ਅਕਤੂਬਰ 2022 ਦੇ ਮਹੀਨੇ ਵਿੱਚ ਕੁੱਲ ਜੀਐੱਸਟੀ ਮਾਲੀਆ ₹1,51,718 ਕਰੋੜ ਹੈ ਜਿਸ ਵਿੱਚੋਂ ਸੀਜੀਐੱਸਟੀ ₹26,039 ਕਰੋੜ, ਐੱਸਜੀਐੱਸਟੀ₹ 33,396 ਕਰੋੜ, ਆਈਜੀਐੱਸਟੀ₹ 81,778 ਕਰੋੜ ਹੈ (ਜਿਸ ਵਿੱਚ ਵਸਤਾਂ ਦੇ ਆਯਾਤ ਤੋਂ ਇਕੱਠੇ ਕੀਤੇ ₹37,297 ਕਰੋੜ ਵੀ ਸ਼ਾਮਲ ਹਨ) ਅਤੇ ₹10,505 ਕਰੋੜ ਸੈੱਸ ਹੈ (ਜਿਸ ਵਿੱਚ ਵਸਤਾਂ ਦੇ ਆਯਾਤ ਤੋਂ ਇਕੱਠੇ ਕੀਤੇ ₹825 ਕਰੋੜ ਵੀ ਸ਼ਾਮਲ ਹਨ), ਜੋ ਕਿ ਹੁਣ ਤੱਕ ਦਾ ਦੂਜਾ ਸਭ ਤੋਂ ਵੱਧ ਕਲੈਕਸ਼ਨ ਹੈ।

ਸਰਕਾਰ ਨੇ ਨਿਯਮਤ ਬੰਦੋਬਸਤ ਵਜੋਂ ਆਈਜੀਐੱਸਟੀ ਤੋਂ ₹37,626 ਕਰੋੜ ਸੀਜੀਐੱਸਟੀ ਅਤੇ ₹32,883 ਕਰੋੜ ਐੱਸਜੀਐੱਸਟੀ ਨੂੰ ਬਿਉਂਤਬੰਦੀ ਕੀਤੀ ਹੈ। ਇਸ ਤੋਂ ਇਲਾਵਾ, ਕੇਂਦਰ ਨੇ ਕੇਂਦਰ ਅਤੇ ਰਾਜਾਂ ਵਿਚਕਾਰ 50:50 ਦੇ ਅਨੁਪਾਤ ਵਿੱਚ ਅਡਹੌਕ ਅਧਾਰ ’ਤੇ ₹22,000 ਕਰੋੜ ਰੁਪਏ ਦੀ ਬਿਉਂਤਬੰਦੀ ਵੀ ਕੀਤੀ ਹੈ। ਅਕਤੂਬਰ 2022 ਦੇ ਮਹੀਨੇ ਵਿੱਚ ਰੈਗੂਲਰ ਅਤੇ ਅਡਹੌਕ ਬੰਦੋਬਸਤਾਂ ਤੋਂ ਬਾਅਦ ਕੇਂਦਰ ਅਤੇ ਰਾਜਾਂ ਦਾ ਕੁੱਲ ਮਾਲੀਆ ਸੀਜੀਐੱਸਟੀ ਲਈ ₹74,665 ਕਰੋੜ ਅਤੇ ਐੱਸਜੀਐੱਸਟੀ ਲਈ ₹77,279 ਕਰੋੜ ਹੈ।

ਅਕਤੂਬਰ 2022 ਦਾ ਮਾਲੀਆ ਅਪ੍ਰੈਲ 2022 ਦੀ ਮਾਲੀਆ ਕਲੈਕਸ਼ਨ ਤੋਂ ਬਾਅਦ ਦੂਜੀ ਸਭ ਤੋਂ ਵੱਧ ਮਾਲੀਆ ਕਲੈਕਸ਼ਨ ਹੈ ਅਤੇ ਇਹ ਦੂਜੀ ਵਾਰ ਹੋਇਆ ਹੈ ਜਦੋਂ ਕੁੱਲ ਜੀਐੱਸਟੀ ਕਲੈਕਸ਼ਨ 1.50 ਲੱਖ ਕਰੋੜ ਰੁਪਏ ਦੇਅੰਕੜੇ ਨੂੰ ਪਾਰ ਕਰ ਗਈ ਹੈ। ਅਪ੍ਰੈਲ 2022 ਤੋਂ ਬਾਅਦ, ਅਕਤੂਬਰ ਮਹੀਨੇ ਵਿੱਚ ਘਰੇਲੂ ਲੈਣ-ਦੇਣ ਤੋਂ ਵੀ ਦੂਜੀ ਸਭ ਤੋਂ ਵੱਧ ਕਲੈਕਸ਼ਨ ਦੇਖੀ ਗਈ ਹੈ।ਇਹ ਨੌਵਾਂ ਮਹੀਨਾ ਹੈ ਅਤੇ ਹੁਣ ਲਗਾਤਾਰ ਅੱਠ ਮਹੀਨਿਆਂ ਲਈ, ਮਹੀਨਾਵਾਰ ਜੀਐੱਸਟੀ ਮਾਲੀਆ ₹1.4 ਲੱਖ ਕਰੋੜ ਦੇ ਅੰਕ ਤੋਂ ਵੱਧ ਰਿਹਾ ਹੈ। ਸਤੰਬਰ 2022 ਦੇ ਮਹੀਨੇ ਦੌਰਾਨ, 8.3 ਕਰੋੜ ਈ-ਵੇਅ ਬਿੱਲ ਜਨਰੇਟ ਕੀਤੇ ਗਏ, ਜੋ ਅਗਸਤ 2022 ਦੇ 7.7 ਕਰੋੜ ਈ-ਵੇਅ ਬਿੱਲਾਂ ਤੋਂ ਕਾਫੀ ਜ਼ਿਆਦਾ ਸਨ।

ਹੇਠਾਂ ਦਿੱਤਾ ਚਾਰਟ ਚਾਲੂ ਵਰ੍ਹੇ ਦੌਰਾਨ ਕੁੱਲ ਜੀਐੱਸਟੀ ਮਾਲੀਏ ਵਿੱਚ ਮਾਸਿਕ ਰੁਝਾਨ ਦਿਖਾਉਂਦਾ ਹੈ। ਸਾਰਣੀ ਅਕਤੂਬਰ 2021 ਦੇ ਮੁਕਾਬਲੇ ਅਕਤੂਬਰ 2022 ਦੇ ਮਹੀਨੇ ਦੌਰਾਨ ਹਰੇਕ ਰਾਜ ਵਿੱਚੋਂ ਇਕੱਤਰ ਕੀਤੇ ਗਏ ਜੀਐੱਸਟੀ ਦੇ ਰਾਜ-ਵਾਰ ਅੰਕੜੇ ਦਰਸਾਉਂਦੀ ਹੈ।

ਅਕਤੂਬਰ 2022 ਦੌਰਾਨ ਜੀਐੱਸਟੀ ਮਾਲੀਏ ਵਿੱਚ ਰਾਜ-ਵਾਰ ਵਾਧਾ

****

ਆਰਐੱਮ/ ਪੀਪੀਜੀ/ ਕੇਐੱਮਐੱਨ