‘কলম নো কার্নিবল’গী অচৌবা থৌরম অসিগীদমক ঐহাক্না পুম্নমক্তা নুংঙাইবা ফোঙদোকচরি। অহমদাবাদতা ‘নব ভারত সাহিত্য মন্দির’না হৌদোকখিবা লাইরিক্কী মেলাগী চৎনবী অসি চহি খুদিংগী মতমগা ইরোইননা ফজবা হেনগৎলক্লি অমসুং মসিগী খুত্থাংদা গুজরাতকী সাহিত্য অমসুং ৱাখল লৌশিং অসি হেন্না পাকথোক চাউথোকহল্লি, লোয়ননা অনৌবা হৌগৎলক্লিবা অইবশিংনা ফম্পাক অমা ফংলগনি।

ঐহাক্না মসিগী ফজরবা চৎনবী অসিগীদমক নবভারত সাহিত্য মন্দির অমসুং মখোয়গী মেম্বর পুম্নমকপু থাগৎচরি। লাইরিক মেলাগী অসিনা গুজরাতকী মীয়ামদা কান্নবা পীরিবা মখোয়গী খোঙথাংশিং অদুগীদমক গুজরাতকী মীয়াম, মরু ওইনা মহেন্দ্র ভাই, রোনক ভাইদা ঐহাক্না থাগৎপা ফোঙদোকচরি।

মরুপশিং,

‘কলমানো কার্নিভেল’ অসি হিন্দী, ইংলিস অমসুং গুজরাতি লোলগী লাইরিকশিংগী অচৌবা কনভেন্সন অমনি‍। নখোয়না পাঙথোক্লিবা থৌরম অসিগী  থম্লিবা সেত, ‘বাঞ্চে গুজরাত, বাঞ্চননে ৱধাবে গুজরাত’ অসি মসিমক্কা য়াম্না মরী লৈনৈ। ঐহাক্না গুজরাত্তা নখোয়গী লোয়ননা থবক তৌরিঙৈদা গুজরাতনা ‘বাঞ্চে গুজরাত’ কেম্পেনসু হৌদোকখি, অদুগা ঙসিনা ‘কলম নো কার্নিবল’নচিংবা কেম্পেনশিংনা গুজরাৎকী খোঙফমবু মাঙদা পুখৎলি‍।

মরুপশিং,

লাইরিক অমসুং ইরিবা ময়েকশিং অসি ঐখোয়গী বিদ্যা উপাসনাগী তঙাই ফদনা চঙদ্রবা য়াদ্রবা মচাকশিংনি‍। গুজরাত্তা লাইব্রেরীগী য়াম্না লিরবা চৎনবী অমা লৈ‍। বদোদরাগী মহারাজা সয়াজিরাউজীনা মাগী লমদা লৈবা মমিং লৈবা মফমশিংদা লাইব্রেরীশিং লিংখৎখি। য়াম্না ফবা লাইব্রেরী অমা লৈবা খুঙ্গং অমদা ঐহাক পোকখি, খুঙ্গং অদুগী মমিং ৱাদনগর কৌই। গোন্দালগী মহারাজা গভবত সিংহ জীনা ‘ভগবত গোমান্দল’ কৌবা অচৌবা দিক্সনরী অমা পীবিরমখি। ঐহাক্না গুজরাত্তা লৈরিঙৈ মতমদা মীয়াম্না অঙাংশিংগী মমিংশিংগী মতাংদা মখোয়গী ইমুং-মনুংশিংদা চাউনা খন্ন-নৈনখি অমসুং অঙাংশিংগী মমিং থোন্নবা মখোয়না লাইরিকশিং থীখি। কনাগুম্বা অমনা ঐঙোন্দা ৱাফম অসি পুখৎলকখি ঐহাক্না মতম অদুদা ‘ভগবত গোমান্দল’দা য়েংঙু মদুদা গুজরাতি ৱাহৈ কয়া য়াওবনি, মদুদগী নখোয়গী অঙাংশিংগী মমিং থোন্নবা চুনবা ৱাহৈশিং থোরক্কনি হায়খি। অমসুং মসিদা রিফরেন্স কয়া, ৱাহন্থোক কয়া অমসুং ফজরবা চৎনবী য়াওরি।

মসিগা চপ মান্নবা মওংদা অথৌবা কবি নর্মদনা ‘নর্ম কোস’ শেমদোকখি। অমসুং মসিগী চৎনবী অস ঐখোয়গী কেকা শাস্ত্রীজীগী মতম ফাওনা মখা চত্থখি। ‌ঐখোয়গা লোয়ননা চহি ১০০ হেন্না লৈমিন্নরকখিবা কেকা শাস্ত্রীজীনা লম অসিদা চাউনা শরুক তমখি। গুজরাৎকী পুৱারী লাইরিক, অইবা, লিতরেরী ক্রিএসনগী লমদা য়াম্না ইনাক খুল্লি‍। অসিগুম্বা লাইরিক মেলাশিংনা গুজরাৎকী কাচিন কোয়া শিনবা থুংনা, মরুওইনা নহাশিংগী মনাক্তা য়ৌদুনা মখোয়গী ইনাক খুল্লবা পুৱারীগী মরমদা খঙদুনা পুক্নিং থৌগৎপগী মচাক ওইহন্নিংই।

মরুপশিং,

চহি অসিগী লাইরিক মেলা অসি আজাদী কা অমৃৎ মহোৎসবকী মতমদা পাঙথোক্লিবনি‍। ঐখোয়গী নীংতম ইহৌগী পুৱারীবু হিঙ্গৎহনবা হায়বসি অমৃৎ মহোৎসবকী মরুওইবা মাইওন অমনি‍। মসি ঐখোয়না তুংগী মীরোলশিংদা করম্না তংথরমগনি? ঐখোয়না নীংতম ইহৌগী কাউথোক্লুরবা পন্দুপশিংবু লৈবাক মীয়াম মাংদা পুথোরক্লি‍ অমসুং মসি নখোয় পুম্নমক্না হোৎনখিবশিং অদুনা ওইথোকপা ঙমহনখি।

‘কলম নো কার্নিভেল’গুম্বা থৌরমশিংনা লৈবাকসিগী হায়রিবা কেম্পেন অসিদা ইনোৎ পীবা ঙমগনি। নীংতম ইহৌগা মরী লৈনবা লাইরিকশিংদা অখন্নবা মরুওইবা মীৎয়েঙ থম্নবা, অমদি অসিগুম্বা অইবশিংবু অৱাংবা থাক্কী ফম্পাক্তা থাংগৎপিগদবনি। থৌরম অসিনা মায়কৈ অসিদা চঙশিন্নবগী অফবা পাম্বৈ অমা ওইগনি হায়না ঐনা চপ চানা থাজৈ।

মরুপশিং,

ঐখোয়গী পুরানশিং দা অসুম্না হায়রমখি -

শাস্ত্র সুচিন্তিত পুনি পুনি দেখিয়া।

পুরানশিং, ইরম্বা ৱারোলশিং অমসুং লাইরিকশিং হন্না হন্না নৈনদুনা কান্নবা লৌননবা হোৎনগদবনি মদুতদা মখোয় অসি কান্নগনি। অসিগুম্বা থৌওং অসি মীপুম খুদিংমক্না ইন্তরনেৎকী মতেংনা মথৌ তাবা পুম্নমক্কী মরমদা খঙনবা হোৎনরিবা তানফম অসিদা মসি হেন্না মরু ওইরক্লি। তেক্নোলোজী হায়বসি ঐখোয়গী মরুওইবা ইনফোর্মেসন ফংফম অমা ওইরে হায়বদা চিংননিংঙাই লৈত্রে, অদুবু মসিনা লাইরিক, লাইরিক তম্বগী মহুৎ শিন্নবা লম্বীদি নত্তে‍। ঐখোয়গী পুক্নিংদা ইনফোর্মেসন লৈরবদি, ব্রেন্না ইনফোর্মেসন অদুবু প্রোসেস তৌদুনা, অনৌবা মাইওন্দা থোরকই‍।

হৌজিক ঐহাক্না নখোয়দা অপীকপা থবক অমা পীগে। ঐখোয়না নরসী মেহতানা শৈরেংবা ‘বৈষ্ণব জন তো তৈ নে রে কহিয়ে’ কয়ামরক হন্না তারম্লগনি, ঐখোয়না কয়ারক হন্না হায়রম্লগনি। থবক অমা তৌ, মদুবু ইথোকউ অমসুং মাংদা থম্লগা ফম্মু। মসি হৌজিক্কী মতমদা করি তৌবা য়াবগে হায়না খন্থৌ। করি করম্বা চুনবা হীরমশিং লৈবগে? নখোয়না লিশিংরক তাখ্রবা বৈষ্ণব মীয়াম অদু নখোয়না মাংদা অইবা ওইনা থম্লবা মতমদা নখোয়না হৌজিক্কা মরী লৈনবা অদু খঙবা ঙমগনি, নখোয়না নখোয়না অনৌবা ৱাহন্থোক কয়া ফংবা ঙমগনি। মসিগী শক্তি অদু মসিনি মরম অসিনা ঙসি ফাওবা ঐখোয়গা লোয়ননা লাইরিক অসি লৈহৌরিবনি অমসুং ঐখোয়গী মাংদা লৈনদুনা অনৌবা ইনোভেসনগী শক্তি ওইরিবনি, অনৌবা রিসর্চকী মরমদা খলহল্লিবনি অমসুং হেন্না অরুবা ফিরেপ লৌবা ঙমহল্লিবনি।

মরম অসিনা মতমগী অহোংবগা লোয়ননা ঐখোয়না লাইরিক পাবগী হৈনবী অসিসু মাংহল্লোইদবনি, মসি য়াম্না মরু ওই। লাইরিকশিং অদু ফিজিকেল ফোর্ম নত্ত্রগা দিজিতেল ফোর্মদা ওইরবসু য়াই! অসিগুম্বা থৌরমশিংনা নহারোলশিংগী মরক্তা লাইরিক্তা পুক্নিং চীংশিন্নবা অমসুং মখোয়গী মরু ওইবা অদু খঙহনবদা অচৌবা থৌদাং লৌগনি হায়না ঐহাক্না থাজৈ।

মরুপশিং,

ঙসি ঐহাক্না গুজরাতকী মীয়ামগা লোয়ননা ফমদুনা ৱারী শাবা অসিদা ঐহাক্না ৱাফম অমা হায়জনীংই, করিগুম্বা মতমদা ঐখোয়না অনৌবা য়ুম অমা শাবদা আর্কিতেক্কা লোয়ননা য়াম্না খন্ন-নৈনৈ। দাইনিং রুম, দ্রোয়িং রুম, লাইখুরুমফম কা হাপসি, মীওই খরনা ফীরোল থম্নবা মফম হাপ্পো  হায়না হায়নৈ অদুবু ঐহাক্না হায়জনীংবদি অনৌবা য়ুম অমা শাবা মতম লাইরিকশিং থম্নবা মফম অমা হাপ্লসি। ঐহাক্কীসু বুক স্তোরদা চৎলি, অঙাংশিংবু মদুদা পুদুনা মদুগী হৈনবী লৈহল্লু, য়ুম অদুগী জগা অমদা লাইরিকশিং থম্নবা লৈতেংগা লোয়ননা শেম্বীয়ু। মসিগী ৱাফম অসি কয়া হায়নদে।

নখোয়না খঙলমগনি মদুদি গুজরাত্তা পাঙথোকপা থৌরম অমা হেক্তদা ঐহাক্না করিগুম্বা খরদি অদুমক হায়, ঐঙোন্দা লৈ পীরকপা মতমদা ঐহাক্না লৈগী পুন্সি অসি য়াম্না তেল্লি অদুগী মহুৎ লাইরিক ওইনা পীয়ু হায়না স্তেজতা ঐহাক্না হায়। মসিন মরম ওইদুনা লাইরিকশিং য়োনবদা হেনগৎলকখি অমসুং পব্লিসর অমসুং অইবশিংনা মসিদগী শেলগী কান্নবা ফংখি। করিগুম্বদা ঐখোয়না লাইরিক লৈতে। তশেংবদা লাইরিক লৈবা হায়বা অসি সোসিএল সর্ভিস অমনি। মরমদি ঐখোয়গী কোওপরেসন অসিনা অসিগুম্বা থবক তৌরিবা মীওইদা থৱায় হাপকনি। ঙসিদগী লাইরিক লৈবগী হৈনবী থম্বীয়ু। লাইরিক লৈদুনা থম্বগী হৈনবী পোকহনগদবনি অমসুং গুজরাতকী মীয়ামগী মরক্তা য়ুম অমদগী য়ুম অমদা লাইরিক ৱাইনবা অদুবু পাবা ঐহাক্না উবা ফংখি। ঐখোয়না অসিগুম্বা মীওই কয়া উখ্রে। ঐখোয়গী ভাবনগরদা লাইরিক মেলা অমদা লাইরিক য়োনবা নুপা অমা থেংনখি। অসিগুম্বা মখলগী থবক অসি মীওই কয়ানা তৌদুনা লাকখি। অদুবু ঐখোয়গী সিস্তেম অসি ঐখোয়বু ইমুং অমগুম্না লৈহনগদবনি, ঐখোয়না অসুম্না হায়নৈ, সরস্বতি অসি উবা ফংদে, মসি অরোনবনি। সাইন্সকা লিতরেরী প্রোগ্রাম অসি খেন্নৈ হায়না ঐহাক্না হায়। অমসুং মসি লিতরেরী ৱর্ল্দগী লোজিকনি। সরস্বতি অসি লৌশিংগী লাইরেম্বীনি। মহাক অসি উবা ফংদে, মসি অরোনবনি হায়বদি সরস্বতিনা হৌখ্রবা মতম, ঙসি অমসুং তুংলমচৎ অহুম অসিবু শম্নহল্লি। সরস্বতিগী লাইরিকশিংনা পুৱারী, হৌজিক অমসুং আশা লৈবা তুংলমচৎকা শম্নহল্লি। মরম অসিনা ঐখোয়না লাইরিক মেলাগী মরু ওইবা অসি খঙফম থোকই, ঐখোয়গী ইমুং মনুংগা লোয়ননা চৎকদবনি। গুজরাতকী ইচিল-ইনাওশিংনা লাইরিক পাগনি হায়না ঐহাক্না থাজবা থম্মি। অদুগা ব্রেনস্তোর্মিং কয়া তৌদুনা তুংগী মীরোলগীদমক চাউনা শরুক তম্বীয়ু। অমসুং মসিনা গুজরাতকী সাহিত্যদা ইকাই খুম্নবা ওইগনি। মেলা অসিদা ঐখোয়না শরুক য়াবনি সরস্বতিগী পুজারিশিংদা  ইকাই খুম্নবা উৎপা ওইগনি। ঐহাক্না রীদরশিংদা ইকোক নোন্না খুরুম্বগা লোয়ননা মীয়াম্না য়াইফ-পাউজেল পীজরি।

ৱাখল্লোন অসিগা লোয়ননা ময়াম পুম্নমকপু ঐহাক্না অমুক হন্না নুংঙাইবা ফোঙদোকচরি।

থাগৎচরি!

খঙহঞ্জবা: মসি পি.এম.গী ৱারোলগী চাউরাকপা ৱাহন্থোক্নি। তশেংবা ৱারোলদি হিন্দী অমসুং গুজরাতিদা পীখিবনি

*****