প্রধান মন্ত্রীনা কর্নাতকাগী বেঙ্গালুরুদা ঙসি পাংথোকপা মীয়ামগী থৌরমদা ৱা ঙাংখ্রে। ঙসিগী অঙনবদা, প্রধান মন্ত্রীনা লম্বোইবা শ্রী কনাকা দাসা অসুং মহাঋশী বালমিকীগী বিধান সৌধাদা লৈবা মীতমশিংদা হৈকৎ-লৈকৎ তমদুনা ইকায় খুম্নবা উৎখি। মহাক্না কে.এস.আর. রেলৱে স্তেসন্দগী বন্দে ভারত এক্সপ্রেস অমসুং ভারত গৌরব কাশী দর্শন ত্রেনশিংসু লম্থাখি। মদুগী মতুংদা, প্রধান মন্ত্রীনা বেঙ্গালুরুগী কেম্পেগৌদা ইন্তর্নেস্নেল এয়রপোর্তকী তর্মিনেল ২ শঙ্গাবা অমসুং শ্রী নাদাপ্রভু কেম্পেগৌদাগী মীতর ১০৮ ৱাংবা শেঞ্জেংগী মীতম মায়খুম হাংদোকপগী থৌরম পাংথোকখি।

প্রধান মন্ত্রীনা তিল্লিবা মীয়ামদা ৱা ঙাংবদা, কর্নাতকাগী শক্নাইরবা মীওই অনিগী জয়ন্তীগী থৌরমদা কর্নাতকাদা লৈবা ফংবদা নুংঙাইবা ফাওই হায়না ফোংদোকখি। মহাক্না লম্বোইবা কনাকা দাসা অমসুং ওনাকে ওবাভাগী মফমদা ইকায় খুম্নবা উৎখি। চেন্নৈ, স্তার্তঅপ কোনুং বেঙ্গালুরু অমসুং হেরিতেজ শহর মৈসুরুগা শম্নহনবা ভারত্তা শাবা অহানবা বন্দে ভারত এক্সপ্রেস করনাতকানা ঙসি ফংলে হায়না প্রধান মন্ত্রীনা ফোংদোকখি। “কর্নাতকা মীয়ামদা অয়োধ্যা, কাশী অমসুং প্রয়গরাজ দর্শন ফংহনগদবা ভারত গৌরব কাশী দর্শন ত্রেনসু ঙসি লম্থারে”, মহাক্না হায়খি।

বেঙ্গালুরুগী কেম্পেগৌদা ইন্তর্নেস্নেল এয়রপোর্তকী তর্মিনেল ২গী মতাংদা পাউদম্লদুনা, প্রধান মন্ত্রীনা মসিগী ইনফ্রাস্ত্রকচর অসিনা ঙরাং শেয়র তৌরকখিবা ফোতোশিংদগী য়াম্না হেন্না ফজবা অমসুং নীংথিবা হেল্লি হায়খি। প্রধান মন্ত্রীনা নাদাপ্রভুগী চাউরবা মীতমদা মিৎয়েং চঙলদুনা মসিনা তুংগী মতমগী বেঙ্গালুরু অমসুং ভারত শেমগৎপগী থৌওংশিংদা ইথিল পীগনি হায়খি। স্তার্তঅপকী মালেমদা ভারতকী অনৌবা শক্তাক লৈরক্লিবসিগী মতাংদা পল্লদুনা, প্রধান মন্ত্রীনা শক্তাক অসিবু হেন্না ময়েক শেংহনবদা বেঙ্গালুরুনা মরু ওইবা থৌদাং য়ারি হায়খি। “বেঙ্গালুরুনা ভারতকী স্তার্তঅপ ইথিলগী মহুৎ শিল্লি, অমসুং ইথিল অসিমক্না ভারতপু মালেমগী অতোপ্পা লৈবাকশিংদগী তোম্থিন ঙানবা ঙমহল্লি”, শ্রী মোদীনা হায়খি। ঙসিগী থৌরমসিদা বেঙ্গালুরুগী নহা ওইবগী ইথিলগী মমি তারি হায়না মহাক্না মখা তাখি।

বন্দে ভারত অসিদি শুপ্নগী ত্রেন অমা নত্তে, মসিদি ভারতকী অনৌবা শক্তাক্নি। “লেংদনা লৈরম্বগী ফিভমদগী ভারতনা হৌজিক থোক্লক্লে হায়বগী খুদমদি বন্দে ভারত এক্সপ্রেসনা ওইরি। ভারতকী রেলৱেবু পুমওন ওন্থোকপগী পান্দমগা লোয়ননা ঐখোয়না চঙশিল্লি”। বন্দে ভারত ত্রেন অমসুং ভিস্তা দোম কোচ ৪০০ হেনবনা ইন্দিয়ন রেলৱেজকী অনৌবা শক্তাক ওইরক্লি। দেদিকেতেদ ফ্রৈত কোরিদোরনা ফ্রৈত ত্রান্সপোর্তকী খোঙজেল হেনগৎহনগনি অমসুং মতম কনগনি। ব্রোদ গেজতা খোঙজেল য়াঙনা ওন্থোক্লিবসিনা রেলৱেগী মেপ্তা অনৌবা মফম কয়া হাপচিল্লি। রেলৱে স্তেসনশিংবু মতম চুনহনবগী থবকশিংগী মতাংদা পল্লদুনা, প্রধান মন্ত্রীনা বেঙ্গালুরু রেলৱে স্তেসনগী সর এম. বিসবেস্বরাইয়া তর্মিনেল অসিনা পেসেঞ্জরশিংদা য়াম্না হেন্না নুংঙাইবা এক্সপেরিএন্স অমা পীরি হায়খি। কর্নাতকাদা লৈবশিং য়াওনা অতোপ্পা স্তেসন কয়াসু অপগ্রেদ তৌনবগীদমক্তা খনগৎখ্রে হায়না মহাক্না পাউদমখি।

চাউখৎপা ভারত অমগী মিৎয়েংগী মতাংদা ৱাফম থমদুনা, প্রধান মন্ত্রীনা শহরশিংগী মরক্তা কন্নেক্তিবিতী লৈবনা মঙলান অসিদা মরু ওইবা থৌদাং য়াবতা নত্তনা মসিনা হৌজিক মতমগী অথুবা তঙাই ফদবা অমসু ওইরি হায়খি। কেম্পেগৌদা এয়রপোর্তকী অনৌবা তর্মিনেল ২না অনৌবা ফেসিলিতী কয়া হাপচিনবগা লোয়ননা কন্নেক্তিবিতীসু হেন্না ফগৎহনগনি হায়খি। এয়র ত্রাভেলগী মতাংদা ভারতনা মালেমগী খ্বাইদগী য়াঙনা শাহৌ লৌরক্লিবা লৈবাকশিংগী মরক্তা চনবগা লোয়ননা এয়র ত্রাভেল তৌবা মীওইশিংগী মশিংসু য়াম্না য়াঙনা হেনগৎলক্লি হায়না মহাক্না হায়খি। ইং ২০১৪গী মমাংদা লৈবাক অসিদা শুপ্নগী এয়রপোর্ত ৭০খক লৈরম্মি, অদুবু ঙসিদি মশিং অসিনা শরুক অনি হেনগত্তুনা ১৪০ শুরে হায়না প্রধান মন্ত্রীনা হায়খি। “কারবার চাউথোকপদা মান্নবা খুদোংচাবা কয়া এয়রপোর্তনা শেম্লি অমসুং লৈবাক্কী নহাশিংদা থবক্কী অনৌবা খুদোংচাবা কয়া পীরি”, শ্রী মোদীনা হায়খি।

মালেম পুম্বনা ভারত্তা থম্লিবা থাজবা অমসুং অপাম্বশিংগী কান্নবা কর্নাতকানা ফংলি হায়না প্রধান মন্ত্রীনা হায়খি। মালেম্না কোবিদ লাইচৎকা অকনবা লান থেংনরিঙৈ মরক্তা, কর্নাতকদা লুপা করোর লাখ ৪গী ইনভেস্তমেন্ত লাকখিবগী থৌদোক্তা প্রধান মন্ত্রীনা মীপুম খুদিংগী পুক্নিং চিংশিনখি। “মমাংগী চহিদা, লৈবাক অসিদা ফোরেন দাইরেক্ত ইনভেস্তমেন্তকী পুক্নিং চিংশিনবগী লম্বীবু কর্নাতকানা লুচিংখি”, মহাক্না মখা তাখি। ইনভেস্তমেন্ত অসি শুপ্নগী আই.তি.খক্কী নত্তে, বাইওতেক্নোলোজীদগী দিফেন্স ফাওবগী তোঙানবা থৌওংশিংসু মসিগী শরুক ওইরি হায়না প্রধান মন্ত্রীনা কুপ্না পাউদমখি। কর্নাতকানা ভারতকী এয়রক্রাফ অমসুং স্পেস ইন্দস্ত্রীগী ২৫%গী শেয়র কল্লি হায়না মহাক্না হায়খি। ভারতকী ঙাক-শেলগীদমক্তা শাবা এয়রক্রাফ অমসুং হেলিকোপ্তরগী চাউরাকপা ৭০%দি কর্নাতকাদা শাবনি হায়নসু মহাক্না ফোংদোকখি। ফোর্চ্যুন ৫০০ লিস্তা য়াওবা কম্পেনী ৪০০ হেনবনা কর্নাতকাদা থবক তৌরি হায়না মহাক্না মখা তাখি। মতৌ অসিগুম্বা শাহৌ লৌবগী ফিভম অসি কর্নাতকাগী দবল ইঞ্জিন সরকারগী হোৎনজমন্দগীনি হায়না মহাক্না লাউথোকখি।

“লৈঙাকপা নত্ত্রগা ফিজিকেল অমসুং দিজিতেল ইনফ্রাস্ত্রকচরনা চাউখৎলকপা ওইরো, ভারতনা খ্বাইদগী তোঙানবা থাক্তা থবক তৌরি”, প্রধান মন্ত্রীনা ফোংদোকখি। ভিম য়ু.পি.আই. অমসুং মেদ ইন ইন্দিয়া ৫জি. তেক্নোলোজীগী খুদম পীরদুনা, প্রধান মন্ত্রীনা বেঙ্গালুরুগী প্রোফেস্নেলশিংনা মসিগুম্বা মঙলানবু অশেংবা ওইহনখিবনি হায়না প্রধান মন্ত্রীনা হায়খি। ইং ২০১৪গী মমাংগী সরকারগী ৱাখল্লোন্না মতম চুননা খনবা ওইদবনা, মসিগুম্বা কান্নবা অহোংবশিং মমাংদা ওইথোকপা ঙম্লমদবনি হায়না প্রধান মন্ত্রীনা মীয়ামগী পুক্নিং চিংশিনখি। “মমাংগী সরকারনা স্পীদপু নুংঙাইবগী মওং-মতৌনি অমসুং পাকথোক চাউথোকপবু শিংনবনি হায়না লৌরম্মি”, প্রধান মন্ত্রীনা মখা তারদুনা, “ঐখোয়গী সরকারনা চৎনবী অসিবু হোংদোক্লে। ঐখোয়না স্পীদপু ভারতকী পাঙ্গলগী পান্দম অমসুং থৌদাংনি খল্লে”, হায়খি। পি.এম. গতিশক্তী মাস্তর প্লানগী মতাংদা মরু ওইবা পীরদুনা, প্রধান মন্ত্রীনা বিভাগ অমসুং এজেন্সী পুম্নমকপু প্লেতফোর্ম অমগী মখাদা পুরক্নবা সরকারনা হোৎনবগী মহৈ ওইনা, হৌজিক্তি দেতাগী লেয়র লিশিং তরামঙা হেনববু তোঙানবা এজেন্সীশিংদা ফংহনবা ঙম্লে হায়না প্রধান মন্ত্রীনা ফোংদোকখি। কেন্দ্র অমসুং রাজ্যগী তোঙানবা মন্ত্রালয় কয়াগা লোয়ননা অতোপ্পা বিভাগ কয়া অমসু প্লেতফোর্ম অসিগী মতেংদগী অমত্তা ওইবা ঙম্লে হায়না মহাক্না মখা তাখি। “ইনফ্রাস্ত্রকচর ইনভেস্তমেন্ততা লুপা করোর লাখ ১১০ লাকহনবা হায়বগী পান্দমদা ভারতনা ঙসি থবক পাংথোক্লি”, মহাক্না হায়খি। “ত্রান্সপোর্তকী পাম্বৈ মখল খুদিংমক্না মখোয় মশেল মতেং পাংবা ঙমহন্নবগীদমক্তা ঐখোয়না মলতিমোদেল ইনফ্রাস্ত্রকচরদা অখন্নবা মিৎয়েং চঙলি”। প্রধান মন্ত্রীনা নেস্নেল লোজিস্তিক্স পোলিসীগী মতাংদা ৱাফম থমদুনা, মসিনা লৈবাক অসিদা ইন্নোভেসন পাংথোকপা ঙমহনবতা নত্তনা ত্রান্সপোর্ত্তা চঙবা শেলসু হন্থহনগনি হায়খি।

সোসিএল ইনফ্রাস্ত্রকচর ফগৎহনবা

• লৈবাক্কী লাইরবা করোর ৩.৪গী পক্কা য়ুম শাবিখ্রে, মসিদা কর্নাতকাগী লাখ ৮ য়াওরি।
• য়ুম করোর ৭না তোতি ঈশিং ফংখ্রে, মসিদা কর্নাতকাগী লাখ ৩০ য়াওরি।
• অনাবা করোর ৪না অয়ুশমান ভারতকী মখাদা লেম্না লাইয়েংখি, মসিদা কর্নাতকাগী লাখ ৩০ য়াওরি।
• লৈবাক্কী লৌমী করোর ১০ হেনবগী একাউন্ততা লুপা লাখ ২.৫ থাখ্রে, কর্নাতকাগী লৌমী লাখ ৫৫গী একাউন্ততা লুপা করোর লিশিং ১১ থাখ্রে।
• স্বানিধীগী মখাদা স্তীরত ভেন্দর লাখ ৪০দা তেংবাংখি, মসিদা কর্নাতকাগী লাখ ২ য়াওরি।

লৈবাক্কী হেরিতেজতা চাউথোকচবা ফাওই হায়না লাল কিলাদা থমখিবা মহাক্কী ৱারোল নিংশিংলদুনা, প্রধান মন্ত্রীনা ঐখোয়গী হেরিতেজনা কলচরেল ওইবতা নত্তনা স্পিরিচুএলসু ওইরিবনি হায়খি। ভারত গৌরব রেলনা লাইনীং-লাইশোনগী মফমশিং শম্নহনবতা নত্তনা মসিনা এক ভারত শ্রেস্থ ভারতকী ইথিলবুসু খুমাং চাউশিনহল্লি হায়না প্রধান মন্ত্রীনা হায়খি। লৈবাক অসিগী তোঙানবা মফমশিংদা মসিগুম্বা ত্রেনগী খোঙচৎ ৯ চৎখ্রে হায়না মহাক্না পাউদমখি। “শির্দী লাইশঙ, শ্রী রামায়ন য়াত্রা, দিব্যা কাশী য়াত্রা ওইরো, মসিগুম্বা ত্রেনশিংনা পেসেঞ্জরশিংদা য়াম্না নুংঙাইবা এক্সপেরিএন্স অমা পীরি। কর্নাতকাদগী কাশী, অয়োধ্যা অমসুং প্রয়াগরাজ ফাওবা চৎপগী ঙসিদগী হৌরিবা খোঙচৎ অসিনা কর্নাতকাগী মীয়াম্না কাশী অমসুং অয়োধ্যাদা চৎপদা তেংবাংগনি হায়না মহাক্না মখা তাখি।

কনাকা দাসজীনা অপৌবা হৱাই-চেংৱাইগী মরু ওইবশিংদা প্রধান মন্ত্রীনা মীয়াম পুম্বগী পুক্নিং চিংশিনখি। মহাক্না লেংলম্বা – রাম ধন চরিতেদা অখন্নবা মিৎয়েং চঙলদুনা, প্রধান মন্ত্রীনা মসিনা কর্নাতকাদা খ্বাইদগী পাম্নবা মিল্লেত, ‘রাগী’গী খুদম পীরদুনা, মহাক্না খুন্নাইগী অমত্তা ওইবগী পাউজেল শন্দোক্লমখি হায়খি।

নাদাপ্রভু কেম্পেগৌদানা পাম্লম্বা মতৌগা মান্ননা বেঙ্গালুরুগী চাউখৎ থৌরাংগী থবক পায়খৎকদবনি হায়না প্রধান মন্ত্রীনা অখন্ননা পাউদমখি। “শহর অসিবু হৌদোক্লম্বা অসিনা কেম্পেগৌদাজীনা লমদমসিগী মীয়ামদা পীরম্বা খ্বাইদগী মশক নাইবা খুদোলনি”, মহাক্না মখা তাখি। বেঙ্গালোরগী মীয়ামগী খুদোংচাবা অমসুং নুংঙাইহন্নবগীদমক্তা চহি চা কয়াগী মমাংদা থৌরাং য়াৎখিবদা কম্মর্স অমসুং কলচরগী হীরমদা য়াম্না কুপ্না নৈনরম্বগী মতৌবু প্রধান মন্ত্রীনা থাগৎখি। “মহাক্কী মঙলানগী কান্নবশিং বেঙ্গালোরগী মীয়াম্না ঙসি ফাওবা ফংলি”, শ্রী মোদীনা মখা তাখি। কারবারগী থৌওংনা ঙসিগী মতমদা অহোংবা কয়া লৈরক্লবসু, ‘পেতে’ (বেঙ্গালুরুগী মফম অমা)না ঙসিসু বেঙ্গালুরুগী কম্মর্সিএল লাইফলাইন ওইরি হায়না মহাক্না মখা তানা তাকখি। বেঙ্গালুরুগী নাৎপু হেন্না ফজহনবদা নাদাপ্রভু কেম্পেগৌদানা তেংবাংলম্বা কয়াগী মতাংদা পাউদম্লদুনা, প্রধান মন্ত্রীনা মমিং চৎলবা গাবী গঙ্গাধরেস্বর লাইশঙ অমসুং বাসবনাগুরীগী মফমশিংদা লৈবা লাইশঙগী খুদম পীখি। “কেম্পেগৌদাজীনা হায়রিবশিং অসিগী খুত্থাংদা বেঙ্গালোরগী কলচরেল কন্সিয়সনেস্পু ঙসি ফাওবা হিংহন্দুনা থম্লমখি”, মহাক্না হায়খি।

প্রধান মন্ত্রীনা মহাক্কী ৱারোল লোইশিল্লকপদা, বেঙ্গালুরু অসিদি মালেমগী শহরনি অমসুং ঐখোয়না ইশাগী হেরিতেজ ঙাক শেন্দুনা থম্বগা লোয়ননা শহরসিবু মতমগা চুনবা ইনফ্রাস্ত্রকচরগা লোয়ননা হেন্না চাউখৎহনগদবনি হায়খি। “থবকশিং অসি অদোম্না শরুক য়াদুনা হোৎনমিন্নবদগী ওইথোক্লিবনি”, হায়না মহাক্না ৱারোল লোইশিনখি।

কর্নাতকাগী মুখ্য মন্ত্রী, শ্রী বাসবরাজ বোম্মাই, রাজ্যপাল, শ্রী থা ৱরচান্দ গেহলোত, হান্নগী মুখ্য মন্ত্রী, শ্রী বি. য়েদিয়ুরপ্পা, কেন্দ্র মন্ত্রী শ্রী প্রহলাদ জোশী অমসুং শ্রী অশ্বিন বৈশ্নব, কেন্দ্রগী রাজ্য মন্ত্রী, কুমারী সোভা করান্দজালে, শ্রী রজীব চন্দ্রসেখর, শ্রী এ. নরায়নস্বামী অমসুং শ্রী ভগ্বন্থ খুবা, এম.পি. শ্রী বি.এন. বাচে গৌদা, অদিচুচনগর মতকী স্বমিজী দাঃ নিরামলন্দনাথ স্বামিজী অমসুং কর্নাতকা রাজ্য সরকারগী মন্ত্রীশিংনা থৌরম অসিদা শরুক য়াখি।

Delighted to be among the zestful citizens of Bengaluru. Addressing a programme. https://t.co/Y8G3qwygNZ

— Narendra Modi (@narendramodi) November 11, 2022

PM @narendramodi begins his speech in Bengaluru by paying rich tributes to the greats from the land of Karnataka. pic.twitter.com/P4uIwiUQvT

— PMO India (@PMOIndia) November 11, 2022

Big day for Karnataka as it gets Vande Bharat Express, Bharat Gaurav Kashi Yatra train and a world class airport terminal in Bengaluru. pic.twitter.com/eFqxITvO98

— PMO India (@PMOIndia) November 11, 2022

PM @narendramodi unveiled 108 feet statue of Nadaprabhu Kempegowda in Bengaluru. pic.twitter.com/6n3VqbQMLk

— PMO India (@PMOIndia) November 11, 2022

Bengaluru represents India's start-up spirit. pic.twitter.com/Z73RCIavfB

— PMO India (@PMOIndia) November 11, 2022

Vande Bharat Express is a symbol that India has now left the days of stagnation behind. pic.twitter.com/SQ0pzgNwI5

— PMO India (@PMOIndia) November 11, 2022

World is admiring the strides India has made in digital payments system. pic.twitter.com/3uTTBjstZW

— PMO India (@PMOIndia) November 11, 2022

हम स्पीड को भारत की आकांक्षा मानते हैं और स्केल को भारत की ताकत। pic.twitter.com/VoSMfLDIm5

— PMO India (@PMOIndia) November 11, 2022

*****