ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ଚେନ୍ନାଇ ଠାରେ ୪୪ତମ ଚେସ ଅଲିମ୍ପିଆଡରେ କାଂସ୍ୟ ପଦକ ଜିତିଥିବା ଭାରତ ବି ଦଳ (ପୁରୁଷ) ଓ ଭାରତ ଏ ଦଳ (ମହିଳା)କୁ ପ୍ରଧାନମନ୍ତ୍ରୀଙ୍କ ଶୁଭେଚ୍ଛା
୪୪ତମ ଚେସ ଅଲିମ୍ପିଆଡ ଆୟୋଜନ କରିଥିବାରୁ ତାମିଲନାଡୁ ସରକାର ଓ ତାମିଲନାଡୁବାସୀଙ୍କୁ ପ୍ରଶଂସା କଲେ ପ୍ରଧାନମନ୍ତ୍ରୀ
Posted On:
10 AUG 2022 8:12PM by PIB Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଚେନ୍ନାଇ ଠାରେ ୪୪ତମ ଚେସ ଅଲିମ୍ପିଆଡରେ କାଂସ୍ୟ ପଦକ ଜିତିଥିବା ଭାରତ ବି ଦଳ (ପୁରୁଷ) ଓ ଭାରତ ଏ ଦଳ (ମହିଳା)କୁ ଶୁଭେଚ୍ଛା ଜଣାଇଛନ୍ତି । ୪୪ତମ ଚେସ ଅଲିମ୍ପିଆଡ ଆୟୋଜନ କରି ବିଶ୍ୱକୁ ସ୍ୱାଗତ କରିବା ନିଜର ଉତ୍କୃଷ୍ଟ ସଂସ୍କୃତି ଓ ଆତିଥେୟତା ପ୍ରଦର୍ଶନ କରିଥିବାରୁ ତାମିଲନାଡୁ ସରକାର ଓ ତାମିଲନାଡୁବାସୀଙ୍କୁ ପ୍ରଧାନମନ୍ତ୍ରୀ ପ୍ରଶଂସା କରିଛନ୍ତି ।
ପ୍ରଧାନମନ୍ତ୍ରୀ ଟ୍ୱିଟ କରିଛନ୍ତି;
“ଚେନ୍ନାଇ ଠାରେ ସମାପିତ ୪୪ତମ ଚେସ ଅଲିମ୍ପିଆଡରେ ଭାରତୀୟ ଦଳ ଉତ୍ସାହଜନକ ପ୍ରଦର୍ଶନ କରିଥିଲା । କାଂସ୍ୟ ପଦକ ଜିତିଥିବାରୁ ଭାରତ ବି ଦଳ (ପୁରୁଷ) ଓ ଭାରତ ଏ ଦଳ (ମହିଳା)କୁ ଶୁଭେଚ୍ଛା ଜଣାଉଛି । ଭାରତରେ ଚେସର ଭବିଷ୍ୟତ ପାଇଁ ଏହା ଶୁଭସଙ୍କେତ ।”
“ବୋର୍ଡ ପଦକ ଜିତିଥିବାରୁ ଆମ ଦଳର ଗୁକେଶ ଡି, ନିହାଲ ସାରିନ, ଅର୍ଜୁନ ଏରିଗାସି, ପ୍ରଜ୍ଞାନାନନ୍ଦ, ବୈଶାଳୀ, ତାନିଆ ସଚଦେବ ଓ ଦିବ୍ୟ ଦେଶମୁଖଙ୍କୁ ଶୁଭେଚ୍ଛା ଜଣାଉଛି । ଏହି ପ୍ରତିଭାସମ୍ପନ୍ନ ଖେଳାଳିମାନେ ବେଶ ଧୈର୍ଯ୍ୟ ଓ ଲଢୁଆ ମନୋଭାବ ପ୍ରଦର୍ଶନ କରିଥିଲେ । ଭବିଷ୍ୟତ ପାଇଁ ସେମାନଙ୍କୁ ଶୁଭକାମନା ।”
“ତାମିଲନାଡୁବାସୀ ଓ ତାମିଲନାଡୁ ସରକାର ୪୪ତମ ଚେସ ଅଲିମ୍ପିଆଡର ଚମତ୍କାର ଆୟୋଜକ ଥିଲେ । ବିଶ୍ୱକୁ ସ୍ୱାଗତ କରି ଆମ ଉତ୍କୃଷ୍ଟ ସଂସ୍କୃତି ଓ ଆତିଥେୟତା ପ୍ରଦର୍ଶନ କରିଥିବାରୁ ସେମାନଙ୍କୁ ଧନ୍ୟବାଦ ଦେବାକୁ ଚାହୁଁଛି ।”
SR
(Release ID: 1850693)
Visitor Counter : 153
Read this release in:
English
,
Urdu
,
Marathi
,
Hindi
,
Assamese
,
Bengali
,
Manipuri
,
Punjabi
,
Gujarati
,
Tamil
,
Telugu
,
Kannada
,
Malayalam