প্রধান মন্ত্রী শ্রী নরেন্দ্র মোদীনা ঙসি নই দিল্লীগী ইন্দিরা গান্ধী স্তেদিয়মদা ৪৪শুবা চেস ওলিম্পিয়দকী ইতিহাসিক ওইরবা তোর্চ রিলে লমথাখ্রে। এফ.আই.দি.ই.গী প্রসিদেন্ত আর্কদী দ্বোরকোবিচনা প্রধান মন্ত্রীদা মৈরা অদু খুৎশিন্নখি, মহাক্না গ্রান্দমাস্তর বিশ্বানাথন অনন্দদা অমুক খুৎশিন্নখি। তোর্চ অসি চেন্নাইগী মনাক্তা লৈবা মহাবলিপুরমদা অরোইবা ওইনা থুংদ্রিঙৈ মমাংদা নুমিৎ ৪০ চংনা সহর ৭৫দা পুদুনা চৎকনি। লমথুংফম খুদিংদা রাজ্য অদুগী চেস গ্রান্দমাস্তরনা মৈ অদু ওক্কনি। প্রধান মন্ত্রী মোদীনা খেলো চেস সেরেমোনিএল মুফ তৌখি মতুংদা মিস কোনেরু হম্পীনা মুফ অমসু তৌখি। কেন্দ্রগী মন্ত্রী শ্রী অনুরাগ সিংহ থাকুর অমসুং শ্রী নিসিথ প্রমানিক, চেসকী শান্নরোয়শিং অমসুং পামজবশিং, চেস ওফিসিএলশিংনা থৌরম অসিদা শরুক য়াখি।

এফ.আই.দি.ই. অর্কেদী দ্বোরকোবিচনা মালেম শিনবা থুংবদা গেম অসিবু খঙনহনগদৌরিবা অমসুং পাম্নহনগদৌরিবা তোর্চ রিলেগী অনৌবা চৎনবী অমা হৌদোক্নবগী থৌশিল পাইখৎখিবগীদমক ভারত সরকারবু থাগৎপা ফোঙদোকখি। “প্রধান মন্ত্রী নরেন্দ্র মোদীনা শরুক য়াবীবা অমসুং ঐখোয়বু ইকাই খুম্নবা উৎপীবগীদমক এফ.আই.দি.ই.না তৌবীমল খঙবা উৎচরি” হায়না মহাক্না ফোঙদোকখি অমসুং প্রধান মন্ত্রীনা ইং কুমজা ২০১০দা শান্নরোয় কয়ানা চেস শান্নখিবা অসিনা চেসকী গেম অসিদা অনৌবা মতিক-ময়াইশিং হাপ্পা অমসুং মাইপাক্নবগী লমজিংলিবা এজুকেসন অমসুং স্পোর্তসকী অপুনবগী থৌদাং অসিগী মতাংদা পীখিবা ৱারোল অদু নীংশিংখি।   এফ.আই.দি.ই.গী প্রসিদেন্তনা চেস অসি ভারত অমসুং মালেম শিনবা থুংবদা লৈরিবা স্কুল পুম্নমক্কী শরুক অমা ওইরক্কনি হায়না থাজবা থমখি। মহাক্না হায়খি, “ভারত অসি ঙসি মালেমগী ওইনা চেস খোঙজেল য়াংনা চাউখৎলক্লিবা লৈবাক অমা ওইরক্লি অমসুং মসিগীদমক নখোয়না চাউথোকচবা পোকফম থোকই। চেসকীদমক নখোয়না শীংথানীংঙাই ওইবা থবক পুম্নমক পাঙথোকপদা লমজিংলিবা অসিদা ঐখোয়না তৌবীমল খঙবা উৎচরি।”

প্রধান মন্ত্রীনা ৱারোল পীবদা হায়খি, “ঙসি ভারত্তগী চেস ওলিম্পিয়স গেমসকী অহানবা তোর্চ রিলে হৌদোক্লি। অহানবা ওইনা চহি অসিদা ভারতনা চেস ওলিম্পিয়দ গেমসকী য়ুম্বু ওইরগনি। লমদম অসিদগী  হৌরক্তুনা মালেম শিনবা থুংবদা মফম কল্লিবা, স্পোর্তস অমনা লৈবাক কয়াগী অপাম্বা অমা ওইরকপা অসিদা ঐখোয়না চাউথোকচবা পোকই।” মহাক্না মখা তারদুনা হায়খি “চহিচা কয়াগী মমাংদা ভারত্তগী চতুরঙ্গগাগী মওংদা মালেম শিনবা থুংবদা স্পোরতকী তোর্চ পুদুনা চৎখি। ঙসি চেসকী অহানবা ওলিম্পিয়দ তোর্চ অসিসু ভারত্তগী হৌদোক্লি। ঙসি ভারতনা মাগী নীংতম্বা ফংখিবগী ৭৫শুবগী অমৃত মহোৎসব পালন তৌরিবা মতম অসিদা চেস ওলিম্পিয়দ তোর্চ অসিনা লৈবাক্কী সহর ৭৫ থুংনা চৎকনি।” মহাক্না হায়খি “এফ.আই.দি.ই,না চেস ওলিম্পিয়দ গেম খুদিংমক্তা তোর্চ রিলে অসি ভারত্তগী লমথারগনি। মসিগী ইকাই খুম্নবা অসি ভারত খক্তগী ইকাই খুম্নবা নত্তনা চেসকী মতিক-মঙাল লৈরবা হেরিতেজ অসিবুসু ইকাই খুম্নবনি। ঐহাক্না মসিগীদমক এফ.আই.দি.ই. অমসুং মাগী মেম্বর পুম্নমক্তা থাগৎপা ফোঙদোকচরি।”

প্রধান মন্ত্রীনা চেসকী ভারতকী হেরিতেজ অসিগী মতাংদা ফোঙদোকখি। মহাক্না হায়খি, “ঐখোয়গী ইপা-ইপুনা এনালাইরিকেল অমসুং প্রোব্লেম সোলবিং ব্রেনশিংগীদমক চতুরঙ্গা নত্ত্রগা চেস অসিগুম্বা গেমশিং পুথোকখি। ভারতকী খুত্থাংদা চেসনা মালেমগী লৈবাক কয়াদা য়ৌখি অমসুং য়াম্না পাম্নরি। ঙসি চেস অসি স্কুলশিং নহা ওইরিবা মীওইশিং, অঙাংশিংগীদমক এজুকেসন তুল অমা ওইনা শীজিন্নরি।” মহাক্না চহি খরা অসিদা ভারতনা চেসতা মাগী পর্ফোরমেন্স অসি লেপ্পা লৈতনা হেনগৎহল্লি হায়না ফোঙদোকখি। চহি অসিদা ভারতকী চেস ওলিম্পিয়দকী কনতিঞ্জেন্তনা খ্বাইদগী চাউবা ওইখি। প্রধান মন্ত্রীনা ভারতনা চহি অসিদা মেদলশিংগী অনৌবা রেকোর্দ অমা থম্বা ঙমগনি হায়না থাজবা থমখি।

প্রধান মন্ত্রীনা ঐখোয়গী পুন্সিদা চেসনা তম্বীখিবা পরা কয়াগী মরমদা ৱা ঙাংখি। পুন্সিদা মখোয়গী লৈরিবা মফম অদুগী য়েংদনা মীপুম খুদিংমক্তা অফবা মতেং পীবগী মথৌ তাবা অদু ফোঙদোক্লদুনা প্রধান মন্ত্রীনা হায়খি “চেসকী পীচ খুদিংমক মাগী মশাগী অখন্নবা মপাঙ্গল অমসুং অখন্নবা মতিক-ময়াই লৈবা অদুগুম্না। করিগুম্বা পীচ অমনা অচুম্বা মুফ অমা চৎলবদি অমসুং মাগী শক্তি নীংথিনা শীজিন্নরবদি মহাক্না খ্বাইদগী শক্তি লৈবা ওইবা ঙম্মি। চেসবোর্দকী মসিগী অখন্নবা অসিনা পুন্সিদা অচৌবা পরা অমা ঐখোয়দা পীরি। খ্বাইদগী শোনবা মীওই অদু ফাওবদা করিগুম্বা তেংবাং মতিক চানা অমসুং এনভাইরনমেন্ত মতিক চানা লৈরবদি পান্দম অমত্তা ওইথোক্লোইদবা লৈতে।”

চেসতগী অতোপ্পা পরা অমা পল্লদুনা প্রধান মন্ত্রীনা হায়খি “চেসকী গেমগী অতোপ্পা অখন্নবা ফীচর অসি মীৎয়েং শান্না উবা ঙম্বা অসিনি। চেসনা ঐখোয়দা মতম খরগী ওইবা মাইপাকপগী মহুৎ মীৎয়েং শান্না উবা ঙমবদগী তশেংবা মাইপাকপা ফংবা ঙম্মি হায়না তাকপী”। প্রধান মন্ত্রীনা পরা অসিনা লৌদুনা তার্গেৎ ওলিম্পিক্স পোদিয়ন স্কিম (তোপস) অসিগুম্বা ভারতকী স্পোর্তস পোলিসী অমসুং স্কিমশিং অসিনা ফলশিং ফংবা হৌরক্লি।

ভারতনা তোকিও ওলিম্পিক্স, পেরালিম্পিক্স, থোমাস কপ অমসুং বোক্সিংদা মাইপাকখিবশিং অসিগী মতাংদা পল্লদুনা প্রধান মন্ত্রীনা হায়খি “ঐখোয়গী লৈবাক্তা তেলেন্তকী অৱাৎপা লৈতে। লৈবাক অসিগী নহারোলশিংগী মরক্তা থৌনা, কত্থোকপা অমসুং মপাঙ্গলগী অৱাৎপা লৈতে। ঐখোয়গী নহারোলশিং অসিনা মমাংদা মতিক চাবা ফম্পাক ঙাইদুনা লৈরমখি।  ঙসিদি ‘খেলো ইন্দিয়া’ কেম্পেনগী মখাদা লৈবাক অসিনা তেলেন্তশিং অসি থীরি অমসুং মখোঙ শোম্বীরি।” খেলো ইন্দিয়াগী মখাদা লৈবাক অসিগী মনুং হঞ্জিনবা মফমশিংদগী স্পোর্তস তেলেন্ত থোরক্লি অমসুং লৈবাক অসিগী তোঙান-তোঙানবা তাউন অমসুং জিলাশিংদা মোদর্ন স্পোর্তিং ইনফ্রাস্ত্রকচর শেমগৎলি। মহাক্না স্পোর্তস অসি ন্যু এজুকেসন পোলিসীগী মখাদা অতোপ্পা একাদেমিক সবজেক্তশিংগুম্না লৌনরি হায়না ফোঙদোকখি। ফিজিও, স্পোর্তস সাইন্স অসিগুম্বা স্পোর্তসকী অনৌবা লম কয়া থোরক্লি অমসুং লৈবাক অসিদা স্পোর্তস য়ুনিভর্সিতী কয়া লিংখৎনরক্লি হায়না মহাক্না ফোঙদোকখি।

প্রধান মন্ত্রীনা শান্নরোয়শিংদা এক্সপেক্তেসনশিং থম্বগী প্রেসরগী মতাংদা ফোঙদোকখি অমসুং মখোয়দা জিরো পর্সেন্ত তেন্সন নত্ত্রগা প্রেসরগা লোয়ননা নখোয়গী চাদা চামা পাঙথোকপা ঙম্নবা হোৎনৌ হায়না পাউতাক পীখি। মহাক্না লৈবাক অসিনা নখোয়গী হোৎনবা কনবা অমসুং কত্থোকপা ইবা ফংখ্রে হায়না ফোঙদোকখি। থোইবা হায়বা অসি গেমগী শরুক অমা ওইবা অদুম্না অমুক হন্না থোইনবা শেম-শাবা হায়বা অসিসু গেমগী শরুক অমনি। চেসতা লান্না মুফ অমা থাংবগী মাংজবা অদু পল্লদুনা প্রধান মন্ত্রীনা করিগুম্বা গেম অমদা শোইবা অমা য়াওখ্রবদি কনাগুম্বা অমনা ব্রেনগী শক্তি শীজিন্নদুনা ফীভম অদু হোংদোকপা য়াই মরম অসিনা ৱাখল ইংনা লৈবা হায়বা অসি য়াম্না মরু ওই হায়খি। মহাক্না য়োগ অমসুং মেদিতেসন তৌবনা চাউনা মতেং পাংগনি হায়খি। য়োগ অসি নোংমগী পুন্সিগী শরুক অমা ওইহন্নবা অমসুং লাক্কদৌরিবা মালেমগী য়োগ নুমিৎ অসিদা থৱায় য়াওনা শরুক য়ানবগীদমক মহাক্না অপীল তৌখি।

চহি অসিদা অহানবা ওইনা ইন্তর্নেস্নেল চেস বোদী. এফ.আই.দি.আই., এফ.আই.দি.ই.না ওলিম্পিক্কী চৎনবীগী শরুক ওইরিবা চেস ওলিম্পিয়দ তোর্চ হাপখি, অদুবু মসি চেস ওলিম্পিয়দতা মমাংদা অমুক্তা তৌখিদ্রি। ভারতনা চেস ওলিম্পিয়দ তোর্চ রিলে চৎপা খ্বাইদগী অহানবা লৈবাক ওইদুনা ভারতকী চেসকা লৈনরিবা মরীশিং অসিবু হেন্না ৱাংবা পনখৈ অমদা পুখৎপা ঙম্লগনি, মসিগী চেস ওলিম্পিয়দকী তোর্চ রিকে অসি মখা তারকপদা ভারত্তগী অদুমক লমথাগনি অমসুং য়ুম্বু ওইরিবা লৈবাক য়ৌরক্ত্রিঙৈদা কন্তিনেন্ত পুম্নমক লান্দুনা চৎকনি।

৪৪শুবা চেস ওলিম্পিয়দ অসি জুলাই ২৮দগী ওগস্ত ২০২২ ফাওবা চেন্নাইদা পাংথোক্কনি। ১৯২৭দগী শিল্লক্লিবা অৱাংবা থাক্কী কম্পিতিসন অসি ভারত্তা অহানবা ওইনা অমসুং এসিয়াদা চহি ৩০গী মতুংদা শিনবনি। লৈবাক ১৮৯না শরুক য়াগদৌরিবা অসিগা লোয়ননা চেস ওলিম্পিয়দ অমহেক্তদা খ্বাইদগী য়াম্না শরুক য়াবা ওইগদৌরি।

At launch of torch relay for the 44th Chess Olympiad, I convey my best wishes to all the participants. https://t.co/uLbZ5JoSRr

— Narendra Modi (@narendramodi) June 19, 2022

आज Chess Olympiad games के लिए पहली टॉर्च रिले भारत से शुरू हो रही है।

इस साल पहली बार भारत Chess Olympiad games को host भी करने जा रहा है।

हमें गर्व है कि एक Sports, अपने जन्मस्थान से निकलकर पूरी दुनिया में अपनी छाप छोड़ रहा है, अनेक देशों के लिए एक passion बन गया है: PM

— PMO India (@PMOIndia) June 19, 2022

भारत से सदियों पहले चतुरंग के रूप में इस स्पोर्ट्स की मशाल पूरी दुनिया में गई थी।

आज शतरंज की पहली Olympiad मशाल भी भारत से निकल रही है।

आज जब भारत अपनी आजादी के 75वें वर्ष का पर्व, अमृत महोत्सव मना रहा है, तो ये चेस ओलंपियाड मशाल भी देश के 75 शहरों में जाएगी: PM @narendramodi

— PMO India (@PMOIndia) June 19, 2022

FIDE ने ये भी तय किया है कि प्रत्येक Chess Olympiad games के लिए torch relay भारत से ही शुरू हुआ करेगी।

ये सम्मान न केवल भारत का सम्मान है, बल्कि शतरंज की इस गौरवशाली विरासत का भी सम्मान है।

मैं इसके लिए FIDE और इसके सभी सदस्यों का अभिनंदन करता हूँ: PM @narendramodi

— PMO India (@PMOIndia) June 19, 2022

Analytical और problem solving brains के लिए हमारे पूर्वजों ने चतुरंग या शतरंज जैसे खेलों का आविष्कार किया।

भारत से होते हुए शतरंज,दुनिया के अनेक देशों तक पहुंचा और खूब लोकप्रिय हुआ।

आज स्कूलों में चेस युवाओं के लिए, बच्चों के लिए एक एजुकेशन टूल के रूप में इस्तेमाल हो रहा है: PM

— PMO India (@PMOIndia) June 19, 2022

जैसे शतरंज के हर मोहरे की अपनी यूनिक ताकत होती है, उसकी यूनिक क्षमता होती है।

अगर आपने एक मोहरे को लेकर सही चाल चल दी, उसकी ताकत का सही इस्तेमाल कर लिया तो वो सबसे शक्तिशाली बन जाता है: PM @narendramodi

— PMO India (@PMOIndia) June 19, 2022

शतरंज के खेल की एक और बड़ी खासियत होती है- दूरदृष्टि।

शतरंज हमें बताता है कि शॉर्ट टर्म सक्सेस के बजाय दूर की सोच रखने वालों को ही असली कामयाबी मिलती है: PM @narendramodi

— PMO India (@PMOIndia) June 19, 2022

हमारे देश में प्रतिभाओं की कमी नहीं है।

देश के युवाओं में साहस, समर्पण और सामर्थ्य की कमी नहीं है।

पहले हमारे इन युवाओं को सही प्लेटफ़ार्म के लिए इंतज़ार करना पड़ता था।

आज ‘खेलो इंडिया’ अभियान के तहत देश इन प्रतिभाओं को खुद तलाश भी रहा है, तराश भी रहा है: PM @narendramodi

— PMO India (@PMOIndia) June 19, 2022

*******