ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ତାଙ୍କ ବାର୍ତ୍ତାରେ ହିମାଚଳ ପ୍ରଦେଶର ୭୫ ତମ ପ୍ରତିଷ୍ଠା ଦିବସରେ ଶୁଭେଚ୍ଛା ଜଣାଇଛନ୍ତି ଏବଂ ସ୍ୱାଧୀନତାର ୭୫ ତମ ବର୍ଷରେ ୭୫ ତମ ପ୍ରତିଷ୍ଠା ଦିବସ ଆସିବା ଖୁସିର କଥା ବୋଲି କହିଛନ୍ତି । ଆଜାଦୀ କା ଅମୃତ ମହୋତ୍ସବ ସମୟରେ ରାଜ୍ୟର ପ୍ରତ୍ୟେକ ବାସିନ୍ଦାଙ୍କ ନିକଟରେ ବିକାଶର ଅମୃତ ପହଞ୍ଚାଇବାର ପ୍ରତିବଦ୍ଧତାକୁ ସେ ଦୋହରାଇଛନ୍ତି ।

ବ୍ୟକ୍ତିଗତ ଟିପ୍ପଣୀାୀ ପ୍ରଧାନମନ୍ତ୍ରୀ ଶ୍ରୀ ଅଟଳ ବିହାରୀ ବାଜପେୟୀଙ୍କ ଏକ କବିତାର ଉଦ୍ଧୃତ କରିଛନ୍ତି ଏବଂ ପରିଶ୍ରମୀ ତଥା ନିଷ୍ଠାପର ଲୋକ ଏବଂ ଏହି ସୁନ୍ଦର ରାଜ୍ୟ ସହିତ ତାଙ୍କର ଦୀର୍ଘ ଦିନର ସମ୍ପର୍କକୁ ମନେ ପକାଇଛନ୍ତି ।

୧୯୪୮ ମସିହାରେ ଗଠନ ସମୟରେ ଏହି ପାହାଡ଼ିଆ ରାଜ୍ୟର ଆହ୍ୱାନଗୁଡ଼ିକୁ ସ୍ମରଣ କରି ପ୍ରଧାନମନ୍ତ୍ରୀ ଆହ୍ୱାନକୁ ସୁଯୋଗରେ ପରିଣତ କରିବା ପାଇଁ ହିମାଚଳ ପ୍ରଦେଶର ଲୋକମାନଙ୍କୁ ପ୍ରଶଂସା କରିଥିଲେ । ଉଦ୍ୟାନ କୃଷି, ବଳକା ବିଦ୍ୟୁତ, ସାକ୍ଷରତା ହାର, ଗ୍ରାମୀଣ ସଡ଼କ ସଂଯୋଗ, ଟ୍ୟାପ୍ ଜଳ ଏବଂ ପ୍ରତ୍ୟେକ ଘରକୁ ବିଦ୍ୟୁତ୍‍ ଯୋଗାଣ କ୍ଷେତ୍ରରେ ରାଜ୍ୟର ସଫଳତାକୁ ସେ ପ୍ରଶଂସା କରିଛନ୍ତି । ଗତ ୭-୮ ବର୍ଷ ମଧ୍ୟରେ ଏହି ସଫଳତା ମିଳିବା ଉପରେ ଆଲୋକପାତ କରିଥିଲେ । ଜୟ ରାମ ଜୀଙ୍କର ଯୁବ ନେତୃତ୍ୱରେ ଗ୍ରାମୀଣ ସଡ଼କ, ରାଜପଥ ପ୍ରଶସ୍ତିକରଣ, ରେଳ ନେଟୱାର୍କର ସମ୍ପ୍ରସାରଣ ପାଇଁ \'ଡବଲ୍ ଇଞ୍ଜିନ ସରକାର' ପଦକ୍ଷେପ ନେଇଛି, ଏହାର ଫଳାଫଳ ବର୍ତ୍ତମାନ ଦୃଶ୍ୟମାନ ହେଉଛି । ବିଭିନ୍ନ ଅଞ୍ଚଳକୁ ସଂଯୋଗ କ୍ଷେତ୍ରରେ ଉନ୍ନତି ଆସିବାପରେ ହିମାଚଳର ପର୍ଯ୍ୟଟନ ନୂତନ ଯୁଗ ଏବଂ ନୂତନ ଅଞ୍ଚଳରେ ପ୍ରବେଶ କରିଛି ବୋଲି ପ୍ରଧାନମନ୍ତ୍ରୀ କହିଛନ୍ତି ।

ପର୍ଯ୍ୟଟନ କ୍ଷେତ୍ରରେ ନୂତନ ପଦକ୍ଷେପ ଏବଂ ସ୍ଥାନୀୟ ଲୋକଙ୍କ ପାଇଁ ସୁଯୋଗ ଏବଂ ରୋଜଗାରର ନୂତନ ଉପାୟ ଉପରେ ପ୍ରଧାନମନ୍ତ୍ରୀ ଆଲୋକପାତ କରିଛନ୍ତି । ମହାମାରୀ ସମୟରେ ଦକ୍ଷ ତଥା ଦ୍ରୁତ ଟୀକାକରଣ ସହିତ ସେ ସ୍ୱାସ୍ଥ୍ୟ କ୍ଷେତ୍ରରେ ଅଗ୍ରଗତି ବିଷୟରେ ବିଶେଷ ଭାବରେ ଉଲ୍ଲେଖ କରିଥିଲେ ।

ହିମାଚଳ ପ୍ରଦେଶର ପୂର୍ଣ୍ଣ ସମ୍ଭାବନାକୁ ଖୋଲିବା ପାଇଁ କଠିନ ପରିଶ୍ରମ କରିବାର ଅବେଶ୍ୟକତା ଉପରେ ପ୍ରଧାନମନ୍ତ୍ରୀ ଗୁରୁତ୍ୱାରୋପ କରିଛନ୍ତି । ସେ କହିଛନ୍ତି ଯେ ଅମୃତ କାଳ ସମୟରେ ପର୍ଯ୍ୟଟନ, ଉଚ୍ଚଶିକ୍ଷା, ଗବେଷଣା, ଆଇଟି, ପ୍ରଯୁକ୍ତିବିଦ୍ୟା, ଖାଦ୍ୟ ପ୍ରକ୍ରିୟାକରଣ ଏବଂ ପ୍ରାକୃତିକ ଚାଷ କ୍ଷେତ୍ରରେ କାର୍ଯ୍ୟକୁ ଆଗକୁ ନେବା ଆବଶ୍ୟକ । ସେ କହିଛନ୍ତି ଯେ ଚଳିତ ବର୍ଷର ବଜେଟରେ ଘୋଷିତ ଭାଇବ୍ରାଣ୍ଟ ଭିଲେଜ ସ୍କିମ୍‍ ହିମାଚଳ ପ୍ରଦେଶକୁ ବହୁତ ଲାଭ ଦେବ । ସେ ଆହୁରି ମଧ୍ୟ ସଂଯୋଗୀକରଣ ବୃଦ୍ଧି, ଜଙ୍ଗଲକୁ ସମୃଦ୍ଧ କରିବା, ସ୍ୱଚ୍ଛତା ଏବଂ ଏହି ପଦକ୍ଷେପ ପାଇଁ ଲୋକଙ୍କ ଅଂଶଗ୍ରହଣ ଉପରେ କହିଥିଲେ ।  

ବିଶେଷକରି ସାମାଜିକ ସୁରକ୍ଷା କ୍ଷେତ୍ରରେ ମୁଖ୍ୟମନ୍ତ୍ରୀ ଏବଂ ତାଙ୍କ ଦଳ ଦ୍ୱାରା କେନ୍ଦ୍ରୀୟ କଲ୍ୟାଣମୂଳକ ଯୋଜନାର ସମ୍ପ୍ରସାରଣ ଉପରେ ପ୍ରଧାନମନ୍ତ୍ରୀ ମନ୍ତବ୍ୟ ଦେଇଛନ୍ତି । ସଚ୍ଚୋଟ ନେତୃତ୍ୱ, ଶାନ୍ତି ପ୍ରେମୀ ପରିବେଶ, ଦେବା ଦେବୀଙ୍କ ଆଶୀର୍ବାଦ ଏବଂ ହିମାଚଳର ଲୋକମାନେ କଠିନ ପରିଶ୍ରମ କରନ୍ତି, ଏସବୁ ତୁଳନାତ୍ମକ ନୁହେଁ । ଦ୍ରୁତ ବିକାଶ ପାଇଁ ହିମାଚଳର ସବୁକିଛି ଆବଶ୍ୟକ ବୋଲି ଶ୍ରୀ ମୋଦୀ କହିବା ସହିତ ତାଙ୍କର ବକ୍ତବ୍ୟ ଶେଷ କରିଛନ୍ତି ।

HS