'കലാം നോ കാര്‍ണിവല്‍' എന്ന മഹത്തായ പരിപാടിയില്‍ നിങ്ങള്‍ക്കെല്ലാവര്‍ക്കും ഹൃദയം നിറഞ്ഞ അഭിനന്ദനങ്ങള്‍. അഹമ്മദാബാദില്‍ എല്ലാ വര്‍ഷവും 'നവഭാരത് സാഹിത്യ മന്ദിര്‍' നടത്തുന്ന പുസ്തകമേളയുടെ പാരമ്പര്യം കാലക്രമേണ സമ്പന്നമാവുകയാണ്. ഈ ഉദ്യമത്തിലൂടെ, ഗുജറാത്തിന്റെ സാഹിത്യവും അറിവും വിപുലീകരിക്കപ്പെടുന്നു, കൂടാതെ പുതിയ യുവ എഴുത്തുകാര്‍ക്കും നോവലിസ്റ്റുകള്‍ക്കും ഒരു വേദി ലഭിക്കുകയും ചെയ്യുന്നു.

ഈ സമ്പന്നമായ പാരമ്പര്യത്തിന് നവഭാരത് സാഹിത്യ മന്ദിറിനെയും അതിലെ എല്ലാ അംഗങ്ങളെയും ഞാന്‍ അഭിനന്ദിക്കുന്നു. ഈ പുസ്തകമേളയിലൂടെ ഗുജറാത്തിലെ ജനങ്ങള്‍ക്ക് പ്രയോജനം ചെയ്യുന്ന മഹേന്ദ്ര ഭായിക്കും റോണക് ഭായിക്കും ഞാന്‍ ആശംസകള്‍ നേരുന്നു.

സുഹൃത്തുക്കള്‍,

'കലാം നോ കാര്‍ണിവല്‍' ഗുജറാത്തി ഭാഷയിലുള്ള പുസ്തകങ്ങള്‍ കൂടാതെ ഹിന്ദി, ഇംഗ്ലീഷ് ഭാഷാ പുസ്തകങ്ങളുടെ ഒരു വലിയ ശേഖരമാണ്. നിങ്ങളുടെ ഈ പരിപാടിയുടെ മുദ്രാവാക്യം, അതായത് 'വഞ്ചേ ഗുജറാത്ത്, വഞ്ചനെ വാധവേ ഗുജറാത്ത്' എന്നതും വളരെ പ്രസക്തമാണ്. ഞാന്‍ ഗുജറാത്തില്‍ നിങ്ങളുടെ ഇടയില്‍ പ്രവര്‍ത്തിക്കുമ്പോഴും ഗുജറാത്ത് 'വഞ്ചെ ഗുജറാത്ത്' പ്രചാരണ പരിപാടി ആരംഭിച്ചിരുന്നു. ഇന്ന് 'കലാം നോ കാര്‍ണിവല്‍' പോലുള്ള പ്രചാരണങ്ങള്‍ ഗുജറാത്തിന്റെ അന്നത്തെ അതേ ദൃഢനിശ്ചയം മുന്നോട്ട് കൊണ്ടുപോകുന്നു.

സുഹൃത്തുക്കളേ,

പുസ്തകങ്ങളും എല്ലാ രചനകളും നമ്മുടെ 'വിദ്യാ ഉപാസന'യുടെ അടിസ്ഥാന ഘടകങ്ങളാണ്. ഗുജറാത്തില്‍ ഗ്രന്ഥശാലകള്‍ക്ക് വളരെ പഴയ ഒരു പാരമ്പര്യമുണ്ട്. നമ്മുടെ വഡോദര മഹാരാജ സായാജിറാവു ജി തന്റെ പ്രദേശത്തെ പ്രമുഖ സ്ഥലങ്ങളില്‍ ലൈബ്രറികള്‍ സ്ഥാപിച്ചിരുന്നു. എന്റെ ഗ്രാമമായ വഡ്നഗറില്‍ വളരെ നല്ല ഒരു ലൈബ്രറി ഉണ്ടായിരുന്നു. ഗോണ്ടലിലെ മഹാരാജ ഭഗവത് സിംഗ് ജി 'ഭഗവത് ഗോമണ്ഡലം' പോലെ ഒരു മഹത്തായ നിഘണ്ടു നിര്‍മ്മിച്ചു. ഞാന്‍ ഗുജറാത്തിലായിരുന്നപ്പോള്‍ ചില കുടുംബങ്ങള്‍ മക്കള്‍ക്ക് പേരിടാന്‍ നല്ല പേരുകള്‍ തേടും. ചിലര്‍ എന്നോട് പേരുകള്‍ നിര്‍ദ്ദേശിക്കാന്‍ ആവശ്യപ്പെടും. അതിനായി അവര്‍ പുസ്തകങ്ങള്‍ തിരയാറുണ്ടായിരുന്നു. അങ്ങനെ ഒരിക്കല്‍ ഒരാള്‍ ഈ വിഷയം ഉന്നയിക്കുകയും ഞാന്‍ അവരോട് 'ഭഗവത് ഗോമണ്ഡല'ത്തിലൂടെ പോകാന്‍ ആവശ്യപ്പെടുകയും ചെയ്തു. എണ്ണമറ്റ ഗുജറാത്തി വാക്കുകളും നിങ്ങളുടെ കുട്ടിക്ക് അനുയോജ്യമായ പേരും കണ്ടെത്തുന്ന ഒരു പുസ്തകമാണിത്. തീര്‍ച്ചയായും നിരവധി റഫറന്‍സുകളും അര്‍ത്ഥങ്ങളും ഉണ്ട്. അത്തരമൊരു സമ്പന്നമായ പാരമ്പര്യം നമുക്കുണ്ട്!

അതുപോലെ, മഹാകവി നര്‍മ്മദ് 'നര്‍മ്മ കോഷ്' എഡിറ്റ് ചെയ്തിട്ടുണ്ട്. ഈ പാരമ്പര്യം നമ്മുടെ കേക ശാസ്ത്രി ജി വരെ തുടര്‍ന്നു. 100 വര്‍ഷത്തിലേറെയായി നമ്മളോടൊപ്പമുണ്ടായിരുന്ന കേക ശാസ്ത്രി ജിയും ഈ രംഗത്ത് ഒരുപാട് സംഭാവനകള്‍ നല്‍കി. പുസ്തകങ്ങളുടെയും എഴുത്തുകാരുടെയും സാഹിത്യ സൃഷ്ടികളുടെയും കാര്യത്തില്‍ ഗുജറാത്തിന്റെ ചരിത്രം വളരെ സമ്പന്നമാണ്. ഇത്തരം പുസ്തക മേളകള്‍ ഗുജറാത്തിന്റെ എല്ലാ കോണിലുമുള്ള ജനങ്ങളിലേക്കും ഓരോ യുവജനങ്ങളിലേക്കും എത്തുന്നു, അങ്ങനെ അവര്‍ക്കും ഈ ചരിത്രം അറിയാനും പുതിയ പ്രചോദനം നല്‍കാനും കഴിയുമെന്ന് ഞാന്‍ പ്രതീക്ഷിക്കുന്നു.

സുഹൃത്തുക്കളേ,

രാജ്യം 'സ്വാതന്ത്ര്യത്തിന്റെ അമൃത മഹോത്സവം' ആഘോഷിക്കുന്ന വേളയിലാണ് ഈ വര്‍ഷം പുസ്തകമേള സംഘടിപ്പിക്കുന്നത്. അമൃത മഹോത്സവത്തിന്റെ ഒരു മാനം നമ്മുടെ സ്വാതന്ത്ര്യ സമര ചരിത്രത്തെ പുനരുജ്ജീവിപ്പിക്കുന്ന വഴികളാണ്. ഇത് എങ്ങനെ നമ്മുടെ ഭാവി തലമുറകള്‍ക്ക് കൈമാറും? സ്വാതന്ത്ര്യ സമരത്തിന്റെ മറന്നുപോയ അധ്യായങ്ങളുടെ പ്രതാപം രാജ്യത്തിനു മുന്നില്‍ തിരികെ കൊണ്ടുവരാന്‍ ഞങ്ങള്‍ പ്രതിജ്ഞാബദ്ധരാണ്, നിങ്ങളുടെ എല്ലാവരുടെയും പരിശ്രമത്തിലൂടെ ഇത് സാധ്യമാകും.

'കലാം നോ കാര്‍ണിവല്‍' പോലുള്ള പരിപാടികള്‍ ഈ പ്രചാരണത്തിന് ആക്കം കൂട്ടും. പുസ്തകമേളയില്‍ സ്വാതന്ത്ര്യ സമരവുമായി ബന്ധപ്പെട്ട പുസ്തകങ്ങള്‍ക്ക് പ്രത്യേക പ്രാധാന്യം നല്‍കാം. അത്തരം എഴുത്തുകാര്‍ക്ക് ശക്തമായ ഒരു വേദി നല്‍കാം. ഈ പരിപാടി ഈ ദിശയില്‍ ഒരു നല്ല മാധ്യമമായി മാറുമെന്ന് എനിക്ക് ഉറപ്പുണ്ട്.

സുഹൃത്തുക്കളേ,

നമ്മുടെ വേദങ്ങളില്‍ പറഞ്ഞിട്ടുണ്ട് -

ശാസ്ത്ര സുചിന്തിത പുനി പുനി ദേഖിഅ

അതായത്, ഒരാള്‍ വേദങ്ങളും ഗ്രന്ഥങ്ങളും പുസ്തകങ്ങളും വീണ്ടും വീണ്ടും പഠിക്കണം, അപ്പോള്‍ മാത്രമേ അവ ഫലപ്രദവും ഉപയോഗപ്രദവുമാകൂ. ഇന്ന് ഈ ഇന്റര്‍നെറ്റ് യുഗത്തില്‍ ആളുകള്‍ ആവശ്യമുള്ളപ്പോഴെല്ലാം ഇന്റര്‍നെറ്റിന്റെ സഹായം സ്വീകരിക്കുന്നതിനാലാണ് ഈ വാക്കുകള്‍ക്ക് കൂടുതല്‍ പ്രാധാന്യം ലഭിച്ചത്. സാങ്കേതിക വിദ്യ നിസ്സംശയമായും നമുക്ക് വിവരങ്ങളുടെ ഒരു പ്രധാന സ്രോതസ്സാണ്, പക്ഷേ അത് പുസ്തകങ്ങള്‍ മാറ്റിസ്ഥാപിക്കാനോ പുസ്തകങ്ങള്‍ വായിക്കാനോ ഉള്ള ഒരു മാര്‍ഗമല്ല. വിവരങ്ങള്‍ നമ്മുടെ മനസ്സിലായിരിക്കുമ്പോള്‍, മസ്തിഷ്‌കം ആ വിവരങ്ങള്‍ ആഴത്തില്‍ മനനം ചെയ്യുന്നു, അതുമായി ബന്ധപ്പെട്ട പുതിയ മാനങ്ങള്‍ നമ്മുടെ മനസ്സില്‍ വരുന്നു.
ഇനി ഞാനൊരു ചെറിയ ജോലി തരാം. നര്‍സിന്‍ഹ് മേത്ത രചിച്ച 'വൈഷ്ണവ് ജന്‍ തോ തേനേ രേ കഹിയേ' നമ്മള്‍ എല്ലാവരും കേട്ടിരിക്കണം. എത്ര തവണ നിങ്ങള്‍ അത് കേള്‍ക്കുകയോ പാടുകയോ ചെയ്യുമായിരുന്നു? ഒരു കാര്യം ചെയ്യൂ. അത് നിങ്ങളുടെ മുന്‍പില്‍ ഒരു ലിഖിത രൂപത്തില്‍ വയ്ക്കുക, അതിനൊപ്പം ഇരുന്നുകൊണ്ട് ഇന്നത്തെ സന്ദര്‍ഭത്തില്‍ പ്രസക്തമായ 'വൈഷ്ണവ ജന്‍ തോ' ഓരോ തവണയും ചിന്തിക്കാന്‍ തുടങ്ങുമ്പോഴും ഇന്നത്തെ സാഹചര്യത്തില്‍ അത് മനസ്സിലാക്കാന്‍ ശ്രമിക്കുമ്പോഴും, നൂറുകണക്കിന് പുതിയ അര്‍ത്ഥങ്ങള്‍ നിങ്ങള്‍ക്ക് നല്‍കാന്‍ തുടങ്ങുമെന്ന് എനിക്ക് തികഞ്ഞ ആത്മവിശ്വാസത്തോടെ പറയാന്‍ കഴിയും. ഇതാണ് ശക്തി! അതുകൊണ്ടാണ്, പുസ്തകവും നമ്മുടെ മുന്നില്‍ എഴുതിയ പേജുകളും ഉള്ളത്, പുതിയ കണ്ടുപിടുത്തങ്ങള്‍ക്കും ഗവേഷണങ്ങള്‍ക്കും വലിയ ശക്തിയാണ്. അത് ചര്‍ച്ചകളെ കൂടുതല്‍ ആഴത്തിലാക്കുന്നു.

അതുകൊണ്ട് മാറുന്ന കാലത്തിനനുസരിച്ച് നമ്മുടെ പുസ്തകങ്ങള്‍ വായിക്കുന്ന ശീലം നിലനിര്‍ത്തണം. അത് വളരെ നിര്‍ണായകമാണ്. അപ്പോള്‍ പുസ്തകങ്ങള്‍ ഭൗതിക രൂപത്തിലായാലും ഡിജിറ്റല്‍ രൂപത്തിലായാലും, അത് ശരിക്കും പ്രശ്‌നമല്ല! യുവാക്കള്‍ക്കിടയില്‍ പുസ്തകങ്ങള്‍ക്ക് ആവശ്യമായ ആകര്‍ഷണം സൃഷ്ടിക്കുന്നതിലും അവയുടെ പ്രാധാന്യം മനസ്സിലാക്കുന്നതിലും ഇത്തരം പരിപാടികള്‍ വലിയ പങ്ക് വഹിക്കുമെന്ന് ഞാന്‍ വിശ്വസിക്കുന്നു.

സുഹൃത്തുക്കളേ,

ഗുജറാത്തിലെ എന്റെ ജനങ്ങളോട് സംസാരിക്കുമ്പോള്‍ എനിക്ക് മറ്റൊരു കാര്യം പറയാനുണ്ട്. ഒരു പുതിയ വീട് പണിയുന്നതിനെക്കുറിച്ച് ആലോചിക്കുമ്പോള്‍, നമുക്ക് ഒരു ഡൈനിംഗ് റൂം, ഒരു ഡ്രോയിംഗ് റൂം, ഒരു പൂജാമുറി, ചിലര്‍ വസ്ത്രങ്ങള്‍ സൂക്ഷിക്കാനുള്ള സ്ഥലം പോലും തീരുമാനിക്കുന്നതിനെക്കുറിച്ച് ആര്‍ക്കിടെക്റ്റുമായി ധാരാളം ചര്‍ച്ചകള്‍ നടത്തും. പക്ഷേ, നിങ്ങളുടെ വീട് പണിയുമ്പോള്‍ പുസ്തകങ്ങള്‍ സൂക്ഷിക്കാനുള്ള ഒരു സ്ഥലം തീരുമാനിക്കാന്‍ ഞാന്‍ അഭ്യര്‍ത്ഥിക്കുന്നു. . നിങ്ങള്‍ക്ക് പുസ്തകക്കടയില്‍ പോയി പുസ്തകങ്ങള്‍ വാങ്ങുക. നിങ്ങളുടെ കുട്ടികളെയും കൊണ്ടുപോകാം. നിങ്ങളുടെ വീടിന്റെ ഒരു മൂല പുസ്തകങ്ങള്‍ക്കായി മാത്രം മാറ്റിവയ്ക്കുക. നമ്മള്‍ പൊതുവെ ഇത് ചെയ്യാറില്ല.

ഏതെങ്കിലും പരിപാടിയോ ചടങ്ങോ ആകട്ടെ, ഗുജറാത്തില്‍ ഞാന്‍ ആവര്‍ത്തിച്ചുള്ള അഭ്യര്‍ത്ഥനകള്‍ നടത്താറുണ്ടെന്ന് നിങ്ങള്‍ അറിയുമായിരിക്കാം. ഞാന്‍ പറയുമായിരുന്നു - 'ഒരു പൂച്ചെണ്ടിന് പകരം ഒരു പുസ്തകം സമ്മാനിക്കുക'. കാരണം, പൂച്ചെണ്ടിന്റെ ആയുസ്സ് വളരെ കുറവാണ്. പുസ്തകങ്ങളുടെ വില്‍പ്പന വര്‍ദ്ധിപ്പിക്കും എന്നതിനാല്‍ പുസ്തകങ്ങള്‍ കൊണ്ടുവരാന്‍ ഞാന്‍ ആളുകളോട് ആവശ്യപ്പെടുന്നു. പ്രസാധകര്‍ക്കും എഴുത്തുകാര്‍ക്കും അതു സാമ്പത്തികമായി സഹായകരമാകും. ചിലപ്പോള്‍ പുസ്തകങ്ങള്‍ വാങ്ങുന്ന ശീലം നമുക്കില്ലായിരിക്കും. എന്നിരുന്നാലും, ഒരു പുസ്തകം വാങ്ങുന്നത് ഒരുതരം സാമൂഹിക സേവനമാണ്, കാരണം അത്തരം ജോലിയില്‍ അര്‍പ്പിതമായ ആളുകളെ നാം സ്വാഭാവികമായും പിന്തുണയ്ക്കണം. പുസ്തകങ്ങള്‍ വാങ്ങുന്നത് ശീലമാക്കുക. പുസ്തകം സൂക്ഷിക്കുന്ന ശീലം വളര്‍ത്തിയെടുക്കണം. ഗുജറാത്തില്‍ പലരും എല്ലാ വീടുകളിലും പുസ്തകങ്ങള്‍ വിതരണം ചെയ്യുകയും പുസ്തകം വായിക്കാനും വാങ്ങാനും അഭ്യര്‍ത്ഥിക്കുകയും വാങ്ങാന്‍ പണമില്ലെന്ന് തോന്നിയാല്‍ പുസ്തകം തിരികെ വാങ്ങാതിരിക്കുകയും ചെയ്യുന്നത് ഞാന്‍ കണ്ടിട്ടുണ്ട്. അത്തരത്തിലുള്ള പലരെയും നമ്മള്‍ കണ്ടിട്ടുണ്ട്. ഭാവ്‌നഗറില്‍ ഒരു പുസ്തകോത്സവം സംഘടിപ്പിച്ചിരുന്ന ഒരു മാന്യവ്യക്തിയെ ഞാന്‍ ഓര്‍ക്കുന്നു. പലരും ഇത്തരത്തിലുള്ള ജോലികള്‍ ചെയ്യുന്നുണ്ട്. എന്നാല്‍ നമ്മുടെ കുടുംബത്തില്‍ വായനാശീലം ഉണ്ടാവുന്ന തരത്തിലായിരിക്കണം നമ്മുടെ സംവിധാനം.

'സരസ്വതി ലുപ്ത് ഹേ, ഗുപ്ത് ഹേ' എന്നൊരു ചൊല്ലുണ്ട്. സാഹിത്യത്തിന്റെ പശ്ചാത്തലത്തില്‍ എന്റെ യുക്തി അല്പം വ്യത്യസ്തമാണ്. ഈ യുക്തി സാഹിത്യലോകവുമായി ബന്ധപ്പെട്ടതാണ്. അറിവിന്റെ ദേവതയാണ് സരസ്വതി. 'സരസ്വതി ലുപ്ത് ഹേ, ഗുപ്ത് ഹേ' എന്ന ചൊല്ല് അര്‍ത്ഥമാക്കുന്നത് സരസ്വതി ഭൂതത്തെയും വര്‍ത്തമാനത്തെയും ഭാവിയെയും പുസ്തകങ്ങളിലൂടെ രഹസ്യമായി ബന്ധിപ്പിക്കുന്നു എന്നാണ്. അതുകൊണ്ടാണ് പുസ്തകമേളകളുടെ മൂല്യം നാം മനസ്സിലാക്കേണ്ടത്. കുടുംബത്തോടൊപ്പം പുസ്തകമേളയില്‍ പങ്കെടുക്കണം. പിന്നെ പുസ്തകം നോക്കി കൈകൊണ്ട് തൊടുമ്പോള്‍ ഇങ്ങനെയൊരു വിഷയം പോലും തലോടുകയും ചിന്തിപ്പിക്കുകയും ചെയ്തതായി തോന്നും. അതുകൊണ്ടാണ് ഗുജറാത്തിലെ എന്റെ എല്ലാ സഹോദരീസഹോദരന്മാരും ഒരുപാട് വായിക്കുകയും ഒരുപാട് ചിന്തിക്കുകയും ചെയ്യണമെന്ന് ഞാന്‍ പ്രതീക്ഷിക്കുന്നത്. എന്നിട്ട് ഒരുപാട് മസ്തിഷ്‌കപ്രക്ഷോഭങ്ങളില്‍ ഏര്‍പ്പെടുക. വരും തലമുറകള്‍ക്ക് അവര്‍ ഒരുപാട് നല്‍കണം. ഈ മേളയിലെ ഞങ്ങളുടെ സജീവ പങ്കാളിത്തം ഗുജറാത്തിലെ പ്രമുഖ എഴുത്തുകാര്‍ക്കും എഴുത്തുകാര്‍ക്കും ഒരുതരം ആദരാഞ്ജലി കൂടിയാണ്. ഞാന്‍ നിങ്ങള്‍ക്ക് എല്ലാ ആശംസകളും നേരുന്നു! ഒരിക്കല്‍ കൂടി എല്ലാ വായനക്കാര്‍ക്കും എന്റെ ആശംസകള്‍ നേര്‍ന്നുകൊണ്ട് എന്റെ പ്രസംഗം അവസാനിപ്പിക്കുന്നു.

അതേ ഊര്‍ജ്ജത്തില്‍ ഒരിക്കല്‍ കൂടി നിങ്ങള്‍ക്ക് എല്ലാവിധ ആശംസകളും നേരുന്നു.

നന്ദി!

--ND--