ভারত ইমানা য়াইফরে,

ভারত ইমানা য়াইফরে,

ফম্পাক থক অসিদা ফমফমলাংদা লেংশিনবীরিবা গুজরাতকী ঐখোয়গী মমিং লৈরবা মুখ্য মন্ত্রী শ্রী ভুপেন্দ্র ভাই পতেল। ২০১৯গী মীখলদা ভোৎ মশিং খ্বাইদগী ফংদুনা কাখিবা অমসুং অনৌবা রেকোর্দ থমখিবা পার্লিয়ামেন্তদা ঐহাক্কী মরু ওইরিবা সি.আর. পাতিল, কেন্দ্রগী মন্ত্রী-মন্দলদা ঐহাক্কী মরুপ ওইরিবা অমসুং গুজরাতকী মপারি, শ্রী মনসুখ ভাই মান্দবিয়া, ফম্পাক অসিদা লেংশিনবীরিবা গুজরাত সরকারগী মন্ত্রী পুম্নমক, এম.পি.শিং, এম.এল.এ. অমসুং ঐহাকপু থৌজাল পীনবীনবা লাক্লিবা মশিং য়াম্লবা ইচিল-ইনাওশিং,

মরুপশিং,

অয়ুক্তা ঐহাক্না মফম অসিদা লাকপদা য়াম্না নুংঙাইতবা পাউ অমা তাখি। ঙসি মুলায়ম সিংহ য়াদবজী লৈখিদ্রে। মুলায়ম সিংহ য়াদবজীনা লৈখিদবা অসি লৈবাক অসিগী ওইনা চাউনা মাংজবনি। মুলায়ম সিংহজীগা ঐহাক্কা লৈনরিবা মরি অসি য়াম্না অখন্নবা অমা ওইখি। মুখ্য মন্ত্রীশিং ওইনা ঐখোয়না তোয়না উন্নখি, ঐখোয়গী মরক্তা ইকাই খুম্নবগী অমসুং নক্নবা মরী অমা লৈনখি। মহাক অমসুং ঐহাক্না অমত্তা ওইবা ৱাখল চেনখি অমসুং ২০১৪দা ভারতীয় জনতা পার্তীনা ঐহাকপু ২০১৪গী মীখলগীদমক প্রধান মন্ত্রীগী মীরেপ ওইনা থাগৎখিবা মতমদা ঐহাক্না বিরোধীদা লৈরিবা মীওইশিংনা, ঐহাক্কা মুন্না খঙনদবা মীওইশিং, লৈবাক অসিগী অরিবা রাজনিতী তৌবা মীওইশিংদগী মশক নাইবা মীওই খরনা ঐহাকপু য়ানীংদবা উৎখি অদুবু ঐহাক্না মখোয় পুম্নমক্তগী থৌজাল নীজনবা মখোয়গা উনখি অমসুং নুমিৎ অদুদা মুলায়ম সিংহজীনা থৌজালশিং পীখিবা অদু নীংশিংলি, ৱাহৈ অনিগী পাউতাক পীখি, মহাকপু ঐহাক্না থাজৈ অমসুং মুলায়ম সিংহগী অখন্নবা মগুন অসি মহাক্না ২০১৩দা পীরমখিবা থৌজাল অদু ঐহাক্না ফংজখি। রাজনিতীগী ওইবা য়ান্নদবা মরক্তসু ২০১৯দা অরোইবা লোক সভাগী পার্লিয়ামেন্তগী ইকোন কোনবা সেসন্দা মকোক থোংবা লুচিংবা মুলায়ম সিংহজীগুম্বা মীশকনা পার্লিয়ামেন্তদা হায়খিবা ৱাফম অদুনা মহাক অসি লৈবাক অসিগী রাজনিতীগী থবক তৌরিবা মীওই অমা হেক্তগী পুন্সিদা থৌজালগী মশক লৌহল্লি। মহাক্না পার্লিয়ামেন্ত মনুংদা লেপ্লদুনা হায়খি। লোগস অমত্তা লৈহন্দনা, রাজনিতীগী ওইবা খেন্নবা থমদনা মোদীজীনা মহাক্না চৎপদা মীওই কয়া হুমদুনা পুবা ঙম্মি মসিনা মরম ওইরগা ২০১৯দা অমুক হন্না মহাক্না মীখল মাইপাক্কনি অমসুং লৈবাক অসিগী প্রধান মন্ত্রী ওইগনি। পুকচেল য়াম্না চাউবা মীশক্না ঐহাক্না খুদোংচাবা ফংবা খুদিংদা মহাক্কী থৌজালশিং ফংজনীংই। ঙসি গুজরাতকী লমদম অসিদগী অমসুং ইমা নর্মদাগী তোর্বান্দগী ঐহাক্না ইকাই খুম্ননীংঙাই ওইরবা মুলায়ম সিংহজীদা শ্রদ্ধাঞ্জলি কৎচরি। শেম্বীবা মপুদা ঐহাক্না মহাক্কী ইমুং মনুং অমসুং মহাকপু নুংশিজবা মীওইশিংনা অৱাবা অসি মায়োক্নবা ঙম্নবা থৌনা পীবীয়ু হায়না থৌনিজরি।

মরুপশিং,

আজাদী কা অমৃত মহোৎসবকী মতমদা ঐহাক্না ভরুচতা লাক্লি। ভারতকী পুৱারীবু হনগৎনা ঐখোয়না পারুবদা অমসুং তুংলমচৎকী মতাংদা ৱা শাবা মতমদা ভরুচ অসি মতম চুপ্পদা ইকাই খুম্নবগা লোয়ননা শোন্নৈ। লমদম অসিনা লৈবাক অসিগী মিংচৎপু অনৌবা পনখৈ তম্না পুখৎখিবা জাতিগী মপারি অমসুং মমোমলোয় কয়া পোকপীরি। কনহৈলাল মানিকলাল মুন্সী অসি লমদম অসিগী মপারিনি। লৈবাক অসিনা কন্সতিত্যুসন অসি শেম্বদা মহাক্না শরুক তমখিবা অদু কৈদৌনুংদা কাওরোই। সোমনাথ মন্দির শাবদা সরদার পতেলগী মরু ওইবা খোঙলোয় ওইখিবা মুন্সী সাহিবকী থৌদাং কনাগুম্বা অমত্তা কাওরোই। মসি খক্তা নত্তনা  ভারতকী ঈশৈগী লমদা অথোইবা ওইরিবা পান্দিৎ ওমকরনাথ থাকুরনা অনৌবা পনখৈ তম্না পুখৎখিবা অমসুং লমদম অসিগা মহাক্কা লৈনরিবা মরী অদু কাওথোকপা তৌরোই। অসিগুম্বা অথোইবা মীশকশিংদগী ইথিল লৌদুনা ঐখোয়না গুজরাতকী মীংচৎ হেনগৎহন্নবা অমসুং গুজরাতপু চাউখৎহন্নবা থবক তৌরি।

ইচিল-ইনাওশিং,

গুজরাতকী, লৈবাক্কী চাউখৎ খোঙচৎতা গুজরাতকী চাউখৎ খোঙচৎ নত্ত্রগা লৈবাক্কী চাউখৎ খোঙচৎতা ওইরবসু ভরুচনা মরু ওইবা থৌদাং লৌখি। মতম অমদা ভরুচ অসি ঈশৈগীদমক খঙনরমখি। ঙসিদি ভরুচ অসি ইন্দস্ত্রী, বিজিনেস, ত্রেদ, হীথাংফমগীদমক খঙনরি। অমসুং গুজরাত্তা লৈরিঙৈ মতমদা ঙসি ঐহাক্না পাইখৎলিবা উরেপ-উয়ুং তম্বগী অমসুং শঙ্গাবগী থবকশিং অসি মমাংদসু তৌখি।

ইচিল-ইনাওশিং,

গুজরাতনা কয়া য়াম্না খুমাং চাউশিনখি অমসুং হৌজিক ঐখোয়গী ভরুচ জিলা অসি কোস্মোপোলিতন দিস্ত্রিক্ত অমা ওইবা ঙম্লে। মফম অসিদা ভারতকী রাজ্য অসিগী অয়াম্বা ইচিল-ইনাওশিং ফম্লি। অমসুং করিগুম্বা নখোয়না ভরুচ জিলা শিনবা থুংনা চৎপা তারবদি কেরলাদগী কনাগুম্বা অমা, বেঙ্গলদগী কনাগুম্বা অমস, বিহারদগী কনাগুম্বা অমসুং থেংনগনি। লৈবাক শিনবা থুংবদগী মীওইনা লৈরি, কলকত্তা, দিল্লী, মুম্বাই অসি মতম অমদা কোস্মোপোলিতন হায়না খঙনখি। ঙসি গুজরা অসি অদুক্কী মতিক চাউখৎলে অমসুং গুজরাতকী জিলা কয়া কোস্মোপোলিতন ওইবা ঙম্লে। অমসুং লৈবাক পুম্বগী মতেংগা লোয়ননা নুংশি চান্ননা হিংলি। মসি গুজরাতকী চাউখৎ খোঙচৎনি। 

ইচিল-ইনাওশিং,

ঙসি গুজরাত্তা অহানবা বল্ক দ্রগ পার্ক লৈরে অমসুং মসি ভরুচতা শারি। কেমিকেল সেক্তরগা মরী লৈণবা প্লান্ত কয়া শঙ্গাখ্রে। মসিগা লোয়ননা ঙসি কন্নেক্তিবিতীগা মরী লৈনবা মরু ওইবা প্রোজেক্ত অনিসু হৌদোকখ্রে। অঙ্কলেশ্বর, রাজপিপলা অমসুং এক্তানগরগী স্তেচু ওফ য়ুনিতী অসি চহি কয়া অসিদা শোন্নখিবা খ্বাইদগী চাউবা হীরম ওইখি। ঐহাক্না মফম অসিদা মুখ্য মন্ত্রী ওইরিঙৈ মতমদা পাইখৎখি অমসুং দিল্লীদা মফম অসিদগী অচৌবা লুচিংবশিংনা পাইবা মতমদসু ওইখি। মখোয়না ঐখোয়গী ৱা তাখিদে। ভরুচকী জিলা হৌজিক্তি খুমাং চাউশিল্লে, হৌজিক ভরুচকী মীয়াম্না বরোদা নত্ত্রগা সুরতকী মপাল তাংদনবা অঙ্কলেশ্বরদা ভরুচকী মশাগী এয়রপোর্ত শানবা উরেপ-উয়ুংসু তমখ্রে।

মরুপশিং,

ইন্দস্ত্রীশিংদা য়েংবদা ভরুচ অসি লৈবাক অসিগী অতোপ্পা অপীকপা রাজ্যশিংদগী ইন্দস্ত্রী মশিং হেন্না লৈবা অদুগুম্বা জিলা অমনি। রাজ্য অমদা লৈবা ইন্দস্ত্রীশিংদগী ভরুচ জিলাদা লৈরিবা অসিনা হেল্লি। অমসুং জিলা অমদা লৈরিবা য়াম্লবা ইন্দস্ত্রীশিং অসিনা থবক পীরি, মসিমক অচৌবা রেকোর্দ অমনি। লৈবাক অসিদা অমসুং মপাল লৈবাক্কা বিজিনেস কয়া তৌরবা মতুংদা হৌজিক এয়রপোর্ত অসিদা অনৌবা ফ্লাইৎ পাইরগনি, অনৌবা ফ্লাইৎ অসিনা অনৌবা খোঙজেল ফংলগনি অমসুং নরেন্দ্র-ভুপেন্দ্রগী দবল ইঞ্জিন সরকার লৈরবদি এয়রপোর্ত শেমগৎপগী থবক অসি য়াম্না খোঙজেল য়াংনা লোইশিনবা ঙমগনি। অমসুং অনৌবা এয়রপোর্ত প্রোজেক্ত অসিগা লোয়ননা লমদম অসিনা চাউখৎ খোঙচৎতা খুমাং চাউশিনবা ঙম্লগনি। এয়রপোর্ত শাবগা লোয়ননা ইন্দস্ত্রিএলিস্তশিং লাকপা, অচৌবা ওফিসরশিং লাকথোক-লাকশিন তৌবা হেনগৎলগনি, চাউখৎপা খোঙজেল য়াংশিল্লগনি। এক্সপোর্তশিংদা শাহৌ পীরগনি।

ইচিল-ইনাওশিং,

ঙসি ঐখোয়না গুজরাতকী তোপ-তোপ্পা শক্তম অমা উবা ফংলি। গুজরাত অসি পুমনৌ নৌরে, মসি অহোংবা লাক্লে, অমসুং মসি নখোয়গী গুজরাত অদুনি ইচিল-ইনাওশিং। অমসুং ঐখোয়গী মাংদা কয়া অমা উবা ফংলি অদুবু দিকেদ অনিগী মমাংদা করম্বা ফীভমদা লৈরম্বগে হায়বা অদু নীংশিংবীয়ু। দিকেদ অনিগী মমাংদা ঐখোয়গী গুজরাত অসি করি ফীভমদা লৈরম্বগে, ললোনবশিংনা মফম অমদগী পোৎ লৌরগা অতোপ্পা মফম অমদা চৎপা তারমখি। অমসুং মদুদগী ফংলকপা শেন্থোং অদুনা মখোয়গী হীংনবগী পাম্বৈ ওইরমখি। লৌউ-শিংউ অমসুং ইন্দস্ত্রীদা মশক থোকপা ঙমখিদে মরমদি মঙোন্দা রো মেতরিএল লৈরমখিদে। অসিগুম্বা ফীভম অসিদা ঙসি গুজরাতনা  দিকেদ অনিগী মনুংদা কন্না হোৎন্দুনা ইন্দস্ত্রিএল সেক্তরদা চাউখৎপগী অনৌবা পনখৈ য়ৌবা ঙমখি। ঐখোয়না স্পিয়র পার্তশিং শেম্বগী লৈরিবা অপীকপা ইন্দস্ত্রীশিংনা থলহনখিবা অদুগুম্না ঐখোয়গী ইশাগী হীথাংফমশিং, ঐখোয়গ সমুদ্র তোর্বানশিংনা থলহনখি অমসুং চপ মান্নবা মওংদা খুমাং চাউশিনবা ঙমহনখি। অমসুং ঐখোয়গী ত্রাইবেল ইচিল-ইনাওশিং, ঐখোয়গী ঙামী ইচিল-ইনাওশিংনা য়াম্না শোত্থবা ফীভম অমদা হিংলমখি। মতেংগীদমক হংফম লৈরমখিদে। ঙসি চহি ২০, ২২, ২৫গী নহারোলশিংনা ফীভম অসি য়ৌরক্নবা কয়া য়াম্না ৱানা হোৎনখিবগে হায়বা খঙবা ঙমলোই। গুজরাতকী মীয়ামগী মতেংগা লোয়ননা কন্না হোৎনদুনা ঙসিগী মফম অসি য়ৌরকপা ঙমখি। অমসুং মফম অসিদা ফম্লিবা মীপুম খুদিংমক্না অনৌবা পনখৈ তম্না চৎনবা শেম-শারি মরম অসিনা তুংদা লাক্কদৌরিবা মতমশিংদসু অনৌবা পনখৈ য়ৌবা ঙম্লগনি। অমৃত মহোৎসব, নীংতম্বগী চহি ৭৫শুরকপা অমৃত কাল অসিগা লোয়ননা গুজরাতকী নহারোলশিংনা সনাগী চহিচা হৌখি। মসিগী সনাগী চহিচা অসি মাংহনগুমসি। করিগুম্বা ঐখোয়না চাউখৎহনবা পাম্লবদি ঐখোয়না ইনেব্লিং এনভাইরনমেন্ত অমা মথৌ তাই, অপনবা লৈতবা এনভাইরনমেন্ত অমা শেম্বা তাই। অমসুং মসিগীদমক রুল অমসুং রিগ্যুলেসন মথৌ তাই। পুম্নমক অসিগা লোয়ননা খ্বাইদগী ফবা ইনফ্রাস্ত্রকচর অমদি থৌশিল অমসুং পান্দম মথৌ তাই। থৌশিলদগী খক্তদগী কান্নবা ফংলোই থৌশিল অদু মাইপাকপা চংই। ভরুচকী ইচিল-ইনাওশিংগী মতিক ময়াই কনানা খঙলম্বগে? মফম অসিগী লো এন্দ ওর্দরগী ফীভম করম তৌরম্বগে? মতম অমদা মী ফাবা, য়ুম থাদোক্তুনা চৎখিনবা অকি-অখং পীবা থেংনরমখি। ঙসি ভরুচকী লো এন্দ ওর্দরগী ফীভম ফগৎলে অমরোমদা শান্তি ওইনা হিংবা ঙম্লে। নুংঙাইনা অমসুং শান্তি ওইনা হিংলবা মতমদা করি ওইরকপগে? অমসুং মীপুম খুদিংমক্না কান্নবা ফংবা ঙমব্রা নত্ত্রগা ঙমদব্রা? মীপুম খুদিংমক্না কনাবা ফংবা ঙমদ্রা। করিগুম্বা শান্তি লৈরবা অমসুং লো এন্দ ওর্দরগী ফীভম ফরবদি ঐখোয়গী ত্রাইবেল ইচিল-ইনাওশিংনা মসিদগী চাউনা কান্নবা ফংই। অসুম্না তৌরমদবা তারবদি ভরুচতা ইচানুপীশিংগী লাইবক করম থোক্লমগনি, অদুবু ঐখোয়গী ত্রাইবেল ইচিল-ইনাওশিংদগী মতেং ফংলবা মতমদা ঐহাক্না মখোয়গী থৌজাল ফংখি। হকশেলগী ফেসিলিতী অমত্তা ফংদবা মতম অমা লৈরমখি হোস্পিতাল চৎনবগীদমক সুরত বরোদা তানা চৎপা তারমখি। ইমা নর্মদাগী তোর্বান্দা লৈজরবসু লৌউ-শিংউগীদমক ঈশিং মথৌ তারমখি। অদুগুম্বা মতম অদু ঐহাক্না থেংনখি। চহি কয়াগী মমাংদা ভরুচতা থক্নবা ঈশিংগী সমস্যা মায়োক্নখিবা অদু ঐহাক্না নীংশিংলি। মফম অসিদা লাইফমলেন কয়া লৈ, নর্মদাগী তোর্বান ঈশিংনা পীক থনখি অদুবু মসি শেমগৎপীখিদে। ভারতকী অমত্তা ওইবা শক্তমদা অকাইবা পীনবা হোৎনখি। ইচিল-ইনাওশিং পুম্নমক অসি চহি ২০গী মমাংদা ওইরম্বা ফীভমনি। চহি ২০-২৫গী নহারোলশিংনা মসি খঙদবা হায়বা অসি মহৌশানি। অদুবু নখোয়না ঐঙোন্দা নখোয়গী শেবা তৌনবা খুদোংচাবা অমা পীবা মতমদা নখোয়না সমস্যা অমা নত্ত্রগা অমা মায়োক্নখি অমসুং ঐহাক্না সমস্যাশিং অদু কোকহন্দুনা ফীভম ফগৎহন্নবা লম্বী থীখি। লো এন্দ ওর্দরগী মতাংদা লাকপদা অচৌবা মীওই কয়া জেলদা নমশিনখি। মসি ঐখোয়না পুন্না চৎমিন্নরবা মতমদা ওইথোকপা ঙমখি অমসুং মসিনা মরম ওইদুনা গুজরাতকী অঙাংশিংনা ঙসি কার্ফিয়ু হায়বা ৱাহৈ অসি খঙদ্রিবনি। নৎলমদ্রবদি ভরুচতা কার্ফিয়ু থম্লম্বা য়াই। অমসুং ঙসিগী ইমা অমসুং ইচে ইচলশিংগী মচানুপীশিংনা মখোয়গী য়ুমদা অহলশিংনা কয়াম ৱারমগনি হায়বা খঙলোই। ঙসি নুপীমচাশিংনা স্কুল, কোলেজতা চৎলি, বরোদাদা প্রেক্তিস তৌবা চৎলি, কোলেজ কারি, হনগৎ-হন্দা চৎলি অমসুং হৌজিক ভরুচ জিলা অসি এজুকেসনগী লমদা অদুক্কী মতিক চাউখৎলে। ঐখোয় পুম্নমক্না ইচানুপীশিংনা অথেংবা ফাওবদা থবক চৎপা ঙম্নবগী ফীভম অসি ওইহনখিবনি। মখোয়না রেলৱে স্তেসনদগী য়ুমদা হল্লকপা, বস স্তেসন্দগী য়ুমদা হল্লকপা মতমদা নুপীমচাশিং অসিদা অকিবা মচেৎ অমত্তা পোকহনদ্রি। অমসুং মপালদগী মীওইশিং লাক্লি, মফম অসিদা নেস্নেল স্পোর্তসকী থৌরম পাঙথোক্লি। লৈবাক শিনবা থুংবদগী শান্নরোয়শিংনা হৌজিক গুজরাত্তা লৈরি। গেম অসি লৌরবা মতুংদা মখোয়না নুমিদাং ৱাইরমদা গর্বা য়েংবা ফংগনি। ইচিল-ইনাওশিং করিগুম্বা ভরুচ চাউখৎহনবা তারবদি মদুদা ইন্দস্ত্রিএল দিবেলপমেন্ত তঙাই ফদে।  মফম অসিদা চাউখৎপা ৱাৎপা মফম লৈরমখি, মফম অদু চাউখৎহনবা তাখি অমসুং ত্রাইবেলশিংনা ইন্দস্ত্রী অসি ঝগদিয়াগুম্বা পাকথোক চাউথোকহনখি। মখোয়না অকংবা মফমশিংদা ইন্দস্ত্রী পুদুনা চৎখি মসিনা মরম ওইদুনা লৌউ-শিংউগী মফমশিং শোকহনখিদে অমসুং ইন্দস্ত্রিএল দিবেলপমেন্তসু পুরকপা ঙমখি। অমসুং ঙসি গুজরাতকী মশাগী মেন্যুফেকচরিং হব লৈজরে। এক্সপোর্ত হব ওইবা ঙম্লে, দিকেদ অনিগী মমাংদা মসিগী মমি অমত্তা উরমখিদে। ঙসি দহেজ-২, দহেজ-৩ সাইখা, বিলায়ত অসি চাউখৎপগী অনৌবা খুদোংচাবা ওইররে। মোদর্ন হায়ৱেশিংগী মতদাং, রো-রোফেরী সর্ভিসকী মওংদা মসিনা চাউখৎপগী অচৌবা ফোর্স ওইরি। দহেজ অসি অখন্নবা ইনভেস্তমেন্ত রিজন ওইরকখি, মসিগী শক্তি অসি কয়া য়াম্না লৈবগে য়েংবীয়ু। মসিনা মরম ওইদুনা গুজরাত সরকারগী লিবরেল পোলিসীশিং অসিগী মহৈ য়ানবা হৌরক্লি। অমসুং মরু ওইনা পেত্রোলিয়ম কেমিকেল অমসুং পেত্রো-কেমিকেলগী লমদা পাইখৎলিবা থবক অসিদগী মফম অসিদা কান্নবা ফংলি। অমসুং অথুবদা দহেজ অমসুং ভরুচতা মালেম শিনবা থুংবদগী লুপা করোর কয়াগী ইনভেস্তমেন্ত তৌরগনি। অমসুং প্রদক্সনগী চাদা ৮০দি মালেমগী লৈবাকশিংদা চৎতে। ঐখোয়না কন্না হোৎনরি অমসুং রুপি অদু দোলর ওইনা হল্লকখি। ঐহাক্কী দহেজ অমসুং ভরুচ জিলাগী শক্তি অদু মসিনি। ঙসি লৈবাক পুম্বগীদমক দহেজকী মোদেল অসিনা কেমিকেল অমসুং পেত্রোলিয়মগা মরী লৈনবা অপুনবা সেক্তরগী মোদেল অমা ওইরি।

ইচিল-ইনাওশিং,

ঙসি হৌদোকখিবা অনৌবা প্রোজেক্তশিং অসিনা ঐহাক্কী গুজরাতকী খক্তা নত্তনা ঐহাক্কী ভরুচ জিলাগী শক্তি হেনগৎহল্লি। অমসুং মফম অসিদা শাগৎলিবা অনৌবা প্লান্তশিং অসিনা দবল ইঞ্জিন সরকারনা দবল বেনিফিতকী অফবা খুদম অমা ওইহল্লি। গুজরাত অমসুং কেন্দ্র সরকারগী কম্পনীশিংনা কেমিকেল প্লান্তশিং অসিদা শরুক য়ারি। মফম অসিগী কেমিকেল অমসুং মেন্যুফেকচরিং ইন্দস্ত্রী অসিনা তেক্সতাইল ইন্দস্ত্রীদা কান্নবসু পীরি। করিগুম্বা তেক্সতাইল ইন্দস্ত্রীনা কান্নবা ফংলবদি লশিং পুথোক্লিবা লৌমীশিংনা কান্নবা ফংগনি। মসিনা খুৎশুমল খ্বাইদগী ৱাংনা পীরিবা এমপ্লোয়েবল সেক্তর ওইরি। ঐখোয়গী ফী শারিবা ইচিল ইনাওশিংদা মতেং পাংলিবা ইচিল-ইনাওশিং মসিদগী চাউনা কান্নবা ফংলি। মতৌ অসুম্না হারশিংনা ঐখোয়গী মীংচৎ পুরক্লি। অমসুং তঙাই ফদবা কেমিকেলশিং, হারশিং অসি ভরুচতা পুথোক্লি অমসুং মসি লৈবাক শিনবা থুংবদা ফংহল্লি। জি.এ.সি.এলগী কেমিকেল প্লান্তদা মসিনা মরম ওইদুনা লুপা করোর ২৫০০ হেনবগী অনৌবা তর্নওভর লাক্লগনি। মসিনা মরম ওইদুনা লুপা করোর ৭০০কী ফোরেন একচেঞ্জ লাকহল্লগনি, মসিনা লৈবাক অসিদা কান্নবা পীরগনি। অমসুং ঐহাক্না ভরুচতা লাকপা মতমদা ঐহাক্না নখোয়না হায়জনীংবদি নুমিৎ খুদিংগী প্রজা খুদিংমক্না করিগুম্বা লৈবাক অসি খুমাং চাউশিনহনবা পাম্লবদি কন্না হোৎনবা তাই। মসিদা চমজরবা প্রজা কয়ানা য়াওশিনবা য়াগনি। করিগুম্বা ইশাগীদমক কন্না হোৎনবা তারবদি লৈবাক অসি কয়া য়াম্না খুমাং চাউশিনাব ঙমগনি। নখোয়না ভোকেল ফোর লোকেলগী মন্ত্র শীজিন্নবা তাই, মপালদগী পুশিল্লকপা পোৎলমশিংদগী লাপথোকপা তাই, দিৱালীসু লাক্লগনি, কৈথেলদা বোম্বুলা কয়া য়োল্লগনি মখোয়না মিনিৎ অনি অতিয়াবু ঙালহনগনি অদুবু মসিনা লাইরবনা হোৎনরিবা অদুদা ঐখোয়না করম্না উৎ চাইবগে হায়বদি খঙদে।  ঐখোয়না ভারত্তা শাজবা বোম্বুলা থাবনা অতিয়া মপুং ফানা ঙালহনবা ঙমদ্রবসু মসিনা লায়রবা ইচিল-ইনাওগী য়ুমদি ঙালহনবা ঙমগনি। মিনিৎ অনি অতিয়াদা ঙানবা ঙমদ্রবসু মদুদি থা ১২ চুপ্না মহাক্কী পুন্সিবু ঙালহনবা ঙমগনি।  মরম অসিনা ঐখোয়না ঐখোয়গী লৈবাক্তা লৈরিবা ফেক্তরী য়োকখৎসি অমসুং লুপা করোর ৭০০ কলহৌসি। ভরুচ জিলাগী প্রজাশিংনা ৱারেপ অমা লৌখি, মখোয়না শেল কয়া চৎখিগদবদগী ঙাকথোক্তুনা লৈবাক অসিগী কেপিতেল চৎহনদবা ঙমগনি।

ইচিল-ইনাওশিং,

২০১৪দা নখোয়গী থৌজালশিংগা লোয়ননা ঐহাকপু দিল্লীদা থাবীখি, গুজরাত্তা মমাংদা তৌখিবা থবক অদুগী এক্সপরিয়েন্সনি, থৌজালশিংনি, ভেল্যুশিংনি। ঐহাক্না ২০১৪দা দিল্লীদা চৎপা মতমদা ভারতকী শেন্মীৎলোন অসি মালেমগী ১০শুবা ওইরমখি। ঙসি ভারতনা ৫শুবা মফম কনবা ঙম্লে মদি খক্তা নত্তে করিগুম্বা ৬তগী ৫দা হাইগৎপা ওইরবসু লৈবাক অসিগী নুংঙাইবা শরুক কয়া হেনগৎলমগনি মরমদি অহানবগী ৫দা লৈরম্বা অদু ঐখোয়বু চহি ২৫০ মীনাই নাইথাং ওইনা লৈহল্লমখিবা মীওইশিংনি। হৌজিক্তি মখোয়বু তুংওইননা থনম্বা ঙম্লে, ঐখোয়গী লৈবাক অসিগী থৱায় য়াওবা নহারোলশিংনা লৈবাক অসিবু মাংদা পুখৎলি। অমসুং মসিগীদমক হৌরক্লিবা মীরোল, লৌমীশিং, শিন্মীশিং, অপীকপা ললোনবশিং, অপীকপা ভেঞ্চরশিংনা মসিগী মনা ফংফম থোকই। অমসুং লৈবাক অসিনা ১০শুবদা লৈরম্বদগী ৫শুবদা হাইগৎলকপা অসি নখোয়না কন্না হোৎনবগী মহৈনি। ময়ামগী মহুৎ শিন্দুনা ঐহাক্না হোৎনবা কনবা ইরৈবাকচাশিংবু ইকাই খুম্নবা উৎচরি।

ইচিল-ইনাওশিং,

ভরুচনা চাউথোকচফম থোকই, মমাংঙৈদা করিগুম্বা ঈশিং অমা পীথকপগী ওইরবসু মদুবু মীরোল কয়া নীংশিংদুনা লৈখি, থক্নবা ঈশিংগী চফু অমা লোইখ্রবসু মীয়াম্না থৌজাল পীখি মরমদি মদু পুন্সি অসি মরু ওই। ঙসি ভারত সরকারনা হীদাক লাংথক পুথোকপদা মাংজিল থারি, পুন্সি কন্নবা থবক তৌরি, ভরুচকী মীয়াম্না অসিগুম্বা অফবা থবক তৌরি। অমসুং নখোয়না মশিং লাকঙমদ্রবা পুন্সি কয়া কনবা ঙমখিবা অসিগীদমক ঐহাক্না চাউথোকচবা পোকই। অমসুং মসিনা মরম ওইদুনা অনৌবা থবক লিশিং কয়া ফংলি। ঐখোয়না মালেম পুম্ববু কোরোনানা চৈথেং পীবা উবা ফংখি। য়াম্না শাথীখি, মীপুম খুদিংমক্না করম্না হিংগদগে খন্নখি, মতম অদুদা ফার্মা সেক্তরগী মরু ওইবা মীপুম খুদিংমক্না খঙখি। ফার্মাস্যুতিকেল ইন্দস্ত্রীগী কান্নবা অসি করিনো? হৌখিবা দিকেদ অনিদা গুজরাতনা খুমাং চাউশিনখিবা,. সিস্তেম অসিনা কোরোনাগী মায়োক্তা লান্থেংনবদা গুজরাতনা মাং থানা থোকখি। গুজরাত্তা শাখিবা হীদাক অমসুং ভেক্সিন্না মীওই লাখ কয়াগী পুন্সি কনবা ঙমখি।   লৈবাক অসিগী ফার্মা কম্পনীশিংগী চাদা ২৫দি গুজরাত্তগী  ওইরিবা অসি চাউথোকচনীংঙাই ওইবা ৱাফম অমনি। ঙসি নখোয়গা ৱারী শাবা অসিদা ভরুচকী চাউখৎ খোঙচৎ লেপহন্নবা কনাগুম্বা খরনা কন্না হোৎনখিবা মতমশিং অদু নীংশিংলকই। ভরুচ-অঙ্কলেশ্বরদা ইন্দস্ত্রীশিং লিংখৎপা মতমদা ইন্দস্ত্রীশিং অসি পাকথোক-চাউথোকপদা অৱাবা কয়া মায়োক্নবা তাখি। ঐখোয়না কেন্দ্রদা সরকার পাইবা মতমদা গুজরাতনা নরেন্দ্র-ভুপেন্দ্রগী দবল-ইঞ্জিন সরকারগী শক্তি ফংখি, ঐখোয়না অপনবা পুম্নমক মরু ফংনা মুথৎখি। ভরুচতা পুং ২৪ চুপ্না থক্নবা ঈশিং পীনবা থবক পাইখৎখি। ভরুচকী জিলাদা লৈরিবা লৌবুক খুদিংমক্তা ঈশিং য়ৌহনখি।  মসিদসু অপনবা থেংনখি, নক্সলাইৎনা অহানবদা সরদর সরোভর দাম শাবদা অয়েৎপা পীখি অমসুং অর্বন নক্সলনা হৌজিক অনৌবা শক্লোনগা লোয়ননা চংলক্নবা হোৎনরি। মখোয়না ফিজোল হোংদনা হৌরক্লিবা নহারোলশিংবু লৌনম লাংদা থুহন্নবা হোৎনরি। ঐহাক্কী ত্রাইবেল ইচিল-ইনাওশিংদা হায়জনীংবদি নক্সল অসি বেঙ্গল, ঝারখন্দ, বিহার, ছত্তিসগর অমসুং মধ্য প্রদেশ, ওরিশা, আন্ধ্র, তেলঙ্গানাগী শরুক খরদা লাকখ্রে অমসুং মহারাস্ত্রগী গদচিরোলিদা লৈরিবা ত্রাইবেল নহারোলশিং নক্সলনা মাংহনখি। মখুৎা নোংমৈ পাইহনদুনা মহাকপু অশিবগী লাংদা থুহনখি, মফম পুম্নমক্তা ইরাং থোকহনখি। মতম অসিদা ঐহাক্কী মাংদা লেপ্লিবা ৱাহং অসি উমরগমদগী অম্বাজী ফাওবদা লৈরিবা অপুনবা এক্সপান্সন অসিদা ঐহাক্না গুজরাত্তা নক্সল চংহনবা পামখিদে। ঐহাক্না ত্রাইবেল ইচিল-ইনাওশিং কনবা পামখি। ঐহাক্না অসিগুম্বা অনাবা অসি মখোয়গী পুন্সিদা চংহনাব পামখিদে। মখোয়না অচে দিন আয়েগে হায়বা অসিদা থাজবা থম্লি অমসুং নক্সলিজমনা গুজরাত্তা ফংবা য়ারোই।  মসিফগীদমক ঐহাক্না ত্রাইবেল ইচিল-ইনাওশিংবু তৌবীমল খঙবা উৎচরি। হৌজিক মথক্তা পাইদুনা অর্বন নক্সলনা চংলক্নবা হোৎনরি, গুজরাতকী নহারোলশিংবু মখোয়না মাংহনবা ঙমহল্লোইসি, ঐখোয়গী অঙাংশিংবু অর্বন নক্সলদগী চেকশিন্নবা চেকশিনৱা থম্লসি। মখোয়না ফোরেন ফোর্সশিংগী এজেন্ত ওইনা লাক্লি মখোয়গী মাংদা গুজরাতনা মাইথীরোইসি। থাজবগা লোয়ননা গুজরাতনা মাংদা চংশিনসি। মতম অমদা ত্রাইবেল চীফ মিনিস্তরশিং লৈজরবসু মফম অসিদা সাইন্স স্ত্রীমগী স্কুল লৈরমখিদে। হৌজিক ১০দগী ১২ ফাওবদা সাইন্স স্ত্রীম লৈতবরা হায়বীয়ু? মীওই কয়ানা রিজর্বেসনগী মতাংদা ঙাংনরবদি ইচানুপা নত্ত্রগা নুপীনা  দোক্তর ওইবা ঙমগদ্রা? অমসুং মখোয়না দোক্তর ওইনবগীদমক ১০ অমসুং ১২তা সাইন্স স্ত্রীম মথৌ তাই। ঙসিদি ত্রাইবেল ইচিল-ইনাওশিংনা কানাদাদা পাইলোৎ ত্রেনিংগী চৎলি। দোক্তর, ইঞ্জিনীয়র অমসুং লোয়র ওইরি অমসুং মসিগীদমক ঐহাক্না চাউথোকচবা পোকই। ত্রাইবেলগী মিংদা বিরসা মুন্দা য়ুনিভর্সিতী, গুরু গোবিন্দ য়ুনিভর্সিতী অসিগুম্বা য়ুনিভর্সিতী গুজরাত্তা লৈরক্কনি থাজরুদে। মসিনা ত্রাইবেলগী নহারোলশিংদা অনৌবা থৌনা অমসুং অনৌবা খুদোংচাবশিং পীরি।

ইচিল ইনাওশিং,

গুজরাত্তা ত্রাইবল কম্ম্যুনিতীবু থৌনা হাপ্পদা বন বন্ধু য়োজনানা অচৌবা থৌদাং অমা লৌরি। ঐহাক্কী ত্রাইবল কম্ম্যুনিতীনা শা-ষন য়োক্কদবনি, লৌমীশিংনা মতমগা চুনরবা লৌউ-শিংউ তৌগদবনি অমসুং মখোয়গী পুন্সিদা অহোংবা পুরক্কদবনি, অসুম্না স্কিমশিং অসি ত্রাইবলশিংগী মিংদা চলাইগদবনি। হৌখিবা সরকারশিংগী স্কিমদা নখোয়না য়েনবী মঙাগী লোন অমা ফংগনি হায়না ফোঙদোকখি। অদুগা ত্রাইবল মীয়াম্না য়েনবী য়াম্না ফংলে হায়না খনখি অমসুং য়েরুম য়াম্না ফংলগনি হায়না খনখি। য়েনবী মঙাগী লোন অমা পীরবা মতুংদা য়েনবীশিং অদু য়ুমদা পুরক্লগনি অদুগা নুমিৎ অদুমক্তদা অচৌবা মীওই অমা খুঙ্গং অদুদা লাক্লগা খুঙ্গং অদুদা লৈরগনি অমসুং ঐহাক্কী ত্রাইবল ইচিল ইনাওশিং অসি থৌগল্লোন নিংথিনা খংবা মীওইশিংনি অমসুং য়েনবী মঙা অদুগী মনুংদগী অমা মঙোন্দা পীজগনি। ঐহাক্কী ত্রাইবল ইচিল ইনাওশিং অসি থৌগল্লোন নিংথিনা খংই চাকখাউ হাংলবসু মাংদা লৈরিবা মীওই অদুবুদি পীজগনি। য়েনবী মঙা অদুগী মনুংদা অমদি নুমিৎ অদুমক্তদা পীজরগনি। মসি থা ২-৪ ফাওবা মখা চত্থরগনি অমসুং মখোয়গী য়েরুমশিং অমসুং য়েনবীশিং অদু অরেম্বা তারগনি অমসুং পুকচেল চাওবা ওইহৌরগনি। ঐখোয়না ত্রাইবল ইচিল ইনাওশিংগী পুন্সিদা অহোংবা পুরক্নবা লাক্লি। 

ইচিল ইনাওশিং,

মসিগী চাউখৎ থৌরাংগী খোংচৎ অসিদা শরুক তম্লিবা ত্রাইবল মীয়ামদা ঐখোয়না ইকাই খুম্নবা উৎলি। ভগৱান বিরসা মুন্দাগী মপোক নুমিৎ অসি ঐখোয়গী ত্রাইবলগী ইশ্বর ওইনা খুরুম্লগনি। মসিবু ত্রাইবলগী নুমিৎ হায়না লাউথোকখ্রে। গুজরাত য়াওনা লৈবাক শিনবা থুংবদা নীংতম্বগী লালদা শরুক য়াখিবা ত্রাইবলশিংবু নীংশিংবা ওইনা মোন্যুমেন্তশিং শাখ্রে। ঙসি ফাওবদা, ত্রাইবল ইচিল ইনাওশিংগী চাউখৎ থৌরাংগী মতাংদা য়েংবদা ত্রাইবেল ইচিল ইনাওশিংগীবু ওইরে লৌমী ইচিল ইনাওশিংগীবু ওইরে চাউখৎ থৌরাংগী খোঙজেল অসি মাইকৈ অনিমক্তা য়াংশিনগনি।  মসিগী হোৎনবশিং অসিগা লোয়ননা ভরুচ অঙ্কলেশ্বর অসি অহমেদবাদ-গান্ধিনগরগুম্না চাউখৎহল্লগনি। মীয়াম্না ভরুচ অঙ্কলেশ্বর অসি ন্যু য়োর্ক-ন্যু জর্সিগুম্না ঙাংনরগনি। মসি ঐখোয়গী তৌবা ঙম্বা অদু উৎলিবা ঐখোয়গী সিস্তেমনি। ঐহাক্না নহারোলশিংদা হায়জনীংই মদুদি লাক্কদৌরিবা চহি ২৫ অসি অদোমগীনি। খুৎকা খুৎকা খুশম্নদুনা চাউখৎ থৌরাংগী খোংজেল অসিদা শরুক য়ারসি। নখোয় ময়াম অমা ঙসিগী মীতিন অসিদা লাকপীবা অসিগা লোয়ননা গুজরাতকী চাউখৎ থৌরাংগী খোঙজেলদা ঐখোয়গী অনৌবা ৱাশক অসি থুংহন্নবা ঐখোয়গী ৱারেপ অদু লৌরসি। মরম অদুনা নর্মদাগী তোর্বান্দা খুন্দারিবা ঐহাক্কী ইচিল ইনাওশিংদা য়াইফ-মঙ্গোল পীজরি অমসুং ঐখোয় পুম্নমক্না খুৎশম্নদুনা ভরুচ জিলা অসিবু অনৌবা পনখৈ অমদা পুরসি। ভারত ইমানা য়াইফরে।

****