প্রধান মন্ত্রী, শ্রী নরেন্দ্র মোদীনা ঙসি গুজরাতকী অদালজকী ত্রিমন্দিরদা মিসন স্কুলস ওফ এক্সিলেন্স হৌদোকখ্রে। মিসন অসি লুপা করোর ১০০০০গী অপুনবা আউতলেগা লোয়ননা শাখি। ত্রিমন্দিরদা পাঙথোকপা থৌরমদা প্রধান মন্ত্রীনা লুপা করোর ৪২৬০রোম ওইগদবা প্রোজেক্তশিংসু হৌদোকখি। মিসন অসিনা রাজ্য অসিদা অনৌবা ক্লাসরুমশিং স্মার্ত ক্লাসরুমশিং, কম্প্যুতর লেবশিং লিংগৎতুনা অমসুং স্কুলশিংগী ইনফ্রাস্ত্রকচর পুম্নমক অপগ্রেদ তৌদুনা গুজরাতকী এজুকেসন ইনফ্রাস্ত্রকচর মপাঙ্গল কনখৎহনবদা মতেং পাংলগনি।

থৌরম অদুদা ৱা ঙাংলদুনা প্রধান মন্ত্রীনা হায়খি ঙসি গুজরাতনা অমৃত কালগী অমৃত মীরোলশিং শেম্নবগী মাইকৈদা মরু ওইবা খোঙথাং অমা থাংলি। প্রধান মন্ত্রীনা হায়, “থৌরম অসিনা চাউখৎপা ভারত অমগীদমক, অমসুং চাউখৎপা গুজরাতকীদমক মরু ওইবা পন্দুপ ওইরগনি”। মহাক্না প্রজা, ওজা, নহারোল অমসুং তুংদা হৌরক্কদবা গুজরাতকী মীরোলশিংবু মিসন স্কুল্স ওফ এক্সিলেন্সকীদমক নুংঙাইবা ফোঙদোকখি।

হন্দক্তা ফাইব-জি তেক্নোলোজী হৌদোকখিবা অদুগী মতাংদা পল্লদুনা প্রধান মন্ত্রীনা হায় মদুদি ঐখোয়না ফর্স্ততগী ফোর্থ জেনরেসনগী ইন্তর্নেৎ শীজিন্নরবসু ফাইব-জিনা ভারত পুম্বদা অওনবা অমা পুরক্লগনি। শ্রী মোদীনা মখা তারদুনা হায়, “জেনরেসন অমমম হৌখিবগা লোয়ননা তেক্নোলোজীনা ঐখোয়বু পুন্সিগী অপীকপা হীরম খুদিংমক্কা শম্নহল্লি”। “মতৌ অসুম্না ঐখোয়না স্কুলশিংদসু তোঙান-তোঙানবা জেনরেসনশিং উবা ফংখি”। ফাইব-জি তেক্নোলোজীগী তৌবা ঙম্বশিংগী মতাংদা প্রধান মন্ত্রীনা হায়খি মদুদি মসিনা এজুজেসন সিস্তেম অসিবু স্মার্ত ফেসিলিতীশিং, স্মার্ত ক্লাসরুমশিং অমসুং স্মার্ত তীচিংশিংগী ৱাংমদা পুরি অমসুং মসিনা মথংগী লেবেলদা য়ৌহল্লি। মহাক্না হায়, “ঐখোয়গী নহা ওইরিবা মহৈরোয়শিংনা হৌজিক স্কুলশিংদা ভর্চুএল রিএলিতী অমসুং ইন্তর্নেৎ ওফ থিংসকী শক্তি উবা ফংলি”। প্রধান মন্ত্রীনা মিসন স্কুল্স ওফ এক্সিলেন্সকী খুত্থাংদা গুজরাতনা লৈবাক পুম্বা অসিদা অহনবা অমসুং খ্বাইদীগী মরু ওইবা খোঙথাং অমা থাংখিবদা নুংঙাইবা ফোঙদোকখি। প্রধান মন্ত্রীনা অচৌবা মাইপাকপা অসিগীদমক মুখ্য মন্ত্রী ভুপেন্দ্র পতেলগী তীমবু থাগৎপা ফোঙদোকখি।

প্রধান মন্ত্রীনা হৌখিবা দিকেদ অনি অসিদা এজুকেসনগী লমদা গুজরাত্তা উবা ফংইবা অহোংবা কয়া অসিদা নুংঙাইবা ফোঙদোকখি। প্রধান মন্ত্রীনা গুজরাতকী এজুকেসন সেক্তরগী ওইরম্বা ফীভম শোক্লবা মতৌ অদুবু নীংশিংখি অমসুং অঙাং ১০০গী মনুংদা ২০না স্কুল চৎপা ফংলমখিদে হায়না ফোঙদোকখি। মহাক্না মখা তারদুনা হায়খি মদুদি স্কুল চৎপা ঙমদবা মহৈরোয়শিংনা ক্লাস ৮ তম্লবা মতুংদা দ্রোপ আউত তৌখি। মহাক্না স্কুল কাবা লেপখিবা নুপীমচাশিংগী ফীভমগী মতাংদা পল্লদুনা মখোয়না অমুক্কা হেন্না ফীভম শোকখি হায়না ফোঙদোকখি। ত্রাইবেলনা লৈবা মতমশিংদা এজুকেস্নেল সেন্তরশিংগী অৱাৎপা লৈবগী মতাংদা প্রধান মন্ত্রীনা মফমশিং অসিদা সাইন্স অমসুং এজুকেসনগী থৌরাং অমত্তা তৌখিদে হায়না ফোঙদোকখি। শ্রী মোদীনা হায়, “হৌখিবা দিকেদ অনিদা গুজরাতকী মিয়াম্না মখোয়গী রাজ্যদা এজুকেসন সিস্তেমদা পুরকখিবা অওনবশিং অদু উৎখি”। প্রধান মন্ত্রীনা হায়খি মদুদি হৌখিবা দিকেদ অনি অসিদা গুজরাত্তা অনৌবা ক্লাসরুম লাখ ১.২৫ হেন্না শাখি অমসুং ওজা লাখ ২ হেন্না লৌখি। শ্রী মোদীনা হায়, “শালা প্রবেশোৎসব অমসুং কন্যা কেলাবানি মহোৎসকুম্বা প্রোগ্রামশিং হৌদোকখিবা মতম অদু ঐহাক্না নীংশিংলি। অহানবা ওইনা ইচানুপা অমসুং ইচানুপীশিংনা স্কুল চৎপা মতমদা মখোয়না মদুবু কুহ্মৈ অমা ওইনা পাঙথোক্কদবনি”।

প্রধান মন্ত্রীনা ক্বালিতী এজুকেসন্দা মীৎয়েং থম্লিবা কুহ্মৈ অমা ওইরিবা ‘গুনোৎসব’সু নীংশিংখি। মসিদা মহৈরোয়শিংগী এপ্তিচুদ, স্কিলশিং অমসুং এবিলিতীশিং ইভাল্যুএৎ তৌখি অমসুং মতিক চাবা সোল্যুসনশিং পীখি। মহাক্না গুজরাতকী বিদ্যা সমীক্ষা কেন্দ্রদা ‘গুনোৎসব’কী হেন্না এদভান্স ওইবা তেক্নোলোজী-বেজ বর্জন ফঙ্কসন তৌরিবা অসিদা নুংঙাইবা ফোঙদোকখি। মহাক্না মখা তারদুনা হায়, “গুজরাতনা মতম চুপ্পদা এজুকেসনগী লমদা অখন্নবা অমসুং অচৌবা চাংয়েং খরগী শরুক ওইদুনা লাকখি। ঐখোয়না গুজরাত্তা অহানবা তীচর ত্রেনিং য়ুনিভর্সিতী, ইন্সতিত্যুত ওফ তীচর্স এজুকেসন লিংখৎখি”।

প্রধান মন্ত্রীনা রাজ্য অসিগী মুখ্য মন্ত্রী ওইনা থৌ পুরিঙৈ মতম অদুবু নীংশিংলদুনা মহাক্না হায়খি মহাক্না খুঙ্গং অমদগী খুঙ্গং অমদা চৎতুনা মীয়ামদা মখোয়গী মচানুপীশিংবু স্কুলদা থাবীরক্নবা হায়জখি। “মসিগী ফল ওইনা ঙসি গুজরাতকী মচানুপা অমসুং মচানুপী খুদিংমক্না স্কুল কাবা হৌখ্রে অমসুং স্কুল লোইরবা মতুংদা কোলেজ কাবা হৌখ্রে”। মহাক্না হায়জবদা তাবীদুনা মখোয়গী মচাশিংবু স্কুলদা থারকখিবা মমা-মপাশিংবু মহাক্না থাগৎপা ফোঙদোকখি।

প্রধান মন্ত্রীনা আয় মদুদি দিকেস অমগী মমাংদা স্কুল লিশিং ২০ হেনবদা কম্প্যুতর-এদেদ লর্নিংগী মথক্তা গুজরাত্তা লৈবা স্কুল ১৫,০০০দা তি.ভি. য়ৌহনখি অমসুং অসিগুম্বা সিস্তেমশিংনা চহি কয়াগী মমাংদগী গুজরাতকী স্কুলশিংগী মরু ওইবা শরুক অমা ওইদুনা লাকখি। এজুকেসনগী লমদা তেক্নোলোজীনা লৌরিবা মরু ওইবা থৌদাংগী মতাংদা প্রধান মন্ত্রীনা হায়খি ঙসি গুজরাত্তা মহৈরোয় করোর ১ হেনবনা অমসুং ওজা লাখ ৪ হেনবনা ওনলাইন এতেন্দেন্সতা রেজিস্তর তৌখি। মহাক্না মখা তারদুনা হায়খি মদুদি ঙসি গুজরাত্তা স্কুল লিশিং ২০ হেনবনা এজুকেসনগী ফাইব-জীগী চহিচাদা চংশিল্লি।

প্রধান মন্ত্রীনা মিসন স্কুল্স ওফ এক্সিলেন্সকী মখাদা পাইখৎখিবা প্রোজেক্তশিংদা মীৎয়েং চংখি অমসুং স্কুলশিং অসিদা অনৌবা ক্লাসরুম লিশিং ৫০ অমসুং স্মার্ত ক্লাসরুম লাখ অমা হেন্না শারি আয়না ফোঙদোকখি। প্রধান মন্ত্রীনা মখা তারদুনা হায় মদুদি স্কুলশিং অসি মোদর্ন, দিজিতেল অমসুং ফিজিকেল ইনফ্রাস্ত্রকচর লৈবা খক্তা নত্তনা মসিনা অঙাংশিংগী পুন্সিশিংদা অমসুং মখোয়গী এজুকেসন্দা অচৌবা অহোংবা অমা পুরকখি। মহাক্না হায়, “অঙাংশিংগী তৌবা ঙম্বশিং হেনগৎহন্নবা লম খুদিংমক্তা মফম অসিদা থবক পাইখৎলগনি”।

প্রধান মন্ত্রীনা হায়খি মদুদি খোঙথাংশিং অসি ফাইব-জি লাকপদগী চাউনা কান্নবা ফংলগনি। মসিনা খ্বাইদগী ফবা কন্তেন্ত, পেদাগোজী শেম্বা অমসুং ওজা মীপুম খুদিংমক্তা, মরু ওইনা মনুং হঞ্জিনবা মফমশিংদা কান্নবা ফংহনবদা মতেং পাংলগনি। মহাক্না হায়, “অনৌবা নেস্নেল এজুকেসন পোলিসী অসিবু এজুকেস্নেল ওপ্সনশিংগী মখল অমসুং ফ্লেক্সিবিলিতী অদুনা চৎনহনবা ঙমগনি”। প্রধান মন্ত্রীনা হায়খি মদুদি পি.এম.-শ্রী স্কুল লিশিং ১৪.৫ শাগদৌরিবা অসিনা নেস্নেল এজুকেসন পোলিসী ইমপ্লিমেন্ত তৌনবগীদমক মোদেল স্কুলশিং ওইরগনি। স্কিম অসিদা লুপা করোর লিশিং ২৭ চাদিং তৌগনি।

প্রধান মন্ত্রীনা হায় “অনৌবা নেস্নেল এজুকেসন পোলিসী অসি মীনাই নাইথাংগী ৱাখল্লোন্দগী লৈবাক অসিবু মনিং তমহন্নবা অমসুং তেলেন্ত অমসুং ইনোবেসন প্রমোৎ তৌনবা খোঙথাং অমনি”। ইংলিশ লোনগী নোলেজ অসিনা হৈ-শিংবা ওনবগী পাম্বৈ অমা ওইরম্মি হায়না প্রধান মন্ত্রীনা ফোঙদোকখি। অদুবু চহি দিকেদ কয়া অসিদা খুঙ্গং অমসুং লাইরবা ইমুংশিংদা লৈরিবা তেলেন্ত পুল অদুগী কান্নবশিং অদু লৈবাক অসিনা ফংবদা লোল অসিনা অপনবা অমা ওইদুনা লাকখি। “হৌজিক্তি মসিগী ফীভম অসিদা অহোংবা লৈরে। হৌজিক্তি মহৈরোয়শিংনা সাইন্স, তেক্নোলোজী অমসুং মেদিসিনগী লমদা ভারতকী লোনশিংদা তম্নবা ওপ্সন অদু ফংবা হৌরে। গুজরাতি য়াওনা ভারতকী লোল কয়ামরুমদা কোর্সশিং তম্বা হৌনবা থবকশিং পাইখৎপা হৌরে” হায়না প্রধান মন্ত্রীনা ফোঙদোকখি। মহাক্না অনৌবা নেস্নেল এজুকেসন পোলিসীগী ‘কনাগুম্বা অমত্তা নাথৈদুনা থম্লমদবা’ ৱাখল্লোন অদুগী মতাংদা মহাক্না পল্লদুনা চাউখৎলবা ভারত অমগী ‘সবকা প্রয়াস’কী মতম অদু ওইরে।

সাইন্স অমসুং নোলেজগী লমদা ভারতকী ইপা ইপুশিংনা শরুক তম্বীরম্বা অদুগী মতাংদা পল্লদুনা প্রধান মন্ত্রীনা হায় “অরিবা মতমশিংদগী ভারতকী চাউখৎ থৌরাংদা এজুকেসন্না অচৌবা থৌদাং লৌরি”। ভারত অসি মহৌশানা নোলেজবু শৌগৎপা লৈবাক অমনি অমসুং মালেমগী খ্বাইদগী ফবা য়ুনিভর্সিতীশিং শারম্বা অমসুং চহিচা কয়াগী মমাংদা খ্বাইদগী চাউবা লাইব্রেরিশিং শারম্লিবশিং অদু ঐখোয়গী ইপা ইপুশিংনি হায়না মহাক্না ফোঙদোকখি। ভারত্তা লান্দাখিবা মতম অমসুং ভারতকী মসিগী লন-থুম অসি মাংহন তাকহনখিবা কেম্পেন অদুগী মতাংদা প্রধান মন্ত্রীনা ফোঙদোকখি। “ঐখোয়না এজুকেসনগী লমদা অকনবা শাফু পীবগী চৎনবী অদু হৌজিকসু লৈরি”। ঙসি ফাওবদা মসিনা মরম ওইনা নোজেল অমসুং সাইন্সকী মালেমদা ইনোবেসনগী লমদা ভারতকী তোঙানবা মশক অমা লৈরি। “আজাদি কা অমৃত কাল’ অসিদা মসিগী অরিবা মীংচৎ অসি ফংনবা খুদোংচাবা অমা লৈরি” হায়না শ্রী মোদীনা ফোঙদোকখি। 

লোইশিল্লকপগী ৱারোলদা প্রধান মন্ত্রীনা মালেমদা অচৌবা নোলেজ ইকনোমী অমা ওইরকপা য়াবগী ভারতকী লোইবা নাইদ্রবা ওইথোকপশিং অদুগী মতাংদা ফোঙদোকখি। “২১শুবা চহিচা অসিদা সাইন্সকা মরী লৈনবা ইনোবেসন অয়াম্বা, তেক্নোলোজীগা মরী লৈনবা ইনোবেসন অয়াম্বা ভারত্তা ওইগনি হায়না ফোঙদোকপদা ঐঙোন্দা চিংনবা লৈতে হায়না মহাক্না শন্দোক্না তাকখি। গুজরাতকী ওইনা অচৌবা খুদোংচাবা অমা লাক্লগনি হায়না প্রধান মন্ত্রীনা ফোঙদোকখি। “হৌজিক ফাওবদা গুজরাত অসি ললোল ইতিক তৌবা অমসুং বিজিনেসতা মশক খংনরি, মসি মেন্যুফেকচরিংদনি। অদুবু ২১শুবা চহিচা অসিদা গুজরাত অসি ইনোবেতিব হব অমা ওইনা লৈবাক অসিগী নোলেজ হব ওইনা চাউখৎলক্লি। মিসন স্কুল ওফ এক্সিলেন্সনা মসিগী থৌনা অসি উৎলগনি হায়না ঐহাক্না থাজবা থম্মি হায়না” ফোঙদোক্লদুনা প্রধান মন্ত্রীনা মহাক্কী ৱারোল অদু তেনশিনখি।  

তিনখিবা মীওইশিংগী মরক্তা গুজরাতকী মুখ্য মন্ত্রী, শ্রী ভুপেন্দ্র পতেল, গুজরাতকী রাজ্যপাল, শ্রী আচার্য় দেবব্রত অমসুং গুজরাত সরকারগী মন্ত্রী, শ্রী জিতুভাই ভঘানি, শ্রী কুবেরভাই দিন্দোর অমসুং শ্রী কির্তিসিংহ ভঘেলা য়াওখি।

Mission Schools of Excellence will help scale up education infrastructure in Gujarat. https://t.co/lHhlzttZwo

— Narendra Modi (@narendramodi) October 19, 2022

आज गुजरात अमृतकाल की अमृत पीढ़ी के निर्माण की तरफ बहुत बड़ा कदम उठा रहा है। pic.twitter.com/1Oiy3p5Axj

— PMO India (@PMOIndia) October 19, 2022

5G will usher in a transformation across India. pic.twitter.com/yODnTBS728

— PMO India (@PMOIndia) October 19, 2022

5G will revolutionize the education sector. pic.twitter.com/LO61tOusw7

— PMO India (@PMOIndia) October 19, 2022

PM @narendramodi recounts the various measures undertaken in Gujarat for improving the education sector. pic.twitter.com/7BoCCAWylZ

— PMO India (@PMOIndia) October 19, 2022

गुजरात में शिक्षा के क्षेत्र में, हमेशा ही कुछ नया, कुछ Unique और बड़े प्रयोग किए गए हैं। pic.twitter.com/oMz5IznOcO

— PMO India (@PMOIndia) October 19, 2022

PM-SHRI schools will be model schools for implementation of the National Education Policy. pic.twitter.com/ZGBW9BWiUL

— PMO India (@PMOIndia) October 19, 2022

In Azadi Ka Amrit Kaal, India has pledged to free itself from colonial mindset. The new National Education Policy is a step in that direction. pic.twitter.com/L3z3PJsx4F

— PMO India (@PMOIndia) October 19, 2022

शिक्षा, पुरातन काल से ही भारत के विकास की धुरी रही है। pic.twitter.com/BGaHIOHHc3

— PMO India (@PMOIndia) October 19, 2022

*****