প্রধান মন্ত্রী, শ্রী নরেন্দ্র মোদীনা লুচিংবা কেবিনেত কম্মিত্তী ওন ইকোনোমিক এফিয়র্সনা ভারত পেত্রোলিয়ম কোর্পোরেসন লিমিতেদ (বি.পি.সি.এল.)না মপুং ওইনা মপু ওইবা ভারত পেত্রোরিসোর্সস লিমিতেদ (বি.পি.আর.এল.)না ব্রাজিলদা বি.এম.-এস.ই.এ.এল.-১১ কন্সেসন প্রোজেক্ত পায়খৎনবা য়ু.এস.দি. মিলিয়ন ১,৬০০ (চাউরাক্না লুপা করোর ১২,০০০)গী অহেনবা ইনভেস্তমেন্ত তৌবগী অয়াবা পীখ্রে।

সি.সি.ই.এ.না মখাগী ৱাফমশিংসু অয়াবা পীখিঃ

১) বি.পি.সি.এল.না বি.পি.আর.এল.দা পাংথোকপা ইক্বিতী ইনভেস্তমেন্তকী অকক্নবা হেনগৎপা অমসুং কম্পেনীগী ওথোরাইজ তৌরবা শেয়রবু লুপা করোর ১৫,০০০দগী লুপা করোর ২০,০০০দা (বি.পি.সি.এল.না মতম-মতমগী মতুং ইন্না সবস্ক্রাইব তৌগদবা) হেনগৎপা।

২) হৌজিক লৈরিবা লুপা করোর ৫,০০০গী অকক্নবা অসিদগী লুপা করোর ১৫,০০০ হেনগত্তুনা (মসিনা হায়বদি লুপা করোর ১০,০০০ হেনগৎপা) ইন্তর্মেদিএত দবল্যু.ও.এস.কী খুত্থাংদা বি.পি.আর.এল. ইন্তর্নেস্নেল বি.ভি.না ইন্তর্নেস্নেল বি.ভি. ব্রাসিল পেত্রোলিও লিমিতাদা পাংথোকপা ইক্বিতী ইনভেস্তমেন্তকী অকক্নবা হেনগৎপা য়াহনবা।

বি.এম.-এস.ই.এ.এল.-১১ প্রোজেক্তকী প্রদক্সন্না ইং ২০২৬-২৭তগী হৌগনি হায়বগী থাজবা থম্লি।

মসিনা মখাগী থৌওংশিংদা তেংবাংগনি:

১) ভারতকী ইনর্জী সেক্যুরিতী মপাঙ্গল কনখৎহন্নবগীদমক্তা ইক্বিতী ওইল শিজিন্নবা।

২) ভারতকী ক্রুদ ওইল সপ্লাইবু দাইবর্সিফাই তৌবা অমসুং ভারতকী থাউগী কম্পেনীশিংনা ব্রাজিলদগী অহেনবা ক্রুদ ওইল লৌবদা অপাম্বা ফোংদোক্নরক্লি।

৩) ব্রাজিলদা ভারতকী খোঙফম চেৎহনবা, মসিনা অতোপ্পা য়ুম্লোন্নবা লেতিন অমেরিকাগী লৈবাকশিংদা কারবারগী থোঙ মখা তানা হাংদোকহনবা।

৪) লৈবাকশিং অসিগা লৈনরিবা বাইলেতরেল মরীশিংবু হেন্না কনখৎহনবা।

ব্রাজিলগী নেস্নেল ওইল কম্পেনী, পেত্রোবাসনা ওপরেতর অমা ওইনা কন্সেসন অসিদা পার্তিসিপেতিং ইন্তরেস্ত (পি.আই.) ৬০% লৈবগা লোয়ননা বি.পি.আর.এল.গী ওইনা কন্সেসন অসিদা ৪০% পি.আই. লৈ।

বি.পি.আর.এল.না ইং ২০০৮দগী প্রোজেক্ত অসিগীদমক্তা ব্রাজিলদা এক্সপ্লোরেসন অমসুং দিভেলপমেন্তকী থবক পায়খত্তুনা লাক্লি।

***********