প্রধান মন্ত্রী, শ্রী নরেন্দ্র মোদীনা লুচিংবা সরকারনা ইমিগ্রেসন ভিজা ফোরেনর রেজিস্ত্রেসন ত্রেক্কিং (আই.ভি.এফ.আর.তি.) স্কিমবু লুপা করোর ১,৩৬৪.৮৮গী শেনফমগা লোয়ননা মার্চ ৩১, ২০২১দগী হেন্দোক্তুনা এপ্রিল ১, ২০২১দগী মার্চ ৩১, ২০২৬ ফাওবগী চহি ৫ মখা চত্থবগী অয়াবা পীখ্রে

স্কিম অসিবু মখা চত্থবা অসিনা মোদী সরকারনা আই.ভি.এফ.আর.তি.গী ইমিগ্রেসন অমসুং ভিজাগী সেবাশিংবু মতমগা চুনহন্নবা অমসুং অপ-গ্রেদ তৌবগী মপুং ওইবা পান্দমদা থাজবা থম্বগী মতৌ উৎলি। কেন্দ্রগী গৃহ মন্ত্রী, শ্রী অমিৎ শাহগী পাউতাক মখাদা গৃহ মন্ত্রালয়না স্কিম অসিগী খুত্থাংদা নেস্নেল সেক্যুরিতীবু মপাঙ্গল কনখৎহনবগা লোয়ননা আইন্না য়াবা ত্রাভেল্লরশিংবু কান্নবা ফংহনবা শোই-ঙামদবা অমসুং পুন্সিল্লবা সর্ভিস দেলিভরী ফ্রেমৱর্ক অমা পীবগী পান্দম থম্লি।

প্রোজেক্ত অসিনা মালেম শিনবা থুংলি অমসুং মালেম শিনবা থুংবগী ইন্দিয়ন মিসন ১৯২, ভারতকী ইমিগ্রেসন চেক পোস্ত (আই.সি.পি.) ১০৮, ফোরেনর রিজনেল রেজিস্ত্রেসন ওফিসর (এফ.আর.আর.ও.)  অমসুং ওফিস ১২, অমসুং লৈবাক শিনবা থুংবগী  ফোরেনর রেজিস্ত্রেসন ওফিসর (এফ.আর.ও.), সুপরিন্তেন্দেন্ত ওফ পুলিস (এস.পি.)/দেপ্যুতী কম্মিস্নর ওফ পুলিস (দি.সি.পি.) কোন্দুনা ইমিগ্রেসন, ভিজা পীবা, মীরমদগী লাকপা মীওইশিংবু রেজিস্তর তৌবা অমসুং মখোয়না ভারতকী মনুংদা চৎপবু ত্রেক তৌবগা মরী লৈনবা থৌওংশিংবু মরী লৈনহন্দুনা মথৌ নীংথিনা পাংথোকহন্নবা পান্দম থম্লি।

আই.ভি.এফ.আর.তি. হৌখ্রবা তুংদা, ভিজা অমসুং ও.সি.আই. কার্দ পীবগী মশিংনা ইং ২০১৪দা লাখ ৪৪.৪৩ ওইরম্বদগী কম্পাউন্দেদ এনুএল গ্রোথ রেৎ (সি.এ.জি.আর.) ৭.৭%কা লোয়ননা ইং ২০১৯দা লাখ ৬৪.৫৯দা হেনগৎখি। ভিজা প্রোসেস তৌবদা চাংচত্তা নুমিৎ ১৫দগী ৩০ ফাওবা চঙলম্বা (আই.ভি.এফ.আর.তি.গী মমাংগী মতমদা) অসি ই-ভিজাদা খ্বাইদগী য়াম্লবদা পুং ৭২ চঙদুনা হন্থরকখি অমসুং পুং ২৪গী মনুংদা ৯৫%গী চাংদা ই-ভিজা পীখি। ভারত্তা লাকপা অমসুং চৎখিবা ইন্তর্নেস্নেল ত্রাফিক অসিসু মমাংগী চহি ১০দা সি.এ.জি.আর.গী ৭.২%গা লোয়ননা করোর ৩.৭১দগী করোর ৭.৫দা হেনগৎখি।

********