প্রধান মন্ত্রী, শ্রী নরেন্দ্র মোদীনা ঙসি অহমদাবাদকী অসারবাদা লুপা করোর ২৯০০ হেনবগী রেলৱে প্রোজেক্ত অনি জাতিদা কত্থোকখ্রে।

থৌরম অদুদা ৱা ঙাংলদুনা প্রধান মন্ত্রীনা ঙসি অসি গুজরাতকী চাউখৎ-থৌরাং অমসুং কন্নেক্তিবিতীগীদমক মরু ওইবা নুমিৎ অমা ওইরি হায়না ফোঙদোকখি। মহাক্না গুজরাতকী মীওই লাখ কয়ানা অচৌবা মফমদা ব্রোদ গেজ লাইন লৈতবনা মরম ওইদুনা অৱাবা মায়োক্নরমখিবা অদু ঙসিদগী অৱাবা চাউনা কোক্লগনি হায়না ফোঙদোকখি। প্রধান মন্ত্রীনা দিকেদ কয়া ঙাইরুরবা মতুংদা লাইন অসি কত্থোক্নবগী খুদোংচাবা ফংজবদা নুংঙাইবা ফোঙদোকখি। প্রধান মন্ত্রীনা অপুনবা রুৎ অসি নৌনা শেমগৎখি অমসুং হিম্মতনগরগী খুত্থাংদা চৎলিবা অসারবাদগী উদয়পুর ফাওবগী মেতর গেজ অসি ব্রোদ গেজতা ওন্থোকখি হায়না পাউদমখি। মহাক্না হায় গুজরাতকী শরুক অসিনা হৌজিক য়ুমলোন্নরিবা রাজ্য, রাজস্থান অমসুং লৈবাক পুম্বগা হকথেংননা শম্নহল্লগনি। মহাক্না হায়, লুনিধর-জেতলসরগী মরক্তা পাইখৎখিবা গেজ কনভর্জনগী থবক অসিনা লমদম অসিদা রেল কন্নেক্তিবিতী হেনগৎহল্লগনি অমসুং মফম অসিদগী চৎলিবা ত্রেনশিংনা লৈবাক অসিগী মফম অমা হেক্তদা চৎপা ঙম্লগনি।

প্রধান মন্ত্রীনা হায়, “রুৎ অমগী মিতর গেজ ব্রোদ গেজতা ওন্থোক্লবা মতমদা মসিনা অনৌবা ওইথোকপা য়াবা কয়ামরুম পুরক্কনি”। অসারবাদগী উদয়পুর ফাওবগী মরক্তা কিমি ৩০০ শাংবা রেল লাইন ব্রোদ গেজতা ওন্থোকপা অসিনা গুজরাত অমসুং রাজস্থানগী ত্রাইবেলগী মফমশিংগা দিল্লী অমসুং অৱাং ভারতকা শম্নহল্লগনি। রেলৱে লাইন অসি ব্রোদ গেজতা ওন্থোকপা অসিনা অহমদাবাদ অমসুং দিল্লীগী অতোপ্পা রুৎ অমা লৈহল্লগনি। হৌজিক কচ্ছকী লমকোইবশিংনা লাকপা মফমশিংগা উদয়পুরগী লমকোইবশিংনা লাকপা মফমশিংগী মরক্তা দাইরেক্ত রেল কন্নেক্তিবিতী লৈহনখ্রে। মসিনা কচ্ছ, উদয়পুর, চিত্তুরগর অমসুং নাথদ্বারাগী লমকোইবশিংগী মফমশিংদা চাউনা শাহৌ পীরগনি। মহাক্না হায় লমদম অসিগী ললোন-ইতিক তৌরিবশিংনসু দিল্লী, মুম্বাই অমসুং অহমদাবাদগুম্বা অচৌবা ইন্দস্ত্রিএল সেন্তরশিংগা হকথেংননা কন্নেক্ত তৌবগী খুদোংচাবা ফংলগনি। মহাক্না হায়, “মরু ওইনা হিম্মতনগরগী তাইল্স ইন্দস্ত্রীনা চাউনা মতেং ফংলগনি”। মতৌ অসুম্না লুনিধর-জেতলসর রেল লাইন ব্রোদ গেজতা ওন্থোকপগা লোয়ননা ধাসা-জেতলসর সেক্সন অসি মপুং ফানা ব্রোদ গেজ ওইররে। রেল লাইন অসিনা হৌজিক ফাওবদা অকক্নবা রেল কন্নেক্তিবিতী লৈরম্বা বোতদ, অমরেলি অমসুং রাজকোৎকী জিলাশিং ফাওদুনা চৎলি। লাইন অসি শাবা লোয়বগা লোয়ননা হৌজিক ভাবনগর অমসুং অমরেলিগী লমদমগী মীয়াম্না সোমনাথ অমসুং পোর্বন্দর ফাওবগী দাইরেক্ত কন্নেক্তিবিতীগী কান্নবা ফংলগনি হায়না প্রধান মন্ত্রীনা পাউদমখি।

প্রধান মন্ত্রীনা হায়খি মদুদি রুৎ অসিনা ভাবনগর-বেরাবলী মরক্তা লৈনরিবা অরাপ্পা অসি কিমি ৪৭০দগী কিমি ২৯০দা হন্থহল্লগনি, মসিনা চৎপদা চংবা মতম পুং তরানিথোইদগী শুপ্নগী পুং তরুক মখাইদা হন্থহল্লগনি। মতৌ অসুম্না ভাবনগর-পোর্বন্দরগী মরক্তা লৈরিবা অরাপ্পা অসি কিমি ২০০ হন্থহনবা ঙম্লে অমসুং ভাবনগর-রাজকোৎকী মরক্তা লৈরিবা অরাপ্পা অসি কিমি ৩০ হন্থহনখি হায়না মহাক্না ফোঙদোকখি। ব্রোদ গেজতা চেনবা ত্রেনশিংনা তুরিজম এক্সেসিবল ওইহনবা অমসুং শম্নরুদ্রবা মফমশিং শম্নহনবগা লোয়ননা গুজরাতকী ইন্দস্ত্রিএল দিবেলপমেন্ত খোঙজেল য়াংশিনহল্লগনি। মহাক্না হায়, “ঙসি একতা দিৱসকী নুমিৎতা প্রোজেক্ত অসি কত্থোকপা অসিনা হেন্না অখন্নবা ওইহল্লি”।

মহাক্না হায়, “দবল ইঞ্জিনগী সরকারনা থবক তৌবা মতমদা মখোয়গী কান্নবা অসি শরুক অনি ওইবা খক্তা নত্তনা শরুক কয়া ওইরকই। অমা অমসুং অমা পুনশিল্লগা ২ খক্তা নত্তে ১১গী শক্তি ফংই হায়না খনবীয়ু”। মহাক্না মখা তারদুনা হায়, “দবল-ইঞ্জিন সরকারগা লোয়ননা গুজরাত্তা থবক তৌবগী খোঙজেকল অসি শরুক অনি হেনগৎলকখি অমরোমদা ২০১৪দগী ২০২২গী মরক্তা রেলৱে লাইন কিলোমিতর চামাগা মঙা মখাই হেন্না শরুক অনি হেনগৎহনখি। মতৌ অসুম্না ২০০৯ অমসুং ২০১৪গী মনুংদা গুজরাত্তা ত্রেক কিমি ৬০ খক্তা ইলেক্ত্রিফাইদ তৌখি। অমরোমদনা ২০১৪দগী ২০২২ ফাওবগী মনুংদা ত্রেক কিমি ১৭০০ হেন্না ইলেক্ত্রিফাইদ তৌখি।

পাকচাউবা অমসুং খোঙজেল হেনগৎহনবগী মথক্তা ক্বালিতী, কনভিনিয়ন্স, সেফতী অমসুং ক্লীনলিনেসতা ফগৎলক্লি হায়না মহাক্না ফোঙদোকখি। মহাক্না লৈবাক শিনবা থুংবদা রেলৱে স্তেসনশিংগী ফীভম ফগৎলে হায়না ফোঙদোকখি। মহাক্না হায়, “মতম অমদা নুংঙাই য়াইফবশিংদা খক্তদা ফংলমখিবা খুদোংচাবা অদু লায়রবা অমসুং মিদল ক্লাস্তা ফংহনখি, গান্ধীনগর স্তেসনগুম্না অহমদাবাদ, সুরত, উধনা, সাবরমতি, সোমনাথ অমসুং ন্যু ভুজকী রেলৱে স্তেসনশিং অপগ্রেদ তৌখি”। দবল-ইঞ্জিন সরকারনা মরম ওইদুনা ওইথোকখিবা মাইপাকশিংগী মতাংদা পল্লদুনা প্রধান মন্ত্রীনা গান্ধীনগর অমসুং মুম্বাইগী মরক্তা চেলহনবা হৌখিবা অনৌভা ভন্দে ভারত এক্সপ্রেস খুদম ওইনা পীখি। প্রধান মন্ত্রীনা হায় মফুফি গতি শক্তি কার্গো তর্মিনেল ১২না ৱেস্তর্ন রেলৱেগী চাউখৎ থৌরাংদা অনৌবা মায়োল অমা পীনবা থৌরাংসু তৌখি।  মহাক্না হায়, “অহানবা গতি শক্তি মলতিমোদেল কার্গো তর্মিনেল অসি বদোদরা সর্কলদগী কম্মিসন তৌখি। অথুবদা লেমহৌরিবা তর্মিনেলশিং অসিসু মখোয়গী সর্ভিসশিং তৌনবা ফংহল্লগনি”।

প্রধান মন্ত্রীনা হায়, “নীংতম্বা ফংখিবা দিকেদ কয়াগী মতুংদা নুংঙাই য়াইফবা-লায়রবগী মরক্তা লৈরিবা খেন্নবা, খুঙ্গং অমসুং সহরগী খেন্নবা অমসুং খল মান্নদনা চাউখৎপা অসিনা লৈবাক অসিগী মরু ওইবা শীংনবা অমা ওইদুনা লাকখি। সরকার অসিনা মসি কোকহন্নবা থবক তৌদুনা লাকখি। ‘সবকা বিকাস’কী থৌশিল-থৌরাংনা মিদল ক্লাসতা ইনফ্রাস্ত্রকচর অমসুং অতোপ্পা ফেসিলিতীশিং অমসুং লায়রবশিংদা লৈতা-লায়রবা থেংননবগী প্রোবিজনশিং পীরি। মহাক্না হায়, “লায়রবশিংগী পক্কাগী য়ুমশিং, তোইলেৎশিং, ইলেক্ত্রিসিতী, ঈশিং, গ্যাস, লেম্না লায়েং ফংবা অমসুং ইন্সুরেন্স ফেসিলিতীশিং অসিনা ঙসিগী অফবা লৈঙাকলোনগী খুদমশিং ওইরি”।

প্রধান মন্ত্রীনা লৈবাক অসিগী কন্নেক্তিবিতী ইনফ্রাস্ত্রকচর শেমগৎপগী এপ্রোচতা চাউনা অহোংবা অমা লাকখি হায়না পাউদমখি। অনপ্লান কনস্ত্রক্সনশিংগী মহুৎ রেল, মেত্রো অমসুং বসশিংগুম্বা কন্নেক্তিং ফেসিলিতীশিংদা কোওর্দিনেতেদ এপ্রোচ পাইখৎলি। রুৎ অমসুং মোদশিংগী সিনর্জী অমগীদমক পান্দম থমখি। গুজরাতকী ইন্দস্ত্রিএলগী মওং মতৌগী মতাংদা পল্লদুনা প্রধান মন্ত্রীনা হায়খি মদুদি গুজরাতকী হিথাংফমশিং অসি শক্তি পীরবা মতমদা মসিনা লৈবাক পুম্বগী শেন্মীৎলোন্দা হকথেংননা কান্নবা পীগনি। মহাক্না হায়, “হৌখিবা চহি ৮ অসিদা মসি গুজরাতকী হিথাংফমশিংগী মতিক-ময়াই অসি শরুক অনি হেনগৎহনখি”। প্রধান মন্ত্রীনা চাউখৎ থৌরাংগী থৌওংদা লেপ্পা লৈতবা মওং অসিগী মতাংদা মীৎয়েং চংলদুনা হায়খি “ঐখোয়গী মোত্তোদি চাউখৎপা ভারত অমগীদমক চাউখৎপা গুজরাত অমা শেমগৎপনি”।

ৱারোল পীবা লোইশিল্লদুনা প্রধান মন্ত্রীনা সরদার পতেলবু মহাক্কী মপোক কুমওন্না লাকপদা থাগৎখি অমসুং ভারত মচা খুদিংমক্না ভারতকী অহানবা গৃহ মন্ত্রীনা পুরক্লমখিবা মাইপাকপশিংগীদমক চাউথোকচবা পোকই হায়না ফোঙদোকখি। প্রধান মন্ত্রীনা রাজস্থান সরকারনা হাপ্পা গুজরাতীগী পাউচে খরদা হাপ্পিবা এদভর্তিসমেন্ত খরদা সরদার পতেলগী মমিং অমসুং ফোতো য়াওদবা অসি য়ানীংদবা ফোঙদোকখি। শ্রী মোদীনা হায় “সরদার পতেলবু অসুম্না ইকাইবা পীবা মদুসু গুজারত্তা থোকপা অসি কৈদৌনুংদা তুমিন্না লৈথোক্লোই”। প্রধান মন্ত্রীনা লোইশিনবদা হায়খি, “সরদার পতেলগুম্না রেলৱে অসিনা ভারতপু শম্নহনগনি অমসুং থৌওং অসিনা লেপ্পা লৈতানা খোঙজেল য়াংনা অমসুং মাইকৈ চুম্না খুমাং চাউশিনগনি”।

থৌরম অদুদা রেলৱেজকী কেন্দ্র মন্ত্রী, শ্রী অশ্বিনি বৈস্নো, রেলৱেজকী কেন্দ্রগী রাজ্য মন্ত্রী, শ্রীমতি দরশানা জারদোশ, মেম্বর ওফ পার্লিয়ামেন্ত অমসুং রাজ্যগী মন্ত্রীশিংনা শরুক য়াখি।

বেকগ্রাউন্দ

প্রধান মন্ত্রীনা অহমদাবাদকী অসারবাদা লুপা করোর ২৯০০ হেনবগী রেলৱে প্রোজেক্ত অনি লৈবাক মীয়ামদা কত্থোকখ্রে‍। প্রোজেক্তশিং অদুদি অহমদাবাদ (অসারবা) – হিম্মতনগর – উদয়পুর গেজ কনভর্তেদ লাইন অমসুং লুনিধর – জেতলসর গেজ কনভর্তেদ লাইন অসিনি‍। প্রধান মন্ত্রীনা ভাবনগর অমসুং জেতলসর অমদি অসারবা অমসুং উদয়পুরগী মরক্তা চেনগদবা অনৌবা ত্রেনশিংসু লমথাখ্রে‍।

লৈবাক শিনবা থুংনা য়ুনি-গেজ রেল সিস্তেম লৈহন্নবগীদমক, রেলৱেজনা হৌজিক লৈরিবা নন-ব্রোদ গেজ রেলৱে লাইনশিংবু ব্রোদ গেজতা ওন্থোক্লি‍। প্রধান মন্ত্রীনা মীয়ামদা কত্থোকখিবা প্রোজেক্তশিং অসিনা মায়কৈ অসিদা থাংজিনবা অতোপ্পা খোঙথাঙ অমা ওইগদৌরি‍। অহমদাবাদ (অসারবা) – হিম্মতনগর – উদয়পুর গেজ কনভর্তেদ লাইন অসি কিলোমিতর ৩০০লোম শাংই‍। মসিনা লমদম অসিদা কন্নেক্তিবিতী ফগৎহন্দুনা অমদি লম কোয়বশিং, লল্লোন ইতিক তৌবশিং, মেনুফেকচরিং য়ুনিৎশিং অমসুং ইন্দস্ত্রীশিংদা কান্নবা পীদুনা লমদম অসিদা থবক পীবগী খুদোংচাবা হেনগৎহনগনি অমদি খুন্নাই-শেন্মিৎলোন চাওখৎহনবদা মতেং ওইগনি‍। কিলোমিতর ৫৮ শাংবা লুনিধর – জেতলসর গেজ কনভর্তেদ লাইন অসিনা ভেরাবাল অমসুং পোর্বন্দরদগী পিপাভাব হিথাংফম অমসুং ভাবনগর ফাওবগী হেন্না তেনবা লম্বী অমা পীগনি‍। প্রোজেক্ত অসিনা সেক্সন অসিদা পোৎলম পুথোক পুশিনগী কেপাসিতী হেনগৎহন্দুনা চিল্লবা কনালুস – রাজকোৎ - বিরামগম লম্বীদা চিনবা হন্থহনগনি‍। হৌজিক্তি মসিনা গির সেংচুএরী, সোম্নাথ লাইশঙ, দিউ অমসুং গিরনার চীংদা অপনবা লৈতবা কন্নেক্তিভিতী ফংহন্দুনা লমদম অসিদা তুরিজম চাওখৎহল্লগনি‍।

*****