জুলাই ৭, ২০২২দা প্রধান মন্ত্রী শ্রী নরেন্দ্র মোদী বরানসীদা চৎকনি। নুংথিলগী পুং ২ রোম তাবদা প্রধান মন্ত্রীনা বরানসীগী এল.তি গ্রাউন্দদা অক্ষ্য পাত্র মিদ দে মিল চাকশঙ শঙ্গাগনি অমসুং চাকশঙ অসিদা চাউরাক্না মহৈরোয় লাখ ১ রোমগী চাক থোংবা য়াগনি। নুংথিলগী পুং ২:৪৫ রোম তাবদা প্রধান মন্ত্রী ইন্তরনেসনেল কোওপরেসন এন্দ কনভেন্সন সেন্তর-রুদ্রক্ষতা চৎকনি অমসুং মফম অদুদা মহাক্না নেসনেল ইজুকেসন পোলিসি থবক ওইনা পাংথোক্নবা অথিল ভারতিয়া সিক্ষা সমাগাম শঙ্গাগনি। তুংদা নুংথিলগী পুং ৪ রোমদা তাবদা, প্রধান মন্ত্রী দোক্তর সম্পুর্নানন্দ স্পোর্তস স্তদিয়ম, শিগ্রাদা থুংগনি অমসুং মফম অদুদা মহাক্না লুপা কোতি ১৮০০ রোমগী প্রোজেকশিং শঙ্গাগনি অমসুং উরেপ-উয়ুং তমগনি।

তোঙান-তোঙানবা চাউখৎ-থৌরাংগী থবকশিং শঙ্গাবা অমসুং উরেপ-উয়ুং তম্বা

হৌখিবা চহি ৮ অসিদা প্রধান মন্ত্রীনা বরানসীগী ইনফ্রাস্ত্রকচর শেমগৎনবা পুক্নিং চংদুনা লাক্লি। মসিনা মরম ওইদুনা সহর অসিগী শক্তম অওনবা পুরক্লে। থবক অসিগী মরুওইবা পান্দমদি মীয়াম হিংবা লাইবা হেনগৎহনবনি। চাউখৎ-থৌরাং অসিগী অতোপ্পা খোঙথাং অমা ওইনা, থৌরম অসিদা প্রধান মন্ত্রীনা দোক্তর সম্পুর্নানন্দ স্পোর্তস স্তদিয়ম, শিগ্রাদা লুপা কোতি ১৮০০ রোমগী প্রোজেকশিং শঙ্গাগনি অমসুং উরেপ-উয়ুং তমগনি। হায়রিবা প্রোজেকশিং অসিগী মনুংদা বরানসী স্মার্দ সিতি অমসুং অর্বান প্রোজেকশিং, ঈরুজফম য়াওনা অহানবা ফেজগী ওইনা নামো ঘাত অমুক হান্না শেমগৎপা; দিজল অমসুং পেত্রোগী হি ৫০০ রোম সি.এন.জিদা ওনখৎপা; ওল্দ কাসিগী কামেশ্বর মহাদেব ৱার্দ অমুক হন্না শেমগৎপা; হরহুৱা খুঙ্গংদা ই.দব্লিউ.এস ফ্লেত ৬০০ হেন্না শাবা; লাহারতারা-চৌকা ঘাত ফ্লাইওভর মখাদা অনৌবা পোৎ-চৈ য়োনফম শেমগৎপা; দাসাশ্বামেধ ঘাত্তা লমকোয়বা লাকপশিংগী মফম অমসুং কৈথেল শেমগৎপা অমসুং আই.পি.দি.এস ফেজ-১গী মখাদা নাগৱাদা ৩৩/১১ কেভি সবস্তেসন শাবা য়াওরি।

প্রধান মন্ত্রীনা লম্বীগী প্রোজেকশিং হায়বদি বাবাতপুর-কাপসেথি-ভাদোহি লম্বীদা লেন রোদ ওভর ব্রিজ(আর ও বি) মরি; সেন্ত্রেল জেল লম্বীদা ভারুনা তুরেল মথক্তা শাবা থোং; পিন্দ্রা-কাথিরাওন লম্বী পাকথোকপা; খুঙ্গংগী লম্বী ৮; পি.এম.জি.এস.ৱাইগী লম্বী ৭ অমসুং ধারসৌনা-সিনধৌরা লম্বী পাকথোকপা শঙ্গাগনি।

প্রধান মন্ত্রীনা জিলা অসিদা সিৱেরেজ অমসুং ঈশিং পীনবগা মরী লৈনবা তোঙান-তোঙানবা প্রোজেকশিংশু শঙ্গাগনি। হায়রিবা প্রোজেকশিং অদুগী মনুংদা বরানসী সহর ফাওদুনা চৎলিবা ওল্দ ত্রং সেৱর লাইন অমুক হন্না শেমজিনবা; সেৱর লাইনশিং ফুম্বা; ত্রান্স বরুনাদা য়ুম ২৫০০০ হেন্না সেৱর কন্নেক্সন পীবা; সহর অসিগী সিস বরুনাদা অয়ুবা মফমশিং মেনশিনব অমসুং তাতেপুর খুঙ্গংদা থক্নবা ঈশিং পীনবা স্কিম য়াওরি। শঙ্গাগদবা ইজুকেসনগা মরী লৈনবা শঙ্গাগদবা প্রোজেকশিংগী মনুংদা মাহগাউন খুঙ্গংদা আই.তি.আই, বি.ঐচ.য়ুদা বেদিক বিগ্যান কেন্দ্রগী অনিবা ফেজ, রামনগরদা গভরমেন্ত গার্লস হোম, দুরগাকুন্দদা লৈবা গভরমেন্ত ওল্দ এজ হোমদা থিম পার্ক য়াওরি।

প্রধান মন্ত্রীনা বাদা লালপুরদা লৈবা দোক্তর বিম রাও অম্বেকার স্পোর্তস কমপ্লেক্সতা সিন্থেতিক এথলেতিক ত্রেক অমসুং সিন্থেতিক বাস্কেতবোল কোর্ত অমসুং ফাইয়র প্রোজেকশিং, সিন্ধৌরাদা নন-রেসিদেন্সিএল পুলিস স্তেসন, হোস্তেলগী কাশিং, মিরজামুরাদ, চোলাপুর, জান্সা অমসুং কাপসেথি পুলিস স্তেসনশিংদা বেরেকশিং অমসুং পিন্দ্রাদা ফাইয়র এক্সতিঙ্গুইসর সেন্তর বিল্দিংশু শঙ্গাগনি।

থৌরম মনুংদা প্রধান মন্ত্রীনা লুপা কোতি ১২০০ হেনবগী প্রোজেকশিং উরেপ-উয়ুং তমগনি। হায়রিবা প্রোজেকশিং অদুগী মনুংদা লাহারতারা-বি.ঐচ.য়ুদগী বিজয়া সেনিমা ফাওবগী লম্বী লেন ৬ পাকথোকপা; কুচাহেরিদগী সান্দাহা ফাওবগী লম্বী লেন ৪ পাকথোকপা; বরানসী বাদোহি রুরেল রোদ শেমগৎপা, বরানসীগী খুঙ্গংগী শরুকশিংদা অনৌবা লম্বী ৫ অমসুং সি.সি লম্বী ৪ শেমগৎপা; বাবাতপুর-চৌবেপুর লম্বীদা বাবাতপুর রেলৱেজ স্তেসন ময়াদা আর.ও.বি শাবা য়াওরি। হায়রিবা প্রোজেকশিং অসিনা সহর অসিগী অমসুং খুঙ্গংগী লম্বীশিং চিনবা হন্থবদা মতেং পাংগনি।

লমদম অসিদা লৈরিবা তুরিজমগী অৱাৎপশিং মেনশিন্নবা প্রধান মন্ত্রীনা তোঙান-তোঙানবা প্রোজেকশিং উরেপ-উয়ুং তমগনি। প্রোজেকশিং অদুগী মনুংদা ৱার্ল্দ বেঙ্কগী শেন্থং মখাদা সর্নাথ বুদ্বিস্ত সর্কুইদ শেমগৎপা, অস্ত বিনাকয়া, দ্বাদাস জ্যতিরলিং যাত্র, অস্ত ভাইরাও, নব গৌরি যাত্রগী পাবন পাথ শেমগৎপা, পঞ্চকোসি পরিক্রমা যাত্র মার্কতা পোথাফম ৫ শেমগৎপা অমসুং ওল্দ কাসিগী তোঙান-তোঙানবা ৱার্দশিংদা তুরিজমগী থবকশিং য়াওরি।

প্রধান মন্ত্রীনা সিগ্রাদা স্পোর্তস স্তদিয়ম অমুক হন্না শেমগৎনবা অহানবা ফেজগী থবকশিংগী উরেপ-উয়ুংশু তমগনি।

অথিল ভারতিয়া সিক্ষা সমাগাম

প্রধান মন্ত্রী ইন্তরনেসনেল কোওপরেসন এন্দ কনভেন্সন সেন্তর-রুদ্রক্ষতা অথিল ভারতিয়া সিক্ষা সমাগাম শঙ্গাগনি। সিক্ষা সমাগাম অসি জুলাই ৭দগী জুলাই ৯ ফাওবা ইজুকেসন মিনিস্ত্রিনা শীনগনি। থৌরম অসিদা শক্নাইরবা অখঙ-অহৈশিং, থৌশিল শেম্বা মীওইশিং, লাইরিক-লাইশুগী লুচিংবশিংনা এন.ই.পি-২০২০ মপুংফানা থবক ওইনা পায়খৎনবগী মতাংদা মখোয়গী ওইবা ৱাখল্লোনশিং পুথোক্কনি অমসুং খন্ন-নৈনগনি।

থৌরম অদুদা লৈবাক অসিগী তোঙান-তোঙানবা মফমশিংগী য়ুনিভর্সিতিশিং(সেন্ত্রেল, স্তেৎ, দিম অমসুং লনাই), আই.আই.তি, আই.আই.এম, এন.আই.তি, আই.আই.এস.ই.আরগী ওজাশিং, ফম্নাইবশিং অমসুং লুচিংবশিং চাউরাক্না ৩০০ হেন্না শরুক য়াগনি। মখোয় মখোয়গী মহৈলোয়শঙশিংদা এন.ই.পি থবক ওইনা পায়খৎপগী মতাংদা হৌজিক লৈরিবা ফিবমশিং মখোয়না পাউদমগনি অমসুং থৌশিল অসি পায়খৎনবা লাল্লোংশিং, খ্বাইদগী ফবা থবকশিং অমসুং মাইপাকপগী ৱারিশিংশু শরুক য়াগনি।

নুমিৎ হুমনি পাংথোক্কদবা সিক্ষা সমাগাম মনুংদা, এন.ই.পি ২০২০গী মখাদা অৱাংবা থাক্কী মহৈ-মশিং তম্বগী মতাংদা মশক খঙদোক্লবা থিম ৯দা পেনেল দিস্কসনশিং পাংথোক্কনি। হায়রিবা থিমশিং অদুদি হিরম কয়াদা লাইরিক-লাইশু তম্বা; স্কিল লৈহনবা অমসুং থবক ফংবা ঙম্নবা লাইরিক তম্বা; রিছার্স, ইন্নোবেসন অমসুং ওন্ত্রেপ্রেনিউয়রশিপ; মগুন লৈবা লাইরিক-লাইশু তম্বগী থবকশিংগীদমক ওজাশিং ত্রেনিং পীবা; রেঙ্কিং অমসুং এক্রেদিতেসন, দিজিতেল অমসুং ওনলাইন ইজুকেসন; মীওই কাংলুপ খুদিংমক কোনশিনবা ইজুকেসন, ভারতকী লৌশিংগী থবকশিং, অৱাংবা থাক্কী লাইরিক তম্বগী থবকশিং মালেমগী থাক্তা পুখৎপা অসিনি।

*****