প্রধানমন্ত্রীগী লোইশঙ
পি.এম.না জুলাই ১৮দা এন.আই.আই.ও. সেমিনার ‘স্বাবলম্বন’দা ৱা ঙাংগদৌরি
পি.এম.না ইন্দিয়ন নেভীদা ইন্দিজিনস তেক্নোলোজী শীজিন্নবদা শাহৌ পীনবা পান্দম থম্মিবা – ‘স্প্রিন্ত চেলেঞ্জেস’ হৌদোক্কনি
Posted On:
17 JUL 2022 10:02AM by PIB Imphal
প্রধান মন্ত্রী শ্রী নরেন্দ্র মোদীনা নই দিল্লীগী দা. অম্বেদকর ইন্তর্নেস্নেল সেন্তরদা জুলাই ১৮, ২০২২গী নুংথিল পুং ৪:৩০ তাবা মতমদা এন.আই.আই.ও. (নেবেল ইনোভেসন এন্দ ইন্দিজিনাইজেসন ওর্গনাইজেসন) সেমিনার ‘স্বাবলম্বন’দা ৱা ঙাংগদৌরি।
আত্মনির্ভর ভারতকী মরু ওইবা য়ুম্বী অসি দিফেন্স সেক্তরদা মীপাল তাংদবা হায়বা অসিনি। খোঙথাং অসি মখা চত্থবা ওইনা থৌরম অসিদা প্রধান মন্ত্রীনা ইন্দিয়ন নেভীদা ইন্দিজিনস তেক্নোলোজী শীজিন্নবদা শাহৌ পীনবা পান্দম থম্মিবা ‘স্প্রিন্ত চেলেঞ্জেস’ হৌদোক্কনি। ‘আজাদী কা অমৃত মহোৎসব’কী শরুক ওইনা এন.আই.আই.ও.না দিফেন্স ইনোবেসন ওর্গনাইজেসন (দি.আই.ও.)গা চুংশিন্নদুনা ইন্দিয়ন নেভীদা অনৌবা ইন্দিজিনস তেক্নোলোজী/প্রদক্ত য়ামদ্রবদা ৭৫ ইন্দক্ত তৌনবা পান্দম থম্মি। চুংশিন্নদুনা পাইখৎপা প্রোজেক্ত অসিগী মমিং স্প্রিন্ত (সপ্পোর্তিং পোল-ভোলতিং ইন আর এন্দ দি থ্রু আইদেক্স, এন.আই.আই.ও. এন্দ তি.দি.এ.সি.) কৌই।
সেমিনার অসিনা দিফেন্স সেক্তরদা মীপাল তাংদবা ওইবা ঙম্নবা মাইকৈদা ইন্দিয়ন ইন্দস্ত্রী অমসুং একাদেমিয়াগা থবক তৌমিন্ননবা পান্দম থম্মি। নুমিৎ নিনিগী সেমিনার (জুলাই ১৮-১৯) অসিনা দিফেন্স সেক্তরগীদমক রিকম্মেন্দেনশিংগী ৱাখল্লোন পুথোক্নবা কম্মন প্লেৎফোর্ম অমদা ইন্দস্ত্রী, একাদেমিয়া, সর্ভিসেস অমসুং সরকারগী লুচিংবশিং পুনশিন্নবগী ফম্পাক অমা পীরগনি। ইনোভেসন, ইন্দিজিনাইজেসন, অর্মামেন্ত অমসুং এভিএসনগী ওইবা সেসনশিং পাঙথোক্কনি। সেমিনারগী অনিশুবা নুমিৎতা সরকারগী সাগর (সেক্যুরিতী এন্দ গ্রোথ ফোর ওল ইন দি রিজন)গী বিজন অসিগী মখাদা ইন্দিয়ন ওসীন রিজনগী আউতরীচ উবা ফংগনি।
*****
(Release ID: 1842154)
Visitor Counter : 141
Read this release in:
Malayalam
,
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada