প্রধানমন্ত্রীগী লোইশঙ
প্রধান মন্ত্রীনা দেওঘরদা লুপা করোর ১৬,৮০০ হেনবগী তোঙান-তোঙানবা চাউখৎ-থৌরাংগী প্রোজেক্তশিং শঙ্গাখ্রে অমসুং উরেপ-উয়ুং তমখ্রে
প্রোজেক্তশিং অসিনা লমদম অসিদা ইনফ্রাস্ত্রকচর শেমগৎপদা চাউনা ইনোৎ হাপলগনি, কন্নেক্তিবিতী হেনগৎহল্লগনি অমসুং হিংবা লায়হন্নবদা শাহৌ পীরগনি
প্রধান মন্ত্রীনা দেওঘর এয়রপোর্ত শঙ্গাখ্রে; বাবা বৈধ্যনাথ ধাম ফাওবা দাইরেক্ত এয়র কন্নেক্তিবিতী লৈহল্লগনি
প্রধান মন্ত্রীনা এম্স দেওঘরদা ইন-পেসেন্ত দিপার্তমেন্ত অমসুং ওপরেসন থিএতর সর্ভিসশিং খুৎশিন্নখ্রে
“ঐখোয়না রাজ্যশিং চাউখৎহন্দুনা লৈবাক অসিগী চাউখৎপা পুরকপা হায়বা ৱাখল্লোনদা থবক পাইখৎলি”
“প্রোজেক্তশিংবু হোলিস্তিক এপ্রোচ অমনা লমজিংবা মতমদা খুন্নাইগী তোঙান-তোঙানবা শরুকশিংগীদমক শেন্থোক লৈনবা অনৌবা লমশিং পুথোরকই”
“ঐখোয়না খুদোংচাদবশিংবু খুদোংচাবশিংদা ওন্থোক্তুনা পুৱারী ওইরবা ৱারেপ কয়া লৌরি””
“মীচম প্রজাশিংগী পুন্সি হিংবদা লায়থোকহন্নবা খোঙথাংশিং লৌখৎপা মতমদা লৈবাক্কী লনশিং শেমগৎলি অমসুং লৈবাক্কী চাউখৎ-থৌরাংগীদমক অনৌবা খুদোংচাবশিং থোরকই”
Posted On:
12 JUL 2022 2:56PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি দেওঘরদা লুপা করোর ১৬,৮০০ হেনবগী চাউখৎ-থৌরাংগী প্রোজেক্ত কয়ামরুম শঙ্গাখ্রে অমসুং উরেপ-উয়ুং তমখ্রে। থৌরম অদুদা ঝার্খন্দগী রাজ্যপাল, শ্রী রামেশ বৈস, মুখ্য মন্ত্রী শ্রী হেমন্ত সোরেন, কেন্দ্র মন্ত্রী শ্রী জ্যোতিরাদিত্য সিন্ধিয়া, রাজ্য মন্ত্রীশিং অমসুং মীয়ামগী মীহুৎশিংনা শরুক য়াখি।
মীতিন অদুদা ৱা ঙাংলদুনা প্রধান মন্ত্রীনা হায়খি মদুদি বাবা বৈধ্যনাথকী থৌজালশিংগা লোয়ননা ঙসি লুপা করোর ১৬,০০০ হেনবগী প্রোজেক্তশিং শঙ্গাখি অমসুং উরেপ-উয়ুং তমখি। মসিনা ঝার্খন্দগী মোদর্ন কন্নেক্তিবিতী, ইনর্জী, হকশেল, লাইনিং-লাইশোন অমসুং তুরিজমদা চাউনা শাহৌ পীরগনি।
প্রধান মন্ত্রীনা হায়খি মদুদি লৈবাক অসিনা হৌখিবা চহি ৮দগী হৌনা রাজ্যশিং চাউখৎহন্দুনা লৈবাক অসিগী চাউখৎপা পুরকপা হায়বা ৱাখল্লোনগা লোয়ননা লৈবাক অসিবু চাউখৎনবা হোৎন্দুনা লাকখি। হৌখিবা চহি ৮ অসিদা হায়ৱেজ, রেলৱেজ, এয়রৱেজ, ৱাতরৱেজ, লম খুদিংমক্তা ঝার্খন্দবু শম্নহন্নবা লৌখৎখিবা খোঙথাংশিংদা মসিগী ৱাখল্লোন অসি মরু ওইনা লৌখি। ফেসিলিতীশিং অসিনা রাজ্য অসিগী শেন্মীৎলোন চাউখৎহনবদা কান্নরবা মওংদা শাফু পীরগনি।
প্রধান মন্ত্রীনা হায়খি মদুদি ঙসি ঝার্খন্দনা মাগী অনিশুবা এয়রপোর্ত ফংজরে। মসিনা বাবা বৈধ্যনাথকী ভক্তাশিংদা চাউনা খুদোংচাহল্লগনি। উরান স্কিমগী খুত্থাংদা মীচম মীয়াম্না এয়র ত্রেবেল তৌবদা লায়থোকহল্লিবা অসিগী মতাংদা পল্লদুনা প্রধান মন্ত্রীনা হায়খি মদুদি ঙসি সরকারগী খোঙথাংশিংগী কান্নবশিং লৈবাক শিনবা থুংবদা উবা ফংলে। উরান স্কিমগী মখাদা হৌখিবা চহি ৫-৬ অসিদা এয়রপোর্তশিং, হেলীপোর্তশিং অমসুং ৱাতর এরোদ্রোমশিংগী খুত্থাংদা অনৌবা লোকেসন ৭০রোম হাপচিনখ্রে। ঙসি মীচম প্রজাশিংনা অনৌবা রুত ৪০০ হেনবদা এয়র ত্রেবেল তৌবগী খুদোংচাবা ফংলি। মীওই করোর ১ হেনবনা য়াম্না হোংনা এয়র ত্রেবেল তৌবা ফংলে, মখোয়গী মরক্তা অহানবা ওইনা চৎপা কয়াসু য়াওরি। প্রধান মন্ত্রী আ ঙসি দেওঘরদগী কোলকাতা ফাওবা ফ্লাইৎ পাইবা হৌখিবা অসিদা নুংঙাইবা ফোঙদোক্লদুনা রাঞ্চি, দিল্লী, পতনাদসু অথুবদা পাইবা হৌরগনি ফোঙদোকখি। মহাক্না হায় বোকারো অমসুং দুমকা এয়রপোর্তশিংগী থবক পাইখৎপা হৌখ্রে।
প্রধান মন্ত্রীনা হায়খি মদুদি কন্নেক্তিবিতীগা লোয়ননা কেন্দ্র সরকারনা লৈবাক অসিগী লাইনিং-লাইশোন অমসুং স্পিরিচুএলিতীগা মরী লৈনবা মরু ওইবা মফমশিংদা খুদোংচাবশিং লৈহন্নবা মীৎয়েংসু চংলি। প্রসাদ য়োজনাগী মখাদা বাবা বৈধ্যনাথ ধামদা মতমগা চুনবা খুদোংচাবশিং ফংলিবা অসি হেনগৎহনখ্রে। প্রোজেক্তশিংবু হোলিস্তিক এপ্রোচ অমনা লমজিংবা মতমদা খুন্নাইগী তোঙান-তোঙানবা শরুকশিংগীদমক শেন্থোক লৈনবা অনৌবা লমশিং পুথোরকই অমসুং অনৌবা ফেসিলিতীশিংনা অনৌবা খুদোংচাবশিং ফংহল্লি।
প্রধান মন্ত্রীনা ঝার্খন্দগী রাজ্যগীদমক গ্যাস-বেজ ইকনোমী হেনগৎহন্নবা লৈবাক অসিনা হোৎনরিবশিং অসিগী কান্নবসু থমখি। মহাক্না হায়খি মদুদি পিএম. উর্জা গঙ্গা য়োজনানা অরিবা মতমগী ফীভম অদুদা অহোংবা পুরক্লি। মহাক্না হায়, “ঐখোয়না খুদোংচাদবশিংবু খুদোংচাবশিংদা ওন্থোক্তুনা পুৱারী ওইরবা ৱারেপ কয়া লৌরি”। জি.এ.আই.এল.গী জগদিশপুর-হলদিয়া-বোকারো ধমরা পাইপলাইনগী বোকারো-অঙ্গুল সেক্সন্না সিতী গ্যাস দিস্ত্রিব্যুসন নেৎৱার্কপু ঝার্খন্দ অমসুং ওরিশাগী জিলা ১১দা শন্দোকহল্লগনি।
প্রধান মন্ত্রীনা হায়খি ঐখোয়না সবকা সাথ, সবকা বিকাস, সবকা বিশ্বাস অমসুং সবকা প্রয়াসকী মন্ত্র ঙাক্না চৎলি। ইনফ্রাস্ত্রকচরদা শেল থাদদুনা চাউখৎ-থৌরাংগী, থবক ফংনবা- ইশানা ইশা থবক পীজনবা অনৌবা লম কয়া পুথোরক্লি। ঝার্খন্দগীদমক পাইখৎখিবা থৌশিলশিংগী কান্নবা অসি পল্লদুনা মহাক্না হায়, ঐখোয়না চাউখৎ-থৌরাংগী অনীংবা-অপাম্বদা মীৎয়েং থমখি, এস্পিরেস্নেল জিলাশিংদা ফোকস তৌখি। মহাক্না হায়খি নীংতম্বা ফংলবা মতুং শাংলবা মতমগী মতুংদা মৈ ঙালহনখিবা খুঙ্গং ১৮,০০০ অসিদা অয়াম্বদি মনুং হঞ্জিনবা অমসুং লম্বী-থোং নাতৈ চাদবা মফমশিং ওইখি। হৌখিবা চহি ৮ অসিদা সরকারনা মিসন মোদতা তোতি ঈশিং ফংহন্নবা, লম্বী শেম্নবা অমসুং গ্যাস কন্নেক্সনশিং পীনবা হোৎন্দুনা লাকখি।
অচৌবা সহরশিংদগী হেন্দোরক্তুনা মতমগা চুনবা খুদোংচাবশিং ফংহনবা হেনগৎলক্লিবা অসিগী মতাংদা পল্লদুনা প্রধান মন্ত্রীনা হায়খি মদুদি প্রোজেক্তশিং অসিনা ঐখোয়না মীচম প্রজাশিংগী পুন্সি হিংবদা লায়থোকহন্নবা খোঙথাংশিং লৌখৎপা মতমদা লৈবাক্কী লনশিং শেমগৎলি অমসুং লৈবাক্কী চাউখৎ-থৌরাংগীদমক অনৌবা খুদোংচাবশিং থোরকই হায়বগী খুদম ওইরি। মহাক্না হায়, “মসি অচুম্বা চাউখৎ-থৌরাং অদুনি অমসুং মসিবু খোঙজেল য়াংশিনহন্নবা ঐখোয়না পুন্না হোৎনরসি”।
দেওঘরগী চাউখৎ-থৌরাংগী প্রোজেক্তশিং
লৈবাক শিনবা থুংবদগী ভক্তাশিংগী মরুওইবা ধর্মগী ওইবা লাইফমলেন অমা ওইরিবা বাবা বৈধ্যনাথ ধামদা দাইরেক্ত কন্নেক্তিবিতী লৈহন্নবা মরু ওইবা থৌশিল ওইনা প্রধান মন্ত্রীনা দেওঘর এয়রপোর্ত শঙ্গাখ্রে। মসি লুপা করোর ৪০০ চংনা শাখি। এয়রপোর্ত অসিগী তর্মিনেল বিল্দিং অসি চহি অমদা পেসেঞ্জর লাখ মঙা হেন্না হেন্দল তৌবা ঙম্নবা মওংদা শাখি।
দেওঘরগী এম্স অসি লমদম পুম্বা অসিগী হেল্থকিয়র সেক্তরগী ওইনা থৌজাল অমনি। দেওঘরগী এম্সতা পীরিবা সর্ভিসশিং অসি প্রধান মন্ত্রীনা জাতিদা খুৎশিন্নগদৌরিবা ইন-পেসেন্ত দিপার্তমেন্ত (আই.পি.দি.) অমসুং ওপরেসন থিএতর সর্ভিসশিং অসিনা হেন্না শাহৌ পীরগনি। মসি প্রধান মন্ত্রীনা লৈবাক্কী শরুক পুম্নমক্তা খ্বাইদগী ফবা হেল্থ কিয়র ফেসিলিতীশিং শেমগৎনবা থম্লিবা বিজন অসিগী মখাদা পাইখৎপনি। প্রধান মন্ত্রীনা মার্চ ২৫, ২০১৮দা এম্স দেওঘরগী উরেপ-উয়ুং তমখি।
লৈবাক শিনবা থুংবদা লৈরিবা ধর্মগী ওইনা মরু ওইবা মফমশিংদা মালেমগী থাক্কী ইনফ্রাস্ত্রকচর শেমগৎনবা অমসুং অসিগুম্বা মফম পুম্নমক্তা লাকপা লমকোইবশিংদা অফবা ফেসিলিতীশিং ফংহন্নবা প্রধান মন্ত্রীগী ফিরেপ অসি তুরিজম মন্ত্রালয়গী প্রসাদ স্কিমগী মখাদা সেঙ্কসন তৌখিবা প্রোজেক্ত “দিবেলপমেন্ত ওফ বৈধ্যনাথ ধাম দেওঘর”গী কম্পোনেন্ত শঙ্গাগদৌরিবা অসিনা হেন্না শাহৌ পীরগনি। প্রধান মন্ত্রীনা শঙ্গাখিবা প্রোজেক্তশিং অসিদা অতোপ্পা কয়াগা লোয়ননা অমমমদা ত্রীর্থ য়াত্রী ২০০০গী কেপাসিতী লৈবা অচৌবা ত্রীর্থ য়াত্রাগী কোংগ্রিগেসন হোল অনি শাগৎপা; জলসা লেক ফ্রন্ত দিবেলপমেন্ত; শিবগঙ্গা পোন্দ দিবেলপমেন্ত য়াওরি। অনৌবা এমেনিতীশিংনা বাবা বৈধ্যনাথ ধামদা লাকপা ভক্তা লাখ কয়াদা হেন্না ফগৎহল্লবা তুরিজম এক্সপরিয়েন্স ফংহনগনি।
প্রধান মন্ত্রীনা লুপা করোর ১০,০০০ হেনবগী রোদ প্রোজেক্ত কয়ামরুম শঙ্গাখি অমসুং উরেপ-উয়ুং তমখি। শঙ্গাখ্রবা প্রোজেক্তশিং অদুদা এন.ঐচ.-২গী গোর্হরদগী বরৱারা সেক্সন লেন তরুক ওইহনবা; এন.ঐচ.-৩২গী রাজগঞ্জ-চাসতগী ৱেস্ত বেঙ্গল বোর্দর সেক্সন পাকথোকপা য়াওরি। উরেপ-উয়ুং তমখ্রিবা মরু ওইবা প্রোজেক্তশিং অদুদা এন.ঐচ.-৮০গী মির্জাচোকি-ফরক্কা সেক্সন লেন মরি ওনবা; এন.ঐচ.-৯৮গী হরিহরগঞ্জরগী পরৱা মোর সেক্সন লেন মরি ওনবা; এন.ঐচ.-২৩গী পলমা-গুমা সেক্সন লেন মরি ওনবা; এন.ঐচ.-৭৫গী কতচহরী চোকতগী পিস্কা মোর সেক্সনগী ইলিবেতেদ কোরিদোর য়াওরি। প্রোজেক্তশিং অসিনা লমদম অসিদা কন্নেক্তিবিতী হেন্না ফগৎহল্লগনি অমসুং মীচম মীয়ামগীদমক চত্থোক-চৎশিন তৌবদা খুদোংচাহল্লগনি।
লমদম অসিগীদমক লুপা করোর ৩০০০রোমগী তোঙান-তোঙানবা ইনর্জী ইনফ্রাস্ত্রকচর প্রোজেক্তশিং শঙ্গাখি অমসুং উরেপ-উয়ুংসু তমখি। শঙ্গাখিবা প্রোজেক্তশিং অদুদা জি.এ.আই.এল.গী জগদিশপুর-হলদিয়া-বোকারো ধমরা পাইপলাইনগী বোকারো-অঙ্গুল সেক্সন; বহরীগী ঐচ.পি.সি.এল.গী অনৌবা এল.পি.জি. বোত্তলিং প্লান্ত অমসুং বি.পি.সি.এল.গী বোকারো এল.পি.জি. বোত্তলিং প্লান্ত য়াওরি। পর্বতপুর গ্যাস কল্লেক্তিং স্তেসন, ঝরিয়া ব্লোক, ও.এন.জি.সি.গী কোল বেদ মীথেন (সি.বি.এম.) এসেৎকী উরেপ উয়ুং তমখি।
প্রধান মন্ত্রীনা জাতিদা রেলৱে প্রোজেক্ত অনি মদুদি গোদ্দা-হন্সদীহা ইলেক্ত্রিফাইদ সেক্সন অমসুং গরৱা-মহুরিয়া দব্লিং প্রোজেক্ত খুৎশিন্নখ্রে। প্রোজেক্তশিং অসিনা ইন্দস্ত্রীশিং অমসুং পাৱর হাউসশিংগীদমক পোৎচৈশিংগী অপনবা লৈতবা ত্রাফিক মুফমেন্ত লৈহনবদা মতেং পাংলগনি। মখোয়না দুমকাদগী আসনসোল ফাওবা চৎলিবা ত্রেন্দসু খুদোংচাহল্লগনি। প্রধান মন্ত্রীনা রেলৱে প্রোজেক্ত অহুম মদুদি রাঞ্চি রেলৱে স্তেসন নৌনা শেমগৎপা; জসিদিহ বাইপাস লাইন অমসুং এল.ঐচ.বি. কোচ মেন্তেনেন্স দিপোত, গোদ্দা হায়রিবা অসিগী উরেপ-উয়ুংসু তমখি। প্রপোজ তৌরিবা রাঞ্চি স্তেসন নৌনা শেমগৎপা অসিনা ফুদ কোর্ত, একজিক্যুতিব লোঞ্জ, কেফেতরিয়া, এয়র-কন্দিসন ৱাতিং হোলশিং অসিনচিংবা য়াওনা লায়না চত্থোক-চৎশিন তৌনবা লোয়ননা পেসেঞ্জরশিংগী খুদোংচানবা মালেমগী থাক্কী পেসেঞ্জর এমেনিতীশিং ফংহল্লগনি।
******
(Release ID: 1840955)
Visitor Counter : 161
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam