કેન્દ્રીય મંત્રી શ્રી અનુરાગ ઠાકુરે આજે કોવિડ-19 મહામારીના મુશ્કેલ સમયમાં ભારતીય મીડિયા દ્વારા ભજવવામાં આવેલી ભૂમિકાને બિરદાવી હતી. 17મી એશિયા મીડિયા સમિટમાં વીડિયો કૉન્ફરન્સિંગ દ્વારા તેમનું વક્તવ્ય આપતા મંત્રી શ્રીએ કહ્યું કે ભારતીય મીડિયાએ સુનિશ્ચિત કર્યું કે કોવિડ જાગૃતિ સંદેશાઓ, મહત્વપૂર્ણ સરકારી માર્ગદર્શિકા અને ડૉક્ટરો સાથે મફત સલાહ દેશના દરેક લોકો સુધી પહોંચે. તેમણે જણાવ્યું હતું કે, દૂરદર્શન અને ઓલ ઈન્ડિયા રેડિયોએ જાહેર સેવાના તેમના આદેશ પર નોંધપાત્ર રીતે વિતરિત કર્યું છે તે ત્વરિત કવરેજ, ગ્રાઉન્ડ રિપોર્ટ્સ અને જાહેર આરોગ્ય પરના કાર્યક્રમોનાં આયોજન દ્વારા દિશા-રૂખ સ્થાપિત કરવામાં તેમની ભૂમિકા દ્વારા સાબિત થયું છે.

ખોટી માહિતીની અન્ય મહામારી પર બોલતા, મંત્રી શ્રીએ જણાવ્યું હતું કે "મીડિયામાં ફરતા વણચકાસાયેલ દાવાઓ અને નકલી સામગ્રીએ લોકોમાં ભારે ભયનું વાતાવરણ ઊભું કર્યું છે." પ્રેસ ઇન્ફર્મેશન બ્યુરોના ફેક્ટ ચેક યુનિટને યશ આપતા તેમણે ઉમેર્યું હતું કે સમયસર, રિયલ ટાઇમ આધારે નકલી સમાચાર અને ખોટી માહિતીને ફોડીને આ જોખમ સામે મજબૂત લડત આપી હતી.

કોવિડ19 સામેની લડાઈમાં સરકારની સિદ્ધિઓ પર વધુ પ્રકાશ પાડતા, શ્રી અનુરાગ ઠાકુરે જણાવ્યું હતું કે 1.3 અબજની વસ્તીને રસીકરણ કરવું ખૂબ જ પડકારજનક હતું, ત્યારે ભારતે સરકાર, કોવિડ લડવૈયાઓ અને નાગરિક સમાજના સંયુક્ત પ્રયાસોને કારણે તેની મોટા ભાગની વસ્તીને રસી આપી છે.

આ બોજને વહેંચવા અને પહોંચાડવા માટે મીડિયાને શ્રેય આપતાં મંત્રી શ્રીએ કહ્યું, “આ પ્રયાસમાં, ભારતીય મીડિયાએ લોકોને કોરોનાવાયરસ સામે રસીકરણના ફાયદા વિશે શિક્ષિત કરવામાં ખૂબ જ મહત્વપૂર્ણ ભૂમિકા ભજવી હતી. અમે ઘણા અંતરાયોનો સામનો કર્યો. મુખ્ય પડકારો પૈકી એક રસીની સંકોચ હતો. જે સાચા સંદેશાઓ અને શિક્ષણ વડે મીડિયા દ્વારા તોડવામાં આવ્યો હતો. આપણા પ્રધાનમંત્રી શ્રી મોદી ઓલ ઈન્ડિયા રેડિયો કાર્યક્રમો દ્વારા અથવા ટીવી ચેનલો દ્વારા નાગરિકોને સંબોધિત કરે છે અને રસી વિશે સ્પષ્ટ સંદેશ આપવા માટે આ વાતને સ્પષ્ટ કરે છે.”

આ વર્ષે એશિયા મીડિયા સમિટની થીમ છે “ફ્યુચર ફોરવર્ડ, રીઇમેજિંગ મીડિયા”, અને મીડિયાની બદલાતી ડિલિવરી મિકેનિઝમ પર ભાર મૂકતા શ્રી ઠાકુરે ટિપ્પણી કરી હતી કે મીડિયા આજે, ઉચ્ચ તકનીકી આધારિત છે અને નવીનતાની ઝડપી ગતિ અનુભવી રહ્યું છે. સસ્તાં મોબાઇલ ઉપકરણો દ્વારા ઇન્ટરનેટની વૃદ્ધિએ મીડિયા ઉદ્યોગને ફરીથી પ્રજ્વલિત કર્યો છે. તેમણે ઉમેર્યું હતું કે 5G ટેક્નોલોજી યુઝર અનુભવને વધુ વધારશે, જેમાં ડિલિવરીની ઝડપમાં વધારો થશે અને મીડિયા સામગ્રીની ગુણવત્તામાં સુધારો થશે.

જો કે, શ્રી ઠાકુરે એમ પણ કહ્યું હતું કે ભલે ગમે તે ટેકનોલોજિકલ પ્રગતિ હોય, સામગ્રીની વિશ્વાસપાત્રતા  હંમેશા મુખ્ય રહેશે. આપણે માહિતીના મુક્ત પ્રવાહના અધિકાર વિશે વાત કરી શકીએ છીએ, આપણે સાચી માહિતીના પ્રસારની જરૂરિયાત વિશે પણ વાત કરવાની જરૂર છે, એમ તેમણે ઉમેર્યું.

કાન્સ ખાતે સિનેમા દ્વારા ભારતીય સૌમ્ય શક્તિનાં તાજેતરનાં અભૂતપૂર્વ પ્રદર્શનને યાદ કરતાં શ્રી ઠાકુરે જણાવ્યું હતું કે ભારતીય સિનેમાએ વિશ્વભરના કરોડો લોકોનાં હૃદય પર રાજ કર્યું છે અને ભારત માટે એક ઓળખ ઊભી કરી છે. આ ઉત્સવમાં જે રીતે ભારતની ફિલ્મોને ફિલ્મપ્રેમીઓ તરફથી જબરદસ્ત તાળીઓ મળી તે સ્પષ્ટ હતું. 3000 રિલીઝ સાથે, ભારતમાં દર વર્ષે સૌથી વધુ ફિલ્મોનું નિર્માણ થાય છે. તેમણે વધુમાં ભારતમાં ફિલ્મ શૂટિંગના પ્રચાર માટે કાન્સ ખાતે જાહેર કરાયેલ પ્રોત્સાહનોનો પુનરોચ્ચાર કર્યો.

ભારતના સમૃદ્ધ સાંસ્કૃતિક વારસાની જાળવણી અને સંવર્ધનને પ્રાધાન્ય આપવાનું પ્રધાનમંત્રી શ્રી નરેન્દ્ર મોદીનું વિઝન છે. તે વિઝનને પરિપૂર્ણ કરવા માટે સરકારે નેશનલ ફિલ્મ હેરિટેજ મિશન હેઠળ વિશ્વના સૌથી મોટા ફિલ્મ રિસ્ટોરેશન પ્રોજેક્ટની જાહેરાત કરી છે. આ ઝુંબેશના ભાગરૂપે, ભાષાઓ અને શૈલીઓની 2200થી વધુ ફિલ્મોને તેમના ભૂતપૂર્વ ગૌરવને પુનઃસ્થાપિત કરવામાં આવશે, શ્રી ઠાકુરે દર્શકોને માહિતી આપતા ઉમેર્યું હતું કે સંરક્ષણ પેઢીઓને જોડે છે. નવી પેઢીઓએ એ મૂલ્યોને જાણવા, સ્વીકારવા અને આત્મસાત કરવા જોઈએ જે આપણા પૂર્વજોએ પોષ્યા હતા.

શ્રી ઠાકુરે બ્રિટિશ શાસનથી દેશની આઝાદીનાં 75 વર્ષની ઉજવણી વિશે શ્રોતાઓને માહિતગાર કર્યા હતા અને કહ્યું હતું કે પ્રધાનમંત્રી શ્રી મોદીનાં નેતૃત્વમાં આપણે આપણી ઐતિહાસિક નૈતિકતા, પરંપરાગત મૂલ્યો, સાંસ્કૃતિક નીતિને ફરી જીવી રહ્યા છીએ. આપણી યુવા પેઢી આપણા સ્વાતંત્ર્ય સેનાનીઓએ આઝાદી માટે આપેલાં બલિદાન વિશે વધુ જાગૃત બની રહી છે.

મંત્રીએ વિશ્વમાં મીડિયા દ્વારા ભજવવામાં આવતી સકારાત્મક ભૂમિકા અંગેની તેમની દૃઢ માન્યતા વ્યક્ત કરીને સમાપન કર્યું અને કહ્યું કે, સશક્તીકરણનાં અસરકારક સાધન તરીકે સાચી જાહેર ધારણાઓ અને દૃષ્ટિકોણને આકાર આપવાની મીડિયા પાસે અપાર ક્ષમતા છે.