শেলথুম অমদি কোর্পোরেৎ এফ্যার্সকী কেন্দ্র মন্ত্রী শ্রীমতী নির্মলা সিতরমন্না, ঙসি পার্লিয়ামেন্ততা ইকনমিক সর্ভে ২০২২-২৩ লান্থোকখি‍। সর্ভে অসিগী মচং ওইবা ৱাফমশিং মখাদা পীরি:

শেন্মিৎলোন ২০২২-২৩গী ফীভম: হান্নগী ফীভমদা হঞ্জিল্লকপা মপুং ফারে

• লাইচৎ, রসিয়ন-য়ুক্রেনগী মুক্নবা অমদি ইনফ্লেসন্না ফীভম শোকহনখিবদগী হান্নগী ফীভমদা হঞ্জিল্লক্তুনা, ভারতকী শেন্মিৎলোন্না সেক্তর পুম্নমক্তা পাক চাউনা অমুক হৌগৎলকপগী মতৌ উত্তুনা, শেনবা চহি ২৩দা লাইচৎ মমাঙগী ফীভমদা হঞ্জিল্লক্নবা ফীভম শেম্লি‍।
• ভারতকী জি.দি.পি. গ্রোথ শেনবা চহি ২৪দা চাউনা লৈগনি হায়না পানরি‍। শেনমা চহি ২৪গী জি.দি.পি ফোরকাস্ত ৬-৬.৮%গী চাংদা লৈগনি হায়না পীরি‍।
• শেনবা চহি ১৫গী হৌরগা ঐচ১দা লৈরিবা প্রাইভেৎ কঞ্জুম্পসন খ্বায়দগী ৱাংনা লৈরি অমদি মসিনা পোত্থোক পুথোকপগী চাং হেনগৎহন্দুনা সেক্তর পুম্নমক্তা মতিং মপুং ফানা শীজিন্নবা হেনগৎহল্লি‍।
• কোর্পোরেৎশিংগী বেলেন্স সীত মপাঙ্গল কনখৎহন্দুনা কেন্দ্র লৈঙাক্কী কেপিতেল এক্সপেন্দিচর অমদি প্রাইভেৎ কেপেক্স হেনগৎহকপনা চৎলিবা চহিসিদা ভারতকী শেন্মিৎলোনবু থৌদুনা চৎলিবশিংগী মরক্তা ওইরি‍।
• এম.এস.এম.ই. সেক্তরগী ক্রেদিৎ গ্রোৎ জনুৱারী-নবেম্বর ২০২২গী মনুংদা চাংচত্তা চাদা ৩০.৬কী মথক্তা লৈখি
• নবেম্বর ২০২২দা রিতেল ইনফ্লেসন আর.বি.আই.গী তার্গেৎ রেঞ্জকী মনুংদা হঞ্জিল্লক্লে‍।
• এপ্রিল-দিসেম্বর ২০২২ মনুংদা অতৈ হৌগৎলক্লিবা কৈথেলগী শেন্মিৎলোনশিংগা চাংদম্নবদা ভারতকী শেল নীংথিনা মথৌ তৌরি‍।
• এপ্রিল-নবেম্বর ২০২২গী দাইরেক্ত তেক্স কল্লেক্সন ফীভম হোংদনা লৈরি‍।
• হন্থরক্লিবা অর্বান এমপ্লোইমেন্ত রেত অমদি ইম্প্লোয়ী প্রোভিদেন্ত ফন্দদা রেজিস্ত্রেসন থুজিল্লকপগী ফীভমসিদা থবক পীবগী চাং হেনগৎলকপা উরি
• পব্লিক দিজিতেল প্লেৎফোর্মশিং পাকথোক চাউথোকহনবা অমদি মেনুফেকচরিং আউতপুৎ হেনগৎহন্নবগী থৌরাংশিংনা শেন্মিৎলোন্দা চাউখৎপা পুরক্কনি‍।

ভারতকী মেদিয়ম তর্ম গ্রোথ আউতলুক: অফবা ৱাখল্লোন অমদি থাজবগা লোয়ননা

• ভারতকী শেন্মিৎলোন অসি ২০১৪-২০২২গী মতমদা পাক চাউনা মওং মতৌ অমদি লৈঙাক্লোন্দা অহোংবা পুরক্তুনা মাগী অপুনবা মতিং হেনগৎহন্দুনা শেন্মিৎলোনগী য়ুম্বী মপাঙ্গল কনখৎহল্লি‍।
• হিংবদা কোমবা অমদি লল্লোন ইতিক তৌবদা কোমবগী চাং হেনগৎহনবদা মীৎয়েঙ থম্বগা লোয়ননা ২০১৪গী মতুংদা পুরকখিবা অহোংবশিং অসি খুদোংচাবা, মতিং লৈবা অমদি হিংবদা কোমহনবা হেনগৎহন্নবা, থাজবদা য়ুম্ফম ওইবা লৈঙাক্লোন, লৌউ-শিংউগী পোত্থোক হেনগৎহন্নবা অমদি চাওখৎপা পুরকপদা লনাই সেক্তরবু খোঙবু ওইহনবগী থৌওং য়োকখৎনবগীদমক পব্লিক গুদ্স শেমগৎপগী চাউরাকপা ৱাখল্লোন্দা য়ুম্ফম ওইবনি‍।
• ২০১৪-২০২২গী মতমদা মমাঙগী চহিশিংগী ক্রেদিৎ বুম অমদি ক্রেদিৎ গ্রোৎ, কেপিতেল ফোর্মেসন্নচিংবা মরুওইবা মেক্রোইকনমিক ভেরাইএবলশিংদা শোকহনখিবা মালেমগী ওইবা ফীভম্না মরম ওইদুনা বেলেন্স সীত্তা ফীভম শোকহন্দুনা শেন্মিৎলোন চাওখৎপদসু ফীভম শোকহনখি‍।
• ফীভম অসি ১৯৯৮-২০০২গী মতমদসু লৈঙাক্না অহোংবা কয়া পায়খৎপনা মরম ওইরগা শেন্মিৎলোন্দা মতম খরগী ওইনা ফীভম শোকহনখিবা মতমদুগা হাইরপ মান্নৈ‍। হায়রিবা ফীভম অসি কোকখ্রবা মতুংদা, পুরকখিবা অহোংবা অসিনা ২০০৩দগী হৌরগা শরুক কয়া থোক্না ফীভম ফগৎলকপা উখি‍।
• মতৌ অসুম্না, ভারতকী শেন্মিৎলোন অসি লাইচৎনা মালেম পুম্বদা পীরিবা চৈথেং অমদি ২০২২দা পোৎচৈ মমল খংৱাং ৱাংখৎখৎবগী চৈথেং কোকথরক্লবা মতমদা লাক্কদৌরিবা চহি তরাসিদা খোঙলৈ হেন্না থুনা চাওখৎলক্কদৌরি‍।
• বেঙ্কিং, নন-বেঙ্কিং অমদি কোর্পোরেৎ সেক্তরশিংগী হেন্না ফীভম ফগৎলপা বেলেন্স সীতকা লোয়ননা, অনৌবা ক্রেদিৎ সাইকল অমা হৌখ্রে হায়বসি হৌখিবা থা খরসিদা বেঙ্ককী ক্রেদিত্তা দবল-দিজিৎকী গ্রোথ লৈখিসিনা তাক্লি‍।
• ভারতকী শেন্মিৎলোন হেন্না পাক চাউবা ফোর্মেলাইজেসন, হেন্না ৱাংবা ফাইনেন্সিএল ইনক্লুজন, অমদি দিজিতেল তেক্নোলোজীদা য়ুম্ফম ওইবা শেন্মিৎলোনগী অহোংবনা ওইল্লকপা মতিং লৈবা হেনগৎলকপসিদগী কান্নবা ফংবা হৌখ্রে‍।
• অসুম্না সর্ভে অসিগী চেপ্তর ২না ভারতকী গ্রোথকী ফীভম লাইচৎ মমাঙগী চহিশিংদগী হেন্না ফীভম ফনা লৈবগী মতৌ উৎলি, অমদি ভারতকী শেন্মিৎলোন অসিনা ময়ায় ওইরপ্পা চাংদা মাগী মতিং ফুদোক্তুনা চাউখৎলক্নবগী শেম শারি হায়বা উৎলি‍।

ফিস্কেল দিভেলপমেন্ত: রিভিন্যু রেলিস

• শেন্মিৎলোনগী থবক থৌওংশিং হান্নগী ফীভমদা হঞ্জিল্লকপা, দাইরেক্ত তেক্স অমদি জি.এস.তি.দগী লাকপা রিভিন্যু হোংদনা লৈবা, অমদি বজেৎ চুম্না পাবনা মরম ওইরগা শেনবা চহি ২৩দা কেন্দ্র লৈঙাক্কী শেল থুমগী ফীভম খাঙবা কনবগী মতৌ উৎলি‍।
• গ্রোস তেক্স রিভিন্যু, দাইরেক্ত তেক্স অমদি গুদ্স এন্দ সর্ভিস তেক্স (জি.এস.তি.)গী চাউনা হেনগৎলকপনা মরম ওসরগা এপ্লিদগী নবেম্বর ২০২২ ফাওবগী মনুংদা চহি চহিগী ওইনা চাদা ১৫.৫কী চাংদা হেনগৎলকপা উৎখি‍।
• চহিসিগী অহানবা থা নিপান্দা লৈখিবা দাইরেক্ত তেক্সকী গ্রোথ মমাঙগী তর্মশিংগী চাংচত্তা লৈখিবদগী য়াম্না হেনখি‍।
• জি.এস.তি.না, এপ্রিলদগী দিসেম্বর ২০২২ ফাওবগীম তমদা অপুনবা জি.এস.তি. খোমগৎকপগী চাং চহি চহিগী ওইনা চাদা ২৪.৮ হেনগত্তুনা কেন্দ্র অমদি স্তেত লৈঙাকশিংগী মরুওইবা রিভিন্যুগী সোর্স মরা চেৎহনখি‍।
• চহিসিগী মনুংদা রিভিন্যু এক্সপেন্দিচর হেন্না মথৌ তাজরগসু কেন্দ্র লৈঙাক্না কেপিতেল এক্সপেন্দিচরদা (কেপেক্স) অহেনবা মীৎয়েঙ থম্বা লেপখিদে‍। কেন্দ্রগী কেপেক্স অসি অশাংবা মতমগী ওইবা চাংচৎ (শেনবা তহি ০৯দগী শেনবা চহি ২০ ফাওবা) জি.দি.পি.গী চাদা ১.৭দগী শেন্বা চহি ২২ পি.এ.দা চাদা ২.৫ ওইরে‍।
• কেন্দ্রনা স্তেত লৈঙাকশিংবু শেন্দোয় য়াওদবা লোন অমদি মখোয়গী কেপেক্স হেনগৎহনবদা মীৎয়েঙ হেন্না চঙহন্নবগীদমক শেল পুবগী চাং হেনগৎহন্দুনা ইন্সেন্তিভাইজ তৌরে‍।
• হায়ৱে, রেলৱে, অমদি হাউজিং অমসুং অর্বান এফ্যার্সনচিংবা ইনফ্রাস্ত্রকচর য়াম্না চঙবা সেক্তরশিংদা মীৎয়েঙ চঙদুনা, কেপেক্স হেনগৎলকপসিইনা মেদিয়ম-তর্ম গ্রোথতা চাউনা কান্নবা পুরক্কনি‍।
• লৈঙাক্কী কেপেক্স–লেদ গ্রোথ স্ত্রেতেজীনা ভারতপু গ্রোথ ইন্তরেস্ত রেত দিফরেন্সিএল কান্নগদবা চাংদা থম্বা ঙমহন্দুনা মেদিয়ম রন্দা সস্তেনেবল দেৎ তু জিদি.পি.দা পুরক্কনি‍।

মোনিতরী মেনেজমেন্ত অমদি ফাইনেন্সিএল ইন্তরমেদিএসন: অফবা চহি অমা

• আর.বি.আই.না মহাক্কী মোনিতরী তাইতনিং সাইকল এপ্রিল ২০২২দগী হৌখি, অমদি মদুদগী হৌনা রেপো রেৎ ২২০ বি.পি.এ.সকী চাংদা হেনগৎহন্দুনা, সরপ্লস লিকুইদিতী ময়ায় ওইরপ্না থমখি‍।
• হেন্না তরু তরুবা বেলেন্স সীতনা ফাইনেন্সিএল ইনস্তিত্যুসনশিংনা শেল পুথোকপা হেনগৎহল্লে‍।
• ক্রেদিৎ ওফতেক্কী গ্রোথ চাং হন্থদনা লৈগনি হায়না পারি, অমদি প্রাইভেৎ কেপেক্সতা হেনগৎলকপগা ইরোয়নরগা অফব মওংগী ইনভেস্তমেন্ত সাইকল অমা পুরক্লগনি‍।
• সিদ্যুল কম্মর্সিএল বেঙ্ক (এস.সি.বি.)শিংগী নন-ফুদ ক্রেদিৎ ওফতেক এপ্রিল ২০২২দগী হৌরগা দবল দিজিত্তা হেনগৎলক্লি‍।
• নন-বেঙ্কিং ফাইনেন্সিএল কম্পেনীশিংনা (এন.বি.এফ.সি.) ক্রেদিৎ পীবগী চাংসু হেনগৎলক্লি‍।
• এস.সি.বি.শিংদা লৈরিবা গ্রোস নন-পর্ফোর্মিং এসেৎশিং (জি.এন.পি.এ.)গী রেসিও চহি তরেৎকী খ্বায়দগী হন্থবা ৫.০দা লৈরে‍।
• কেপিতেল-তু-রিস্ক ৱেতেদ এসেৎ রেসিও (সি.আর.এ.আর.) মশা ফনা ১৬.০দা লৈরি‍।
• এস.সি.বি.শিংগী ইন্সোল্বেন্সী অমদি বেঙ্করপ্তসীগী খুত্থাঙদা রিকভরী রেৎ অতৈ চেনেলশিংদা চাংদম্নবদা শেনবা চহি ২২দা খ্বায়দগী ৱাংবা ওইখি‍।

মমল অমদি ইনফ্লেসন: মায় পাক্না খোঙফম চেকশিন্না চৎপা

• চাওখৎলবা মালেমসিদা চহি দিকেদ অহুমদগী মরি ফাওবগী মতুংদা অৱাংবা ইনফ্লেসন অমুক হল্লকপগী ফীভম ২০২২দা থেংনখ্রবসু, ভারতনা মমল হেনগৎলকপা লাকশিনখি‍।
• এপ্রিল ২০২২দা ভারতকী রিতেল ইনফ্লেসন, আর.বি.আই.গী মথক থংবা খাঙবা ঙম্বগী চাং চাদা ৬ লান্থোকখিদুনা, চাদা ৭.৮গী চাং য়ৌনা ৱাংখৎখ্রবসু, ভারতকী তার্গেৎ রেঞ্জকী মথক থংবা পল্লোন্গী ৱাংমদা ইনফ্লেসন হেনগৎখিবসি মালেমগী ওইনা ভারত্তা খ্বায়দগী নেম্বা ওইখি‍।
• মমলগী চাং হেনগৎলকপা লাকশিন্নবগীদমক লৈঙাক্না মায়ওন য়াম্বা থৌরাংশিং পায়খৎখি
  • পেত্রোল অমদি দিজলগী এক্সপোর্ত দ্যুতী তাঙ্কক নাইনা হন্থহনখিবা
  • মেজর ইনপুৎশিংদা লৈরম্বা ইম্পোর্ত দ্যুতী জিরোদা পুথরকপগা লোয়ননা আইরন ওর অমদি কন্সেন্ত্রেৎশিংগী এক্সপোর্ততা লৌরম্বা তেক্স চাদা ৩০দগী ৫০দা হেনগৎহনখি‍।
  • লশিং পুশিল্লকপদা লৌরম্বা কস্তম দ্যুতী, এপ্রিল ১৪, ২০২২দগী হৌরগা সেপ্তম্বর ৩০, ২০২২ ফাওবা কোকথোকখি‍।
  • ঐচ.এস. কোদ ১১০১গী মখাদা গেহু মপান্দা থাদোকপা থিংখি অমদি চেংগী এক্সপোর্ত দ্যুতী চৎনহনখি‍।
  • শুংদোকত্রিবা অমদি রিফাইন তৌরবা পাল্ম থাউ, শুংদোক্ত্রিবা নুং হৱাইগী থাউ অমদি শুংদোক্ত্রিবা নুমিৎলৈগী থাউগী বেসিক দ্যুতীদা হন্থহনখি‍।
• ফোর্ৱার্দ গাইদিং অমদি রেস্পোন্সিব মোনিতরী পোলিসীগী খুত্থাঙদা আর.বি.আই.গী ইনফ্লেসনরী এক্পেক্তেসন এঙ্কর তৌবনা লৈবাকসিগী ইনফ্লেসনগী মায়ওন লমজিংবদা মতেং ওইখি‍।
• বিজিনেস অমদি য়ুমথোঙশিং অনিমক্না চহি অমা মাঙজৌননা মমল হেনগৎলকপা য়াবগী ফীভম হোৎপগী থৌওংনা চৎলিবা শেনবা চহিসিদা কা হেন্না শোকহনখিদে‍।
• হাউজিং সেক্তরদা লৈঙাক্না মতম চানা খুৎ থিংজিনবগা লোয়ননা, শেন্দোয় য়ামদবা হোম লোন্না দিমান্দ হেনগৎহন্দুনা শেনবা চহি ২৩দা এফোর্দেবল কাঙলুপ্তা লৈগদবা মীওইশিং হেন্না পুক্নিং চিংশিল্লি‍।
• অপুনবা হাউজিং প্রাইস ইন্দাইসেস (ঐচ.পি.আই.) এসেসমেন্ত অমদি হাউজিং প্রাইস ইন্দাইস মার্কেৎ প্রাইস হেনগৎলকপনা হাউজিং ফাইনান্স সেক্তর হান্নগী ফীভমদা হঞ্জিল্লকপা উৎলি‍। ঐচ.পি.আই.দা মরা চেৎপা অমদি ময়ায় ওইরপ্পা মওংদা হেনগৎলকপনা য়ুম্বুশিংদা অমদি য়ুমগী লোন পীরিবশিংদা এসেৎকী মমল তাহন্দনা থম্বগী মতাঙদা থাজবা পোকহল্লি‍।
• ভারতকী ইনফ্লেসন মেনেজমেন্ত অসি মরুওইনা শিংথানিংঙাই ওই অমদি হৌজিক ফাওবা অৱাবা মায়োক্নরিবা হন্থবা নাইদ্রিবা ইনফ্লেসন রেত লৈরিবা চাওখৎলবা শেন্মিৎলোনশিংগা মান্নদবা মশক উৎলি‍।

সোসিএল ইনফ্রাস্ত্রকচর অমদি এমপ্লোইমেন্ত: অচৌবা দম্বুর

• সোসিএল সেক্তরদা লৈঙাক্কী চাদিং মশক থোক্না হেনগৎলকপা উরি‍।
• হকশেল সেক্তরদা কেন্দ্র অমদি স্তেত লৈঙাকশিংগী বজেৎকী চাদিং শেনবা চহি ২১দা জিস.দি.পি.গী ১.৬% ওইরম্বদগী শেনবা চহি ২৩ (বি.ই.)দা ২.১% অমদি শেনবা চহি ২২ (আর.ই.)দা ২.২% য়ৌরে‍।
• সোসিএল সেক্তর এক্সপেন্দিচর শেনবা চহি ১৬দা লুপা করোর লাখ ৯.১ ওইরম্বদগী শেনবা চহি ২৩ (বি.ই.)দা লুপা করোর লাখ ২১.৩দা হেনগৎলে‍।
• সর্ভে অসিনা ২০০৫-০৬তগী ২০১৯-২০ ফাওবদা ভারতকী মীওই করোর ৪১.৫না লায়রবগী পনখৈগী ৱাংমদা থোকখ্রে হায়বা উৎলিবা য়ু.এন.দি.পি. ওন মল্দিদাইমেন্সনেল পোভর্তী ইন্দেক্সকী ২০২২গী রিপোর্ততা পীরিবশিংসু পল্লি‍।
• এস্পিরেস্নেল দিস্ত্রিক্ত প্রোগ্রাম, মরুওইনা মনুং হঞ্জিনবা অমদি খুদোংচাদবা মফমশিংদা, অফবা লৈঙাক্কী খুদম অমা ওইরক্লি‍।
• আধারনা ভেরিফাই তৌবা অনওর্গনাইজ শিন্মীশিংগী নেস্নেল দেতাবেজ অমা শেমগৎনবগীদমক ইশ্রম পোর্তেল শেম্লে‍। দিসেম্বর ৩১, ২০২২ ফাওবদা, অনওর্গনাইজ ৱর্কর করোর ২৮.৫গী মথক্তা ইশ্রম পোর্তেলদা রেজিস্তর তৌরে‍।
• জাম (জন-ধন, আধার, অমদি মোবাইল) ত্রিনিতীনা, দি.বি.তি.গী মতিক্কা পুল্লগা, খুন্নাইগী মীরায়বিরবা কাঙলুপ্পু ফোর্মেল ফাইনান্সিএল সিস্তেমদা পুরক্তুনা, মীয়ামবু মপাঙ্গল কলহন্দুনা লৌথুপ লৌকোয় লৈতবা অমদি একাউন্তেবল ওইবা লৈঙাক্লোন পুরক্নবগী লম্বী য়াৎলে‍।
• আধারনা কো-ৱিন প্লেৎফোর্ম শেমগৎপদা অমদি ভেক্সিন দোজ বিলিয়ন ২ হেন্না ত্রান্সপেরেন্ত ওইনা কাপ্পদা মরুওইবা থৌদাং য়াখি‍।
• লেবর মার্কেৎ খুঙ্গঙ অমদি ময়োল্লম অনিমক্তা কোবিদ মমাঙদী ফীভমদা হঞ্জিল্লকপগা লোয়ননা, থবক ফংদবগী চাং ২০১৮-১৯দা চাদা ৫.৮ লৈরম্বদগী ২০২০-২১দা চাদা ৪.২দা হন্থরক্লে‍।
• শেনবা চহি ২২দা স্কুলশিংদা গ্রোস এনরোলমেন্ত রেসিও (জি.ই.আর.) হেনগৎলকপা অমদি জেন্দর পেরিতী হেনগৎলকপা উখি‍। নুপীমচা অমদি নুপামচা অনিমক্কী চহি ৬গী ১০ ফাওবদা লৈবা মীশিংগী পর্সেন্তেজ ওইনা ক্লাস ১দগী ৫ ফাওবদা প্রাইমারী এনরোলমেন্তকী জি.ই.আর. শেন্বা চহি ২২দা হেনগৎলক্লে‍।
• হকশেলগী লমদা লৈঙাক্না তোঙান তোঙানবা খোঙথাঙশিং পায়খৎপনা মরম ওইরগা, অপুনবা হকশেলগী চাদিংগী পর্সেন্তেজ ওইনা ফুরিৎখাউদগী শেল চৎপগী চাং শেনবা চহি ১৪দা ৬৪.২% ওইরম্বদগী শেনবা চহি ১৯দা ৪৮.২%দা হন্থরক্লে‍।
• ইনফেন্ত মোর্তেলিতী রেৎ (আই.এম.আর.), অন্দর ফাইব মোর্তেলিতী রেৎ (য়ু.৫.এম.আর.) অমদি নিওনেতেল মোর্তেলিতী রেৎ (এন.এম.আর.) তপ্না তপ্না হন্থরকপা উরি‍।
• জনুৱারী ০৬, ২০২৩ ফাওবদা কোবিদ ভেক্সিন দোজ করোর ২২০ হেন্না কাপখ্রে‍।
• জনুৱারী ০৪, ২০২৩ ফাওবদা অয়ুস্মান ভারত স্কীমগী মখাদা বিনিফিসরী করোর ২২গী ময়াদা ভেরিফাই তৌরে‍। লৈবাক শিনবা থুংনা অয়ুস্মান ভারতকী মখাদা হেল্থ এন্দ ৱেলনেস সেক্তর লাখ ১.৫৪ হেন্না মথৌ তৌরে‍।

অইং অশাগী খল হোংলকপা অমদি অকোয়বগী ফীভম: তুংলমচৎ থেংননবা শেম শাবা

• ভারতনা ২০৭০ ফাওবদা নেত জিরো ইমিসনগী পান্দম ফংননবগীদমক নেত জিরোগী ৱাশক লাউথোকখ্রে‍।
• ভারতনা মহাক্কী ইন্সতোল্দ ইলেক্ত্রিক কেপাসিতীগী চাদা ৪০ নন-ফোসিল ফুএলদগী ওইহন্নবগী পান্দম ২০৩০গী মাঙওইননা ফংখ্রে‍।
• ২০৩০ ফাওবদা নন-ফোসিল ফুএলগী ইন্সতোল্দ কেপাসিতী গিগাৱাত ৫০০ হেন্দুনা ২০১৪-১৫গা চাংদম্নবদা ২০২৯-৩০ ফাওবদা ইমিসন রেৎ চাংচত্তা ২৯%রোম হন্থরকপা য়ারি‍।
• ভারতনা মাগী জি.দি.পি.গী ইমিসন ইন্তেন্সিতী ২০০৫কী চাংদগী ২০৩০ ফাওবদা ৪৫% হন্থহনগদৌরি‍।
• অপুনবা ইলেক্ত্রিক পৱার ইন্সতোল্দ কেপাসিতীগী ৫০%রোম ২০৩০ ফাওবদা নন-ফোসিল ফুএল বেজ ইনর্জী রিসোর্সশিংদগী লাক্কনি‍।
• মীয়ামগী ইহৌ লাইফ – লাইফস্তাইল ফোর এনভাইরনমেন্ত হৌদোকখ্রে‍।
• নবেম্বর ২০২২দা সোভেরেন গ্রীন বোন্দ ফ্রেমৱর্ক (এস.জি.আর.বি.) থোকখ্রে‍।
• আর.বি.আই.না লুপা করোর ৪,০০০গী সোভেরেন গ্রীন বোন্দ (এস.জি.আর.বি.)গী তাঙ্কক অনি ওক্সন তৌখ্রে‍।
• নেস্নেল গ্রীন হায়দ্রোজেন মিসন্না ভারতবু ২০৪৭ ফাওবদা ইনর্জীগী লমদা মনীং তম্বা পুরক্কনি‍।
• ২০৩০ ফাওবদা য়ামদ্রবদা চহিদা এম.এম.তি. (মিলিয়ন মেত্রিক তন) ৫গী গ্রীন হায়দ্রোজেন প্রদক্সন কেপাসিতী শেমগৎকদৌরি‍। নেস্নেল গ্রীন হায়দ্রোজেন মিসনগী মখাদা ২০৩০ ফাওবদা লৈগদবা অপুনবা ফোসিল ফুএল ইম্পোর্ত লুপা করোর লাখ ১ হেন্না হন্থরক্কনি অমদি থবক লাখ ৬ হেন্না পীগনি‍। ২০৩০ ফাওবদা রিনিউএবল ইনর্জী কেপাসিতী গিগাৱাত ১২৫রোম হাপচিনগনি অমদি চহিগী ওইনা জি.ঐচ.জি. থাদোকপগী চাং এম.এম.তি ৫০গী ময়াদা হন্থহনগনি‍।
• সর্ভে অসিনা ক্লাইমেৎ কন্সর্নগী ৱাখৈ পুরক্নবা অমদি তুং স্তেনেবল দিভেলপমেন্ত য়োকখৎনবগী সি.সি.গী এন.এ.পি.গী মখাদা মিসন নিপানগী খোঙজেল উৎলি‍।
• নেস্নেল সোলার মিসনগী মখাদা মরুওইবা মেত্রিক অমা ওইরিবা ইন্সতোল তৌরবা সোলার পৱার কেপাসিতী ওক্তোবর ২০২২দা গিগাৱাত ৬১.৬ ওইরে‍।
• ভারতনা রিনিউএবলগী লমদা পাম্নবা পন্থুংফম অমা ওইরক্লি; চহি ৭সিদা লৈখিবা ইনভেস্তমেন্ত য়ু.এস. দোলর বিলিয়ন ৭৮.১ য়ৌখ্রে‍।
• নেস্নেল মিসন ওন সস্তেনেবল হেবিতেতকী মখাদা ইন্দিভিজুএল হাউসহোল্দ তোইলেৎ লাখ ৬২.৮ অমদি কম্ম্যুনিতী অমসুং পব্লিক তোইলেৎ লাখ ৬.২ (ওগস্ত ২০২২ ফাওবদা) শাখ্রে‍।

লৌউ-শিংউ অমদি চীঞ্জাক মেনেজমেন্ত

• লৌউ-শিংউ অমদি মরী লৈনবা সেক্তরগী পর্ফোর্মেন্স, মহৈ মরোং অমদি লাইবস্তোক প্রদক্তিবিতী হেনগৎহন্নবা, প্রাইস সপ্পোর্তকী খুত্থাঙদা লৌমীশিংদা শেন্দোং লৈহন্নবা, মখল মথেলগী মহৈ মরোং থাবা পুক্নিং থৌগৎপা, ফার্মর-প্রদ্যুসর ওর্গনাইজেসনশিং লিংখৎপদা অহেনবা মীৎয়েঙ চঙদুনা মার্কেৎ ইনফ্রাস্ত্রকচর ফগৎহনবা, অমদি এগ্রিকলচর ইনফ্রাস্ত্রকচর ফন্দগী খুত্থাঙদা ইনফ্রাস্ত্রকচর ফেসিলিতীশিংদা শেল থাদবা পুক্নিং থৌগৎনবা লৈঙাক্না পায়খৎখিবা থৌরাংশিংনা মরম ওইরগা, হৌখিবা চহিশিংদা ফীভম হন্থদনা লৈখি‍।
• লৌউ-শিংউদা লনাই শেল থাদবগী চাং ২০২০-২১দা ৯.৩%দা হেনগৎলে‍।
• মেন্দেতেদ ক্রোপ পুম্নমক্কী এম.এস.পি. ২০১৮দগী হৌরগা ওল ইন্দিয়া ৱেতেদ এভরেজ কোস্ত ওফ প্রদক্সনগী শরুক ১.৫গী চাংদা লেপ্লে‍।
• লৌউ-শিংউগী সেক্তরদা ইনস্তিত্যুসনেল ক্রেদিৎ ২০২১-২২দা লুপা করোর লাখ ১৮.৬তা হেনগৎল‍ে‍।
• ভারত্তা চেঙ হৱায় পুথোকপগী চাং লেপ্তনা হেনগৎলকপগী ফীভম উরি অমদি ২০২১-২২দা মিলিয়ন তন ৩১৫.৭ ওইখি‍।
• জনুৱারী ১, ২০২৩দগী হৌরগা চহি অমা চুপ্না নেস্নেল ফুদ সিক্যুরিতী এক্তকী মখাদা বিনিফিসরী করোর ৮১.৪দা চেঙ হৱায় লেপ্না ফংহনগনি‍।
• পি.এম.-কিসান স্কীমগী মখাদা স্কীম অসিগী এপ্রিল-জুলাই ২০২২-২৩ পেমেন্ত সাইকলদা লৌমী করোর ১১.৩লোম কোনশিল্লে‍।
• এগ্রিকলচর ইনফ্রাস্ত্রকচর ফন্দগী মখাদা পোস্ত হার্ভেস্ত সপ্পোর্ত অমদি কম্ম্যুনিতী ফার্মগীদমক লুপা করোর ১৩,৬৮১ সেংসন তৌখ্রে‍।
• নেস্নেল এগ্রিকলচর মার্কেৎ (ই-নাম) স্কীমগী মখাদা লৌমী করোর ১.৭৪ অমদি ত্রেদর লাখ ২.৩৯ য়াওবা ওনলাইনগী কম্পিতিতিব, ত্রান্সপেরেন্ত ওইবা বিদ্দিং সিস্তেম শেম্নলে‍।
• পরমপরাগৎ কৃসি বিকাস য়োজনা (পি.কে.ভি.ৱাই.)গী মখাদা ফার্মর প্রদ্যুসর ওর্গনাইজেসন (এফ.পি.ও.)গী খুত্থাঙদা ওর্গানিক ফার্মিং য়োকখৎলি‍।
• ইন্তরনেস্নেল ইয়র ওফ মিল্লেৎকী থৌরাংশিংগী খুত্থাঙদা ভারতনা মিল্লেৎ য়োকখৎপগী লমদা মাঙজিল থানা লেপ্লি‍।

ইন্দস্ত্রী: স্তীদী রিকভরী

• ইন্দস্ত্রিএ সেক্তরগী অপুনবা গ্রোস ভেল্যু এদেদ (জি.ভি.এ.) চাদা ৩.৭ হেনগত্তুনা (শেনবা চহি ২২-২৩গী অহানবা তঙ্খায়গী), মমাঙগী দিকেদগী অহানবা তঙ্খায়দা লৈখিবা চাদা ২.৮গী গ্রোথতগী হেল্লে‍।
• প্রাইভেৎ ফাইনেল কঞ্জুম্পসন এক্সপেন্দিচর চাউনা হেনগৎলকপা, চহিসিগী অহানবা তঙ্খায়দা মপান্দা থাদোকপা হেনগৎলকপা, পব্লিক কেপেক্স হেনগৎপা অমদি মপাঙ্গল কনখৎলবা বেঙ্কশিং অমসুং কোর্পোরেতশিংগী বেলেন্স সীতনা ইনভেস্তমেন্ত দিমান্দ হেনগৎহল্লকপনা মরম ওইরগা ইন্দস্ত্রিএল গ্রোথ হেনগৎহল্লে‍।
• দিমান্দ স্তিমুলস্তা ইন্দস্ত্রীগী সপ্লাই রেসপোন্স চাউনা লৈরে‍।
• জুলাই ২০২১দগী হৌরগা থা ১৮ চুপ্না পি.এম.আই. মেনুফেকচরিং পাকথোক চাউথোকপগী ফিবান্নুংদা লৈরি, অমদি ইন্দেক্স ওফ ইন্দস্ত্রিএল প্রদক্সন (আই.আই.পি.) অফবা খোঙজেলদা হেনগৎলক্লি‍।
• জনুৱারী ২০২২দগী হৌরগা মাক্রো, স্মোল এন্দ মেদিয়ম এন্তরপ্রাইজে (এম.এস.এম.ই.)শিংদা পীবা ক্রেদিৎ ৩০%গী চাংদা হেনগৎলক্লি অমদি অচৌবা ইন্দস্ত্রীশিংদা পীবা ক্রেদিৎ ওক্তোবর ২০২২দগী হৌরগা দবল দিজিৎ হেনগৎলকপা উৎলি‍।
• ইলেক্ত্রোনিক্স এক্সপোর্ত শরুক অহুম্লোম হেনগৎলক্তুনা, শেনবা চহি ১৯দা য়ু.এস. দোলর বিলিয়ন ৪.৪ ওইরম্বদগী শেনবা চহি ২২দা য়ু.এস. দোলর বিলিয়ন ১১.৬ য়ৌরে‍।
• হেন্দসেত পুথোকপগী চাং শেনবা চহি ১৫দা য়ুনিৎ করোর ৬ ওইরম্বদগী শেনবা চহি ২১দা য়ুনিৎ করোর ২৯ ওইরক্তুনা, ভারতনা মালেমগী ওইনা অনিশুবা খ্বায়দগী চাউবা মোবাইল ফোন পুথোকপা ওইরে‍।

• ফার্মা ইন্দস্ত্রীদা চঙলকপা ফোরেন দাইরেক্ত ইনভেস্তমেন্ত (এফ.দি.আই.) শরুক মরি হেনগত্তুনা, শেনবা চহি ১৯দা য়ু.এস. দোলর মিলিয়ন ১৮০ ওইরম্বদগী শেনবা চহি ২২দা য়ু.এস. দোলর মিলিয়ন ৬৯৯ য়ৌরে‍।

• মথঙগী চহি মঙাদা লুপা করোর লাখ ৪গী চাউরাকপা কেপেক্সকা লোয়ননা কাঙলুপ ১৪দা হৌদোকখিবা প্রদক্সন লিঙ্ক ইন্সেন্তিব (পি.এল.আই.) স্কীমশিংনা ভারতপু মালেমগী সপ্লাই চেন্দা পুশিল্লক্কনি‍। শেনবা চহি ২২২দা পি.এল.আই. স্কীমগী মখাদা লুপা কর,র ৪৭,৫০০গী ইনভেস্তমেন্ত লৈরে, অমদি মসি চহিসিগী থমখিবা পান্দমগী ১০৬%নি‍। পি.এল.আই. স্কীমশিংনা মরম ওইরগা লুপা করোর লাখ ৩.৮৫কী প্রদক্সন/সেল্স অমদি থবক লাখ ৩.০ পীবগী ফীভম রেকোর্দ তৌখি‍।
• জনুৱারী ২০২৩ ফাওবদা কম্প্লাইএন্স ৩৯,০০০ হেন্না হন্থহনখ্রে অমদি প্রোভিচন ৩৫০০ হেন্না দিক্রিমিনেলাইজ তৌখ্রে‍।

সর্ভিসেস: সোর্স ওফ স্ত্রেঙ্থ

• সর্ভিস সেক্তর শেনবা চহি ২২দা লৈখিবা ৮.৪% (চহি চহিগী) অদুদগী শেনবা চহি ২৩দা ৯.১%দা হেনগৎলক্কনি হায়না পানরি‍।
• সর্ভিস সেক্তরগী থবক থৌওংশিং তাক্লিবা পি.এম.আই. সর্ভিসশিং চাউনা পাকথোক চাউথোরকপা জুলাই ২০২২দগী হৌনা উরি‍।
• ভারতনা ২০২১দা মালেমগী ওইনা সর্ভিস এক্সপোর্ত তৌবা মকোক থোংবা লৈবাক তরাগী মনুং চন্দুনা, ২০১৫দা ৱর্ল্দ কম্মর্সিএল সর্ভিসেস এক্সপোর্ত চাদা ৩ ওইরম্বদগী ২০২১দা চাদা ৪দা হেনগৎলে‍।
• ভারতকী সর্ভিস এক্সপোর্ত কোবিদ-১৯ লাইচৎ মনুংদা অমদি দিজিতেল সপ্পোর্ত, ক্লাউদ সর্ভিস অমসুং ইনফ্রাস্ত্রকচর মোদর্নাইজেসনগী দিমান্দ হেনগৎলকপনা জিওপোলিতিকেলগী তম্বা ঙমদবা ফীভম মরক্তা ফীভম হোংদনা লৈখি‍।
• সর্ভিস সেক্তরদা পীবা ক্রেদিৎ জুলাই ২০২২দগী হৌনা ১৬%গী মথক্তা হেনগৎলক্লে‍।
• শেনবা চহি ২২দা সর্ভিস সেক্তরদা য়ু.এস. দোলর বিলিয়ন ৭.১গী এফ.দি.আই. ইকুইতী চঙলকখি‍।
• শেনবা চহি ২৩দা কন্তেক্ত-ইন্তেন্সিব সর্ভিসশিং লাইচৎ মমাঙগী গ্রোথকী চাঙদা হঞ্জিল্লক্লগনি‍।
• রিএল এস্তেত সেক্তরদা লৈরিবা লেপ্তবা গ্রোথনা হাউজিং সেল্সপু ২০২১ অমসুং ২০২২গী মরক্তা ৫০% হেনগৎলক্তুনা লাইচৎ মমাঙগী ফীভমদা পুরক্ল‍ে‍।
• হোতেল ওকুপেন্সী রেৎ এপ্রিল ২০২১দা ৩০-৩২% ওইরম্বদগী নবেম্বর ২০২২দা ৬৮-৭০% য়ৌরে‍।
• সিদ্যুল ইন্তরনেস্নেল ফ্লাইত মথৌ তৌরকপা অমদি কোবিদ-১৯গী কাঙলোন কোমথোরকপগা লোয়ননা শেনবা চহি ২৩দা ভারত্তা মপান লৈবাক্কী তুরিস্ত লাকপা থা খুদিংগী হেনগৎলকপগা লোয়ননা তুরিজম সেক্তর হান্নগী ফীভমদা হঞ্জিল্লকপগী খুদমশিং উৎলি‍।
• দিজিতেল প্লেৎফোর্মশিংনা ভারতকী ফাইনেন্সিএল সর্ভিসতা অহোংবা পুরক্লি‍।
• ভারতকী ই-কম্মর্স মার্কেৎ ২০২৫ ফাওবা চহিদা চা১আ ১৮গী চাংদা চাউখৎলক্কনি হায়না পারি‍।

এক্সতর্নেল সেক্তর

• এপ্রিল-দিসেম্বর ২০২২দা লৈখিবা মর্চেন্দাইজ এক্সপোর্ত য়ু.এস. দোলর বিলিয়ন ৩৩২.৮ ওইখি‍।
• ভারতনা মাগী কৈথেল মখল মথে ওইহন্দুনা ব্রাজিল, খা অফ্রিকা অমদি সাউদি অরাবিয়াদা এক্সপোর্ত হেনগৎহল্লে‍।
• কৈথেলগী পাক চাউবা হেনগৎহন্নবা অমদি মনুং চঙশিনবা ঙমহন্নবগীদমক, ২০২২দা সি.ই.পি.এ.না য়ু.এ.ই.গা অদুগা ই.সি.তি.এ.না ওস্ত্রেলিয়াগা খুৎশম্ননা চৎমিন্নরে‍।
• ইং ২০২২দা য়ু.এস. দোলর বিলিয়ন ১০০ চঙলক্তুনা ভারতনা মালেমগী রিমিত্তেন্স খ্বায়দগী য়াম্না ফংবা লৈবাক ওইরি‍। সর্ভিস এক্সপোর্তকী মথংদা রিমিত্তেন্সনা অনিশুবা খ্বায়দগী চাউবা এক্সতর্নেল ফাইনেন্সিংগী সোর্স ওইরি‍।

• দিসেম্বর ২০২২ ফাওবদা, ফোরেক্স রিজর্ব ইম্পোর্তকী থা ৯.৩ কোনশিন্দুনা য়ু.এস. দোলর বিলিয়ন ৫৬৩দা লৈরি‍।
• নবেম্বর ২০২২ লোইশিল্লকপদা, ভারতনা মালেমগী ওইনা তরুকশুবা খ্বায়দগী চাউবা ফোরেন এক্সচেঞ্জ রিজর্ব হোল্দর ওইরি‍।
• হৌজিক লৈরিবা এক্সতর্নেল দেৎকী স্তোক অসি ফোরেন এক্সচেঞ্জ রিজর্বশিংগী নুংশা থিনিংঙাই ওইদবা থাক্তা লৈদুনা নীংথিনা ঙাক শেন্দুনা থম্লি‍।
• ভারতকী ওইনা গ্রোস নেস্নেল ইনকমগী পর্সেন্তেজ ওইনা অপুনবা তেৎ অমদি অপুনগী দেৎকী পর্সেন্তেজ ওইনা সোর্ত-তর্ম দেৎ নেম্না লৈরি‍।

ফীজিকেল অমদি দিজিতেল ইনফ্রাস্ত্রকচর

ইনফ্রাস্ত্রকচর দিভেলপমেন্ততা লৈরিবা লৈঙাক্কী মীৎয়েঙ

• পব্লিক প্রাইভেৎ পার্ত্নরসিপ
  • ইং ২০১৪-১৫দগী ২০২২-২৩ ফাওবদা ভি.জি.এফ. স্কীমগী মখাদা অপুনবা প্রোজেক্ত কোস্ত লুপা করোর ৬৭,৮৭০.১গী ওইগদবা প্রোজেক্ত ৫৬তা ইন-প্রিন্সিপল ওইনা অয়াবা পীখ্রে‍।
  • শেনবা চহি ২৩-২৫গী ওইনা লুপা কর,র ১৫০গী আউতলেগা লোয়ননা আই.আই.পি.দি.এফ. স্কীম লৈঙাক্না নবেম্বর ০৩, ২০২২দা লাউথোকখ্রে‍।

• নেস্নেল ইনফ্রাস্ত্রকচর পাইপলাইন
  • লুপা করোর লাখ ১৪১.৪গী ওইগদবা প্রোজেক্ত ৮৯,১৫১ তোঙান তোঙানবা তাঙ্কক্তা লৈরি‍।
  • লুপা কর,র লাখ ৫.৫গী ওইগদবা প্রোজেক্ত ১০০৯ লোইশিল্লে‍।
  • এন.আই.পি. অমদি প্রোজেক্ত মোনিতরিং গ্রুপ (পি.এম.জি.) পোর্তেল শমজিন্নবনা প্রোজেক্তশিংগী অয়াবা পীবা/ক্লিয়রেন্স খোঙজেল য়াঙ্খৎহনগনি‍।

• নেস্নেল মোনিতাইজেসন পাইপলাইন
  • চাউরাকপা অপুনবা ইনভেস্তমেন্ত পোতেন্সিএল লুপা করোর লাখ ৯.০নি‍।
  • শেনবা চহি ২২দা হান্না পারক্বা লুপা করোর লাখ ০.৮গী মহুত্তা লুপা করোর লাখ ০.৯গী মোনিতাইজেসনগী পান্দম ফংখ্রে‍।
  • শেনবা চহি ২৩গী পান্দম লুপ করোর লাখ ১.৬ (অপুনবা এন.এম.পি. তার্গেৎকী চাদা ২৭) ওইহননবা মীৎয়েঙ থম্লি‍।

• গতিশক্তি
  • পি.এম. গতিশক্তি নেস্নেল মাস্তর প্লান্না মন্ত্রালয়/দিপার্তমেন্তশিংগী অপুনবা খুজিল থৌরাং য়াৎনবা অমদি থোং মান্ননা পায়খৎমিন্ননবা মপুং ওইবা দেতাবেজ শেম্লি‍।
  • মী অমসুং পোৎলমশিং অপনবা লৈতনা চত্থোক চৎশিন, পুথোক পুশিন তৌনবগী অহোবশিং মেনশিনবগা লোয়ননা মল্তিমোদেল কন্নেক্তিবিতী অমদি লোজিস্তিক ইফিসিএন্সী ফগৎহন্নবা পান্দম থম্লি‍।

ইলেক্ত্রিসিতী সেক্তর অমদি রিনিউএবল্স

• সেপ্তেম্বর ৩০, ২০২২ ফাওবদা, লৈঙাক্না স্তেত ১৬তা সোলার পার্ক ৫৯ শেমগৎনবগী অপুনবা তার্গেৎ কেপাসিতী গিগাৱাত ৪০ সেংসন তৌখ্রে‍।
• শেনবা চহি ২১দা গিগাৱাত ১৫.৯গী ইলেক্ত্রিসিতী পুথোকখিবগা চাংদম্নবদা শেনবা চহি ২২দা মৈ গিগাৱাত ১৭.২ পুথোকখি‍।
• অপুনবা ইন্সতোল্দ পৱার কেপাসিতী (মেগাৱাত ১ অমদি মসিদগী হেনবা দিমান্দ তৌবা ইন্দস্ত্রীশিং) মার্চ ৩১, ২০২১দা গিগাৱাত ৪৬০.৭ লৈরম্বদগী মার্চ ৩১, ২০২২দা গিগাৱাত ৪৮২.২দা হেনগৎলে‍।

ইন্দিয়ন লোজিস্তিক্সপু মালেমগী ওইনা হিদান্নবা ঙম্বা ওইহনবা

• নেস্নেল লোজিস্তিক্স পোলিসীনা খোঙজেল য়াঙনা অমদি পুক্নমক কোনশিন্দুনা চাওখৎপা পুরক্নবগীদমক তেক্নোলোজীনা মথৌ তৌহনবা, অপুনবা, শেঞ্জং হন্থবা, খাঙবা কনবা, তুং কোইগদবা অমদি থাজবা য়াবা লোজিস্তিক ইকোসিস্তেম অমা লৈবাকশিদা শেমগৎনবগীদমক মীৎয়েঙ থম্লি‍।
• শেনবা চহি ১৬দা এন.ঐচ./লম্বী কি:মি: ৬০৬১ শেমগৎখিবগা চাংদম্নবদা শেনবা চহি ২২দা কি:মি: ১০৪৫৭ শেমগত্তুনা নেস্নেল হায়ৱে )এন.ঐচ.)/ লম্বী শেম্বগী থবক খুমাঙ চাওশিল্লে‍।
• বজেৎকী চাদিং শেনবা চহি ২০দা লুপা করোর লাখ ১.৪ ওইরম্বদগী শেনবা চহি ২৩দা লুপা করোর লাখ ২.৪ ওইদুনা কেপিতেল এক্সপেন্দিচরদা অনৌবা ইনোৎ হাপ্লি‍।
• কিসান রেল ২৩৫৯না ওক্তোবর ২০২২ ফাওবদা পত্থ পুমথগনবা মনা মশিং তন লাখ ৭.৯১ রোম পুথোক পুশিন তৌখ্রে‍।
• উরান স্কীম ২০১৬দা হৌদোকখিবা মতুংদগী স্কীম অসিগী কান্নবা এয়র পেসেঞ্জর করোর অমা হেনবনা লৌখ্রে‍।
• চহি ৮সিদা অচৌবা হিথাংফমশিংগী কেপাসিতী শরুক অনিগী ময়াদা হেনগৎলে‍।
• ইনলেন্দ ৱাতর ত্রান্সপোর্ত য়োকখত্তুনা ভেসেলশিং অয়েৎ অপন লৈতনা চত্থোক চৎশিন য়াহন্নবগীদমক ইনলেন্দ ভেসেল্স এক্ত ২০২১না চহি চহি ১০০ শুরবা এক্তকী মহুৎ শিন্দোকখ্রে‍।

ভারতকী দিজিতেল পব্লিক ইনফ্রাস্ত্রকচর

• য়ুনিফাইদ পেমেন্ত ইন্তরফেস (য়ু.পি.আই.)
  • য়ু.পি.আই. বেজ ত্রাঞ্জেক্সন ২০১৯-২২গী মরক্তা ভেল্যুদা (চাদা ১২১) অমদি ভোল্যুমদা (চাদা ১১৫) হেনগত্তুনা মালেম পুম্বগী ওইনা শীজিন্নরক্নবগী লম্বী য়াৎলি‍।
• তেলিফোন অমদি রেদিও – দিজিতেল এম্পৱারমেন্তকীদমক
  • ভারতকী অপুনবা তেলিফোন বেজ সব্সক্রাইবর করোর ১১৭.৮ (সেপ্তেম্বর ২২ ফাওবদা), ওইদুনা খুঙ্গংগী লমদা সব্সক্রাইবর মশিং চাদা ৪৪.৩ লৈরি‍।
  • অপুনবা তেলিফোন সব্সক্রাইবরগী চাদা ৯৮ হেনবদি ৱাইয়রলেস ওইনা শম্নৈ‍।
  • ভারতকী অপুনবা তেলি-দেন্সিতি অসি মার্চ ২০২২দা চাদা ৮৪.৮ ওইখি‍।
  • ২০১৫ অমদি ২০২১গী মরক্তা খুঙ্গঙদা ইন্তরনেৎ সব্সক্রিপ্সন চাদা ২০০ হেনগৎলে‍।
  • প্রসার ভারতীনা (ভারতকী ওতোনোমস ওইবা পব্লিক সর্ভিস ব্রোদকাস্তর) – স্তেসন ৪৭৯দগী লোল ২৩, লোলথৈ ১৭৯দা শন্দোক্লি‍। অপুনবা মফমগী চাদা ৯২ অমদি অপুনবা মীশিংগী চাদা ৯৯.১ য়ৌশিল্লে‍।
• দিজিতেল পব্লিক গুদ্স
  • ২০০৯দা আধার হৌদোকখিবদগী লো-কোস্ত এসেসিবিলিতী ফংবা ঙম্লে‍।
  • লৈঙাক্কী স্কীমশিংগী মখাদা মাইস্কীম, ত্রেদস, জি.ই.এম. ই-নাম, উমংনা মার্কেৎ প্লেসতা অহোংবা পুরক্লে অমদি মীয়ামবু সেক্তর পুম্বদা সর্ভিস ফংবা ঙমহল্লে‍।
  • একাউন্ত এগ্রিগেতরগী মখাদা, কন্সেন্ত-বেজ দেতা সেয়রিং ফ্রেমৱর্ক বেঙ্গ একাউন্ত করোর ১১০ হেনবদা লাইব ওইরি‍।
  • ওপন ক্রেদিৎ ইনেবলমেন্ত নেৎৱর্কনা এন্দ-তু-এন্দ দিজিতেল লোন এপ্লিকেসন য়াহনবগা লোয়ননা লেন্দিং ওপরেসনশিং দিমোক্রেতাইজ তৌনবা মায়কৈদা মীৎয়েঙ থম্লি‍।
  • নেস্নেল এ.আই. পোর্তেলনা আর্তিকল ১৫২০, ভিদিও ২৬২, অমদি লৈঙাক্কী থৌরাং ১২০ ফোঙদোকখ্রে অমদি লোলগী পল নমখায়নবা খুৎলায় অমা ওইনা হায়বদি, ‘ভাসিনী’ উরি‍।
  • হেন্না ফীভম ফগৎলবা য়ুজর প্রাইভেসী লৈহন্নবা লেজিস্লেসন পুথোক্লি অমদি অচৌবা দেতা গভর্নেন্সতা মীৎয়েঙ থমদুনা স্তেন্দর্দ, ওপন, অমদি ইন্তরওপরেবল ওইবা প্রোতোকোলগী ইকোসিস্তেম অমা শেমগৎলি‍।

***