প্রধানমন্ত্রীগী লোইশঙ
পি.এম.না দীপোৎসব কুমহৈ হৌদোকখ্রে
Posted On:
23 OCT 2022 8:00PM by PIB Imphal
|
“ঙসিদি অয়োধ্যা ভারতকী নাৎ হিংঙ্গৎহনবগী সনা ফুদোংলবা পন্দুপকী মমি তারিবা মফম অমা ওইরে”
“মৈঙালশিং অসিনা মঙাল মশেকশিংনা ‘সত্যমেব জয়তে’ হায়রিবা ভারতকী চৎন-পথাপকী লাইৱা অসিবু মপুং ফাহল্লি”
“দীপাবলীগী থাউমৈশিংনা ভারতকী ফিদম, মমল অমদি ৱাখল্লোনগী অচঙবা থৱায় ওইরি”
“অমম্ববু কোকহন্নবা থাল্লিবা থাউমৈশিংনা কত্থোকপগী ইথিল অমা পোকহল্লি”
|
দীপাবলীগী মাঙওইননা, প্রধান মন্ত্রী, শ্রী নরেন্দ্র মোদীনা ঙসি উত্তর প্রদেশকী অয়োধ্যাদা দীপোথসব কুমহৈ হৌদোকখ্রে। প্রধান মন্ত্রীনা সর্য়ু তুরেল তোর্বান্দা লৈবা রাম কী পৈরীদা অচৌবা ম্যুজিকেল লেজর সো অমগা লোয়ননা ৩-দি হোলোগ্রাফিক প্রোজেক্সন মেপ্পিং সো অমসু মীৎয়েঙ তাখি।
থৌরমদুদা ৱা ঙাঙলদুনা, প্রধান মন্ত্রীনা প্রভু রামবু থাক ৱাংনা থাঙ্গৎখি অমদি ঙসিদি অয়োধ্যে জী থাউমৈগী মৈঙালশিং অমসুং পুক্নিং ইহুল কয়ানা অথোইবা শক্তম অমা পীরি হায়না হায়খি। “ঙসিদি অয়োধ্যা ভারতকী নাৎ হিংঙ্গৎহনবগী সনা ফুদোংলবা পন্দুপকী মমি তারিবা মফম অমা ওইরে”, হায়না প্রধান মন্ত্রীনা ফোঙদোকখি। মহাক্না ঙসি ঙল্লিঙৈদা রাজ্যভিসেক্কীদমক লাকপা মতমদা মহাক্কী পুক্নিং নুংশিবগী ইহুল অমা ইহৌরকখি হায়না প্রধান মন্ত্রীনা ফোঙদোকখি। প্রভু শ্রী রাম্না চহি ১৪ লোই চৎলুরবা মতুংদা হল্লকপা মতমদা অয়োধ্যবু কমদৌনা লৈতেংলমগনি হায়বা ৱাখলদা প্রধান মন্ত্রীনা পুক্নিংদা লাঙতক্নবা ফোঙদোকখি। “ঙসি অমৃৎ কাল অসিদা, প্রভু রামগী থৌজালগা লোয়ননা ঐখোয়না অয়োধ্যাগী লাইগী মশক ওইরবা অমদি শিনাইদ্রবা মশক উবা ফংলিো”, হায়বা ৱাফমসু প্রধান মন্ত্রীনা থমখি।
কুমহৈ হরাও পাঙথোকপনা মীওইবগী পুন্সিগী মহৌশাগী শরুক অমা ওইরিবা চৎনবী অমদি নাৎপু ঐখোয়না মতমগী খোঙলৈদা পুথদুনা চৎলিবনি হায়না মহাক্না হায়খি। “অচুম্বনা মায় পাকপা অমদি অরানবনা মায়থিবা হায়রিবা মীওইবা খুন্নাইগী পাউজেল অসিবু হিংহন্দুনা থম্বদা ভারতকা লম্বা তৌবা ঙম্বা কনাসু লৈতে”, হায়না প্রধান মন্ত্রীনা ফোঙদোকখি। “দীপাবলীগী থাউমৈশিংনা ভারতকী ফিদম, মমল অমদি ৱাখল্লোনগী অচঙবা থৱায় ওইরি”, হায়না ফোঙদোক্লদুনা প্রধান মন্ত্রীনা “মৈঙালশিং অসিনা মঙাল মশেকশিংনা ‘সত্যমেব জয়তে’ হায়রিবা ভারতকী চৎন-পথাপকী লাইৱা অসিবু মপুং ফাহল্লি” হায়না মখা তাখি।
“সত্যমেব জয়তে ননরিতম সত্যেন পান্থা ভিতাতো দেবায়ানাহ:, হায়বদি মায় পাকপা হায়বসি অচুম্বগীনি, অরানবগী নত্তে হায়বা উপনিসদকী ৱাফম প্রধান মন্ত্রীনা পনখি। “রামো রাজামনি সদা ভিজয়তে” হায়বদি মায় পাকপা হায়বসি রামগী অফবা মচৎকীনি অমদি রাবনগী ফত্তবা মচৎকী নত্তে হায়বা ঐখোয়গী মুনিশিংগী ৱাফমশিংসু প্রধান মন্ত্রীনা পনখি। থাউমৈশিংগী অচঙবা ইনর্জীগী মরমদা পল্লদুনা, থাউমৈগী মৈঙাল অসি ব্রহ্মাগী শক্লোন্নি হায়না ফোঙদোক্লিবা ঐখোয়গী মুনিশিংগী ৱাফম “দীপো জ্যোতীহ পরব্রৈ্মা দীপো জ্যোতী জনার্দন” হায়বা ৱাফম পনখি। স্পিরিচুএল ওইরবা মৈঙালশিং অসিনা ভারতকী খোঙজেল অমসুং চাওখৎপগী মায়কৈদা লমজিংগনি হায়বগী থাজবা শ্রী মোদীনা হন্না ফোঙদোকখি।
প্রধান মন্ত্রীনা থৌরমদুগী খুদোংচাবা লৌরদুনা রামচরিৎ মানস্তা গাস্বামী তুলসিদাসনা হায়রম্বা ৱাফমশিং মীয়ামদা নৌহৌননা নীংশিংলদুনা প্রভু রাম মালেম পুম্বদা মঙাল য়েল্লিবা অমদি মালেম পুম্বগী লমজিং মৈরানি হায়বা ৱাফম ফোঙদোক্লিবা “জগৎ প্রকাস প্রকাসক রামু” হায়বা ৱাফম পনখি। “মৈঙাল অসি থৌজাল হৈবা অমদি মিনুংসিগী, মীওইবগী লমচৎ অমদি ইকায়খুম্নবাগী, পুম্নমক মান্ননা য়েংবা অমদি থৌজালগী মৈঙালনি অমদি মসি পুম্নমক পুন্না চৎমিন্নবগী পাউজেলনি”, হায়না প্রধান মন্ত্রীনা ফোঙদোকখি।
প্রধান মন্ত্রীনা চহি কয়াগী মমাঙদা গুজরাতী লোলদা থাউমৈ অমগী মরমদা ইখিবা ‘দিয়া’ হায়রিবা মহাক্কী শৈরেংদগী পরেং খরা থীখি। থাউমৈনা মঙলান অমসুং মৈশা, মৈ অমদি পোত্থাবগী পাঙ্গল পীরি হায়না ফোঙদোক্লিবা শৈরেং অদুগী ৱাহন্থোক মহাক্না শন্দোক্না তাকখি। মীপুম খুদিংমক্না নুমিৎ থোরকপদা খুরুম্নরবসু অহিংগী অমম্ববু কোকহল্লিবসিদি থাউমৈনি। থাউমৈনা অমম্ববু কোকহন্নবগীদমক মশাবু চাকহন্দুনা মীওইবগী পুক্নিং ৱাখলদা কত্থোকপগী ইথিল পোকহল্লি হায়না মহাক্না মখা তাখি।
ঐখোয়না ওইজবা থিবগী ৱাংমা লাল্লকপা মতমদা, পুম্নমকপু কোনশিনবগী ফিরেপ মশা মথন্তা লাকই হায়না প্রধান মন্ত্রীনা ফোঙদোকখি। “ঐখোয়না নীংজবা থুংলবা মতমদা, ফংলিবা মহৈ অসি ঐগী নত্তে, মসি মীওইবা খুন্নাইগী য়াইফনবনি হায়না হায়। থাউমৈদগী হৌরগা দীপাবলী ফাওবা ভারতকী ৱাঙুল্লোন্নি, মসি ভারতকী অমদি ভারতকী নাৎকী মশক্নি”, হায়না মহাক্না হায়খি। ভারতনা মেদিএভেল অমসুং অনৌবা মতমগী অমম্বা মতমশিংগী শাফুশিং থেংনখ্রবসু, লৈবাক মচাশিংনা থাউমৈ চুখৎপা লেপখিদে অমদি থাজবা শেমগৎপা তোকখিদে হায়না প্রধান মন্ত্রীনা ফোঙদোকখি। কোরোনাগী লাংফম মতমদসসু ভারত মচা পুম্নমক্তা খুত্তা মৈরা পায়দুনা লেপখি অমদি ভারতনা লাইচৎ অসিবু থেংনখিবা মালেম্না উখি হায়না মহাক্না নীংশিংখি। “মমাঙথক্তা ভারতনা অমম্বা মতম পুম্নমক্তগী থোরক্তুনা লাকখি অমদি মাগী মৈঙালগী মতিক চাওখৎ লম্বীদা শন্দোকহনখি:, হায়বা ৱাফমগা লোয়ননা প্রধান মন্ত্রীগী ৱারোল লোইশিনখি।
বেকগ্রাউন্দ
তরুকশুবা দীপোৎসব অসি প্রধান মন্ত্রী মশামক য়াওদুনা পাঙথোকপা অহানবা থৌরম ওইগদৌরিবনি। থৌরম অসিদা, থাউমৈ লাখ ১৫ হেন্না থানগনি অমদি তোঙান তোঙানবা স্তেতশিংদগী মখল মথেলগী জগোয়শিংগা লোয়ননা এনিমেতেদ তেব্লু মঙা অমদি রামলীলা তেব্লু তরামাথোই উৎকদৌরি।
*****
(Release ID: 1870553)
Visitor Counter : 117
Read this release in:
Bengali
,
English
,
Urdu
,
Marathi
,
Hindi
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam