প্রধান মন্ত্রী, শ্রী নরেন্দ্র মোদীনা ঙসি মেঘালয়গী শিল্লোংদা লুপা করোর ২৪৫০ হেনবা তোঙান-তোঙানবা প্রোজেক্তশিং উরেপ-উয়ুং তমখ্রে অমসুং শঙ্গাখ্রে অমদি জাতিদা কত্থোকখ্রে। ঙসি অঙনবদা প্রধান মন্ত্রীনা শিল্লোংগী স্তেৎ কনভেন্সন সেন্তরদা নোর্থ ইস্তর্ন কাউন্সিলগী মীফমদা শরুক য়াখি অমসুং মাগী গোল্দন জুবিলীগী থৌরমদা য়াওখি।

তোঙান-তোঙানবা প্রোজেক্তশিং অদুদা শাবা লোইখ্রবা ৩২০ অমসুং শাবা লোইদ্রিবা ফোরজি মোবাইল তাৱর ৮৯০, উমসোলীদা লৈবা আই.আই.এম. শিল্লোংগী অনৌবা কেম্পস, অনৌবা শিল্লোং সেতলাই তাউনশিপকী কন্নেক্তিবিত ফগৎহনগদবা শিল্লোং-দিঙ্গপাসোহ রোদ অমসুং রাজ্য অহুম হায়বদি মেঘালয়, মনিপুর অমসুং অরুনাচল প্রদেশ ফাওদুনা চৎলিবা অতোপ্পা লম্বীগী প্রোজেক্ত মরি শঙ্গাবা য়াওরি। প্রধান মন্ত্রীনা মুশরুম দিবেলপমেন্ত সেন্তরদা স্পাউন লেবোরেতোরী অমসুং মেঘালয়দা ইন্তিগ্রেতেদ বীকিপিং দিবেলপমেন্ত সেন্তর অমসুং মিজোরাম. মনিপুর, ত্রিপুরা অমসুং অসামদা হিন্দী লাইব্রেরী ২১ শঙ্গাখি। প্রধান মন্ত্রীনা অসাম, মেঘালয়, মনিপুর, মিজোরাম অমসুং ত্রিপুরা, রাজ্যশিং অসি ফাওদুনা চৎলিবা লম্বীগী প্রোজেক্ত তরুক উরেপ-উয়ুং তমখি। মহাক্না তুরাদা ইন্তিগ্রেতেদ হোস্পিতেলিতী এন্দ কনভেন্সন সেন্তর অমসুং শিল্লোং তেক্নোলোজী পার্ক ফেজ- IIসু উরেপ-উয়ুং তমখি।

থৌরম অসিদা ৱা ঙাংলদুনা প্রধান মন্ত্রীনা মেঘালয় অসি মহৌশা অমসুং নাৎ য়াম্না লৈ অমসুং মসিগী লন অসি মীয়ামগী মীয়োক মীচান ফবা অমসুং তরাম্না ওকপগী মতৌদা মমি তাখি। মহাক্না মেঘালয়গী প্রজাশিংবু রাজ্য অসিবু হেন্না চাউখৎহন্নবগীদমক কন্নেক্তিবিতী, এজুকেসন, স্কিল অমসুং থবক য়াওনা পাইখৎলিবা অমসুং নৌনা শঙ্গাখিবা প্রোজেক্ত কয়ামরুমগীদমক নুংঙাইবা ফোঙদোকখি।

প্রধান মন্ত্রীনা ঙসি ফুতবোলগী ৱর্ল্দ কপ চত্থরিঙৈ মতমদা তানফম চানরুদুনা ফুতফোল ফিল্দদা ঙসিগী মীয়ামগী ওইবা থৌরম অসি পাঙথোকপা অসিদা মীয়ামগী পুক্নিং চিংশিনখি। মহাক্না হায়, “নাকল অমরোমদা ফুতবোলগী কম্পিতিসন চত্থরি অমরোমদনা ঐখোয়না ফুতবোল ফিল্দদা চাউখৎ-থৌরাংগী কম্পিতিসন্দা মফম অসিদা ঐখোয়না মাংজিল থারি। ফুতবোল ৱর্ল্দ কপ অসি কতারদা পাঙথোকচরবসু মফম অসিগী মীয়ামগী থৱায় য়াওবা অসিনা তাবা লৈতে”। শান্নরোয়গী কাংলোনগী ৱাংমদা চৎপা মীশক্তা ফুতবোলদা রেদ কার্দ পীবগা চাংদম্নরদুনা প্রধান মন্ত্রীনা লৈবাক অসিনা অৱাং নোংপোক্কী চাউখৎ-থৌরাংগী লম্বেলদা লাকপা অপনবা পুম্নমক্তা রেদ কার্দ পীখি হায়না ফোঙদোকখি। মহাক্না হায়খি, “শেঞ্জা থুমজা, খেন্নবা, নেপোতিজম, হিংসা নত্ত্রগা ভোৎ-বেঙ্কগী রাজনিতীশিং ওইরবসু লমদম অসিগী চাউখৎ-থৌরাংদা অপনবা পীনবা হোৎনরকপদা ঐখোয়না ফত্তবা পুম্নমক মরু ফংনা মুৎথৎনবা কত্থোকপগা লোয়ননা অমদি পুকচেল শেংনা থবক তৌরি”। প্রধান মন্ত্রীনা হায়খি অসিগুম্বা ফত্তবশিং অসি মরু ফংনা মুৎথৎখ্রবসু ঐখোয়না মখোয় অমমমতবু মাংহন্নবা মাইকৈদা থবক তৌবা তাই। মহাক্না মখা তারদুনা হায়ন সরকারগী খোঙথাংশিংনা অফবা ফলশিং পুরক্লি।

স্পোর্তস চাউখৎহন্নবা মীৎয়েং চংলিবা অসিগী মতাংদা পল্লদুনা প্রধান মন্ত্রীনা হায় কেন্দ্র সরকারনা অনৌবা থৌশিলগা লোয়ননা মাংদা চংশিল্লি অমসুং মসিগী কান্নবশিং অসি অৱাং নোংপোক্কী লমদমদসু ময়েক শেংনা উবা ফংগনি। মহাক্না হায় ভারতকী অহানবা স্পোর্তস য়ুনিভর্সিতী লৈবগী মথক্তা অৱাং নোংপোক লমদম অসি মলতিপর্পজ হোল, ফুতবোল ফিল্দ অমসুং এথলেতিক্স ত্রেকগুম্বা ইনফ্রাস্ত্রকচর কয়া নীংথিনা লৈ। মহাক্না মখা তারদুনা হায় অসিগুম্বা প্রোজেক্ত ৯০গী থবক পাইখৎলি। প্রধান মন্ত্রীনা হায়খি কতারদা ফুতবোল ৱর্ল্দ কপতা ইন্তর্নেস্নেল তীমশিংনা শান্নবা ঐখোয়না য়েংজরবসু মহাক্না নহারোলশিংগী শক্তিদা চেৎনা থাজবা থম্মি অমসুং ভারতনা অসিগুম্বা মান্নবা থৌরম অসি পাঙথোক্তুনা ভারত মচা পুম্নমক্না মদুদা শরুক য়ারিবা ঐখোয়গী তীমবু শৌগৎকদবা মতম অদু লাক্কদবা কুইদ্রে।

“চাউখৎ-থৌরাং অসি বজেৎ, তেন্দরশিং, উরেপ-উয়ুং তম্বা অমসুং শঙ্গাবশিং খক্তদা লোইদে”, প্রধান মন্ত্রীনা মখা তারদুনা হায় ২০১৪গী মমাং ফাওবদা মসিগী চৎনবী অসি লৈরমখি, “ঙসি ঐখোয়না উবা ফলিবা অওনবা অসি ঐখোয়গী অপাম্বা, ফিরেপ, মরু ওইবা অমদি ঐখোয়গী ৱার্ক কলচরদা অহোংবা লাকপগী ফলনি। ফলশিং অসি ঐখোয়গী থৌওংশিংদা উবা ফংগনি”। প্রধান মন্ত্রীনা মখা তারদুনা হায়, “লৌরিবা ফিরেপ অসি মোদর্ন ইনফ্রাস্ত্রকচর, মোদর্ন কন্নেক্তিবিতীগা লোয়ননা চাউখৎপা ভারত অমা শেম্বনি”। সবকা প্রয়াসকী খুত্থাংদা খোঙজেল য়াংনা চাউখৎপা পুরক্নবা পান্দমগা লোয়ননা ভারতকী লমদম অমদি শরুক খুদিংমক্কা শম্নহনবা হায়বা অসিনা অপাম্বনি। খুদোংচাবা ফংদবা মুৎথৎপা, অরাপ্পা হন্থহনবা, কেপাসিতী বিল্দিংগী থবক তৌবা, অমসুং নহারোলশিংদা হেন্না খুদোংচাবশিং পীবা অসিনা মরু ওইবনি। অমসুং ৱার্ক কলচরদা অহোংবা পুরকপা অসিনা প্রোজেক্ত অমদি প্রোগ্রাম খুদিংমক অকক্নবা মতমগী মনুংদা লোইশিনবা ঙম্লে তাক্লি”। প্রধান মন্ত্রীনা হায়খি কেন্দ্র সরকারনা চহি অসিদা ইনফ্রাস্ত্রকচর খক্তদা লুপা করোর লাখ ৭ চাদিং তৌখি অমরোমদা হৌখিবা চহি ৮ অসিদা মসিগী চাদিং অসি লুপা করোর লাখ ২দগী তানা তৌখি। মহাক্না মখা তারদুনা হায় রাজ্যশিং অসিনা ইনফ্রাস্ত্রকচর ফগৎহনবগী মতাংদা লাকপদা মখোয় মশেলগী মরক্তা অথোই-অহেন তানরি।

অৱাং নোংপোক্তা ইনফ্রাস্ত্রকচরেল দিবেলপমেন্তশিং পুরকপগী খুদমশিং পীরদুনা প্রধান মন্ত্রীনা হায়খি শিল্লোং য়াওনা অৱাং নোংপোক্কী কেপিতেল পুম্নমকপু রেল সর্ভিসনা শম্নহন্নবা খোঙজেল য়াংনা থবক পাইখৎলি অমসুং ২০১৪দা চয়োলগী ওইনা পাইরম্বা ফ্লাইৎ মশিং ৯০০ ওইরম্বা অদু ঙসি ১৯০০দা হেনগৎহনখি। প্রধান মন্ত্রীনা মখা তারদুনা হায় উরান স্কিমগী মখাদা মেঘালয় ফাওবা রুৎ ১৬তা ফ্লাইৎশিং পাইরি অমদি মসিগী ফল ওইনা মেঘালয়গী মীয়ামগীদমক এয়রফিয়র হোংনা ফংহল্লি। মেঘালয় অমসুং অৱাং নোংপোক্কী লৌমীশিংদা কান্নবশিং পীরিবগী মতাংদা পল্লদুনা প্রধান মন্ত্রীনা হায়খি মফম অসিদা হৌবা উহৈ-ৱাহৈ অমদি মনা-মশিং অসি কৃশি উরান স্কিমগী খুত্থাংদা লৈবাক অসিগী অমদি মপালগী কৈথেলশিংদা লায়না ফংহল্লি।

প্রধান মন্ত্রীনা ঙসি শঙ্গাখিবা কন্নেক্তিবিতী প্রোজেক্তশিং অসিদা মীয়ামগী পুক্নিং চিংশিনখি অমসুং মহাক্না হায় হৌখিবা চহি ৮ অসিদা মেঘালয়দা নেস্নেল হায়ৱে শাবদা লুপা করোর লিশিং ৫ চাদিং তৌখি অমরোমদনা মেঘালয়দা প্রধান মন্ত্রী সরক য়োজনাগী মখাদা হৌখিবা চহি ৮দা শেমখিবা খুঙ্গংগী লম্বীশিংগী মশিং অসি মমাংগী চহি ২০দা শেমলমখিবা লম্বীগী মশিংদগী শরুক তরেৎ হেনখি।

অৱাং নোংপোক্কী নহারোলশিংগীদমক দিজিতেল কন্নেক্তিবিতী হেনগৎহনবগী মতাংদা ৱা ঙাংলদুনা প্রধান মন্ত্রীনা হায় ওপ্তিকেল ফাইবর কভরেজ অসি ২০১৪গা চাংদম্নবা মতমদা অৱাং নোংপোক্তা শরুক ৪ হেনগৎলকখি অমসুং মেঘালয়দা শরুক ৫ হেনগৎলকখি। মহাক্না মখা তারদুনা হায় লুপা করোর লিশিং ৫গী আউতলেগা লোয়ননা লমদম অসিগী শরুক খুদিংমক্তা মোবাইল কন্নেক্তিবিতী ফংহন্নবা মোবাইল তাৱর লিশিং ৬ য়ুংখি। প্রধান মন্ত্রীনা হায়খি “ইনফ্রাস্ত্রকচর অসিনা মেঘালয়গী নহারোলশিংদা অনৌবা খুদোংচাবশিং পীরগনি”। এজুকেসন ইনফ্রাস্ত্রকচরগী মতাংদা প্রধান মন্ত্রীনা হায়খি আই.আই.এম. অমসুং তেক্নোলোজী পার্ক এজুকেসনগা লোয়ননা লমদম অসিদা শেল তানবগী খুদোংচাবশিং হেনগৎলগনি। মহাক্না হায়খি অৱাং নোংপোক্তা একলব্য স্কুল ১৫০ হেন্না শাবা উবা ফংখি হায়রিবা অসিদা ৩৯দি মেঘালয়দা ওইখি।

প্রধান মন্ত্রীনা রোপৱেজকী নেৎৱার্ক অমা শারিবা পর্বতমালা স্কিম অমসুং অচৌবা চাউখৎ থৌরাংগী প্রোজেক্তশিংগীদমক লায়না অয়াবা পীবা য়াহল্লিবা অৱাং নোংপোক্কী চাউখৎ থৌরাংদা অনৌবা শাহৌ পীগদৌরিবা পি.এম. দিভাইন স্কিমগী খুদম পীখি। মহাক্না মখা তারদুনা হায়, “পি.এম.-দিভাইনগী মখাদা মথংগী চহি ৩-৪গীদমক লুপা করোর ৬,০০০গী বজেৎ খাক্তুনা থমখ্রে”।

অৱাং নোংপোক্কীদমক মমাংদা পাল্লম্বা সরকারশিংগী ‘তোখাইনা তাবগী’ থৌশিলগী মতাংদা পল্লদুনা প্রধান মন্ত্রীনা হায়খি ঐখোয়গী সরকারনা ‘দিভাইন’গী অপাম্বশিং পুথোকখি। মহাক্না হায়, “তোঙান-তোঙানবা ফুরুপশিং নত্ত্রগা তোঙান-তোঙানবা লমদমশিং ওইরবসু ঐখোয়না তোখাইনা তাবগী ৱাখল্লোন পুম্নমক মাংহল্লি। ঙসি অৱাং নোংপোক্তা ঐখোয়না চয়েৎনবগী ঙমখৈশিংগী মহুৎ চাউখৎ থৌরাংগী কোরিদোরশিং শেমগৎপদা মীৎয়েং চংলি”। প্রধান মন্ত্রীনা হৌখিবা চহি ৮দা ওর্গনাইজেসন কয়ানা হিংসাগী লম্বী থাদোকখি অমসুং পর্মিনেন্ত পীচকীদমক চংজফম লৌখি। অৱাং নোংপোক্তা অফস্পাগী মথৌ তারক্তবগী মতাংদা ৱা ঙাংলদুনা প্রধান মন্ত্রীনা হায়খি রাজ্য সরকারশিংগী মতেংগা লোয়ননা ফীভমশিং অসি লেপ্পা লৈতনা ফগৎলক্লি অমরোমদনা দিকেদ কয়াদগী মায়োক্নদুনা লাক্লবা রাজ্যশিংগী মরক্তা লৈরিবা ঙমখৈগী চয়েৎনবশিং অসি কোকহল্লি।

প্রধান মন্ত্রীনা হায়খি মদুদি অৱাং নোংপোক অসি ঙমখৈগী লমদা লৈরিবা মফম অমগী মহুৎ ঙাকশেল অমসুং চাউখৎপগী গেৎৱে অমনি। প্রধান মন্ত্রীনা ঙমখৈদা লৈরিবা খুঙ্গংশিংদা অফবা ফেসিলিতীশিং পীরিবা ভাইব্রেন্ত ভিলেজ স্কিমগী মতাংদা ফোঙদোকখি। য়েক্নবশিংনা কান্নবা ফংখ্রগনি হায়বগী অকিবা পোকপনা মরম ওইদুনা ঙমখৈগী মফমশিংদা কন্নেক্তিবিতী লৈহনখিদবগীদমক প্রধান মন্ত্রীনা নীংঙমদবা ফোঙদোকখি। প্রধান মন্ত্রীনা হায়খি, “ঙসি ঐখোয়না থৌনা লৈনা ঙমখৈদা অনৌবা লম্বী, অনৌবা তনেল, অনৌবা থোং, অনৌবা রেলৱে লাইন অমসুং এয়রস্ত্রাইপশিং শারি। নাইতোম তানা লৈরম্বা ঙমখৈগী খুঙ্গংশিং চাউখৎহল্লি। ঐখোয়গী সহরশিংদা মথৌ তাবা খোঙজেল অদু ঐখোয়গী ঙমখৈশিংদসু মথৌ তাই”।

প্রধান মন্ত্রীনা হিস হোলিনেস পোপকা উন্নখিবা অদু নীংশিংখি অমসুং লুচিংবা অনিনা ঙসিগী মীওইবা জাতিনা মায়োক্নরিবা শীংনবশিং অসিগী মতাংদা খন্নখি অমসুং মখোয়বু কোকহন্নবা অপুনবা খোঙথাং অমদা য়ান্নবা পুরকখি। প্রধান মন্ত্রীনা হায়, “ঐখোয়না মসিগী ৱাখল্লোন অসি মপাঙ্গল কনখৎহনবা মথৌ তাই”।

সরকার অসিনা শিজিন্নরিবা শান্তি অমসুং চাউখৎ থৌরাংগী রাজনিতীগী মতাংদা পল্লদুনা প্রধান মন্ত্রীনা হায় মসিদগী খ্বাইদগী চাউনা কান্নবা ফংলিবা অসি ঐখোয়গী ত্রাইবেল খুন্নাইনি। ত্রাইবেল খুন্নাইগী চৎনবী, লোল অমসুং নাৎ ঙাক্না থমদুনা ত্রাইবেলশিংনা খুন্দাবা মফমশিংদা চাউখৎ থৌরাং পুরকপা হায়বসি সরকার অসিগী অহানবা মীৎয়েংনি। ৱা য়ানবদা অথিংবা থমলম্বা লৌথোকখিবা অদুবু খুদম ওইনা পীরদুনা মসিনা ৱাগা মরী লৈনবা ত্রাইবেলগী পোত্থোকশিং পুথোকপদা চাউনা শাহৌ পীরগন। “উমংদগী ফংলিবা পোত্থোকশিং মরাং কাইনা পুথোক্নবা অৱাং নোংপোক্তা বন ধান কেন্দ্র ৮৫০ লিংখৎখ্রে। সেল্ফ হেল্প গ্রুপ কয়ামরুম্না মসিগী থৌদাং লৌরি অমসুং মসিগী মনুংদা কয়া অমনা ঐখোয়গী ইচেল ইচলশিং ওইরি” হায়না মহাক্না ফোঙদোকখি। 

য়ুমশিং, ঈশিং অমসুং ইলেক্ত্রিসিতীনা চিংবা সোসিএল ইনফ্রাস্ত্রকচরশিংনা অৱাং নোংপোক্তা চাউনা কান্নবা পীরি। হৌখিবা চহি খরা অসিদা অনৌবা য়ুমথোং লাখ ২না ইলেক্ত্রিসিতী কন্নেক্সন ফংহনখ্রে। য়ুম লিশিং ৭০ হেনবা লাইরবশিংগী শানবা অয়াবা পীখ্রে অমসুং য়ুমথোং লাখ ৩দা তোতি ঈশিং ফংহনখ্রে। “ঐখোয়গী ত্রাইবেল ইমুংশিংনা মসিগী স্কিম অসিগী খ্বাইদগী চাউনা কান্নবা ফংলি” হায়না মহাক্না ফোঙদোকখি।

মহাক্কী ৱারোল অদু লোইশিল্লদুনা মফম অসিগী চাউখৎ থৌরাংগী খোংজেল অসি মখাতানা চত্থনবা য়াইফ-মঙ্গল পীখি অমসুং অৱাং নোংপোক্কী চাউখৎ থৌরাংদা শক্তি হাপলিবা মীয়ামগী থৌজাল অদুবু থাগৎপা ফোঙদোকখি। লাক্কদোরিবা খৃস্তমাস অসিদগী মহাক্না য়াইফ-পাউজেল পীখি।  

থৌরম অদুদা শরুক য়াখিবশিংগী মরক্তা মেগালয়গী মুখ্য মন্ত্রী শ্রী কোনরাদ কে শঙমা, মেঘালয়গী রাজ্যপাল ব্রিগ (দা) বি.দি. মিশ্রা (থবক্তগী পোত্থরবা), কেন্দ্রগী গৃহ মন্ত্রী অমিৎ শাহ, কেন্দ্রগী মন্ত্রী, শ্রী জি কিশন রেদ্দী, শ্রী কিরেন রিজিজু  অমসুং সরবানন্দ সোনোৱাল, কেন্দ্রগী রাজ্য মন্ত্রী, শ্রী বি.এল. ভর্মা, মনিপুরগী মুখ্য মন্ত্রী শ্রী এন বিরেন সিংহ, মিজোরামগী মুখ্য মন্ত্রী শ্রী জোরামথাং, অসামগী মুক্য মন্ত্রী শ্রী হিমন্ত বিস্বা সর্মা, নাগালেন্দগী মুখ্য মন্ত্রী শ্রী নৈফিয়ু রিও, সিক্কিমগী মুখ্য মন্ত্রী, শ্রী প্রেম সিংহ তমাং, অরুনাচল প্রদেশকী মুখ্য মন্ত্রী শ্রী পেমা খন্দু অমসুং ত্রিপুরাগী মুখ্য মন্ত্রী শ্রী মনিক শাহ য়াওখি।

বেকগ্রাউন্দ

লমদম অসিদা তেলিকোম কন্নেক্তিবিতী হেন্না শাহৌ পীনবা খোঙথাং অমদা প্রধান মন্ত্রীনা জাতিদা ৪জি মোবাইল তাৱরশিং কত্থোকখ্রে মসিগী মনুংদা ৩২০দি শাবা লোইশিনখ্রে অমসুং ৮৯০রোমনা শাবগী থবক চত্থরি। মহাক্না উমসোলিদা আই.আই.এম. শিল্লোংগী অনৌবা কেম্পস শঙ্গাখ্রে। মহাক্না শিল্লোং-দেঙ্গপাসোহ রোদ শঙ্গাগনি, মসিনা অনৌবা শিল্লোং সেতলাইৎ তাউনশিপ ফাওবা কন্নেক্তিবিতী ফগৎহল্লগনি অমসুং শিল্লোংদা মী চিনবা হন্থহল্লগনি। মহাক্না রাজ্য অহুমদা – মেঘালয়, মনিপুর অমসুং অরুনাচল প্রদেশ ফাওদুনা চৎলিবা অতোপ্পা রোদ প্রোজেক্ত মরিসু শঙ্গাখ্রে।

মহাক্না মশরুম স্পোন প্রদক্সন হেনগৎহন্নবা অমসুং লৌমীশিং অমদি ওন্তপ্রিনোরশিংদা স্কিল ত্রেনিং পীনবা মেঘালয়দা মুশরুম দিবেলপমেন্ত সেন্তরদা স্পোন লেবোরেতোরী শঙ্গাখ্রে। মহাক্না কেপাসিতী বিল্দিং অমসুং তেক্নোলোজী অপগ্রেদেসনগী খুত্থাংদা খোই য়োক্লিবা লৌমীশিংগী হিংনবগী লম্বী ফগৎহন্নবা মেঘালয়দা ইন্তিগ্রেতেদ বীকিং দিবেলপমেন্ত সেন্তরসু শঙ্গাখ্রে। মখা তানা মহাক্না মিজোরাম, মনিপুর, ত্রিপুরা অমসুং অসামদা হিন্দী লাইব্রেরী ২১ শঙ্গাখ্রে।

প্রধান মন্ত্রীনা অসাম, মেঘালয়, মনিপুর, মিজোরাম অমসুং ত্রিপুরা রাজ্যশিং অসিদা রোদ প্রোজেক্ত তরুক্কী উরেপ-উয়ুং তমখ্রে। মহাক্না তুরাদা ইন্তিগ্রেতেদ হোস্পিতালিতী এন্দ কনভেন্সন সেন্তর অমসুং শিল্লোং তেক্নোলোজী পার্ক ফেস -II গী উরেপ উয়ুংসু তমখ্রে। তেক্নোলোজী পার্ক ফেস-II অসি লম স্ক্বার ফীত লাখ ১.৫ পাকপা মফমদা শাগনি। মসিনা প্রোফেস্নেলশিংগীদমক অনৌবা খুদোংচাবা পীরগনি অমদি থবক ৩০০০ হেন্না পীরবা য়াই পান্নরি। ইন্তিগ্রেতেদ হোস্পিতালিতী এন্দ কনভেন্সন সেন্তর অসিদা কনভেন্সন হব, গেস্ত রুমশিং, ফুদ কোর্ত অসিনচিংবা য়াওগনি। মসিনা লমদম অসিদা তুরিজম চাউখৎহন্নবা অমসুং কলচরেল হেরিতেজ উৎথোক্নবা মথৌ তাবা ইনফ্রাস্ত্রকচর পীরগনি।

Wonderful to be among the enterprising people of Meghalaya. Launching projects which will further development of the state. https://t.co/r90gtmM3MA

— Narendra Modi (@narendramodi) December 18, 2022

In the last eight years, we have shown 'Red Card' to the obstacles in way of development in the North East. pic.twitter.com/hhUXVBMg3Z

— PMO India (@PMOIndia) December 18, 2022

Opening up avenues for the dynamic youth of North East. pic.twitter.com/DJuCkV8V5l

— PMO India (@PMOIndia) December 18, 2022

We have transformed the intention with which governments used to work for development of North East. We have transformed the work culture. pic.twitter.com/XinydwJZd3

— PMO India (@PMOIndia) December 18, 2022

New opportunities are being created for the youth of North East through digital connectivity. pic.twitter.com/Xw4Og8v5Yl

— PMO India (@PMOIndia) December 18, 2022

PM-DevINE scheme is going to give a new impetus to the development of North East. pic.twitter.com/0q9zC6UPkW

— PMO India (@PMOIndia) December 18, 2022

North East is our gateway to security and prosperity. pic.twitter.com/ymlnangSbs

— PMO India (@PMOIndia) December 18, 2022

आज डंके की चोट पर बॉर्डर पर नई सड़कें, नई टनल, नए पुल, नई रेल लाइन, नए एयर स्ट्रिप बनाने का काम तेज़ी से चल रहा है। pic.twitter.com/hfgGuewePf

— PMO India (@PMOIndia) December 18, 2022

*****