ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ଜାପାନରେ ଥିବା ଭାରତୀୟ ସମ୍ପ୍ରଦାୟ ସହିତ ଆଲୋଚନା କରିଛନ୍ତି ପ୍ରଧାନମନ୍ତ୍ରୀ
Posted On:
23 MAY 2022 6:25PM by PIB Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ୨୩ ମଇ ୨୦୨୨ ରେ ଜାପାନରେ ଥିବା ୭୦୦ ରୁ ଅଧିକ ପ୍ରବାସୀ ଭାରତୀୟ ସଦସ୍ୟଙ୍କୁ ସମ୍ବୋଧିତ ଏବଂ ଆଲୋଚନା କରିଛନ୍ତି ।
ଏହି କାର୍ଯ୍ୟକ୍ରମ ପୂର୍ବରୁ ପ୍ରଧାନମନ୍ତ୍ରୀ ଜାପାନର ଇଣ୍ଡୋଲୋଜିଷ୍ଟ, କ୍ରୀଡ଼ାବିତ୍ ଏବଂ ସାଂସ୍କୃତିକ କଳାକାରଙ୍କ ସହ ସାକ୍ଷାତ କରିଥିଲେ ଯେଉଁମାନେ ଭାରତ ଏବଂ ଜାପାନ ମଧ୍ୟରେ ସାଂସ୍କୃତିକ ତଥା ଲୋକମାନଙ୍କ ମଧ୍ୟରେ ଭାବ ବିନିମୟକୁ ପ୍ରୋତ୍ସାହିତ କରୁଛନ୍ତି । ପ୍ରଧାନମନ୍ତ୍ରୀ ଜାପାନରେ ପ୍ରଭାସୀ ଭାରତୀୟ ସମ୍ମାନ ପୁରସ୍କାର ପ୍ରାପ୍ତ ବ୍ୟକ୍ତିଙ୍କୁ ମଧ୍ୟ ଭେଟିଛନ୍ତି । ଜାପାନରେ ୪୦,୦୦୦ ରୁ ଅଧିକ ପ୍ରବାସୀ ଭାରତୀୟ ରହିଛନ୍ତି ।
ଭାରତୀୟ ସମ୍ପ୍ରଦାୟ ସଦସ୍ୟଙ୍କୁ ସେମାନଙ୍କର ଦକ୍ଷତା, ପ୍ରତିଭା ଏବଂ ଉଦ୍ୟୋଗୀତା ଏବଂ ମାତୃଭୂମି ସହିତ ଯୋଗାଯୋଗ ପାଇଁ ପ୍ରଧାନମନ୍ତ୍ରୀ ପ୍ରଶଂସା କରିଥିଲେ । ସ୍ୱାମୀ ବିବେକାନନ୍ଦ ଏବଂ ରବୀନ୍ଦ୍ର ନାଥ ଟାଗୋରଙ୍କ ଆହ୍ୱାନ ଦେଇ ପ୍ରଧାନମନ୍ତ୍ରୀ ଭାରତ ଏବଂ ଜାପାନ ମଧ୍ୟରେ ଥିବା ଗଭୀର ସାଂସ୍କୃତିକ ସମ୍ପର୍କ ଉପରେ ଆଲୋକପାତ କରିଛନ୍ତି । ନିକଟ ଅତୀତରେ ଭାରତରେ ବିଭିନ୍ନ ସାମାଜିକ-ଅର୍ଥନୈତିକ ବିକାଶ ଏବଂ ସଂସ୍କାରମୂଳକ ପଦକ୍ଷେପ ବିଶେଷ ଭାବରେ ଭିତ୍ତିଭୂମି, ପ୍ରଶାସନ, ସବୁଜ ବିକାଶ, ଡିଜିଟାଲ୍ ବିପ୍ଳବ ଉପରେ ସେ ଆଲୋକପାତ କରିଥିଲେ । ସେ "ଭାରତ ଚଲୋ, ଭାରତ ସେ ଯୋଡୋ” ର ଅଭିଯାନରେ ଯୋଗଦେବା ପାଇଁ ଭାରତୀୟ ସମ୍ପ୍ରଦାୟକୁ ଆମନ୍ତ୍ରଣ କରିଥିଲେ ।
HS
(Release ID: 1827735)
Visitor Counter : 126
Read this release in:
English
,
Urdu
,
Marathi
,
Hindi
,
Assamese
,
Bengali
,
Manipuri
,
Punjabi
,
Gujarati
,
Tamil
,
Telugu
,
Kannada
,
Malayalam