وزارت صحت اور خاندانی بہبود وزارت خارجہ اور شہری ہوا بازی کی وزارت اور وزارت داخلہ کے ساتھ قریبی تعاون سے یوکرین سے ہندوستانیوں کے انخلا میں ہر ممکن تعاون فراہم کر رہی ہے۔

صحت اور خاندانی بہبود کی مرکزی وزارت نے لازمی بین الاقوامی سفری رہنما خطوط پر نظر ثانی کی ہے اور انسانی بنیادوں پر بین الاقوامی مسافروں کے لیے ایڈوائزری میں درج ذیل چھوٹ کی اجازت دی ہے:

• موجودہ ’بین الاقوامی آمد کے رہنما خطوط‘ میں بیان کردہ لازمی تقاضوں (پری بورڈنگ منفی RT-PCR ٹیسٹ رپورٹ یا مکمل ویکسین شدہ سرٹیفکیٹ) میں سے کسی ایک کو بھی پورا نہ کرنے والے ہندوستانی شہریوں کو روانگی سے قبل ان دستاویزات کو ایئر-سویدھا پورٹل پر اپ لوڈ کرنے سے چھوٹ دی گئی ہے۔
• اس کے علاوہ، جن افراد نے اپنی کووڈ-19 ویکسینیشن مکمل کر لی ہے (روانگی/ ویکسینیشن کے ملک سے قطع نظر) انہیں اگلے 14 دنوں تک اپنی صحت کی خود نگرانی کرنے کے مشورے کے ساتھ ہندوستان میں آمد کے ہوائی اڈے سے نکلنے کی اجازت دی گئی ہے۔
• اگر کوئی مسافر آنے سے قبل آر ٹی پی سی آر ٹیسٹ جمع کرانے کے قابل نہیں ہے یا جس نے اپنا کووڈ-19 ویکسینیشن مکمل نہیں کیا ہے، تو انھیں 14 دن تک اپنی صحت کی خود نگرانی کرنے کے مشورے کے ساتھ پہنچنے پر اپنے نمونے جمع کرانے کی اجازت دی گئی ہے۔ ہندوستان آنے کے بعد اگر ٹیسٹ مثبت آیا تو ان کا طبی لحاظ سے طے شدہ پروٹوکول کے مطابق انتظام کیا جائے گا۔

ہندوستانی شہریوں کی بڑی تعداد (بنیادی طور پر طلبا) نے ملک کو درپیش سیاسی بحران میں خود کو الجھا ہوا پایا ہے۔ یوکرین میں جاری کردہ ائیر مین کو نوٹس یا نوٹس ٹو ایئر مشنز (NOTAM) کے پیش نظر ان پھنسے ہوئے ہندوستانیوں کی براہ راست پروازوں کے ذریعے نکاسی نہیں کی جا سکتی۔ اسی مناسبت سے پولینڈ، رومانیہ، سلوواکیہ اور ہنگری میں ہندوستانی مشن آپریشن گنگا فلائٹس کے تحت ہندوستانی شہریوں کو یوکرین سے لانے اور انھیں اپنے اپنے ممالک سے باہر بھیجنے کے انتظامات کر رہے ہیں۔

28 فروری 2022 تک (12:00 بجے تک)، یوکرین سے ہندوستانیوں کو لے کر 5 پروازیں (ایک ممبئی اور چار دہلی میں) ہندوستان پہنچی ہیں جن میں کل 1156 مسافر سوار ہیں جن میں سے کسی بھی مسافر کو اب تک علیحدگی میں نہیں رکھا گیا ہے۔

**************

ش ح۔ ف ش ع- م ف

U: 2084