প্রধানমন্ত্রীগী লোইশঙ
প্রধান মন্ত্রীনা এপ্রিল ২৯দা গ্লোবেল পতিদার ব্যুজিনেস সমিৎ হৌদোক্কনি
Posted On:
28 APR 2022 6:13PM by PIB Imphal
প্রধান মন্ত্রী, শ্রী নরেন্দ্র মোদীনা এপ্রিল ২৯গী নুমিৎ য়ুংবগী পুং ১২ তাবা মতমদা ভিদিও কনফরেন্সিংগী খুত্থাংদা সর্দারধাম্না শীনবা গ্লোবেল পতিদার ব্যুজিনেস সমিৎ (জি.পি.বি.এস.) হৌদোক্কনি।
সর্দারধাম্না পতিদার খুন্নাইগী সোসিও-ইকোনোমিক দিভেলপমেন্ততা শাফু পীনবগীদমক্তা ‘মিসন ২০২৬’কী মখাদা জি.পি.বি.এস. অসি শীনবনি। সম্মিৎ অসি চহি অনি খুদিংগী পাংথোকপনি। খ্বাইদগী অহানবা সম্মিৎ অনিনা ইং ২০১৮ অমসুং ২০২০দা গান্ধীনগরদা পাংথোকখি অমসুং হৌজিক্কী সমিৎ অসিনা সুরত্তা পাংথোক্কদবনি। জি.বি.পি.এস. ২০২২গী মরু ওইবা থীমদি “মরোমদোম লেপচবা ঙম্বা গুজরাত অমসুং ভারতকী মরোমদোম লেপচবা ঙম্বা খুন্নাই” হায়বসিনি। সম্মিৎ অসিনা খুন্নাই মনুংদা স্মোল, মিদিয়ম অমসুং লার্জ ইন্তর্প্রাইসশিংবু অমত্তা ওইনা পুশিল্লক্নবা; অনৌবা ওন্তোপ্রিনর শেমগৎপা অমসুং শৌগৎপা অমসুং মহৈ-মশিং হৈবা নহারোলশিংদা ত্রেনিং পীদুনা থবক ফংহনবদা তেংবাংবগী পান্দম থম্লি। নুমিৎ হুম্নি চত্থগদবা সম্মিৎ অসি এপ্রিল ২৯দগী মে ১ ফাওবা পাংথোক্কনি অমসুং অতোপ্পা হীরম কয়াগী মরক্তগী সরকারগী ইন্দস্ত্রীগী পোলিসী, এম.এস.এম.ই., স্তার্ত-অপ, ইন্নোভেসনগা মরী লৈনবা হীরম কয়াগী মতাংদা খন্নগনি।
****
(Release ID: 1821089)
Visitor Counter : 141
Read this release in:
Assamese
,
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam