প্রধানমন্ত্রীগী লোইশঙ
প্রধান মন্ত্রীনা জপান্দা ভারতমচাশিংগা উনখ্রে
Posted On:
23 MAY 2022 6:25PM by PIB Imphal
মে ২৩ ২০২২দা জপান্দা লৈবা ভারতমচা ৭০০ হেনবদা প্রধান মন্ত্রী শ্রী নরেন্দ্র মোদীনা ৱা ঙাংখ্রে অমসুং মখোয়গা ৱারি-ৱাতাই শানখ্রে।
থৌরম অদুগী মমাঙদা, প্রধান মন্ত্রীনা ভারতকী মরমদা থিজিনবা জপানমচাশিং, শান্নরোয়শিং অমসুং ভারত অমসুং জপানগী মরক্তা কলচর অমসুং মীগা মীগা চৎথোক-চৎশিন তৌনবদা মতেং পাংলিবা কলচরগী কলাকারশিংগা উনখি। প্রধান মন্ত্রীনা জপান্দা লৈবা প্রভাসি ভারতিয়া সাম্মান মনা ফংলবশিংগা উনখি। জপান্দা ভারতমচা ৪০,০০০ হেন্না লৈরি।
মখোয়গী হৈশিংবা, লৌশিং অমসুং ওন্ত্রেপ্রেনিউয়রশিপ অমসুং মখোয়না মমা লৈবাক্কা শম্নবগীদমক প্রধান মন্ত্রীনা ভারতমচাশিং থাগৎখি। শ্বামী বিভেকানন্দা অমসুং রবিন্দ্র নাথ তেগোর নিংশিংলদুনা, ভারত অমসুং জপানগী মরক্তা লৈনরিবা কলচরগী অচেৎপা মরীশিং প্রধান মন্ত্রীনা থমখি। হন্দক চহি খর অসিদা ইনফ্রাস্ত্রকচর, লৈঙাক, অকোয়বগী ফিবম শোকহন্দনা চাউখৎ-থৌরাংগী থবক পায়খৎপা, দিজিতেল রিভোলুসনগী লমদা ভারত্তা অওনবা কয়া পুরকখিবা অমসুং তোঙান-তোঙানবা শেন-থুমগী চাউখৎপা কয়া পুরকখিবা অদু মহাক্না ফোঙদোকখি। ‘ভারত চালো, ভারত সে জুদো’ খোঙজং শরুক য়ানবা অমসুং মাঙলোমদা চংশিন্নবা মহাক্না ভারতমচাশিংদা খঙহনখি।
*****
(Release ID: 1827756)
Visitor Counter : 124
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam