ভারত অমসুং বাংলাদেশকী মিনিস্ত্রিএল লেবেল জোইন্ত রিভর্স কম্মিসনগী ৩৮শুবা মীফম ওগস্ত ২৫, ২০২২দা নই দিল্লীদা পাঙথোকখ্রে। ভারতকী দেলিগেসন অদু জল শক্তিগী কেন্দ্র মন্ত্রী, শ্রী গজেন্দ্র সিংহ শেখাৱতনা লুচিংখি। বাংলাদেশকী দেলিগেসন অদুবুনা ৱাতর রিসোর্সেসকী স্তেৎ মিনিস্তর, শ্রী জহীদ ফারুকনা লুচিংখি। বাংলাদেশকী দেলিগেসন অদুদা ৱাতর রিসোর্সেসকী দিপুতী মিনিস্তর, শ্রী এ.কে.এম. ইনামুল হক শামীমসু য়াওখি। মীফম অসি য়াম্না মরু ওইখি মরমদি জে.আর.সি.গী ফ্রেমৱার্ক্কী মখাদা তেক্নিকেল ইন্তরেক্সনশিং মরক্তা অদুমক পাঙথোক্লবসু মসি মতম শাংনা চহি ১২ লেপলুরবা মতুংদা পাঙথোকপা ওইরি। মীফম অসিগী মমাংদা ওগস্ত ২৩, ২০২২, লৈপাকপোকপা নুমিৎতা ৱাতর রিসোর্সেস সেক্রেতরী-লেবেল ইন্তরেক্সন অমা পাঙথোকখি।

বাইলেতরেলগী মীফম অদুদা কম্মন ওইবা তুরেলশিংগী তুরেল ঈশিং পুন্না শীজিন্নবা, ফ্লদ দেতা পীথোক-পীশিন তৌনবা, তুরেৎ মোৎশিনবা থিংবা, সেন্দিমেন্তেসন মেনেজমেন্তদা জোইন্ত স্তদীশিং পাঙথোকপা, তুরেল তোর্বান ঙাকশেনবগী থবকশিংনচিংবা য়াওনা নাকল অনিমক্কী ওইবা হৌজিক মায়োক্নরিবা বাইলেতরেলগী সমস্যা কয়ামরুমদা খন্ন-নৈনখি। নাকল অসিনমক্তা কুশিয়ারা তুরেলগী ইন্তেরিম ৱাতর শিয়রিংগী এম.ও.য়ু.গী ৱারোল ফাইনেলাইজ তৌখি। হীরম অসিদা পীনখিবা ভারত-বাংলাদেশকী ওক্তোবর ২০১৯গী এম.ও.য়ু.গী মতুং ইন্না ত্রিপুরাগী সবরুম তাউনগী মথৌ তাবা থক্নবা ঈশিং পীনবগীদমক ফেনি তুরেলগী ৱাতর ইন্তেক পোইন্তগী দিজাইন অমসুং লোকেসন ফাইনেলাইজ তৌবা ঙমখিববু নাকল অনিমক্না তরাম্না ওকখ্রে।

ভারতনা বাংলাদেশতা মতেং পাংবগী তেংবাং পীনবগী মরু ওইবা লমশিংগী মনুংদা রিএল তাইম ফ্লদ দেতা পীথোক-পীশিন তৌবা অসি অমনি। ভারতনা থোরকপা য়াবা ঈচাওশিং থেংননবা বাংলাদেশকী মতেং পাংনবা ফ্লদ দেতা শিয়রিংগী মতম অসি হন্দক্তা ওক্তোবর ১৫গী মতুং ফাওবা শাংদোকখি।

ভারত অমসুং বাংলাদেশনা তুরেল ৫৪ শিয়র তৌরি, মসিগী মনুংদা তুরেল ৭তি মরু ওইনা লৌদুনা ৱাতর শিয়রিং এগ্রীমেন্তশিংগী ফ্রেমৱার্ক দিবেলপ তৌনবগীদমক মশক খঙদোকখি। মীফম অদুদা হৌজিক তেংবাং পীনরিবা লম অসি পাকথোক-চাউথোকহন্নবগীদমক দেতা এক্সচেঞ্জ তৌনবা অহেনবা তুরেল ৮ অমগা হাপচিনবদা য়ান্নখি। ৱাফম অসি জে.আর.সি.গী তেক্নিকেল লেবেল কম্মিতিনা মখা তানা খন্নখিগনি।

ভারত অমসুং বাংলাদেশকী জোইন্ত রিভর্স কম্মিসন অসি কম্মন/বোর্দর/ত্রান্সবাউন্দরী তুরেলশিংদা নাকল অনিগী সমস্যাশিং কোকহন্নবা বাইলেতরেল মেকানিজম অমা ওইনা ইং কুমজা ১৯৭২দা শেমখি।

*****