% ফাওবদা খ্বাইদগী য়াম্না হন্থহল্লি।
• নন-গবর্নমেন্ত ইমপ্লোয়ীগী রিতাইয়র্মেন্ততা লীব ইনকেশমেন্ত তৌবদা তেক্স একজেম্পসন তৌবগী অকক্নবসু লাখ ২৫দা হেনগৎলে।
• অনৌবা ইনকম তেক্স রেজিম অসিবু দিফোল্ত তেক্স রেজিম ওইহল্লগনি। অদুবু, সিতিজনশিংনা অরিবা তেক্স রেজিমগী কান্নবা লৌগে হায়রবসু অদুমক য়াগনি।
• প্রিজম্পতিব তেক্সেসনগী কান্নবা ফংনবা মাইক্রো ইন্তর্প্রাইস অমসুং অখন্নবা প্রোফেস্নেল খরগী লিমিত হেনগৎহনবগী ৱাফমসু হৌদোক্নখি। অপুনবা গ্রোস রিসিপ/তর্নওভরগী ৫%দগী হেন্দবা ওইনা চহি অমদা কেশ্তা ফংখিবা শেনফমদা হায়রিবা লিমিত অসি পানবা য়াগনি।
• এম.এস.এম.ই.দা পেমেন্ত তৌবা মতমদা থোকখিবা চাদিং ককথবগী খুদোংচাবদি করিগুম্বা পেমেন্ত অদু এম.এস.এম.ই.শিংদা মতম চানা শেল ফংহন্নবা পাংথোকখিবা ওইবা মতমদতা খক ফংগনি।
• ৩১/৩/২০২৪ ফাওবদা মেন্যুফেকচরিং এক্তিবিতী পাংথোকখিবা অনৌবা কোওপরেতিবশিংনা ১৫%গী অনেম্বা তেক্স রেতকী খুদোংচাবা ফংগনি। মসিমক হৌজিক হৌজিক অনৌবা মেন্যুফেকচরিং কম্পেনীশিংনা ফংলিবনি।

• চিনি লৌমীশিংদা এসেসমেন্ত চহি ২০১৬-১৭গী মমাংদা তৌখিবা পেমেন্তপু এক্সপেন্দিচর ওইনা ক্লেম তৌবা য়াবগী খুদোংচাবা অমা সুগর কোওপরেতিবশিংদা পীরি। মসিনা মখোয়দা চাউরাকপা লুপা করোর ১০,০০০গী রিলিফ পীগনি হায়বগী থাজবা থম্নরি।

• কেশ লৌথোকপদা তি.দি.এস. ককপগী ওইনা কোওপরেতিব সোসাইতীশিংদা লুপা করোর ৩গী অচৌবা লিমিত পীগনি।

• স্তার্তঅপশিংগী ইনকম তেক্স বেনেফিত লৌবগী ইনকোর্পোরেত তৌবগী নুমিৎ অসি ৩১/৩/২৩দগী ৩১/৩/২০২৪ ফাওবা শাংদোক্লে।
• স্তার্তঅপশিংগী শেয়রহোলদিং হোংবা মতমদা লোস কেরী ফোরৱার্দ তৌবগী কান্নবসি ইনকোর্পোরেত তৌবগী চহি ৭তগী তরাদা শাংদোকপগী ৱাহৌদোক থমখ্রে।

• সেক্সন ৫৪ অমসুং ৫৪এফ.কী মখাদা রেসিদেন্সিএল য়ুমদা ইনভেস্ত তৌবদা ফংবা কেপিতেল গেনগী দিদক্সন তৌবগী কেপ্পিংবু তেক্স কন্সেসন অমসুং একজেম্পসনগী হেন্নবা ফবা তার্গেতিং তৌবা য়াহন্নবগীদমক্তা লুপা করোর ১০দা লেপ্লে।
• ভেল্যু য়াম্না ৱাংবা ইন্স্যুরেন্স পোলিসীদগী ফংবা প্রোসীদশিংদা লৈবা ইনকম তেক্স একজেম্পসন্দা অকক্নবা থম্নবা ৱাহৌদোক থমখ্রে।

• হাউজিং, শহর, তাউন অমসুং খুঙ্গং শেমগৎপা, এক্তিবিতী নত্ত্রগা মেত্তর অমগী রিগ্যুলেত তৌনবগীদমক্তা য়ুনিয়ন নত্ত্রগা রাজ্যনা শেম্বা ওথোরিতী, বোর্দ অমসুং কম্মিসনগী ঙ্গিনকমশিংবু ইনকম তেক্সতগী কোমথোকপগী ৱাহৌদোক থমখ্রে।
• তি.দি.এস.কী লুপা ১০,০০০গী মিনিমম থ্রেসহোল্দ লৌথোকখ্রে অমসুং ওনলাইন গেমিংগা মরী লৈনবা তেক্সেবিলিতীসু ক্লারিফাই তৌরগনি। ৱিথদ্রোএলগী মতমদা নত্ত্রগা শেনবা চহিগী অরোইবদা নেত ৱিনিংদা তি.দি.এস. অমসুং তেক্সেবিলিতী খঙহনবগী ৱাহৌদোক থমখ্রে।
• গোল্দবু ইলেক্ত্রোনিক গোল্দ রিসিপ্তা ওনবা নত্ত্রগা ভাইসা বর্সাবু কেপিতেল গেন হায়না লৌরোই।
• নন-পেন কেস্তা ই.পি.এফ. ৱিথদ্রোএলগী তেক্সেবল ওইবা শরুক্তা তি.দি.এস. ককপগী রেত অসি ৩০%তগী ২০%দা হন্থখ্রে।
• মার্কেত লিঙ্ক দিবেঞ্চরদগী লাকপা ইনকমদা তেক্স থীগনি।
• কম্মিস্নরগী থাক্তা এপ্পীল পন্দুনা লৈবা মশিং হন্থহন্নবগীদমক্তা অপীকপা এপ্পীলগী ৱারোইশিন পুরক্নবা জোইন্ত কম্মিস্নর ১০০মুক শিজিন্নবা।
• আই.এফ.এস.সি., গিফ সিতীদা রিলোকেত তৌবা ফন্দশিংগী তেক্স বেনেফিতকী মতম ৩১/৩/২০২৫ ফাওবা শাংদোকখ্রে।
• ইনকম তেক্স এক্তকী সেক্সন ২৭৬এ.গী মখাদা লিকুইদেতর লৌথোকপগী অখন্নবা থৌওং খরবু এপ্রিল ১, ২০২৩দগী হৌরগা দিক্রিমিনেলাইজ তৌরগনি।
• আই.দি.বি.আই. বেঙ্ক য়াওনা স্ত্রেতজিক দিসইনভেস্তমেন্তকী লোস কেরী ফোরৱার্দ তৌবা য়াহল্লগনি।
• অগ্নিবীর ফন্দশিংবু ই.ই.ই. স্তেতস পীরগনি। অগ্নিপথ স্কিম, ২০২২দা য়াওখিবা অগ্নিবীরশিংনা অগ্নিবীর কোর্পস ফন্দদগী ফংবা পেমেন্তশিংবু তেক্সতগী কোম্থোক্কনি। মহাক নত্ত্রগা কেন্দ্র সরকারনা মহাক্কী সেবা নিধী একাউন্তকী অপুনবা ইনকম হোৎপদা দিদক্সন তৌবা য়াহন্নবা ৱাহৌদোক থমখ্রে।

ইন্দাইরেক্ত তেক্স

• তেক্সতাইল অমসুং এগ্রিকলচরগী পোত্থোক নত্তনা অতোপ্পা পোত্থোকশিংগী বেসিক কস্তম দ্যুতী রেতশিংগী মশিংবু ২১দগী ১৩দা হন্থহনখ্রে।
• শান্নপোত, সাইকল, ওতোমোবিল অমসুং নেপথা য়াওনা পোৎলম খরগী বেসিক কস্তম দ্যুতী, সেস অমসুং সরচার্জতা অপীকপা অহোংবা খরা থমখ্রে।

• ব্লেন্দ তৌরবা কম্প্রেস নেচরেল গ্যাস্তা য়াওবা জি.এস.তি. থীবা কম্প্রেস বাইও গ্যাস্তগী এক্সাইস দ্যুতী লৌথোক্লে।
• ইলেক্ত্রিক্না চলায়বা গারিদা শিজিন্নবা বেত্তরীদা শিজিন্নগদবা লিথিয়ম আইওন সেল শাবদা চঙবা অখন্নবা কেপিতেল গুদ/মেছিনরীগী কস্তম দ্যুতীবু ৩১/৩/২০২৪ ফাওবা শাংদোকখ্রে।
• তেস্তিং নত্ত্রগা সর্তিফিকেসনগীদমক্তা নোতিফাই তৌরবা এজেন্সীশিংনা অখন্নবা কন্দিসন খরগী মখা পোন্না ইম্পোর্ত তৌবা গারি, অখন্নবা ওতোমোবিল পার্ত/কম্পোনেন্ত, সব-সীস্তেম অমসুং তাইয়রদগী কস্তম দ্যুতী লৌথোক্লে।

• সেল্ল্যুলর মোবাইল ফোনগী কেমেরা মোদ্যুল শাবদা শিজিন্নবা কেমেরা লেন্স অমসুং মদুগী ইনপুত পার্তশিংগী কস্তম দ্যুতী অসি ০দা হন্থরে অমসুং বেত্তরীশিংদা শিজিন্নবা লিথিয়ম আইওন সেলশিংগী কন্সেস্নেল দ্যুতীসু চহি অমগা শাংদোক্লে।
• তি.ভি. পেনেলগী ওপন সেলগী পার্তকী বেসিক কস্তম দ্যুতীবু ২.৫%তা হন্থখ্রে।

• ইলেক্ত্রিক কিৎচম চিম্নীগী বেসিক কস্তম দ্যুতী ৭.৫%তগী ১৫%তা হেনগৎখ্রে।
• ইলেক্ত্রিক কিৎচন চিম্নী শাবগী হিত কোইলগী বেসিক কস্তম দ্যুতী ২০%তগী ১৫%তা হন্থরে।

• কেমিকেল ইন্দস্ত্রীশিংদা শিজিন্নবা দিনেচর্দ ইথাইল অল্কোহোল অসি বেসিক কস্তম দ্যুতীদগী কোম্থোক্লে।
• এসিদ গ্রেদ ফ্লোর্স্পার (কেলসিয়ম ফ্লোরাইদকী ৯৭% হেনবা অরুম্বা য়াওবা)গী বেসিক কস্তম দ্যুতীবু ৫%তগী ২.৫%তা হন্থখ্রে।
• ইপিক্লোরহাইদ্রিন শাবদা শিজিন্নবা ক্রুদ গ্লাইসরীনগী বেসিক কস্তম দ্যুতী ৭.৫%তগী ২.৫%তা হন্থখ্রে।

• শ্রিম্প ফীদ দোমেস্তিক মেন্যুফেকচর তৌবগী কি-ইনপুতশিংদগী দ্যুতী হন্থখ্রে।

• লেব গ্রোন দাইমন্দ শাবদা শিজিন্নবা সীদশিংগী বেসিক কস্তম দ্যুতী হন্থখ্রে।

• গোল্দ অমসুং প্লাতিনমগী দোর অমসুং বারদগী শাবা আর্তিকলশিংগী দ্যুতী হেনগৎখ্রে।
• সিলভর দোর, বার অমসুং আর্তিকলশিংগী ইম্পোর্ত দ্যুতী হেনগৎখ্রে।

কস্তম লোদা লেজিস্লেতিব অহোংবা লাকপশিং

• সেতলমেন্ত কমিসন্না ফাইনেল ওর্দর থোক্নবগীদমক্তা এপ্লিকেসন ফাইল তৌবা নুমিত্তগী থা মাপনগী অকক্নবা মতম থম্নবগীদমক্তা কস্তম এক্ত, ১৯৬২দা এমেন্স তৌরগনি।
• এন্তি-দম্পিং দ্যুতী (এ.দি.দি.), কাউন্তভেলিং দ্যুতী (সি.ভি.দি.) অমসুং সেফগার্দ মিজরগা মরী লৈনবা ইন্তেন্ত অমসুং স্কোপ ওফ প্রোবিজন ময়েক শেংনা তাক্নবগীদমক্তা কস্তম তারিফ এক্ত এমেন্স তৌরগনি।

• সি.জি.এস.তি. এক্ত এমেন্দ তৌরগনি।

• জি.এস.তি.গী মখাদা প্রোসেক্যুসন হৌদোক্নবগীদমক্তা তেক্স এমাউন্ততা লৈরম্বা মিনিমম থ্রেসহোল্দবু করোর অমদগী করোর অনিদা হেনগৎলে।
• কম্পাউন্দিং এমাউন্তপু তেক্স এমাউন্তকী হৌজিক লৈরিবা ৫০দগী ১৫০%গী রেঞ্জতগী ২৫দগী ১০০%গী রেঞ্জতা হন্থবা।
• অখন্নবা ওফেন্স খরা দিক্রিমিনেলাইজ তৌবা
• মরী লৈনবা রিতর্ন/স্তেতমেন্ত ফাইলিং তৌবগী দ্যু দেত্তগী চহি অহুমগী খ্বাইদগী য়াম্বা মতমদা রিতর্ন/স্তেতমেন্ত ফাইলিং অকক্ননা তৌহনবা।
• রেজিস্তর তৌদবা সপ্লাইয়র অমসুং কম্পোজিসন তেক্সপেয়রশিংবু ই-কম্মর্স ওপরেতর (ই.সি.ও.)গী খুত্থাংদা পোত্থোকশিংবু ইন্ত্রা-স্তেত সপ্লাই তৌবা য়াহনবা।

*****