প্রধান মন্ত্রী শ্রী নরেন্দ্র মোদীনা ঙসি স্তেচু ওফ য়ুনিতীদা সরদার পতেলদা ইকাই খুম্নবা উৎখ্রে অমসুং রাস্ত্রীয় একতা দিৱসকা মরী লৈননা পাঙথোকপা থৌরমশিংদা শরুক য়াখ্রে।

অহৌবদা প্রধান মন্ত্রীনা ঙরাং মোরবীদা থোকখিবা লাইবকথিবা থৌদোক্তা অৱাবা নংখ্রবা মীওইশিংগীদমক অৱাবা ফোঙদোকখ্রে। মহাক্না হায় মহাক মশানা কেবরিয়াদা লৈজরবসু মহাক্কী থমোয়দি মোরবীগী থৌদোক্তা অৱাবা নংখ্রবশিংগা অদুমক শম্নদুনা লৈরে। মহাক্না হায়, “নাকল অমরোমদা থমোয় অসি অৱাবনা থল্লি অদুগা অমরোমদনা কর্ম অমসুং কর্তাব্যাগী লম্বীদা চংশিল্লি”। মহাক্না ইথৌদাং পাঙথোকপা অমসুং থৌদাং য়াবগী লম্বীদা চৎপনা মহাকপু মফম অসিদা রাস্ত্রীয় একতা দিৱস য়াওনবা পুরকখি হায়না ফোঙদোকখি। প্রধান মন্ত্রীনা ঙরাংগী লাইবকথিবা থৌদোক্তা লৈখিদ্রবা মীওইশিংগীদমক অৱাবা ফোঙদোকখি অমসুং সরকারনা অৱাবা তারবা ইমুং-মনুংশিংগীদমক লেপ্পি হায়না থাজবা পীখি। রাজ্য সরকারনা মী কনবগী থবক পাইখৎলি অমসুং কেন্দ্র সরকারনা অঙম্বা তেংবাং পুম্নমক পীরি। প্রধান মন্ত্রীনা হায়খি আর্মী অমসুং এয়র ফোর্সকী তীমশিংগী মথক্তা এন.আর.দি.এফ. তীমশিংসু মী কনবগী থবক্তা য়াওশিল্লি অমরোমদা অশোক-অপন নংখ্রবশিং লায়েংলিবা লাইয়েংশঙশিংদসু মতেং পীরি। মহাক্না হায় গুজরাতকী মুখ্য মন্ত্রীনা মী কনবগী থবকশিংদা লমজিংনবা মোরবীদা থুংখ্রে অমসুং থৌদোক অসি থীজিন্নবা কম্মিতি অমা শেমখ্রে। প্রধান মন্ত্রীনা লৈবাক অসিগী মীয়ামদা মী কনবগী থবকশিং পাইখৎপা মতমদা অশোইবা অমত্তা য়াওহল্লোই হায়না থাজবা পীখি। নুংঙাইদ্রবা থৌদোক অসিনা মরম ওইদুনা থৌরম অসিগী কলচরেল প্রোগ্রামগী শরুক অদু তোকখি।

প্রধান মন্ত্রীনা ঐখোয়গী নীংতম্বগী চহি ৭৫ মপুং ফারকপা চহি ওইবা অমসুং ঐখোয়না অনৌবা ফিরেপশিংগা লোয়ননা মাংদা চংশিল্লিবা ওইবনা” ২০২২গী একতা দিৱসকী মরু ওই হায়না থমখি। প্রধান মন্ত্রীনা ইমুং-মনুং, খুন্নাই নত্ত্রগা জাতিগী ওইরসবু তাঙ্কক খুদিংমক্তা অপুনবগী ৱাখল্লোন তঙাই ফদে। ৱাখল্লোন অসি লৈবাক শিনবা থুংবদা একতা রন ৭৫,০০০গী শক্লোন্দা লৈবাক শিনবা থুংবদা উবা ফংই। মহাক্না হায়, “লৈবাক পুম্বনা সরদার পতেলগী অচেৎপা ফিরেপতগী ইথিল লৌরি। প্রজা খুদিংমক্না লৈবাক্কী অমত্তা ওইবগী ৱাখল্লোনগীদমক অমসুং ‘পঞ্চ প্রন’ ঙাক্নবা ৱাশক অমা শক্লি”।

প্রধান মন্ত্রীনা হায়, “সরদার পতেলগুম্বা লুচিংবশিংনা ঐখোয়গী নীংতম ইহৌদা শরুক য়ারমদ্রবদি করি ফীভমদা লৈরমগনি হায়বা অসি খনবদা ৱানা থোকই। নীংথৌ পানবা লৈবাক ৫৫০ হেনবা অসি অমত্তা ওইনা পুনশিল্লমদবা তারবদি করি থোক্লমগনি?”। “করিগুম্বা ঐখোয়গী নীংথৌ পানবা লৈবাকশিংনা কত্থোকপগী ৱাখল্লোন পোক্লমদ্রবা অমসুং মা ভারতিদা থাজবা থম্লমদবা তারবদি করি থোকলমগনি” হায়না প্রধান মন্ত্রীনা হংখি। মসিগী ওইথোক্ত্রবা থৌদাং অসি সরদার পতেলনা পাঙথোকখি হায়না মহাক্না মখা তাখি। প্রধান মন্ত্রীনা হায়, “সরদার পতেলগী জয়েন্তি অমসুং একতা দিৱস অসি ঐখোয়গীদমক শুপ্নগী কেলেন্দরগী তাংশিং খক্তা নত্তে মখোয় অসি ভারতকী নাৎকী মতিক-ময়াইগী অচৌবা কুহ্মৈশিংনি। ভারতকীদমক অপুনবগী ৱাখল্লোন অসি তৌদবা য়াদ্রবা থৌদাং অমা কৈদৌনুংদা ওইখিদে মসি মতম চুপ্পদা ঐখোয়গী লৈবাক্কী মওং-মতৌ অমা ওইদুনা লাকখি। অপুনবগী ৱাখল্লোন অসি ঐখোয়গী তোপ-তোপ্পা গুন ওইদুনা লাকখি”। মহাক্না হায় ঙরাং মোরবীদা থোকখিবা খুদোংথিবা থৌদোক অদুদা লৈবাক পুম্বনা অমত্তা ওইনা থোরক্তুনা মীয়াম্না থৌনিখি অমসুং লৈবাক অসিগী শরুক খুদিংমক্তগী তেংবাং পীনরক্লি। লাইচৎকী মতমগী মনুংদা মসিগী অপুনবগী ৱাখল্লোন অসি হীদাক-লাংথক, রাশন অমসুং ভেক্সিন্দা তেংবাং পীনবা ‘তালি-থালি’গী অমত্তা ওইবা ইহুলদা মপুং ফানা উৎখি। চপ মান্নবা ইহুল অসি শান্ন-খোৎনবদা মাইপাক্লকপা অমসুং হরাও কুহ্মৈগী মতমশিংদা অমসুং ঐখোয়গী ঙমখৈশিংদা খুদোংথিবা থোরকপদা ঐখোয়গী লান্মীশিংনা ঙাকশেন্নবা হোৎনবদা উবা ফংখি। পুম্নমক অসিনা ভারতকী অপুনবগী ৱাখল্লোনগী চাং অদু তাক্লি হায়না প্রধান মন্ত্রীনা ফোঙদোকখি। অপুনবগী ৱাখল্লোন অসি চহিচা কয়া অসিদা ইনভেদরশিংগীদমক্তা লম্বীদা লৈবা তিংখং ওইদুনা লাকখি অমসুং মখোয়না তোখাই তাবগী ৱাখল্লোন পোকহন্দুনা মসি মাংহন্নবা হোৎনখি অদুমওইনমক মখোয়গী দিজাইনশিং অদু ঐখোয়গী কন্সিয়সনেসতা চেল্লিবা ইচেল ওইরিবা অপুনবগী ৱাখল্লোনগী অমৃতনা মাংহনখি। মহাক্না মীপুম খুদিংমক্তা মীকুপ নাহুম শীংনা লৈনবা হায়খি মরমদি ভারতকী গ্রোথ অমসুং প্রোগ্রেস অসি হৌজিকসু এক্তিব ওইরি অমসুং জাৎ-বিজাৎ, ধর্ম, লোলদা য়ুম্ফম ওইরগা তোখাই তাবগী ৱাখল্লোন পোকহন্নবা খোঙথাংশিং পাইখৎলি অমদি পুৱারী অসিসু তোখাই তাহন্নবগী মওংদা ওইনা উহল্লি। মহাক্না মীখা পোনবগী ৱাখল্লোন, পুকচেল পীকপা, ইংথহনবা, নেপোতিজম, মীহৌ চাউবা অমসুং শেঞ্জা-থুমজানা লৈবাক অসিবু তোখাই-তোখাই তাহনবা অমসুং মপাঙ্গল শোন্থহনবা হোৎনরিবা অসিদগী চেকশিন্নবা খঙহনখি। মহাক্না হায়, “ঐখোয়না অপুনবগী ৱাখল্লোনগী অমৃতকা লোয়ননা তোখাই তাহনবগী হু অসি থেংনবা তাই”।

প্রধান মন্ত্রীনা হায়, “একতা দিৱসকী থৌরম অসিদা ঐহাক্না সরদার সাহেবনা খুৎশিন্নরমখিবা থৌদাং অদু অমুক হন্না নীংশিংবা পাম্মি”। মদুদি জাতি অসিগী অপুনবগী ৱাখল্লোন মপাঙ্গল কনখৎহন্নবগী প্রজাশিংগী থৌদাং অদুনি অমসুং মসি করিগুম্বা প্রজা খুদিংমক্না থৌদাং লৈবগী ৱাখল্লোন অমগা লোয়ননা মথৌদাংশিং মশানা য়ানা পাঙথোক্লবা মতমদা ওইথোক্কনি হায়না মহাক্না ফোঙদোকখি। প্রধান মন্ত্রীনা হায়, “থৌদাং মশক খঙবগা লোয়ননা সবকা সাথ, সবকা বিকাস, সবকা বিশ্বাস অমসুং সবকা প্রয়াস অসি মঙফাওনবা ঙমগনি অমসুং ভারতনা চাউখৎপগী লম্বীদা খুমাং চাউশিনগনি”। মহাক্না হায় সরকারগী থৌশিল-থৌরাংশিংনা খেন্নবা অমত্তা থমদনা লৈবাক অসিগী মীপুম খুদিংমক্তা য়ৌশিনবা ঙম্লি। খুদমশিং পীরদুনা প্রধান মন্ত্রীনা গুজরাতকী সুরতকী মীয়ামদা লেম্না ভেক্সিনশিং লায়না ফংহন্নবগুম্না অরুনাচল প্রদেশেকী সিয়াংগী মীয়ামদসু ফংহনখি। এমস্সগুম্বা মেদিকেল ইন্সতিত্যুসনশিং অসি গোরাখপুর খক্তা নত্তনা বিলাস্পুর, দারভঙ্গা, গুৱাহাতি, রাজকোৎ অমসুং লৈবাক অসিগী অতোপ্পা মফমশিংদসু লৈরে। তামিল নাদুদা খক্তা নত্তনা উত্তর প্রদেশতসধ দিফেন্স কোরিদোর শেমগৎপগী থবক অসি খোঙজেল য়াংনা পাইখৎলি হায়না মহাক্না পাউদমখি। প্রধান মন্ত্রীনা হায়খি তোঙান-তোঙানবা মফমশিংদা তোঙান-তোঙানবা লোলশিং ঙাংজরবসু সরকারগী স্কিমশিং অসিনা ক্যুদা লৈরিবা অরোইবা মীওই অদু কন্নেক্ত তৌবগা লোয়ননা ভারতকী তোঙান-তোঙানবা শরুকশিংদা য়ৌশিনবা ঙম্লি।

ঐখোয়গী লৈবাক অসিদা মীওই করোর কয়ানা করম্না তঙাই ফদবা খুদোংচাবশিং ফংনবগীদমক দিকেদ কয়া ঙাইখিবগে হায়বগী মতাংদা প্রধান মন্ত্রীনা হায়, “ইনফ্রাস্ত্রকচরগী মরক্তা গেপ পীকথরক্লিবা মখৈ অমত্তা ওইবগী মপাঙ্গল অসি কনখৎলকই”। মহাক্না ভারতনা বেনিফিসরী খুদিংমক্তা স্কিম খুদিংমক্কী কান্নবা য়ৌহনবা হায়বা পান্দমগা লোয়ননা সেচুরেসনগী প্রিন্সিপলদা থবক তৌরি হায়না ফোঙদোকখি। প্রধান মন্ত্রীনা হাউসিং ফোর ওল, দিজিতেল কন্নেক্তিবিতী ফোর ওল, ক্ল কুকিং ফোর ওল অমসুং ইলেক্ত্রিসিতী ফোর ওল অসিগুম্বা স্কিমশিং অসিগী খুদমশিং পীখি।  প্রধান মন্ত্রীনা প্রজাশিংগী ১০০% য়ৌশিনবগী মিসন অসি মান্নবা ফেসিলিতীশিংগীতা নত্তে অদুবু য়ুনিফাইদ গোলশিং, য়ুনিফাইদ দিবেলপমেন্ত অমসুং য়ুনিফাইদ এফোর্তকী অমত্তা ওইবা পান্দম থম্বা তঙাই ফদে হায়না অকনবা ৱাফম থমখি। প্রধান মন্ত্রীনা হায় পুন্সিগী তঙাই ফদবশিং অসিনা মীচম প্রজাশিংনা লৈবা অসিদা অমসুং সংবিধান্দা থাজবা থম্নবগী পাম্বৈ অমা ওইরক্লি অমসুং মীচম প্রশিংগী থাজবা থম্বগী পাম্বৈ অমা ওইনসু মথৌ তৌরি। সরদার পতেলনা মঙলম্বা ভারতকী মঙলান অদুগী মতাংদা পল্লদুনা প্রধান মন্ত্রীনা হায়, “ভারত মচা খুদিংমক্কী চপ মান্নবা খুদোংচাবশিং লৈজৈ অমসুং অমত্তা ওইবগী ৱাখল্লোন লৈ। ঙসি লৈবাক অসিনা মঙলান অদু মঙফাওনরকপা উবা ফংলি”।

দিকেদ কয়া অসিদা নাথৈদুনা থমলুরবা সেগমেন্ত খুদিংমক্তা লৈবাক অসিনা মরু ওইবা মীৎয়েং চংখিবা হৌখিবা চহি ৮বু নীংশিংলদুনা প্রধান মন্ত্রীনা হায় লৈবাক অসিনা ত্রাইবেলশিংবু ইকাই খুম্নবা উৎলদুনা জনজাতিয়া গৌরব দিৱস পালন তৌবগী চৎনবী হৌদোকখি। হীরম অসিদা প্রধান মন্ত্রীনা লৈবাক অসিগী রাজ্য কয়াদা শাগৎলিবা ত্রাইবেল ম্যুজিয়মশিংগী মতাংদা পাউদমখি। প্রধান মন্ত্রীনা ইরৈবাকচাশিংদা মনগর ধাম অমসুং জমবুগোদাগী পুৱারী খঙনবা হায়খি অমসুং মখোয়গী নীংতম্বা অসি মীরৈবাক্কী লোইলম শন্দোকপা মীওইশিংনা চত্থখিবা মীওৎ-মীনৈ কয়া মায়োক্নদুনা ফংবা ঙমখিবনি। মহাক্না মখা তারদুনা হায়, “মতম অদুদা খক্তা ঐখোয়না নীংতম্বগী মগুন অমসুং অমত্তা ওইনা লেপ্পগী মগুন অসি খঙবা ঙমগনি”।

প্রধান মন্ত্রীনা একতা নগর অসি লৈবাক অসি খক্তা নত্তনা মালেম পুম্বগী ওইনা অমুক্তা ওইখিদ্রিবা মওংদা ভারতকী মোদেল সিতী ওইনা শেমগৎলি হায়না ফোঙদোকখি। মহাক্না হায়খি মদুদি মীয়ামগী অপুনবা শক্তম অমসুং মীয়াম্না শরুক য়াবগী শক্তিগা লোয়ননা শেমগৎলিবা সহর অসি পাকচাউবগী মথক্তা দিভাইন স্তেন্দপোইন্ত অমা লৈগনি। শ্রী মোদীনা হায়খি “স্তেচু ওফ য়ুনিতীগী মওংদা মালেমগী খ্বাইদগী চাউবা মীতমগী ইথিল অদু ঐখোয়গী ইরক্তা য়াওরি।

একতা নগরগী দিবেলপমেন্ত মোদেলগী মতাংদা পল্লদুনা প্রধান মন্ত্রীনা হায় মদুদি এনভাইর্নমেন্ত-ফ্রেন্দলী মোদেল, লৈবাক অসিবু এল.ই.দি.শিংনা ঙালহল্লিবা ইলেক্ত্রিসিতী-সেভিং মোদেল, সোলর পাৱরনা চল্লাইবা ক্লীন ত্রান্সপোর্ত সিস্তেমগী মোদেল অমসুং শা-উচেকগী তোঙান-তোঙানবা স্পেসিসশিংবু ঙাকশেনবগী মোদেলগী মরমদা মীয়াম্না ঙাংনরকপা মতমদা সহর অসি মীয়াম্না শোন্নরগনি। প্রধান মন্ত্রী মফম অসিদা ঙরাং মিবাৱাকি ফোরেস্ত এন্দ মেজ গার্দেন শঙ্গাবগী খুদোংচাবা ফংখিবা অদু নীংশিংখি। মহাক্না একতা মোল, একতা নর্জরী, য়ুনিতী ইন দাইভর্সিতী উৎলিবা ৱর্ল্দ ফোরেস্ত, একতা ফেরী, একতা রেলৱে স্তেসন, অমসুং অতোপ্পা থৌশিল পুম্নমক অসিনা নেস্নেল য়ুনিতী মপাঙ্গল কনখৎহন্নবা ইথিল অমা ওইরি হায়না ফোঙদোকখি।

ৱারোল পীবা লোইশিল্লদুনা প্রধান মন্ত্রীনা নীংতম্বা ফংলবা মতুংদা লৈবাক অসিগী অপুনবগী শক্তম শেমগৎপদা সরদার সাহেবনা লৌখিবা থৌদাং অদু পনখি। প্রধান মন্ত্রীনা চহিচা কয়া শক্তি পাইরমখিবা নীংথৌগী ইমুং-মনুংশিংনা সরদার পতেলগী খোঙথাংশিংনা মরম ওইদুনা লৈবাক অসিগী অপুনবগী শক্তমগীদমক অনৌবা সিস্তেম অমা শেম্বদা থৌদাং মশক খঙনা মখোয়গী হকশিং কত্থোকখি হায়না পাউদমখি। নীংতম্বা ফংলবা মতুং দিকেদ কয়া কত্থোকখিবা অসি খঙবীদনা লৈরকখি। প্রধান মন্ত্রীনা লোইশিনবদা হায়, “হৌজিক একতা নগরদা নীংথৌগী ইমুং-মনুংশিংনা কত্থোকখিবা অদুবু শকখঙবা ওইনা হৌজিক ম্যুজিয়ম অমা শারগনি। মসিনা লৈবাক অসিগী অপুনবগী শক্তমগীদমক কত্থোকপগী চৎনবী অসি হৌরক্লিবা মীরোলশিংদসু খঙহল্লগনি”।

বেকগ্রাউন্দ

প্রধান মন্ত্রীগী মঙলান মতুং ইন্না, লৈবাকসিগী লিংজেল মান্নবা, অপুনবগী শক্তম অমদি ঙাকশেলগী ফীভম ঙাক্তুনা থম্নবা অমদি মপাঙ্গল কনখৎহন্নবগীদমক ঐখোয়গী খোঙফম চেৎশিলহন্নবা সরদার বল্লভভাই পতেলগী মপোক নুমিৎ হায়বদি ওক্তোবর ৩১বু রাস্ত্রীয় একতা দিৱস হায়না পাঙথোক্নবা ২০১৪দা ৱারেপ লৌখি‍। প্রধান মন্ত্রীনা কেবরিয়াদা লৈবা স্তেচু ওফ য়ুনিতীদা পাঙথোকপা রাস্ত্রীয় একতা দিৱস থৌরমদা শরুক য়াখ্রে‍। থৌরম অসিদা সি.এস.এফ. অমসুং, অৱাং থংবা জোন (হরিয়ানা), নোংচপ থংবা জোন (মধ্য প্রদেশ), খা থংবা জোন (তেলঙ্গনা), নোংপোক থংবা জোন (ওরিসা) অমদি অৱাং নোংপোক থংবা জোন (ত্রিপুরা) হায়রিবা রাজ্য মঙাসিগী পুলিস ফোর্সশিংগী কন্তিঞ্জেন্তশিংনা শরুক য়াদুনা রাস্ত্রীয় একতা দিৱস পেরেদ পাঙথোকখ্রে‍। কন্তিঞ্জেন্তশিং অসিগী মথক্তা, কম্মনৱেল্থ গেম্স ২০২২দা স্পোর্স মেদল ফংখিবা পুলিস তরুকসু পেরেদ অসিদা শরুক য়াখি।‍

Rashtriya Ekta Diwas is a tribute to the invaluable role of Sardar Patel in unifying our nation. https://t.co/mk4k21xpme

— Narendra Modi (@narendramodi) October 31, 2022

*****