প্রধানমন্ত্রীগী লোইশঙ
পি.এম.না ‘নাগপুর মেত্রো ফেস-II’ উরেপ উয়ুং তমখ্রে অমসুং জাতিদা ‘নাগপুর মেত্রো ফেস I’ কত্থোকখ্রে
ফ্রীদম পার্ক মেত্রো স্তেসন্দগী খপরি মেত্রো স্তেসন ফাওবা মেত্রো তোংদুনা চৎখ্রে
Posted On:
11 DEC 2022 11:46AM by PIB Imphal
প্রধান মন্ত্রী, শ্রী নরেন্দ্র মোদীনা ঙসি খপরি মেত্রো স্তেসন্দা জাতিদা ‘নাগপুর মেত্রো ফেস I’ কত্থোকখ্রে অমসুং ‘নাগপুর মেত্রো ফেস-II’গী উরেপ উয়ুং তমখ্রে। প্রধান মন্ত্রীনা খপরিদগী ওতোমোতিব স্ক্বার ফাওবা অমসুং প্রজাপতি নগরদগী লোকমান্য নগর ফাওবা মেত্রো ত্রেনশিং লমথাখ্রে। নাগপুর মেত্রোগী ফেস I অসি লুপা করোর ৮৬৫০ হেন্না চংনা শেমগৎখি অমরোমদা ফেস- II অসি লুপা করোর ৬৭০০ হেন্না চংনা শেমগৎকনি।
প্রধান মন্ত্রীনা খপরি মেত্রো স্তেসন্দা থুংলবা মতুংদা নাগপুর মেত্রোদগী ফ্রীদম পার্ক মেত্রো স্তেসন ফাওবা মেত্রো তোংদুনা চৎখি। মেত্রো তোংদ্রিঙৈ মমাংদা প্রধান মন্ত্রীনা নাগপুর মেত্রো রেল প্রোজেক্তকী ৱাকথ্রু অমা তৌখি অমসুং ‘সপনো সে বেহতর’ একজিবিসন য়েংখি। প্রধান মন্ত্রীনা এ.এফ.সি. গেৎতগী ই-তিক্কেৎ অমা মশাগীদমক ককচদুনা মহৈরোয়, প্রজা অমসুং ওফিসিএলশিংগা লোয়ননা চৎখি। মহাক্না খোঙচৎ অদুদা মখোয়গা ৱারী শাখি।
প্রধান মন্ত্রীনা ত্বিত তৌখি:
“ঐহাক্না নাগপুরগী মীয়ামবু নাগপুর মেত্রো ফেস I শঙ্গাবদা নুংঙাইবা ফোঙদোকচরি। মেত্রো ত্রেন অনি লমথাখি অমসুং মেত্রো তোংদুনা চৎখি। মেত্রো অসি তোংবদা নুংঙাই অমসুং খুদোংচাহল্লি।”
প্রধান মন্ত্রীগী লোইশঙনা ত্বিত তৌখি:
“নাগপুর মেত্রো তোংদুনা চৎপদা পি.এম.না মহৈরোয়শিংগা, স্তার্ত-অপ সেক্তরদগী অমসুং তোঙান-তোঙানবা লমশিংদগী প্রজাশিংগা ৱারী শাখ্রে।”
প্রধান মন্ত্রীনা খরপি মেত্রো স্তেসন্দা মেত্রোগী খুত্থাংদা থুংবা মতমদা মহাকপু মহারাস্ত্রগী মুখ্য মন্ত্রী, শ্রী একনাথ শিন্দে, মহারাস্ত্রগী রাজ্যপাল, শ্রী ভগত সিংহ কোশয়ারি, মহারাস্ত্রগী উপ মুখ্য মন্ত্রী, শ্রী দেবেন্দ্র ফদনাবিস অমসুং রোদ ত্রান্সপোর্ত এন্দ হায়ৱাজকী কেন্দ্র মন্ত্রী, শ্রী নিতিন গদকরিনা ওকখি।
বেকগ্রাউন্দ
অর্বান মোবিলিতীদা অনৌবা য়াওল পুরক্কদবা অতোপ্পা খোঙথাঙ অমদা, প্রধান মন্ত্রীনা ‘নাগপুর মেত্রো ফেজ ১’ লৈবাক মীয়ামদা কত্থোকখ্রে অমসুং মেত্রো ত্রেন অনি – খপরিদগী ওতোমোতিব স্ক্বার (ওরেঞ্জ লাইন) ফাওবা অমদি প্রজাবতী নগরদগী লোকমান্য নগর (এক্বা লাইন) ফাওবা – খপরি মেত্রো স্তেসন্দগী লমথাখ্রে। নাগপুর মেত্রোগী ফেজ ১ লুপা করোর ৮৬৫০ হেন্না চঙনা শেমগৎপনি। প্রধান মন্ত্রীনা লুপা করোর ৬৭০০ হেন্না চঙনা শেমগৎকদবা নাগপুর মেত্রো ফেজ-২গী উরেপ উয়ুংসু তমখ্রে।
*****
(Release ID: 1882489)
Visitor Counter : 169
Read this release in:
Tamil
,
Telugu
,
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Kannada
,
Malayalam