ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ମୁମ୍ବାଇ ରାଜ ଭବନରେ ଜଲ ଭୂଷଣ ସୌଧ ଏବଂ ବିପ୍ଲବୀମାନଙ୍କ ଗ୍ୟାଲେରୀର ଉଦଘାଟନ କରିଛନ୍ତି । ଏହି କାର୍ଯ୍ୟକ୍ରମରେ ମହାରାଷ୍ଟ୍ରର ରାଜ୍ୟପାଳ ଶ୍ରୀ ଭଗତ ସିଂହ କୋଶିୟାରୀ ଏବଂ ମହାରାଷ୍ଟ୍ରର ମୁଖ୍ୟମନ୍ତ୍ରୀ ଶ୍ରୀ ଉଦ୍ଧବ ଠାକରେ ଉପସ୍ଥିତ ଥିଲେ ।

ପ୍ରାରମ୍ଭରେ ପ୍ରଧାନମନ୍ତ୍ରୀ ଆଜି ଭାଟ ପୂର୍ଣ୍ଣିମା ଏବଂ କବୀର ଜୟନ୍ତୀର ଶୁଭେଚ୍ଛା ଜଣାଇଥିଲେ । ଏହି ସମାବେଶକୁ ସମ୍ବୋଧିତ କରି ପ୍ରଧାନମନ୍ତ୍ରୀ କହିଛନ୍ତି ଯେ ମହାରାଷ୍ଟ୍ର ଦେଶକୁ ଅନେକ କ୍ଷେତ୍ରରେ ପ୍ରେରଣା ଦେଇଛି । ସେ ଆହୁରି ମଧ୍ୟ କହିଛନ୍ତି ଯେ ଜଗତଗୁରୁ ଶ୍ରୀ ସନ୍ଥ ତୁକାରାମ ମହାରାଜଙ୍କ ଠାରୁ ବାବାସାହେବ ଆମ୍ବେଦକରଙ୍କ ପର୍ଯ୍ୟନ୍ତ ସମାଜ ସଂସ୍କାରକମାନଙ୍କର ଏକ ସମୃଦ୍ଧ ଉତ୍ତରାଧିକାରୀ ଅଛି । ପ୍ରଧାନମନ୍ତ୍ରୀ କହିଛନ୍ତି ଯେ ମହାରାଷ୍ଟ୍ରରୁ ସନ୍ଥ ଦୀନେଶ୍ୱର ମହାରାଜ, ସନ୍ଥ ନାମଦେବ, ସନ୍ଥ ରାମଦାସ ଏବଂ ସନ୍ଥ ଚୋଖାମେଲା ଦେଶକୁ ଶକ୍ତି ଯୋଗାଇ ଦେଇଛନ୍ତି । ଯଦି ଆମେ ସ୍ୱରାଜର କଥା କହିବା ତେବେ ପ୍ରଧାନମନ୍ତ୍ରୀ କହିଛନ୍ତି, ଛତ୍ରପତି ଶିବାଜୀ ମହାରାଜ ଏବଂ ଛତ୍ରପତି ସାମ୍ଭଜୀ ମହାରାଜଙ୍କ ଜୀବନୀ ଆଜି ମଧ୍ୟ ପ୍ରତ୍ୟେକ ଭାରତୀୟଙ୍କ ମଧ୍ୟରେ ଦେଶପ୍ରେମର ଭାବନାକୁ ଉଜ୍ଜୀବିତ କରିଥାଏ । ପ୍ରଧାନମନ୍ତ୍ରୀ ମଧ୍ୟ ରାଜ ଭବନର ସ୍ଥାପତ୍ୟରେ ପ୍ରାଚୀନ ମୂଲ୍ୟବୋଧ ଏବଂ ସ୍ୱାଧୀନତା ସଂଗ୍ରାମର ସ୍ମୃତିର ଅର୍ନ୍ତଭୁକ୍ତିକୁ ଉଲ୍ଲେଖ କରିଥିଲେ ଏବଂ ରାଜ ଭବନକୁ ଲୋକ ଭବନରେ ପରିଣତ କରିବାର ଆବେଗକୁ ପ୍ରଶଂସା କରିଥିଲେ ।

ଜାଣିଶୁଣି କିମ୍ବା ଅଜାଣତରେ ହେଉ, ପ୍ରଧାନମନ୍ତ୍ରୀ କହିଛନ୍ତି, ଆମେ ଭାରତର ସ୍ୱାଧୀନତାକୁ କିଛି ଘଟଣାରେ ସୀମିତ ରଖିଛୁ । ଯେତେବେଳେ କି, ଭାରତର ସ୍ୱାଧୀନତା ଅଗଣିତ ଲୋକଙ୍କ ‘ତପସ୍ୟା’ ସହିତ ଜଡିତ ଥିଲା ଏବଂ ସ୍ଥାନୀୟ ସ୍ତରରେ ଅନେକ ଘଟଣାର ସାମୂହିକ ପ୍ରଭାବ ଜାତୀୟ ସ୍ତରର ଥିଲା । ଉପାୟ ଭିନ୍ନ ଥିଲା କିନ୍ତୁ ସଂକଳ୍ପ ସମାନ ଥିଲା ବୋଲି ପ୍ରଧାନମନ୍ତ୍ରୀ କହିଛନ୍ତି । ସେ ଉଲ୍ଲେଖ କରିଛନ୍ତି ଯେ ସାମାଜିକ, ପାରିବାରିକ କିମ୍ବା ଆଦର୍ଶଗତ ଭୂମିକା ର୍ନିବିଶେଷରେ, ଆନ୍ଦୋଳନର ସ୍ଥାନ, ଦେଶ ଭିତରେ କିମ୍ବା ବିଦେଶରେ ହେଉ, ଲକ୍ଷ୍ୟ ହେଉଛି ଭାରତର ସମ୍ପୂର୍ଣ୍ଣ ସ୍ୱାଧୀନତା । ବାଲ ଗଙ୍ଗାଧର ତିଲକ, ଚାପେକର ଭାତୃବୃନ୍ଦ, ବାସୁଦେବ ବଲୱନ୍ତ ଫାଡକ ଏବଂ ମ୍ୟାଡାମ ଭିକାଇଜୀ କାମାଙ୍କ ବହୁମୁଖୀ ଅବଦାନକୁ ପ୍ରଧାନମନ୍ତ୍ରୀ ମନେ ପକାଇଛନ୍ତି । ସେ ଆହୁରି ମଧ୍ୟ ସୂଚାଇ ଦେଇଛନ୍ତି ଯେ ସ୍ୱାଧୀନତା ସଂଗ୍ରାମ ଉଭୟ ସ୍ଥାନୀୟ ତଥା ବିଶ୍ୱବ୍ୟାପୀ ବିସ୍ତାର କରିଛି । ସେ ସ୍ୱାଧୀନତା ସଂଗ୍ରାମର ବିଶ୍ୱ ସ୍ତରର ଉଦାହରଣ ସ୍ୱରୂପ ଗଦର ପାର୍ଟି, ନେଟାଜୀଙ୍କ ନେତୃତ୍ୱାଧୀନ ଆଜାଦ ହିନ୍ଦ୍‍ ଫୌଜ ଏବଂ ଶ୍ୟାମଜୀ କୃଷ୍ଣ ବର୍ମାଙ୍କ ଇଣ୍ଡିଆ ହାଉସର ଉଦାହରଣ ଦେଇଛନ୍ତି । ସେ କହିଛନ୍ତି ଯେ, ଲୋକାଲ ଟୁ ଗ୍ଲୋବାଲ ର ଆବେଗ ଆମର ଆତ୍ମନିର୍ଭର ଭାରତ ଅଭିଯାନର ଆଧାର ଅଟେ ।

ପ୍ରଧାନମନ୍ତ୍ରୀ ଉଲ୍ଲେଖ କରିଛନ୍ତି ଯେ ଲୁକ୍କାୟିତ ହିରୋମାନଙ୍କ ପ୍ରତି ଉଦାସୀନତା ଦୀର୍ଘ ସମୟ ଧରି ଚାଲିଥିଲା । ମହାନ ସ୍ୱାଧୀନତା ସଂଗ୍ରାମୀ ଶ୍ୟାମଜୀ କୃଷ୍ଣ ବର୍ମାଙ୍କ ମୃତଦେହ ଭାରତରେ ପହଞ୍ଚିବାକୁ ଏତେ ଦିନ ପର୍ଯ୍ୟନ୍ତ ଅପେକ୍ଷା କରିଥିଲା ଯେତେ ଦିନ ପର୍ଯ୍ୟନ୍ତ ଶ୍ରୀ ମୋଦୀ ନିଜେ ତାଙ୍କୁ ଭାରତକୁ ଫେରାଇ ନଆଣିଛନ୍ତି ।

ପ୍ରଧାନମନ୍ତ୍ରୀ ମନ୍ତବ୍ୟ ଦେଇଛନ୍ତି ଯେ ମୁମ୍ବାଇ ହେଉଛି ସ୍ୱପ୍ନର ସହର, ତଥାପି ମହାରାଷ୍ଟ୍ରରେ ଏପରି ଅନେକ ସହର ଅଛି, ଯାହା ଏକବିଂଶ ଶତାବ୍ଦୀରେ ଦେଶର ଅଭିବୃଦ୍ଧିର କେନ୍ଦ୍ର ହେବାକୁ ଯାଉଛି । ଏହି ଚିନ୍ତାଧାରା ସହିତ ଗୋଟିଏ ପଟେ ମୁମ୍ବାଇର ଭିତ୍ତିଭୂମିର ଆଧୁନିକୀକରଣ କରାଯାଉଛି ଏବଂ ସେହି ସମୟରେ ଅନ୍ୟ ସହରରେ ମଧ୍ୟ ଆଧୁନିକ ସୁବିଧା ସୁଯୋଗ ବୃଦ୍ଧି କରାଯାଉଛି ବୋଲି ସେ ଦର୍ଶାଇଛନ୍ତି ।

ପ୍ରଧାନମନ୍ତ୍ରୀ ସମସ୍ତଙ୍କୁ ନିଶ୍ଚିତ କରିବାକୁ କହିଛନ୍ତି ଯେ ସେମାନଙ୍କର ଯେକୌଣସି ଭୂମିକା ଥାଇପାରେ, ସେମାନେ ଜାତୀୟ ପ୍ରତିଶ୍ରୁତିକୁ ଦୃଢ କରିବା ପାଇଁ ଲକ୍ଷ୍ୟ ରଖିବା ଉଚିତ ଏବଂ ଜାତୀୟ ବିକାଶରେ ସବକା ପୟାସକୁ ପୁନରାବୃତ୍ତି କରିବା ଉଚିତ୍‍ ।

ଜଲ୍‍ ଭୂଷଣ ୧୮୮୫ ମସିହାରୁ ମହାରାଷ୍ଟ୍ରର ରାଜ୍ୟପାଳଙ୍କ ସରକାରୀ ବାସଭବନ ଅଟେ । ଏହାର ଜୀବନକାଳ ସମାପ୍ତ ହେବା ପରେ ଏହାକୁ ଭାଙ୍ଗି ଦିଆଯାଇଥିଲା ଏବଂ ସେହି ସ୍ଥାନରେ ଏକ ନୂତନ କୋଠା ନିର୍ମାଣକୁ ଅନୁମତି ଦିଆଯାଇଥିଲା । ନୂତନ କୋଠା ପାଇଁ ଭିତ୍ତିପ୍ରସ୍ତର ସ୍ଥାପନ ଅଗଷ୍ଟ ୨୦୧୯ ରେ ଭାରତର ମାନ୍ୟବର ରାଷ୍ଟ୍ରପତିଙ୍କ ଦ୍ୱାରା ହୋଇଥିଲା । ପୁରୁଣା କୋଠାର ସମସ୍ତ ବିଶେଷ ଗୁଣ ନୂତନ ଭାବରେ ର୍ନିମିତ ସୌଧରେ ସଂରକ୍ଷିତ କରାଯାଇଛି । ୨୦୧୬ ରେ, ମହାରାଷ୍ଟ୍ରର ତତ୍କାଳୀନ ରାଜ୍ୟପାଳ ଶ୍ରୀ ବିଦ୍ୟାସାଗର ରାଓ ରାଜଭବନରେ ଏକ ବଙ୍କର ଦେଖିବାକୁ ପାଇଥିଲେ । ଏହା ପୂର୍ବରୁ ବ୍ରିଟିଶମାନେ ଅସ୍ତ୍ରଶସ୍ତ୍ର ଏବଂ ଗୋଳାବାରୁଦ ପାଇଁ ଗୁପ୍ତ ଭଣ୍ଡାର ଭାବରେ ଏହାକୁ ବ୍ୟବହାର କରୁଥିଲେ । ୨୦୧୯ ରେ ବଙ୍କରକୁ ନବୀକରଣ କରାଯାଇଥିଲା । ମହାରାଷ୍ଟ୍ରର ସ୍ୱାଧୀନତା ସଂଗ୍ରାମୀ ତଥା ବିପ୍ଳବୀଙ୍କ ଅବଦାନକୁ ସ୍ମରଣ କରିବା ପାଇଁ ଗ୍ୟାଲେରୀକୁ ଏହାର ଏକ ସଂଗ୍ରହାଳୟ ଭାବରେ ବଙ୍କରରେ ବିକଶିତ କରାଯାଇଛି । ଏହା ଅନ୍ୟମାନଙ୍କ ମଧ୍ୟରେ ବାସୁଦେବ ବଲୱନ୍ତ ଫାଡକେ, ଚାଫେକର ଭାତୃବୃନ୍ଦ, ସାଭରକର ଭାତୃବୃନ୍ଦ, ମ୍ୟାଡାମ୍ ଭିକାଜୀ କାମା, ଭି ବି ଗୋଗେଟ୍‌, ୧୯୪୬ର ନୌସେନା ବିରୁଦ୍ଧରେ ବିଦ୍ରୋହର ଅବଦାନ ପାଇଁ ଶ୍ରଦ୍ଧାଞ୍ଜଳି ଅର୍ପଣ କରେ ।

HS