ইকায় খুম্ননীংঙাই ওইরবা চেয়রমেনজী,

রাস্ত্রপতিগী ৱারোলগা মরী লৈননা মফমসিদা য়াম্না কুপ্না খন্ন-নৈনরি। রাস্ত্রপতিবু থাগৎপা ফোংদোক্নবগীদমক্তা মসিগী খন্ন-নৈনবা অসিদা ইশাগী মতম কাইথোক্তুনা শরুক য়াবীবগীদমক্তা ঐহাক্না খ্বাই পুম্নমকপু থাগৎপা ফোংদোকচরি।  ইকায় খুম্ননীংঙাই ওইরবা রাস্ত্রপতিনা মমাংগী নুমিৎশিংদা কোরোনাগী অসুম্না লুরবা মতমসিদসু লৈবাক অসিবু লমজিংবীনবা খোঙথাং কয়া পায়খৎখিবা, লৈবাক্কী দলিৎ, শোত্থরবা, লাইরবা, তোখায়না তারবা, নুপী, নহারোলশিংগী পুন্সিবু মপাঙ্গল হাপ্পা, মখোয়গী পুন্সি মহিংদা অহোংবা পুরক্নবা লৈবাক অসিদা পায়খৎখিবা থৌরাং কয়াগী শম্লপ্পা ব্লুপ্রিন্ত অমা লৈবাক্কী মাঙদা পুথোকখি। মসিদা থাজবা, ৱারেপ অমসুং কত্থোকপগী মওং উবা ফংই। ইকায় খুম্ননীংঙাই ওইবা হাউস্কী মীহুৎশিংনা মসিগী মতাংদা কুপ্না খন্ন নৈনখি। ইকায় খুম্ননীংঙাই ওইরবা খরগেজীনা লৈবাক্কী, দলগী অমসুং ইশাগী মতাংদা ৱারোল খরা থম্বীখ্রে। অনন্দ শর্মজীনা মহাক্কী মতমগী অকক্নবা খরা লৈরবসু, মহাক্না হোৎনবদি হোৎনখি। লৈবাক্কী মায় পাকপশিংবু ঐখোয়না য়াগদবনি হায়না মহাক্না ফোংদোকখি। শ্রীমান মনোজজীনা ৱারোল কয়া অসি রাজনিতীগী ৱাংমদসু ওইহনগদবনি হায়বগী পাউতাকসু পীখি। প্রসুন্না অচার্য়জীনা বীর বাল দিবস অমসুং নেতাজীগা মরী লৈনবা আইনগী ৱারোলবু থাগৎপা ফোংদোকখি। দাক্তর ফৌজিয়া খানজীনা সংবিধানগী ইকায় খুম্নবগী মতাংদা ৱাফম কয়াসু ফোংদোকখি। হাউসকী মীহুৎ খুদিংনা মশাগী থেংনখিবা, রাজনিতীগী ৱাখল্লোন অমসুং হৌজিক ওইরিবা রাজনিতীগী ফিভমগী মতাংদা য়ুম্ফম ওইবা মশা মশাগী ৱারোল মীয়ামগী মাঙদা থম্নখি। ঐহাক্না মসিগীদমক্তা ইকায় খুম্ননীংঙাই ওইরবা মীহুৎ খুদিংবু থাগৎচরি।

ইকায় খুম্ননীংঙাই ওইরবা চেয়রমেনজী,

হৌজিক ঐখোয়না লৈবাক্কী নীংতম্বগী অমৃত মহোৎসব পাংথোক্লি। নীংতম্বগী চহি ৭৫ ফারকপা মতমসিদা লৈবাকপু লমজিংনবা, থৌনা পীনবা থৌওং কয়া থাক য়াদা পায়খৎলি। ময়ামশিং অসিবু খন্নরদুনা, মসিদগী অশোইবা কয়া শেমদোক্তুনা অফবা থৌওং কয়াবু তুংলমচৎকীদমক্তা পুদুনা চৎকদবনি। হৌজিক অসিদি অনৌবা খোঙথাং পায়খৎপগী মথৌ তাবা হীরমশিংদা অনৌবা খোঙথাং পায়খৎপা, অদুগা নীংতম্বগী চহি ১০০ মপুং ফাবগী হরাও-তয়াম্বা ফোংদোকপা মতমদা ঐখোয়না লৈবাক অসিবু করম্বা থাক্তা য়ৌহনগদবনো, মতৌ করম্না পুগদবনো, করি করম্বা স্কিমগী খুত্থাংদগী পুগনি হায়বা খন্নবগী য়াম্না মতাং চারবা মতম্নি। ঐখোয়গুম্বা রাজনিতী তৌবা মীয়ামগী মীহুৎ অমসুং পার্তীগী খোংবুরোইশিংনা লৈবাক্কীদমক্তা খন্দুনা লাক্কদৌরিবা চহি ২৫ অসিদা লৈবাকপু মতৌ করম্না তুংলমচৎকীদমক্তা পুগদগে হায়বগীদমক্তা খনগদবনি। মসিদগী থোক্লকপা ৱারেপশিং অসিদা মীয়াম খুদিংনা শরুক য়াগনি হায়বগী ঐহাক্না থাজবা থম্মি। মীপুম খুদিংগী শরুক য়াওগনি, মদুনা মরম ওইরগা ঐখোয়গী চহি ৭৫গী খোঙজেল অসিদগী শরুক কয়া হেনবগা লোয়ননা ঐখোয়না পুন্দুনা লৈবাক্কীদমক্তা ইশাগী শরুক য়াম্না তম্বা য়াই।

ইকায় খুম্ননীংঙাই ওইরবা চেয়রমেনজী,

কোরোনা হায়বসি য়াম্না শাথীবা লাইচৎনি অমসুং মমাংগী চহি ১০০দা মীওইবা খুন্নাইনা মসিগুম্না চাউবা ইরাং অমা ফাওবা থেংনরক্ত্রি। অদুগা মসিগী শাথীবগী চাংসি য়েংসি, মমানা ইমুংদা নাদুনা লৈরে, অদুবু মচানা মমাগী সেবাগীদমক্তা ইমুং চঙবা য়াদে। মীওইবা খুন্নাই অপুনবগী ওইনা মসিনা কয়া য়াম্না চাউবা ইরাং অমা ওইরিবা। অদুগা, মসিগী শিংনবা অসি হৌজিকসু লোইদ্রি, মসিনা মশক অমা লৌদুনা হেক্তা লাকপা য়ারি। অমুক্কা হন্না শোকহনবা য়ারি। মসিগা থেংননবা মীওইবা জাতী অমসুং মালেম খুদিংনা অমত্তা ওইরি। মীওই খুদিংনা পাম্বৈ থিনরি। মীওই করোর ১৩০ লৈবা ভারত্তা কোরোনা হৌরকখিবা মতমদা, ভারত্তা করি থোক্কনি হায়না খন্নরম্বনি। ভারতনা মরম ওইরগা মালেমসিদা অমাঙ অতা কয়া য়াম্না থোক্কনি হায়বগী মতাংদা খন্নরম্বনি। অদুবু মীওই করোর ১৩০না অসিনা মশাগী পুন্সিদা থেংনরকপা লৌশিং পুম্নমক শিজিন্নদুনা ইরাং অসিগা থেংননবা ৱারেপ লৌবগী পাঙ্গল, মখোয়গী মরক্তা চুনবা লিচৎ শেমগৎনবা হোৎনবগী থৌওংবু ঙসিদি মালেম পুম্বনা য়েংদুনা থাগৎনরি। অমসুং মসিদি রাজনিতী দল খুদিংগী চাউথোকচনীংঙাইনি। মসদি দল অমখক্কী মতমদনি হায়বা লৈতে। মসিদি লৈবাক পুম্বগী মায় পাকপনি। মীয়াম করোর ১৩০গী মায় পাকপনি। মসিগী নুংঙাইবসি অদোম্নসু লৌরবদি ফগদবনি, অদোমগী একাউন্তসু করিগুম্বা খরদি লৈগনিনা। অদুবু, হৌজিক্তি মসিসু তাকপীবা তারি। ফরে, ভেক্সিনেসনগা মরী লৈননা, হৌজিক্কী ৱাহং হংবগী মতমদা, ঐখোয়গী ইকায়খুম্ননীংঙাই ওইরবা মন্ত্রীনা কুপ্না থম্বীখ্রে। ভারতনা ভেক্সিন শাবদা, ইন্নোভেসন তৌবদা, রিসর্চ পাংথোকপদা অমসুং মসিবু থবক্তা পাংথোকপদা মায় পাক্লবসু, মালেমসিদা ভেক্সিনগী মাইয়োক্তা অচৌবা ইহৌ অমা হৌরি। ভেক্সিন্দগী ঐহাক্না কান্নবা ফংলবা নত্ত্রগা ফংদ্রবসু, ভেক্সিন শোইদনা কাপ্লবদি, ঐহাক্না মরম ওইরগা অতোপ্পা অমদা অকায়বদি পীরোইদনা। মসিগী ৱাখল্লোন অসি চেন্দুনা মীওই করোর ১৩০না ভেক্সিন কাপ্নবা ইথিল হাপ্নখি। মসি ভারতকী ৱাখল্লোন্নি অমসুং মসিবু মালেমগী মাঙদা থম্বা হায়বসি ভারত মচা খুদিংগী থৌদাংনি। ইশা খক্তগী তেক্ত-কায়দবগী ওইরবদি, কাপসিরা নত্ত্রগা কাপ্পোইসিরা হায়বসি খন্ননীংঙাই ওইদে। অদুবু, ঐহাক্না মরম ওইরগা অতোপ্পদা অতেক-অকায় থোক্লোইদবা ওইরবদি, ঐহাক্না মসি কাপকদবনি অমসুং কাপসু কাপ্লিবনি। মসিদি ভারতকী ৱাখল্লোন, ভারতকী মীওই অমগী ৱাখল্লোনগী মতাং অমা ওইনা মালেমগী মাঙদা য়াম্না চাউথোকচনা থম্বা য়াই। ঐখোয়না ১০০%গী চাংদা ভেক্সিন কাপ্পা হায়বগী পান্দমদা ঐখোয়না খোঙজেল থুনা চঙশিল্লি। ঐখোয়গী ফ্রন্তলাইন অমসুং হকশেলগী ৱর্করশিং, সাইন্তিস্তশিংনা পাংথোক্লিবা থবকশিংবু থাগৎপীবদা মখোয়গী তৌবা ঙম্বগী মতিক অমসুং হৈ শিংবশিং অসি অমুক্কা হন্না হেনগৎকদৌরিবনি হায়না ঙসিগী হাউস্তা লৈরিবা ইকায়খুম্ননীংঙাই ওইরবা মেম্বর খুদিংগী মফমদা থমজনীংই। মসিদা নত্তনা, মশাগী পুন্সিবু খুদোংথীবা মফমদা থমদুনা হোৎনরিবশিংগী মপুক্নিংসু থৌগৎপগীদমক্তা তিল্লীবা মীয়াম্বুসু থাগৎলি।

ইকায় খুম্ননীংঙাই ওইরবা চেয়রমেনজী,

মসিগুম্বা কোরোনাগী মতমসিদা লৈবাক মীয়াম করোর ৮০ হেনবগীদমক্তা শাংলবা মতমসিগীদমক্তা মখোয়গী চাকখুমগী মৈ মুত্তনবা লেম্না রাসন য়েনখি। অসিগুম্বা থৌওং কয়া ভারতনা পাংথোক্তুনা মালেমগী মাঙদা খুদম ওইনা উৎখি। কোরোনাগী অসিগুম্বা মতমসিদা অৱা অনা কয়া অমসুং খুদোংচাদবা কয়া লাকখি, অসিগুম্বা অয়েৎপা অমসুং অপনবা কয়াগী মরমকসিদা ইমুং লাখ কয়া, লাইরবা লাখ কয়াগী পক্কা য়ুম শাবগী থবকসু ঐখোয়না লেপ্তনা পাংথোকখি অমসুং ঙসিগী মতমসিদদি লাইরবা অমগী ময়ুম অমা শাবদা লুপা লাখ কয়াগী চান্দিং তৌরিবনি। মতৌ অসুম্না, মসিগুম্বা লাইরবা ইমুংসু ঙসিদি লাখপতি কৌবসু য়ারিবনি।

ইকায় খুম্ননীংঙাই ওইরবা চেয়রমেনজী,

মসিগুম্বা কোরোনাগী মতমসিদা খুঙ্গংগী ইমুং করোর মঙাগী য়ুম্থোং খুদিংদা তোতিগী থক্নবা ঈশিং ফংহন্দুনা ঐখোয়না রেকোর্দ ওইরবা থৌওং পাংথোকখি। মসিগী কোরোনাগী মতমগী অহানবা লোকদাউন থমখিবা মতমদা য়াম্না কুপ্না খন্নদুনা অমসুং অখঙ-অহৈ কয়াগা তান্নরবা তুংদা লৌমীশিংবু লোকদাউন্দগী কোম্থোক্নবা ঐখোয়না হোৎনখি। মসিনা মরম ওইদুনা, ঐখোয়গী লৌমীশিংনা কোরোনাগী মনুংদা পোত্থোক নীংথিনা পুথোকখি অমসুং এম.এস.পি.দা পোত্থোক লৈবগী থৌওংসু মমাংদা অমুক্তা পাংথোকখিদ্রিবা মওংদা লৈবা ঙমখি, রেকোর্দ থমখি। কোরোনাগী অসিগুম্বা ৱারবা মতমগী মনুংদা ইনফ্রাস্ত্রকচরদা ইনভেস্ত তৌবনা থবক পীবা ঙম্বগী খুদোংচাবা শোইহন্দে হায়বা ঐখোয়না খঙলদুনা মরী লৈনবা থবক পাংথোক্তুনা ইনফ্রাস্ত্রকচরগী প্রোজেক্ত কয়া অমা মতমসিগী মনুংদা লোইশিনবসু ঙমখি। মীয়ামগী থবক পীবদা ঐখোয়না অহেনবা মিৎয়েং চঙখি, অমসুং মরম অসিদগী প্রোজেক্তশিংবুসু মতম চানা লোইনশিনবা ঙমখি। খুদোংচাদবা কয়া থেংনখি, অদুবু ঐখোয়না মায় পাক্না থেংনখি। মসিগী কোরোনাগী মতমসিদা জম্মু কশ্মির ওইরো, অৱাং নোংপোক লমদম ওইরো, চাউখৎ-থৌরাংগী হীরম খুদিংবু খুমাং চাউশিলহনবগা লোয়ননা থবক কয়া অমসু পায়খৎখি। মতম অসিমক্তদা ঐখোয়গী নহারোলশিংনা শান্ন-খোৎনবগী মালেমদা মচু অহুমগী ফিরাল পায়হন্দুনা লৈবাক্কী মিংচৎ পুরক্না চাউরবা থোউওং কয়া পাংথোকখি, লৈবাকপু চাউথোকহনখি। ঐখোয়গী নহারোলশিংনা শান্ন-খোৎনবগী মালেমদা শীংথানীংঙাই ওইরবা থৌওং পাংথোকখিবা অমসুং কোরোনাগী অয়েৎপা অপনবা মরকসিদা মখোয়না হোৎনবগী চাং তাহনখিদববু লৈবাক পুম্বনা উবা ফংখি। মশাগী নীংজবগী চাংসু তাহনখিদে অমসুং লৈবাকপুসু চাউথোকচহনখি।

ইকায় খুম্ননীংঙাই ওইরবা চেয়রমেনজী,

অসিগুম্বা কোরোনাগী মতমসিদা লৈবাক্কী স্তার্ত-অপশিং অসিনা ঐখোয়গী নহারোলশিংগী অনৌবা শক্তাক অমা ওইরে, হীরম অনি অসিগী ৱাহন্থোক অমত্তা ওইখ্রে। ঐখোয়গী লৈবাক্কী নহা ওইরিবা স্তার্ত-অপশিংনা মরম ওইরগা, স্তার্ত-অপকী মালেমদা খ্বাইদগী মকোক থোংবা ৩গী মরক্তা ফম অমা কলহনখ্রে।

ইকায় খুম্ননীংঙাই ওইরবা চেয়রমেনজী,

কোরোনা মতমসিদা কোপ২৬কী হীরম ওইরো, জি.২০গী মতাং ওইরো, খুন্নাইগী য়াইফনবগী মতাংদা লৈবা তোঙানবা হীরমশিংদা থবক পায়খৎপা ওইরো, মালেমগী লৈবাক ১৫০দা হিদাক য়ৌহনবা ওইরো, ভারতনা লুচিংবগী থৌদাং লৌরবনি। ভারতকী লুচিংবগী থৌদাংগী মতাংদা মালেম পুম্বনা ৱারী শারিবনি।

ইকায় খুম্ননীংঙাই ওইরবা চেয়রমেনজী,

খুদোংচাদবগী মতমশিংদা শিংনবনা পীক থল্লি। মালেমগী শক্তি খুদিংনা মশা কঞ্জনবা হোৎনদুনা লৈনখিবনি। কনা অমত্তনা অতোপ্পগী মতেং পাংবা ঙমখিবা নত্তে। অসিগুম্বা মতমসিদা, মসিগুম্বা খুদোংচাদবা কয়াদগী থোক্লক্নবা হোৎনবদা অতল বিহারী ভাজপায়জীগী শৈরেংগী ৱাহৈ খরনা মীয়ামদা ইথিল পীগনি হায়না ঐহাক্না খল্লি। অতলজীনা অসুম্না ইরম্মি – ব্যাপৎ হুআ বরবর অন্ধিয়ারা, কিন্তু চীর কর তম কী ছাতী, চমকা হিন্দুস্তান হমারা। শত-শত আধাতোন কো সহকর, জিবীত হিন্দুস্তান হমারা। জগ কে মস্তক পর রোলী সা, শোভিৎ হিন্দুস্তান হমারা। অতলজীগী অসিগুম্বা ৱারোল অসিনা হৌজিক্কী মতমসিগী ভারতকী হোৎনজমনবু মীয়ামদা শক্তাক্লি।

ইকায় খুম্ননীংঙাই ওইরবা চেয়রমেনজী,

মসিগী কোরোনাগী মতমসিদা সেক্তর খুদিংবু খুদোংচাদবা কয়াগী মরক্তগী পুথোরক্নবা অঙম্বা ফংনা হোৎনখিবনি। অদুগা করিগুম্বা সেক্তরদা অহেনবা মিৎয়েং চঙখিবসু য়াওখি। মসিগী মরমদি, মীয়ামগী অপাম্বগী মতুং ইন্না তঙাই ফদবগীনি, নহারোলশিংগীদমক্তা য়াম্না তঙাই ফদবা ওইবগীনি। হায়রিবা সেক্তরশিং অসিগী মরক্তগী ঐহাক্না সেক্তর অনিগী মতাংদা ৱাফম খরা থম্নীংই। অহানবদা, এম.এস.এম.ই. সেক্তর। মসিদি থবক খ্বাইদগী চাউনা পীবা সেক্তরনি হায়না ঐখোয়না লেপ্পি। মতৌ অসুম্না, লৌউ-শিংউবগী সেক্তরদসু অপনবা লৈতনা ঐখোয়না হোৎনখি অমসুং মসিগী মরমদগী ঐখোয়না করি ফংখি হায়বদু ঐহাক্না হায়খ্রে। লৌরোক মতিক চানা লোকখি, সরকারনা রেকোর্দ ওইবা মওংদা পোত্থোকশিংসু লৈখি। লাইচৎ লৈজরবসু, গেহু লৈবগী মতাংদা অনৌবা রেকোর্দ থমখি। লৌমীশিংনা য়াম্লবা এম.এস.পি. ফংখি অমসুং মদুসু দাইরেক্ত বেনেফিৎ ত্রান্সফর স্কিমগী খুত্থাংদা ফংখি। মখোয়গী একাউন্ততা হকথেংননা শেল চঙখি। পঞ্জাবতা অহানবা ওইনা থৌওং অসিগী মখাদা শেল থাখিবা ওইবনা ঐহাক্না পঞ্জাবকী ভিদিও কয়া য়েংখি। ঐহাক্কী লৌদি অসুকখক চাউবনি, ঐখোয়না হোৎনখিবসু অসুকখক্নি, অদুবু একাউন্ততা অসুক য়াম্না শেল অমুক্তদা লাকপসিদি পুন্সিদা অহানবনি হায়না মখোয়না ফোংদোক্নখি। অসিগুম্বা মতমসিদা লৌমীশিংগী মফমদা শেলগী খুদোংচাবা লৈখি, অমসুং মসিগুম্বা খোঙথাং অসিনা মরম ওইদুনা অৱাবা নঙবা অমসুং খল কায়বগী থৌওংদগী কনবা ঙমখ্রিবনি। আত্মানির্ভর ভারত পেকেজতগীসু কান্নবা কয়া ফংনখি। তোঙান-তোঙানবা মন্ত্রালয়শিংনা পি.এল.আই. স্কিম কয়া হৌদোকখিবদগী মেন্যুফেকচরিংদসু মপাঙ্গল হাপখি। ভারতনা হৌজিক মোবাইল পুথোকপদা মকোক ওইরে অমসুং এক্সপোর্ত তৌবদসু মখোয়গী শরুক য়াম্না হেনগৎলক্লি। ওতোমোবাইল অমসুং বেত্রীগী সেক্তরদসু পি.এল.আই. স্কিম্না মশক থোক্লবা মহৈ কয়া পীরি। মেন্যুফেকচরিং অসুক য়াম্না পাংথোক্লিবা অমসুং মসিগী মরক্তগী অয়াম্বনা এম.এস.এম.ই. সেক্তরগী খুত্থাংদগী শরুক তম্লক্লিবা অসিনা মালেমগী অতোপ্পা লৈবাক কয়াদগী ওর্দর ফংই, অহেনবা খুদোংচাবা কয়াসু ফংই হায়বসি ময়েক শেংলবনি। অদুগা তসেংবা ৱাফমদি, এম.এস.এম.ই.না ইঞ্জিনিয়রিংগী পোত্থোক শরুক য়াম্না পুথোক্লি। অদুগা হৌজিক্কী মতমসিদা এক্সপোর্ত তৌবগী মশিংনা য়াম্না য়াম্লিবসিদা ইঞ্জিনিয়রিং পোত্থোকশিংগী অচৌবা থৌদাং য়াওরি, মসিনা ভারতকী মীয়ামগী স্কিল অমসুং ভারতকী এম.এস.এম.ই.গী মপাঙ্গলবু মালেমদা তাক্লিবনি। ঐখোয়গী দিফেন্স মেন্যুফেকচরিংগী হীরমদা য়েংসি, য়ু.পি. অমসুং তমিল নাদুদা দিফেন্স কোরিদোর শেম্লি। দিফেন্স সেক্তরগী মতাংদা এম.ও.য়ু. কয়াগী খুৎয়েক পীনরিবা, সেক্তর অসিগী মাইকৈদা মীওই কয়া অমা চঙলক্লিবা, এম.এস.এম.ই. সেক্তরগী মীওইনা মসিদা চঙলক্লিবা অসিনা ঐখোয়গী লৈবাক মীয়ামগী নাক্তা অসিগুম্বা তৌবা-ঙম্বগী মতিক লৈ, লৈবাক্কী দিফেন্স সেক্তরবু মরোমদোম লেপচবা ঙমহন্নবা ঐখোয়গী এম.এস.এম.ই. সেক্তরগী মীওই কয়ানা মথৌনা উৎলি হায়বসি মশা মথন্তনা অদুমক উৎচরবনি।

ইকায় খুম্ননীংঙাই ওইরবা চেয়রমেনজী,

এম.এস.এম.ই., জি.ই.এম. খরা অসিনা সরকারনা পোৎ লৈবগী অচৌবা পাম্বৈ অমসু ওইরে। মসিগী প্লেৎফোর্ম অসিনা মরম ওইরগা হৌজিক্তি য়াম্না কান্নবসু ফংলে। অদুনা, লুপা করোর ২০০গী তেন্দর থোকপা মতমদা, তেন্দর অসি মালেমগী ওইনা থোক্লরোই হায়না ঐখোয়না ৱারেপ অমসু লৌরে। মসিদা ভারতকী মীওইদা ওইনা খুদোংচাবা পীরগনি অমসুং মসিনা ঐখোয়গী এম.এস.এম.ই. সেক্তরগী মপাঙ্গল হাপ্পগা লোয়ননা মীয়ামগী থবক্কী অহেনবা খুদোংচাবা কয়াসু লৈহনগনি।

ইকায় খুম্ননীংঙাই ওইরবা চেয়রমেনজী,

ঙসিগী হাউস অসিদা ইকায় খুম্ননীংঙাই ওইরবা মেম্বর কয়ানা থবক্কা মরী লৈনবা ৱাফম কয়া পুথোকরকখি। মীওই খরনা পাউতাকসু পীরকখ্রে। থবক কয়া য়াম্না লৈহনখ্রবগে হায়বসি য়েংবগী ওইনা ই.পি.এফ.ও. পেরোল অসিনা খ্বাইদগী মতিক লৈবা পাম্বৈ ওইরিবনি। ইং ২০২১দা অনৌবা ই.পি.এফ.ও. চাউরাকপা করোর ১গা লাখ ২০না পেরোল অসিদা মিং চনখি। অদুগা ঐখোয়না কাওরোইদবদি, হায়রিবা অসি ফোর্মেল জোবনি, ঐহাক্না ইনফোর্মেল জোবকী ৱারী তৌদ্রিকো। মসিগী মনুং অসিদসু, লাখ ৬০-৬৫দি চহি ১৮-২৫গী মরক্কী মীওইশিংনি। মসিনা হায়বদি, চহিগী কাঙলুপ অসি অহানবা ওইনা থবক ফংবশিংনি। হায়বদি, মখোয়না মার্কেত অসিদা খ্বাইদগী ইহান হান্না ফংবা থবক্নি হায়বনি।

ইকায় খুম্ননীংঙাই ওইরবা চেয়রমেনজী,

কোরোনাগী মমাংগা কোবিদকী অথিংবা কোম্থোক্লবা মতুংদা লৈবা থবক লৌবগী চাংনা হান্নদগী শরুক অনি হেনগৎলে হায়না রিপোর্ত কয়ানা তাক্লি। নেস্কোমগী রিপোর্তসু ৱাফম অসিগী মতাংদা নৈনরি। নেস্কোম্না হায়বগী মতুং ইন্না, ইং ২০১৭কী মতুংদা আই.তি. সেক্তরদা হকথেংনবা অমসুং নাকোইনবা থবক লাখ ২৭ লৌখি। মসিদি স্কিল খক্তগী ৱাফম নত্তনা, মখোয়গী থাক্কী মথক্তা লৈবশিংসু থবক ফংবদা য়াওরি হায়বনি। মেন্যুফেকচরিং হেনগৎলকপগা লোয়ননা ভারতকী গ্লোবেল এক্সপোর্তসু হেনগৎলে অমসুং মসিগা থবক ফংবগী থৌওংগা হকথেংননা মরী লৈনৈ।

ইকায় খুম্ননীংঙাই ওইরবা চেয়রমেনজী,

ইং ২০২১দা, হায়বদি, শুপ্নগী চহি অমখক্তদা, ভারত্তা থোরক্লিবা য়ুনিকোর্নশিং অসি মমাংগী চহিদা থোক্লকপা য়ুনিকোর্ন মশিংদগী হেল্লি। মখোয়শিং অসিবু থবক পীবগী মনুংদা মশিং থীবা য়াওদ্রবদি, থবক পীবগী থৌওং অসিবুসু রাজনিতী তৌরে হায়না খনবা য়ারে।

ইকায় খুম্ননীংঙাই ওইরবা চেয়রমেনজী,

ইকায় খুম্ননীংঙাই ওইরবা মীহুৎ কয়ানা পোৎ তাঙবগী মতাংদা ৱাফম পুথোক্লি। চহি ১০০গী মনুংদা থোকপা লাইচৎ অসিনা মালেম পুম্ববু চৈথেং পীরি। অদুগা পোৎ তাঙবগী ৱারী শারবদি, অমেরিকাদা চহি ৪০গী মনুংদা থোকপা খ্বাইদগী চাউবা পোৎ তাঙবগী মতম অসি মখোয়না থেংনরি। ব্রিতেন্না চহি ৩০গী মনুংদা থোক্লিবা পোৎ তাঙবগী থৌওং অসিদা অৱাবা মাইয়োক্নরি। য়ুরো করেন্সী চৎনবা মালেমগী লৈবাক ১৯দা পোৎ তাঙবগী থৌওংবু পুৱারী ওইবা মওংদা কীনরি। কীফমসু থোকই। অসিগুম্বা মতমসিদা লাইচৎ অসিসু লৈনা-লৈনা ঐখোয়না পোৎ তাঙবগী চাংবু থাক অমদা লাকশিন্নবা কন্না হোৎনরি। পুকচেল শেংনা হোৎনরি। ইং ২০১৪দগীনা ২০২০ ফাওবদা মসিগী কীনরিবা ফিভম অসিগী চাংনা ৫%কী চাউরাকপা ওইরি। মসিগা য়ু.পি.এ.গী মতমগা চাংদম্নরবদি, পোৎ তাঙবা হায়বসি করিনো হায়বা তসেংনা খঙগনি। মখোয়গী মতমদা পোৎ তাঙবগী চাংনা দবল দিজিৎ য়ৌরম্লিবনি। ঙসিদি, ঐখোয় অসি শাহৌ য়াম্বা অমসুং মিদিয়ম ইনফ্লেসন থেংনরিবা অমত্তা ঙাইরবা শেন্মিৎলোন অমনি। মালেমগী অতোপ্পা শেন্মিৎলোন য়েংলুরবদি শাহৌ তপ্পা অমা নত্ত্রগা পোৎ তাঙবগী রেকোর্দনা দিকেদ কয়াগী রেকোর্দ থুগায়বগী শক্তম উবা ফংগনি।

ইকায় খুম্ননীংঙাই ওইরবা চেয়রমেনজী,

হাউস অসিগী মীওই খরনা ভারতকী থম্মোই শোকপা মমি খরা পুথোক্লি অমসুং মসিদা মখোয়না নুংঙাইবা ফাওবগুম্না তৌরি। ঐহাক্না অসুম্না খল্লি। অসিগুম্বা শক্তম অসি উবা মতমদা, পুন্সি হায়বসিদা অকা-অকুম, মায় পাকপা অমসুং মায়থীবা লৈ, অদুবু মসিগী নুংঙাইতবা অসি লৈবাক্তা তাইনগদবা নত্তে হায়না ঐহাক্না খল্লি। ঐহাক্না য়াম্না খঙলুবগী ৱাফমদি নত্তে, অদুবু ঐখোয়গী গুজরাত্তা হায়নবা অমদি লৈ। শরদ রাওসু মসি খঙলম্বা য়াই, মখোয়গী মহারাস্ত্রদসু হায়নবনি। অশঙ অমান লৈবা মতমদা, লবুক্না ইশং শংনা লৈরিঙৈ মতমদা উহৌবা অদুগা করিগুম্বা এক্সিদেন্ত অমদগী মহাক্কী মমিৎ উখিদবা থোক্লবদি, মহাক্না অকোনবদা উখিবা অশং অমানবু মপুন্সি চুপ্পদা উদুনা লৈ হায়না হায়নৈ। ইং ২০১৩ ফাওবদা অসিগুম্বা অৱা অনাগী মতম ফাওদুনা ঐখোয়না লাকখিবা, অদুগা ইং ২০১৪দা লৈবাক্কী মীয়াম্না খঙহৌদনা মঙাল ফংখিবগী মমাংদা মমিৎ তাঙখিবা মীওইশিংনা হান্নগী অৱাবগী মতমদুমক উদুনা লৈগনি।

ইকায় খুম্ননীংঙাই ওইরবা চেয়রমেনজী,

ঐখোয়গী লমদমগী শাস্ত্রশিংদা অসুম্না হায়রম্মি – মহাজনে য়েন গতঃ স পন্থাঃ, মসিনা হায়বদি, অচৌবা মীওই, শক্তি লৈবা মীওইশিংনা চৎপা লম্বীশিংনা অদুমক খুদম ওইহৌই হায়বনি।

ইকায় খুম্ননীংঙাই ওইরবা চেয়রমেনজী,

ঐহাক্না হাউস অসিগী মফমদা অমুক্কা হন্না করিগুম্বা অমা হায়জনীংই, মীয়ামগী মীহুৎ অমনা মফম অমদা হেক্তা লৈরবসু, ফনা য়াম্না চাউরবসু, পীক্লবসু, লমদম অদুগী লুচিংবনি, মহাক্না লমজিংগদবনি। মহাক্কী ইথিলগী মনুং চনবা মফমশিংগী মীওইশিংনা মহাক্কী মফমদা য়েংজৈ, মহাক্কী ৱারোল ইল্লি। ঐখোয়না শক্তি পায়রবদি, ঐখোয়না লুচিংবা ওইগনি হায়না খনবা অসিদি অচুম্বা নত্তে। অসুম্না তৌগদৌবা নতে। অদোম অসি করিগুম্বা মীয়ামগী মীহুৎ ওইরবদি, মখোয়গী লুচিংবসু ওইরিবনি। অদুগা লুচিংবনা অসুম্না অৱাবা ঙাক্তা খল্লবদি করি ওইগনি, মরুপ? করিগুম্বা মফমসিদা, সরকার মনুংদা, ফম্লবা মতমদা খক্তা লৈবাক্কী খনগদবনি, অদুগা অদোমদা ফম্লবদি ইশাগী লমদমগী মীয়ামগী খনগদবা নত্তে হায়না খল্লবদি কমায়না য়াগনি?

কনা অমত্তদগী তম্বা ঙমদ্রবদি, শরদ রাওদগী তম্বীয়ু। শরদ রাওজীনা মহাক্কী হৌজিক্কী চহি মতাং অমসুং অনাবা কয়াগা শাগোন্নরবসু, মহাক্কী লমদমগী মীয়ামগী ইথিল ওইরি। ঐখোয়না অৱাবা তাবগী মথৌ করিসু তাদে মরুপ, অদোম্না অৱাবা খল্লবদি, অদোমগী মফম, হোই খরা পীকশিনখ্রবা ওইরসু, করম্না য়াগনি? মদু অদোমগী থৌদাং ওইরিবনি। খরগেজী অদোমসু অধিরঞ্জনগুম্বা অশোইবা তৌরে। তুংদা অমুক্তা য়েংবীয়ু, জয়রামজীনা থবক অসিগীদমক্তা মীওই অনি-অহুম্বু শেম শাদুনা থম্লবনি। অদোম্না পাখত্তনা লৈবীয়ু, জয়রামজীনা মপান্দগী ই-পাউ লৌরক্লবনি। হৌজিক ঙৈহাক লৈরগা হৌরগদবনি। অদোমদি মীয়াম্না ইকায় খুম্নবা নেতানি।

ইকায় খুম্ননীংঙাই ওইরবা চেয়রমেনজী,

সরকার অসি পায়নীংবা অমনা পায়সনু, লৈনীংবা অমা লৈজসনু, অদুবু লৈবাক্কীদমক্তা হোৎনবদি লেপকদবা নত্তে। মালেম পুম্বগী মমাঙদা ঐখোয়না লৈবাক্কী পাঙ্গলগী মতাংদা চাউথোকচবগা লোয়ননা ঈশৈ শক্কদবনি। মসি লৈবাক্কী ওইনা য়াম্না তঙাই ফদবনি।

ইকায় খুম্ননীংঙাই ওইরবা চেয়রমেনজী,

হাউস্তা ফম্লিবা ঐহাক্কী মরু অমনা “তীকা কাপ্পা অসি য়াম্না মশক নাইবা থবক নত্তে” হায়বীরি। ভারতনা অসুক য়াম্না চাউখৎলক্লিবা অসি মীওই খরনা চাউখৎ-থৌরাং ওইনা উদবা অসিদা ঐহাক্না ঙকপা ফাওই। তীকা কাপ্পগী খোঙজংদা কান্নদবা শেল য়ানা তিংলে হায়না ঐহাক্কী মরুপ অমনা ফাওবা হায়বীরি। লৈবাক্না মসিবু তারবদি অদোমগী মরমদা করি খগনি?

ইকায় খুম্ননীংঙাই ওইরবা চেয়রমেনজী,

কোরোনা মীওইবা খুন্নাইদা অপনবা অমা ওইরি। লৈবাক অমসুং মালেমগী খুদোংচাবা খুদিংমক পুরক্না ঐখোয়গী সরকারনা কন্না হোৎনরি। ঐখোয়গী লৈবাক মীয়াম্বু ঙাক শেন্নবগীদমক্তা ঐখোয়গী অঙম্বা খুদিং, খঙজবা খুদিং, লৈজবা পাঙ্গল খুদিংগা লোয়ননা মীয়াম পুম্নমক্কা চৎমিন্ননবা হোৎনরি। লাইচৎ অসিনা লৈরিবা ফাওবা, লৈবাক্কী লাইরবশিংগী তেংবাংনবা অচঙবা শেল খুদিংমক পুথোক্নবা খোঙফম চেৎলি। অদুবু, পার্তী খরগী মতিক লৈবা নেতা খরনা মমাংগী চহি অনিসিদা উৎলিবা মতৌ অসিদা লৈবাক্না য়াম্না নুংঙাইতবা ফাওরি। রাজনিতী কান্নবগী থৌওং পাংথোকপা ঐহাক্না উরি। ভারত্তা পুথোকপা ভেক্সিনগী মাইয়োক্তা লেপ্লি। অদোম্না মমাংদা ঙাংখিবা, অদুগা হৌজিক ওইরিবা ফিভম অনি থমদুনা অমুক্তা য়েংবীয়ু, ইশাবু শেমদোকপগী ৱাখল খরা লাক্লবদি য়াম্না কান্নগনি।

ইকায় খুম্ননীংঙাই ওইরবা চেয়রমেনজী,

লৈবাক মীয়াম মীকপ থোক্লবনি। চাউগেরা পীক্কেরা, করিগুম্বা নেতা খরনা অসিগুম্বা অরানবা ৱাফম থম্লবসু, তাবীদনা লৈবীয়ু অমসুং ভেক্সিন কাপ্নবগীদমক্তা পরিংদা ঙাইদুনা লৈবীয়ু হায়না লৈবাক মীয়ামগী মফমদা হায়জনীংই। অসুম্না তৌদ্রবদি, খুদোংথীবা য়াম্না নংগনি। অদুবু, লৈবাক মীয়াম্না নেতা খরদগী হেন্দুনা চৎখিবা অসিসু য়াম্না নুংঙাই, মসি লৈবাক্কী অফবনি।

ইকায় খুম্ননীংঙাই ওইরবা চেয়রমেনজী,

কোরোনাগী অসিগুম্বা মতমসিদা ঐহাক্না ফেদেরেল স্ত্রকচরগী খুদম অমা পুথোকপা ঙমগনি। প্রধান মন্ত্রীনা মহাক্কী মতমদা মুখ্য মন্ত্রীশিংগা মীফম ২৩রক পাংথোকপগী খুদোংচাবা অমত্তা মমাংদা ফংলমদবা য়াই। মুখ্য মন্ত্রীশিংগা লোয়ননা মীফম ২৩ পাংথোকখি অমসুং ৱাফম কয়া অমা কুপ্না খন্নখি। ভারত সরকারগী মনাক্তা লৈরম্বা লৌশিং অমসুং মুখ্য মন্ত্রীশিংগী পাউতাকশিংগা পুনশিন্নখি। হাউস অসিদা রাজ্যশিং অসিগী মরী লৈনবা নেতা ময়ামসু য়াওরি, মরম অদুনা অসিগুম্বা মীফম পাংথোকখিবসু য়াম্না মশক থোকপা থৌওং অমনি হায়না ঐহাক্না মখোয়গী মমাংদা হায়জনীংই। মীফম ২৩ পাংথোক্তুনা, হীরম কয়াগী মতাংদা কুপ্না খন্ন-নৈনদুনা মরী লৈনবা থৌশিল থৌরাং য়াৎপা, অদুগা মীয়ামগী অপাম্বগী মতুং ইন্না কেন্দ্র সরকার, রাজ্য সরকার, মফম মফমগী ইন্সতিত্যুসনশিংগা লোয়ননা অপুনবা অমা ওইনা হোৎনবা য়াবা খুদিংমক হোৎনখি। মীওই অমগী কত্থোকপবু ঐখোয়না তরাইনা খক লৌদে। ঐহাক্তি মসিবু লৈবাক্কী মপাঙ্গলনি হায়না খল্লি।

অদুবু ইকায় খুম্ননীংঙাই ওইরবা চেয়রমেনজী,

অদুবু মীওই খরগী ওইনদি, মশানা নীংথিনা খনথবগী মথৌ তারি। কোরোনাগা মরী লৈননা পার্তী খুদিংগী মীফম কৌখি, সরাকারগী মাইকৈদগী প্রজেন্তেসন কয়া কুপ্না পীবগী থৌরাং লৈখি, মদুদা চত্তনবা ইনশিনবা অমসুং মশামকসু লাকখিদবা মীওই খরা য়াওরি। পার্তী পুম্বগী মীফমবু লুনা খনখিদে। মসিদা ঐহাক্না শরদ রাওজীবু থাগৎচনীংই। মতাং অসি য়ু.পি.এ.গী ৱারেপ নত্তে, ঐহাক্না হায়বা য়াবা খুদিংমক হায়গনি হায়না মহাক্না হায়বীখি। মহাক লাকখি, তি.এম.সি. দলগী মীহুৎশিং লাকখি, মখোয়না কান্নবা পাউতাক কয়াসু পীরকখি। মসিগী ইরাং অসিদি লৈবাক্কীনি, মীওইবা খুন্নাইগীনি। মসি ফাওবদা অদোম্না লুনা লৌখিদে। অদোমগী মফমদা কনানা পাউতাক পীবনো ঐহাক খঙদে, অদুবু মসিনা অদোম্বু মাঙহল্লে। লৈবাক্না কৈদৌনুংদা লেপখিদে, হৌজিকসু চৎলি। অদোমদি লেপ্তুনা লৈহৌরে। মথংগী নুমিৎকী পাউ চে পাবীয়ু, অদোমগী মতাংদা চৈনখিবনি। অসিগুম্বা থবক অসিবু করিগীদমক্তা তৌরিবনো?

ইকায় খুম্ননীংঙাই ওইরবা চেয়রমেনজী,

অয়ুশমান ভারতকী মখাদা হেল্থ অমসুং ৱেলনেস সেন্তর লিশিং ৮০গী মথক্তা হৌজিক মথৌ পাংথোক্লি অমসুং মতমগা খ্বাইদগী চুনবা সেবা ফংহনবা ঙম্নবা মখোয়বু শেম শারি। সেন্তরশিং অসিনা য়ুমগী নাকল মক্তদা তেস্ত তৌবা য়াওনা প্রাইমরী হেল্থকেয়র ফাওবা পীরি। সেন্তর অসিনা কেন্সর, দাইবিতিস অমসুং অতোপ্পা অরুবা লাইনা কয়াবু হৌরকপা মতমদা খংদোক্নবা তেংবাংলি। সেন্তর লিশিং ৮০ শাখ্রে অমসুং মসিগী মশিং হেনগৎনবা ঐখোয়না খোঙজেল য়াঙনা হোৎনরি। মসিনা তাকপদি, খ্বাইদগী অরুবা লাইনা ফাওবগী তেংবাং পীবা ঙম্নবা ঐখোয়না হোৎনরি।

ইকায় খুম্ননীংঙাই ওইরবা চেয়রমেনজী,

বজেৎকী মমাংদা তেক্স থমহৌরে, অদু ওইরবদি, মদুগী মতাংদা বজেত্তা খন্নররোই হায়বা অরিবা ৱাখল্লোন অমা লৈ। মসিবু বজেত্তা উদ্রবদি, মথংগী নুমিত্তা শেয়র মার্কেত্তা হন্থরোই হায়বা লৈ। ঐখোয়না মসি তৌখিদে, মসিগী ওন্ন-তৈনবা ওইনা তৌখি। ঐখোয়না বজেৎকী মমাংদা, করোর লিশিং ৬৪গী পি.এম. আত্মানির্ভর স্বস্থ ভারত য়োজনাগী মখাদা ক্রিতিকেল হেল্থকেয়র ইনফ্রাস্ত্রকচর হৌদোক্নবা রাজ্যশিংদা য়েন্থোকখি। ঐখোয়না মসিবু বজেত্তা হাপচিল্লগা বজেৎ পুথোকপা মতমদা য়াম্না মশক নাইবা থবক অমা তৌগদৌরে হায়না হায়রম্বা য়াই। ঐখোয়না অদুম্না খনবগী মহুত্তা, কোরোনাগী হৌজিক্কী মতমসিগী তঙাই ফদবা খুদোংচাবা শিনবনা হেন্না ফৈ খনদুনা হান্না পাংথোকখি, ঐখোয়না করোর লিশিং ৬৪বু থবক অসিগীদমক্তা পীথোকখি।

ইকায় খুম্ননীংঙাই ওইরবা চেয়রমেনজী,

হন্দক্কী মতাংসিদা খরগেজীনা য়াম্না মরু ওইবা অমা হায়বীরে। মসিগী মতাংদা ঙাংঙু, অতোপ্পা অমত্তগী মতাংদা ঙাংগনু হায়না মহাক্না ঐঙোন্দা হায়বী। মহাক্না করি হায়বগে অমুক্তা তাশি। কংগ্রেসনা ভারতকী য়ুম্ফম থোনখি অমসুং বি.জে.পি.না ফিরাল য়ুংখি হায়না হাউস্তা হায়খি।

ইকায় খুম্ননীংঙাই ওইরবা চেয়রমেনজী,

মসি হাউস্তা ফাগী জুগাই ওইনা হায়খিবা ৱাফম নত্তে। মসি মখোয়গী অরুবা ৱাখল্লোনগী মহৈনি অমসুং মসি লৈবাক্কী ওইনা য়াম্না খুদোংথীগনি। হিন্দুস্তান হায়বসি ইং ১৯৪৭তগী হৌদোকখি হায়না থাজবা মখোয়গুম্বা মীওই খরা লৈ। মসিনা মরম ওইরগা শিংনবশিং অসি লৈরিবনি। মমাংগী চহি ৭৫সিদা মীয়ামগী সেবা তৌনবা চহি ৫০গী মতম ফংলবা ফাওবদা অসিগুম্বা ৱাখল্লোন অসিনা মরম ওইবা থৌশিল থৌরাং লৈখিবনা অয়েৎপা অপনবা কয়া লৈরমখ্রিবনি।

গনতন্ত্রগী ৱাহন্থোকপু ইং ১৯৭৫দা মখৌরি মেৎখিবা অদোম্না গনতন্ত্রাগী মরমদা ৱা ঙাংবসি মতিক চাদে।

ইকায় খুম্ননীংঙাই ওইরবা চেয়রমেনজী,

অসিগুম্বা ৱাখলোন লৈবা মীওইশিং অসিদি পীক্লিবা অঙাংগুম্বনি। মালেমগী মাংদা মখৌ ফোংনা হায়গদবা ৱাফমশিং ঙাংবদসু মখোনা অকীবা ফাওই। ভারত ইমা হায়বসি গনতন্ত্রগী মমানি হায়না ঐখোয়না চাউথোকচনা হায়গদবনি। গনতন্ত্রা, দিবেৎ হায়বসি চহি কয়াদগী চত্থদুনা লাক্লবনি। শাগৈ অমগী ৱাংমদা করিমত্তা উদবা অসিনা কংগ্রেসকী লাইবক থীবনি। মখোয়না মসিগী ৱাংমদা করিসু খনবা ঙমদে। গনতন্ত্রগী ৱারী শারিবা মীওইশিং অসিদা ঐহাক্না খঙহন্নীংবদি, শাগৈ নাতৈনা চলায়বা পার্তী হায়বসিনা ভারতকী গনতন্ত্রগী পথাপ্তা খ্বাইদগী খুদোংথীবা পার্তী ওইগনি হায়বসি ঐখোয়না য়াজগদবা ৱাফম্নি। অদুগা পার্তী অমদা শাগৈ অমনা চুক্লি পুল্লপ পায়শিনখিবা মতমদা খ্বাইদগী অহানবদা অশোক অপন নংলিবা অসিদি তেলেন্তনি। লৈবাক্না মসিগী ৱাখল্লোন অসিদগী মরম ওইদুনা অৱাবা কয়া খাঙদুনা লাক্লবনি। রাজনিতী দল খুদিংনা মীয়ামগী লৈঙাক্কী ৱাহন্থোকপু ইশাগী দলদগীসু হেন্না ৱাংনা থম্নবা অমসুং ইকায় খুম্ননবা ঐহাক্না হায়জনীংই। অদুগা, কংগ্রেসনা ভারতকী খ্বাইদগী অরীবা পার্তী অমা ওইনা মসিগী থৌদাং লৌফম থোকই।

ইকাই খুম্নরবা চিয়রমেনজী,

মসিদা অসুম্না হায়নৈ মদুদি করিগুম্বা কোংগ্রেস লৈরমদ্রবদি কমদৌরমগনি। ইন্দিয়া ইজ ইন্দিরা, ইন্দিরা ইজ ইন্দিয়া, মসি ৱাখল্লোন অসিগী ফলনি।

ইকাই খুম্নরবা চিয়রমেনজী,

ঐহাক্না অসুম্না হায়নৈ হায়না থমজনীংই – ঐহাক্না খল্লম্বা অসি করিগুম্বা কোংগ্রেস লৈরমদ্রবদি করম তৌরমগনি। মরমদি মহাত্মা গান্ধীগী থৌনা লৈখি, মরমদি মহাক লৈরবদি করি-করি থোক্কনি হায়বা মহাত্মা গান্ধীনা খংই।  অমসুং মখোয়না হায়খি, মকোক্তগী হৌরগা লোইশিল্লু। মহাত্মা গান্ধীনা হায়খি। করিগুম্বা মসি থোক্লমদবা তারবদি করি ওইরমগনি, করিগুম্বা মহাত্মা গান্ধীগী অপাম্বগী মতুং ইন্না থোক্লিবা অদু থোক্লমদবা তারবদি করি ওইরমগনি, করিগুম্বা কোংগ্রেস লৈরমদ্রবদি করম তৌরমগনি – দেমোক্রেসী অসি পরিৱারৱাদতগী ফ্রী ওইরমগনি, ভারতনা মপালগী ৱাখল্লোনশিংগী মহুৎ লমদম অসিগী ফিরেপশিংগী লম্বীদা চৎলমগনি। করিগুম্বা কোংগ্রেস লৈরমদ্রবদি ইমর্জেন্সীগী স্তিগমা অদু লৈরমলোই। করিগুম্বা কোংগ্রেস লৈরমদ্রবদি শেঞ্জা-থুমজা অসি দিকেদ কয়া ইন্সতিত্যুস্নেলাইজ তৌরমলোই। কোংগ্রেস লৈরমদবা তারবদি জাৎ-বিজাৎ অমসুং লাইনীং-লাইশোনগী মরক্তা লৈরিবা খেন্নবা অসি অদুক লুরমলোই। কোংগ্রেস লৈরমদবা তারবদি সিখশিং মীনুংশি লৈতনা পুন্না হাৎখিবা অদু হাৎলমলোই, পঞ্জাবনা মীওৎ মীনৈ খাংদুনা চহি কয়া কয়া লৈরক্লিবা অসি লৈরমলোই। কোংগ্রেস লৈরমদবা তারবদি কাশ্মিরগী পন্দিৎশিংনা কাশ্মির থাদোক্তুনা চৎলমলোই। করিগুম্বা কোংগ্রেস লৈরমদবা তারবদি ইচানুপীশিং মৈ থারিবা অসি তৌরমলোই। করিগুম্বা কোংগ্রেস, লৈবাক অসিগী মীচম প্রজাশিংনা য়ুমশিং, লম্বী-থোং, মৈ, ঈশিং, তোইলেৎ অমসুং তঙাই ফদবা খুদোংচাবশিংগীদমক চহি কয়া ঙাইরক্লিবা অসি ঙাইরমলোই। 

ইকাই খুম্নরবা চিয়রমেনজী,

ঐহাক্না মখা তানা থিখিগনি।

ইকাই খুম্নরবা চিয়রমেনজী,

কোংগ্রেসনা শক্তি পাইবা মতমদা লৈবাক অসিগী চাউখৎহনখিদে, হৌজিক মখোয় বিরোধী ওইরে, মখোয়না লৈবাক অসিগী চাউখৎ-থৌরাংদা অপনবা পীরি। হৌজিক কোংগ্রেসনা ‘নেসন’ হায়বা অসিদসু য়ানীংদ্রি। করিগুম্বা ‘নেসন ‘ হায়বা ৱাখল্লোন অসি অনকন্সতিত্যুস্নেল ওইরবদি অদোমগী দলগী মমিং অসি ইন্দিয়ন নেস্নেল কোংগ্রেস হায়না করিগী কৌরিবনো? হৌজিক নখোয়দা অনৌবা ৱাখল্লোন অমা লাক্লবদি ইন্দিয়ন নেস্নেল কোংগ্রেস হায়বা মমিং অসি হোংদোক্লগা অদোমনা ফেদরেসন ওফ কোংগ্রেস হায়না কৌরো, নখোয়গী নপা-নপুনা তৌরম্বা অশোইবা অদু শেমদোক্লো। 

ইকাই খুম্নরবা চিয়রমেনজী,

মসিদা কোংগ্রেস, দি.এম.সি., অমসুং লেফ য়াওনা মরুপশ কয়ানা মফম অসিদা ফেদরেলিজমগী মতাংদা ৱা চাউনা ঙাংলি। মসিসু মথৌ তাই মরমদি মসি রাজ্যশিংগী মকোক থোংবা লুচিংবশিংগী হাউসনি। অদুবু ঐহাক্কী মরুপ পুম্নমক….

ইকাই খুম্নরবা চিয়রমেনজী,

থাগৎচরি ইকাই খুম্নরবা চিয়রমেন। দেমোক্রেসীদা তাহনবা খক্তা নত্তে, তাবা অসিসু দেমোক্রেসীগী শরুক অমনি। অদুবু চহি কয়া, ঐহাক্না তাকপী-তম্বীদুনা খক্তা তৌদুনা লাকখি অদুনা করিগুম্বা খরা তাবা হায়বসে ঐঙোন্দা অৱাবা ওইরক্লে। 

ইকাই খুম্নরবা চিয়রমেনজী,

কোংগ্রেস, তি.এম.সি., অমসুং লেফ য়াওনা মরুপ কয়ানা মফম অসিদা ফেদরেলিজমগী মতাংদা ৱাখল্লোন কয়া থম্বীখি। অমসুং হাউস অসিদা মসিগী মতাংদা খন্নবা হায়বা অসিনা হেন্না ফগনি মরমদি মফম অসিদা রাজ্যগী মকোক থোংবা লুচিংবশিং য়াওরি, হাউস অসিদা ঐখোয়না মখোয়গী পাউতাকশিং লৌরি অদুবু ঙসি ৱাফম অসিগী মতাংদা ঐখোয়না হৌদোকচবা অসিদা ময়াম্নসু ফেদরেলিজমগী মতাংদা ৱারী শানবা ঐহাক্না মীওই খুদিংমক্তা হায়জরি। অদোমগী ৱাখল্লোনশিং অদু অমবু ওইরবসু অদোম্না করিগুম্বা মতমদা বাবাসাহেব অম্বেদকরগী মরমদা পাবীয়ু, বাবাসাহেব অম্বেদকরনা হায়রমখিবা ৱাহৈশিং অদু নীংশিংবীয়ু। সম্বিধানগী সভাদা বাবাসাহেব অম্বেদকরনা হায়রমখিবা অদু ঐহাক্না থমজরি,

“মসিগী ফেদরেসন অসি য়ুনিয়ন অমনি মরম অসিনা থুংগাইবা ঙমদ্রিবনি। এদমিনিস্ত্রেতিবকী ওইবা খুদোংচানবা লৈবাক অসি অমদি মসিগী মীয়াম অসি তোঙান-তোঙানবা রাজ্যশিংদা খাইদোকপা য়াই। এদমিনিস্ত্রেসন অসি তোঙান-তোঙানবা রাজ্যশিংগী ওইনা খাইদোকপা য়ারবসু লৈবাক অসিদি খাইদোকপা য়াদবা অপুনবা অমা খক্তনি।”

মহাক্না এদমিনিস্ত্রেতিবকী শিন্দোক্লিবা অমসুং ‘নেসন’ হায়বা ৱাখল্লোন অসিগী মতাংদা ময়েক শেংনা থমখি। মসি বাবাসাহেব অম্বেদকরনা সম্বিধান সভাদা থমখি। ঐহাক্না খনবদা বাবাসাহেব অম্বেদকরনা ফেদরেলিজমগী মাংদা অসুক মুন্না খঙলিবা অসিদগী হেনবা অতোপ্পা গাইদেন্সকী মথৌ তাদে হায়না খল্লি। অদুবু অখন্নবা ওইরিবা অসি ঐখোয়গী লৈবাক্তা থোক্লিবা অসিনি। ফেদরেলিজমগী মতাংদা ৱাফম কয়া অমা ফোঙদোকখ্রে, পাউজেল কয়া অমা পীখ্রে। এয়রপোর্ত্তা থোকখিবা কৈসু লৈতবা ৱাফম অমগীদমক মুখ্য মন্ত্রীগী ফম লৌথোকখিবা ঐখোয়না কাউরব্রা? অন্ধ্র প্রদেশকী হান্নগী মুখ্য মন্ত্রী, তি. অনজাইয়াদা করি থোকখি হায়বা হাউস অসিদা লৈরিবা ময়াম্না খঙবীরম্লগনিও। প্রধান মন্ত্রগী মচানুপানা এয়রপোর্ত্তা শিল-লাংলম্লিবা অদু পামদবদগী মহাকপু ফম লৌথোকখি মসিনা অন্ধ্র প্রদেশকী মীওই করোর কয়াগী থমোয় শোকহনখি। মসিগা চপ মান্ননা কর্নাতকাগী মুখ্য মন্ত্রী, বিরেন্দ্র পিলজী অসিসু মহাক্না মশা ঙমদনা লৈরিঙৈদা মহাকপু ইকাইবা পীদুবনা মহাক্কী ফমদগী লৌথোকখি। ঐখোয়গী ৱাখল্লোন অসি কোংগ্রেসকুম্না পীক্তে। ঐখোয় পুকচেল পীকপা মীওইশিং নত্তে। ঐখোয়গী ৱাখল্লোন্দদি নেস্নেল গোলশিং, নেস্নেল তার্গেৎশিং অমসুং রিজনেল এস্পিরেসনশিংগী মরক্তা কনফ্লিক্ত অমত্তা লৈতে। রিজনেল এস্পিরেসনশিংদা চপ মান্নবা ইকাই খুম্নবা অদু উৎতুনা মখোয়গী সমস্যশিং অসি কোকহনগদবনি। অমসুং লৈবাক অদুনা চাউখৎ-থৌরাংগী মতাংদা খনবগা লোয়ননা রিজনেল এস্পিরেসনশিং অসি কোকহল্লবা মতমদা ভারত অসি খুমাং চাউশিনগনি। ঐখোয়না লৈবাক অসি খুমাং চাউশিনহনগদবনি হায়বা মতমদা মসি ওবলিগেসন ওইরকই অদুবু রাজ্য খুমাং চাউশিল্লবা মতমদা লৈবাক খুমাং চাউশিনবা হায়বা অসিসু কন্দিসন অমনি। রাজ্য অদি খুমাং চাউশিন্দনা ঐখোয়না লৈবাক খুমাং চাউশিন্নবা খল্লবদি মদু ওইথোকপা ঙম্লোই। অদুনা অহানবা কন্দিসন অসি রাজ্য খুমাং চাউশিলহল্লগা লৈবাক খুমাং চাউশিনহনবা হায়বা অসিনা ওইগদবনি। অমসুং লৈবাক খুমাং চাউশিল্লবা মতমদা লৈবাক অদু চাউখৎলি, লৈবাক মনুং অদুদা খুমাং চাউশিল্লি, রাজ্যশিং চাউখৎপা হায়বা অসি প্রিকোলেৎ তৌই অমসুং মসিনা মরম ওইরগা লৈবাক চাউখৎপা হায়বদো ওইবা ঙম্মি, ৱাখল্লোন অসিগা লোয়ননা ঐখোয়না চংশিল্লি। অমসুং ঐহাক্না গুজরাত্তা লৈরিঙৈদা ঐহাক্কী মায়োক্তা দিল্লী সরকারনা করি তৌখি হায়বা ঐহাক্না খঙই, পুৱারিনা শাখিনি। ঐঙোন্দা করি থোকখি? গুজরাত্তা করি থোকখিদে, অদুবু মতম অদুগী ঐহাক্কী নুমিৎ খুদিংগী লৈরিবা রেকোর্দশিং অদু য়েংবীয়ু, মুখ্য মন্ত্রী ওইনা ঐহাক্না মতম চুপ্পদা চপ মান্নবা ৱাফম থমখি মদুদি গুজরাতকী মন্ত্র অসি করিনো, লৈবাক চাউখৎনবা গুজরাত চাউখৎহনবা। দিল্লীদা মতম চুপ্পদা সরকার অমা লৈ, ঐখোয়না লৈবাক চাউখৎনবা গুজরাত চাউখৎহনবা হায়বা অসি খল্লগা খক্তা চৎখিদে অমসুং ফেদরেলিজমদা লৈরিবা ঐখোয় পুম্নমক্কী থৌদাং অসি লৈবাক চাউখৎনবা ঐখোয়গী রাজ্যশিং অসি ঐখোয়না চাউখৎহনগনি অসুম তৌদুনা পুন্না লৈবাক অসিবু অনৌবা পনখৈ তম্না পুগনি হায়বা অসিনি। অদুবু মসিগী লম্বেল অসি অচুম্বা লম্বীনি, ঐখোয়না মসিগা চপ মান্নবা লম্বেল অসিদা চৎপা মথৌ তাই। অমসুং য়াম্না নুংঙাইত্রিবদি দিকেদ কয়া সরকার পাইবগী খুদোংবা ফংলগা মখোয়না রাজ্যশিংবু নমথদুনা থমখিবা অসিনি। মীওই খুদিংমক মফম অসিদা ফম্মি, ৱাখিবশিং অদু ফম্মি। মখোয়না করম্না লাকশিনখি? প্রসিদেন্ত রুল চামগী ময়ারক থমখি, মীখলদা খল্লক্লবা মীয়ামগী মীহুৎ ওইরিবা রাজ্য সরকারশিং অদুবু ফম লৌথোকখি। নখোয়না করম্বা নমাই পাল্লগা ঙাংলিবনো? মসিনা মরম ওইরগা নখোয়না দেমোক্রেসীবু উশিৎখিদে। অমসুং করম্বা প্রধান মন্ত্রীনা মহাক্কী মতমদা সরকার ৫০ লৌথোকখি, রাজ্য সরকার ৫০ লৌথোকখিবগে।

ইকাই খুম্নরবা চিয়রমেনজী,

ভারত মচা খুদিংমক্না ৱাফম পুম্নমক অসিগী পাউখুমশিং খঙই অমসুং ঙসি মখোয়না মসিগী মহৈ অদু ফংলি।

ইকাই খুম্নরবা চিয়রমেনজী,

কোংগ্রেসকী হায় কম্মান্দ, মখোয়গী পোলিসী অসি থবক মখল অহুমদগী লৌথোক্লগা শেমমি। অহানবদা দিসক্রেদিৎ, অদুগা দিস্ত্রিব্যুৎ অমসুং মতুংদা দিসমিস। মসিগী মওং অসিদা দিসত্রস্ত, দিস্তেবিলাইজ অমসুং দিসমিস তৌখি। অসুম্না হায়রিবশিং অসিগী মখা চত্থদুনা লাকখি।

অদোম্না অমুক্তা হায়বীয়ু, ইকাই খুম্নরবা চিয়রমেনজী,

ঐহাক্না ঙসি হায়জনীংবদি কনানা ফারুখ অব্দুল্লাজীগী সরকার অসি দিস্তেবিলাইজ তৌখিবগে? চৌধরী দেবীলালজীগী সরকার অসি কনানা দিস্তেবিলাইজ তৌখিবগে? চৌধরী চরন সিংহজীগী সরকারপু কনানা দিস্তেবিলাইজ তৌখিবগে? কনানা পঞ্জাবতা সরদার বাদল সিংহগী সরকারক লৌথোকখিবগে? মহারাস্ত্রদা কনানা বালা সাহেব থাকরেগী মীংচৎথিন্নবা দর্তী ত্রিক্স তৌখিবগে? কর্নাতকাদা রামকৃষ্ণ হেগরে অমসুং এস আর বোমাইগী সরকার কনানা মুত্থৎখি? ১৯৫০গী মতমদা খনখিবা কম্যুনিস্ত সরকার অসি কনানা নমথখি? তামিল নাদুদা ইমর্জেন্সী লাউথোকখিবা মতমদা করুনা নিধিজীগী সরকার অসি লৌথোকখিবগে? ১৯৮০গী মতমদা কনানা এম.জি.আর.গী সরকার মুত্থৎখি? অন্ধ্র প্রদেশতা কনানা এন.তি.আর.গী সরকার দিস্তেবিলাইজ তৌনবা হোৎনখিবগে? অমসুং হায়রিবা অসি মহাক্না নাদুনা লৈরিঙৈদনি। মুলায়ম সিংহ য়াদবজীনা কেন্দ্রনা হায়বা য়াদে হায়দুন মহাকপু ওৎখিবা দল অদু করম্বনো? কোংগ্রেসনা মাগী লুচিংবশিং ফাওবা লেম্না থাখি। অন্ধ্র প্রদেশকী কোংগ্রেস সরকারনা মরু ওইবা থৌদাং অমা লৌখি, মখোয়দা করি তৌবীখি। মফম অসিদা শক্তি পাইদুনা ফম্নবগী খুদোংচাবা অমা পীখিবা কোংগ্রেস অদুদা নখোয়না করি তৌখি?      মহাক্না অন্ধ্র প্রদেশপু য়াম্না ইকাইনীংঙাই ওইবা মওংদা খাইদোকখি। মাইকশিং মুত্থৎখি, খন্ন-নৈনবা পাঙথোকখিদ্রে। মসি অচুম্বা মওং ওইগদ্রা? মসি দেমোক্রেসীরা? অতলজীগী সরকারনসু রাজ্য অনি শেমখি। ঐখোয়না রাজ্য শেম্বদা অপনবা পীখিদে। অদুবু মদুগী মওং অদু করিনো? অতলজীনা রাজ্য অহুম শেমখি। ছত্তিগর, ঝার্খন্দ, উত্তরাখন্দ শেমখি অদুবু ইহৌ লৈখিদে। পুম্নমক শান্তি ওইনা ৱারেপ লৌখি। মীওই খুদিংমক্না ফমদুনা ৱারেপ লৌখি। অন্ধ্র, তেলঙ্গনাগীদু তৌরম্বা য়াই। ঐখোয় এন্ত-তেলঙ্গনা নত্তে। পুন্না তৌরম্বা য়াবনি। অদুবু অদোমগী নাপল, শক্তিগী ইখৌ লাংবা অসিনা লৈবাক মনুংদা ৱাখল মান্নদবা পোকহনখি। অমসুং ঙসিসু তেলঙ্গনা অমদি অন্ধ্রগী মরক্তা নুংশিনদবা অদুনা তেলঙ্গনাদা অকাইবা পীরি, অন্ধ্রদসু অকাইবা পীরি। অমসুং নখোয়না রাজনিতীগী ওইবা খুদোংচাব অমত্তা ফংদ্রে।

ইকাই খুম্নরবা চিয়রমেনজী,

ঐখোয়না কোওপরেতিব ফেদরেলিজমগা লোয়ননা অনৌবা অওনবা অমগী মাইকৈদা চংশিনখি। অমসুং ঐখোয়না কোওপরেতিব কম্পিতিতিব ফেদরেলিজমগী মতাংদা ৱা ঙাংখি। ঐখোয়গী রাজ্যশিংগী মরক্তা চাউখৎপদা চাংদম্নগদবনি, অফবা মওংদা চাংদম্নগদবনি, পুন্না মাংদা চাংশিন্নবা তৌরসি। দল অসিনা কনাদসু শাসন তৌদে। অমসুং ঐখোয়না মসিবু থৌগৎপদি ঐখোয়গী ইথৌনি অমসুং ঐখোয়না মসু তৌরি।

ইকাই খুম্নরবা চিয়রমেনজী, ঐহাক্না ঙসি খুদম অমা পীজনীংই। জি.এস,তি. কাউন্সিল শেমখিবা অসিমক ভারত্তা মপাঙ্গল কনবা ফেদরেলিজমগী অফবা স্ত্রকচর অমা লৈ হায়বগী খুদম অমনি। রিভেন্যুগী মরু ওইবা ৱারেপশিং অসি জি.এস.তি. কাউন্সিলনা লৌই। অমসুং রাজ্যশিংগী শেল-থুম মন্ত্রীশিং অমসুং ভারতকী শেল-থুম মন্ত্রীগা পুন্না চপ মান্নবা তেবল অমদা ফম্লগা অচৌবা, অপীকা ৱারেপ পুম্নমক লৌই। কনা অমত্তা তুংদা লৈতে, কনা অমত্তা মাংদা লৈতে। মীওই খুদিংমক্না পুন্না য়েংমিন্নৈ। অমসুং লৈবাক অসিনা মসিগীদমক চাউথোকচফম থোকই, জি,এস.তি.না লৌখিবা ৱারেপশিংগীদমক হাউস অসিনা হেন্না চাউথোকচফম থোকই। ময়াম্না পুন্না য়ান্নরগা ৱারেপ লৌখি। রাজ্য পুম্নমক্কী শেল-থুম মন্ত্রীশিং অমসুং ভারতকী শেল-থুম মন্ত্রীনা পুন্না ৱারেপ লৌমিন্নৈ। ফেদরেলিজমগী মসিদগী হেন্না ফবা মওং লৈখিগদ্রা? মসিগীদমক কনানা চাউথোকচরোইদগে? অদুবু ঐখোয়না মসিদসু চাউথোকচবা পোক্ত্রি।

ইকাই খুম্নরবা চিয়রমেনজী,

ঐহাক্না ফেদরেলিজমগী মতাংদা খুদম অমগা পীজনীংই। সোসিএল জস্তিসগুম্বা ঐখোয়না উরিবা। মসি লৈবাক অসিদা য়াম্না তঙাই ফদে। নত্ত্রবদি লৈবাক অদু চাউখৎলোই। মসিগা চপ মান্না রিজনেল জস্তিসসু মরু ওই। করিগুম্বা চাউখৎ-থৌরাংদা মফম অমা কনথোকপীরম্লবদি লৈবাক অদুনা মাংদা চৎপা ঙম্লোই। অদুনা এস্পিরেস্নেল দিস্ত্রিক্তশিংগীদমক প্লান অমা তৌখি। লৈবাক অসিদা অসিগুম্বা জিলা ১০০ খনখি, তোঙান-তোঙানবা পেরামিতরদা য়ুম্ফম ওইরগা খনখি। রাজ্যশিংগী খন্নরগা খনখি। অমসুং হায়রিবা জিলা চামা হেনবা অসি য়ামদ্রবদা রাজ্যশিংগী চাংচৎ ওইনা লৈরিবা জিলাশিং অদুগা চপ মান্নবা ঙম্লে। অদুনা পোৎলুমসু হন্থরগনি। অমসুং ঐখোয়না থবক অদু পাইখৎকি অমসুং ঙসিদা ঐহাক্না চাউথোক্না হায়রি। স্কিম অসিগী ৱাখল্লোন অসি ভারত সরকারদা লাক্লবসু রাজ্য অমা খক্তা নত্তনা অতোপ্পা রাজ্য পুম্নমক্তা চৎনখি। কেন্দ্র সরকার, রাজ্য সরকারশিং অমসুং দিস্ত্রিক্ত য়ুনিৎনা ঙসি জিলা চামা হেনবদা অহোংবা পুরক্নবা পুন্না থবক তৌরি। অমসুং মসিদা দল পুম্নমক্কী সরকারশিং য়াওরি। রাজ্য সরকারশিং অদু বি.জে.পি. খক্তনি হায়বা লৈতে।  অমসুং মখোয়না পুন্না অতেনবা মতমগী মনুংদা অফবা ফল পুরকপা ঙমখি, এস্পিরেস্নেল দিস্ত্রিক্তশিং অসিনা পেরামিতর কয়াদা রাজ্যশিংগী লৈরিবা চাংচৎ অদুদগী হেনখি। অমসুং ঐহাক্না ৱাফম অমা হায়জগে, এস্পিরেস্নেল দিস্ত্রিক্ত ওইরম্বা এস্পিরেস্নেল দিস্ত্রিক্তশিং অদুদা জন ধন একাউন্তশিং অসি হান্নদগী শরুক মরি হেন্না হাংখি। অমসুং রাজ্য পুম্নমক অসিনা তোইলেৎশিং অমসুং মৈ ইমুং খুদিংদা ফংহন্দুনা এস্পিরেস্নেল দিস্ত্রিক্তশিং অসিদা অফবা থবক তৌখি। ঐহাক্না খনবদা মসি ফেদরেল স্ত্রকচরগী অফবা খুদম অমনি। অমসুং মসি লৈবাক চাউখৎনবা ফেদরেল স্ত্রকচর শীজিন্নবগী খুদম অমসু ওইরি।

ইকায় খুম্ননীংঙাই ওইরবা চেয়রমেনজী,

পোলিসী কয়া শেমদোক্তুনা রাজ্যশিং অসিদা শেলগী তেংবাং করম্না পীবগে হায়বগী মতাংদা খুদম অমা হায়জগে। ঐখোয়গী মহৌশাগী পোত্থোকশিং অসি মীওই খরা খক্তগী শেনগাও থলহন্নবা থবক পাংথোক্লম্বগী মতম অমা লৈরম্মি। মসিগী থৌওং অসি ঐখোয়না উহৌ অমসুং মসিগী মতাংদা ৱা কয়া অমসু ঙাংনখি। হৌজিক্তি হায়রিবা পোত্থোকশিং অসিনা লৈবাক্কী শেনগাও ওইনা থলহল্লি। ঐখোয়না কোয়লা অমসুং মাইনিং সেক্তরদা রিফোর্ম পাংথোকখি। ঐখোয়না ইং ২০০০দা নুং পান ফাওনা উবা মওংদা খোনীগী পোত্থোকশিংগী ওক্সন পাংথোকখি। ঐখোয়না রিফোর্ম তৌবগী থৌওং মখা তানা চত্থরি। খুদম ওইনা হায়রবদা, চৎনবা য়াবা লাইসেন্স ইশানা য়োঞ্জবা, চার্জ য়াওদনা ত্রান্সফর তৌবা অমসুং ৫০%গী চাংগী প্রোবেসন, ঙন্না ওপরেস্নেলাইজ তৌবদা ৫০%গী রিবেৎ পীবনচিংবা কয়া অমা। মমাংগী চহি অমদা মাইনিংদগী লাকপা রেভেন্যু চাউরাকপা লুপা করোর লিশিং ১৪মাইনিংদগী লাকপা রেভেন্যু চাউরাকপা লুপা করোর লিশিং ১৪দগী হেনগত্তুনা চাউরাকপা লুপা করোর লিশিং ৩৫ য়ৌখ্রে। ওক্সনদগী লাকপা রেভেন্যু খুদিংমক রাজ্য সরকারশিংনা ফংলি। অসিগুম্বা ৱারেপ অসি খ্বাইদগী চাউবা থৌওং অমনি। রাজ্যগী কান্নবা হায়বসি লৈবাক্কীসু কান্নবনি। কোওপরেতিব ফেদেরেলিজমগী মতৌ অসিগুম্বা ৱারেপ অসিগী মখা পোনবা রিফোর্মশিং অসিবু ওরিশানা থবক ওইনা পায়খৎপদা খুমাং চাউশিল্লি অমসুং ঐহাক্না ওরিশাগী মুখ্য মন্ত্রীবু মসিগীদমক্তা থাগৎপা ফোংদোক্লি। মহাক্কী সরকারনা রিফোর্ম খুদিংমকপু শিজিন্নদুনা লেং মান্নবা থবক পায়খৎলি।

ইকায় খুম্ননীংঙাই ওইরবা চেয়রমেনজী,

ঐখোয়না মতাং অসিদা পুৱারী শেমদোক্নবা থৌওং কয়া অমসু হোৎনরি। মসিগী মতাংদা কয়ারক হন্নসু হায়খ্রে। মপান্দসু হায়খ্রে। কংগ্রেসনা অর্বান নক্সলগী মখুত্তা পন্দুনা লৈরে হায়বসু ঐহাক্না উবা ফংই। মখোয়গী ৱাখল খনবগী থৌওংবু অর্বান নক্সলনা খুদুম চনখ্রে। মরম অদুনা, মখোয়গী ৱাখল্লোন খুদিংমক অসি অমাঙ অতা থোকহনবা ঙাক্তা ওইরে। মসি লৈবাক্কী ওইনা য়াম্না খনথনীংঙাই ওইরে। য়াম্না লুনা খন্নদবা য়াররোই। অর্বান নক্সলনা তাঞ্জা অসিগী খুদোংচাবা নীংথিনা লৌরগা মখোয়গী ৱাখল্লোনবু মপুং ফানা খুদুম চনশিনখ্রে। মরম অসিনা, মখোয়না পুৱারী শেমদোক্লে হায়না হনা হন্না হায়রি।

ইকায় খুম্ননীংঙাই ওইরবা চেয়রমেনজী,

ঐহাক্না মীওই খরগী নীংশিংবগী মতিক ফগৎহন্নীংই। ঐখোয়না পুৱারী অমত্তা শেমদোক্তে। মীওই খরগী পুৱারীদি চহি খরগী মমাংদগী হৌখিবনি। ঐখোয়না মদুবু মমাংদা খরা পুখৎপা খক্তনি। মখোয়না চহি ৫০গী পুৱারীদা নুংঙাইবা ফাওরগদি, ঐখোয়না মদুবু চহি ১০০দা পুখৎপনি। মীওই খরনা চজি ১০০গী পুৱারীদা নুংঙাইরগনা ঐখোয়না চহি ২০০দা পুখৎপনি। চহি ২০০ ওইরগনা, চহি ৩০০দা পুখৎপনি। অদুগা চহি ৩০০-৩৫০দা পুখৎলবদি ছত্রপতি শিবাজীগী মমিং য়াওরক্লগনি। ঐখোয়দি মখোয়গী নীংশিংবগী শক্তি ফগৎহনবনি, পুৱারী শেমদোকপা নত্তে। মীওই খরগী পুৱারীদি শাগৈ অমখক্তা লৈবনি। অদুগা পুৱারী হায়বদি য়াম্না চাউবনি। অকা অকুম লৈরবসু য়াম্না চাউবা হীরম্নি। চাউথোকচনীংঙাই ওইবা পুৱারী কাওথোকপা হায়বসি লৈবাক অসিগী অফবা নত্তে। মসিবু ঐখোয়না ইশাগী ইথৌদাংনি খনগদবনি। অদুনা, ঐখোয়না পুৱারীদগী পারা তম্লদুনা মথংগী চহি ২৫দা লৈবাকপু অনৌবা থাক্তা পুখৎপা ঙম্বা ইশাদা থাজবগী ইথিল অমা লৈহনগদবনি। মসিদগী ঐখোয়গী অমৃতকী মতম হৌগনি হায়না ঐহাক্না খল্লি। মসিগী অমৃতকী মতমসিদা ঐখোয়গী ইচানুপী, নহারোল, লৌমী, খুঙ্গং, দলিৎ, ত্রাইবেল, খুন্নাইগী কাঙলুপ খুদিংনা কত্থোক্কদবনি। মখোয়না মসিদা শরুক য়াগদবনি।

ইকায় খুম্ননীংঙাই ওইরবা চেয়রমেনজী,

নুপীশিংগী মপাঙ্গল হাপ্পগী মতাংদসু ঐখোয়না অহানবা মিৎয়েং চঙলি। মখোয়না অপুনবা মীশিংগী ৫০%গী চাংদা লৈরিবা ভারতকুম্বা লৈবাকসিদা চাউখৎ-থৌরাংগী হীরমদা মখোয়না শরুক য়াবা হায়বসি য়াম্না মরু ওইবনি। হোৎনরিবা অসিদা ঐখোয়গী ইমা, ইচে-ইচলশিংনা খ্বাইদগী চাউবা থৌদাং য়ারি। ভারতকী খুন্নাইগী মশক অসি চৎনবীদা হেন্না ফগৎনবা শেমদোকপনা মশক তাকই। মতৌ অসুম্না অহোংবা কয়া অমসু লাকই। মসিবু ভাইব্রেন্ত ওইবা খুন্নাই কৌই। ঐখোয়গী খুন্নাইগী ফত্তবশিংবু লৌথোকপীনবা য়ুগ খুদিংগী শক্নাইবা মীওই থোক্লকই। নুপীশিংগী মতাংদসু ভারতনা কৈসু থোইদোক্না ৱাবগী মথৌ তাদ্রে হায়বা ঐখোয়না খঙলে। মমাংদদি য়াম্না ৱারম্মি। হৌজিক্তি মখোয়গী শক্তি হাপ্পদবা অহানবা মিৎয়েং চঙলে। ঐখোয়না চাবোকপীগী ছুতী হেনগৎলিবা অসি নুপী অমসুং ইমুং-মনুংগী শক্তি হাপ্নবা হোৎনবগী থোউওংনি। মাইকৈ অসিদা ঐখয়না পাংথোকপা য়াবা খুদিংমক পাংথোক্লি। জেন্দরগী খলদা মান্নদবা কয়া লৈরম্বা অসিসু বেতি বচাও, বেতি পরহাওনা মরম ওইরগা অফবরোমদা অহোংবা কয়া লাক্লে। অদুগা করিগুম্বা রিপোর্ত খরগী মতুং ইন্নদি, নুপাশিংদগী নুপীশিংগী মশিংনা হেনবা ফাওবা য়াওরে। মসি য়াম্না নুংঙাইবা ৱাফম অমনি। ঐখোয়না থেংনখিবা ফত্তবা মতমশিংদগী ঐখোয়না হৌজিক মপান থোক্লক্লবনি। মরম অদুনা, ঐখোয়না হায়রিবা থৌওংশিং লেপ্তনা চত্থফম থোকই। ঙসিদি, ঐখোয়গী নুপীমচাশিংনা এন.সি.সি.দা শরুক য়ারি। অর্মী, এয়র ফোর্স অমসুং নেভীদা নুপীমচাশিং শরুক য়ারে। তলাক অহুমগী খুদোংচাদববু ঐখোয়না লোইশিনখ্রে। ঐহাক্না চৎলুবা মফম খুদিংদা ইমা, ইচে-ইচলশিংগী থৌজাল ফংই। তলাক অহুমগী চৎনবী লোইখিবদা নুপীশিং খক্তদা অচুম্বা ৱায়েল ফংবা নত্তে, মচানুপীদুনা ময়ুমদা হল্লক্লগা লৈমিন্নগদৌরিবা মখোয়গী মপা, মবুংনসু ফংলিবনি। মরম অদুনা মসিদি খুন্নাই অপুনবগী কান্নবনি। মসিদি নুপীশিংগী কন্নবনি অমসুং নুপাশিংগী মাইয়োক্তা লৈবনি হায়বদুসু নত্তে। মসিদি মুস্লিম নুপাশিংগী ওইনসু য়াম্না চাউখৎনীংঙাই ওইবা থৌওংনি। মরমদি, মখোয়সু মচানুপী অমগী মপানি, মচল অমগী মবুংনি। মরম অদুনা, মসিনা মখোয়দসু কান্নবা ফংহল্লি। মতৌ অসুম্না, মীওই খরনা মপান্থোংদা হায়গেরা, হায়রোইগেরা, মবুক্নিংদদি নুংঙাইবা ফাওরিবনি। ঐখোয়না কশ্মিরদগী আর্তিকল ৩৭০ লৌথোকখি, মফমসিগী ইমা, ইচে-ইচলশিংগী মপাঙ্গল হাপখি। মখোয়না হান্নবা ফংলমদবা হক ফংহনখি। হকশিং অসিনা মরম ওইরগা মখোয়না হৌজিক্তি মপাঙ্গল লৈরে। নুপা অমসুং নুপীগী মরক্তা লুহোংবা য়াবগী চহিদা খেন্নবা লৈরিবসি করিগীনো? হীরম খুদিংমক্তা থাক মান্নৈ হায়রবদি, মতাং অসিদসু মান্নফম থোক্তবরা? মরম অদুনা হীরম অসিগী মতাংদসু মান্নবা থাক পুরক্নবা ঐখোয়না মাং থানা হোৎনরি। নুমিৎ খরনিগী মতুংদা হাউস অসিনা নীংথিনা খন্নরবা মতুংদা হীরম অসিগী মতাংদা অচুম্বা ৱারেপ অমা লৌগনি হায়না ঐহাক্না থাজবা থম্মি। ইচে-ইচলশিংগী কান্ননবা থবক তৌগনি হায়না ঐহাক্না থাজবা থম্মি।

ইকায় খুম্ননীংঙাই ওইরবা চেয়রমেনজী,

হন্দক্কী চহি অসি গোৱাগী চহি ৬০ ফাবগী য়াম্না মরু ওইবা পুঙফম অমনি। গোৱানা মনীং তম্বসি চহি ৬০ মপুং ফারে। ঐহাক্না মতাং অসিদা করিগুম্বা খরা হায়নীংই। ঐখোয়গী কংগ্রেসকী মরুপশিংনা মফম অমদবু হেক্তা লৈরবসু শোইদনা তারমগনি। গোৱাগী মীয়াম্না শোইদনা তারমগনি। সরদার সেহবনা হাইদ্রবাদকীদমতা থৌশিল থৌরাং শীনখিবা, খোঙথাং কয়া পায়খৎখিবা; জুনাগরগীদমক্তা থবক থৌরম কয়া লাঙখিবা ঐখোয়না নীংশিংলি। করিগুম্বা, মহাক্না গোৱাগী ওইনসু থৌশিল থৌরাং শীলম্লবদি, ভারতনা নীংতম্বা ফংলবা মতুংগী চহি ১৫ ফাওবা গোৱানা মীখা পোল্লম্লিবা অসি পোল্লম্লোই। ভারতনা নীংতম্বা ফংলবা মতুং চহি ১৫গী মতুংদা গোৱানা নীংতমখি অমসুং মসি চহি ৬০গী মমাংগী পাউচেগী মীদিয়া রিপোর্তনা ময়েক শেংনা তাক্লি। মতমদুগী প্রধান মন্ত্রী, নেহরুগী মালেম্না য়েংবা শক্তমদা করি ওইগনি হায়বসি মহাক্কী খ্বাইদগী নুংনাংবা ৱাফম অমনি। মালেমদা ঐহাক্কী শক্তম কায়রগনি হায়না মহাক্না খল্লম্মি। মতমদুগী গোৱাগী লোইলম লৈঙাক্কী মথক্তা লান্দারম্লবদি, শান্তী পাম্বা মালেমগী নেতা অমা ওইবগী মহাক্কী শক্তাক অসি মচেৎ তানা কায়রগনি হায়না মহাক্না খনখি। গোৱাদা থোক্লিবা থৌদোকশিং অদুমক থোকচসনু হায়না মহাক্না লৈথোকখি। গোৱানা খাঙলিবশিং খাঙজসনু খন্দোকখি। সত্যগ্রহিশিংদা নোংমৈ কাপ্পীরিবা, লোইলম লৈঙাক্না ফু চৈবা তৌরিবা, ভারতকী শরুক অমা ওইরিবা অমসুং ভারতমক্কী মচা-মচুশিংদা নোংমৈ কাপশিল্লিবা অদুবু মহাক্কী শক্তমদা অশোইবা লাক্কনি খন্দুনা তুমিন্না লৈথোকখি, মখোয়গীদমক্তা লান্মী পীরোই হায়না মতমদুগী প্রধান মন্ত্রী, পন্দিৎ নেহরুজীনা হায়খি। মহাক্না সত্যগ্রহীশিংদা তেংবাং পীবদা অয়াবা পীখিদবনি। মসিনি কংগ্রেসনা গোৱাদা চত্থখিবা মীওৎ মীনৈ অমসুং চহি ১৫ হেন্না মীখা পোলহনখিবা। মরম অসিনা, গোৱাগী মথৌনা লৈরবা মচারোই কয়ানা মশাগী মপুন্সি কত্থোকপা তাখি। চৈ চাদুনা পুন্সি লেনবা তাখি। মসিগুম্বা ফিভমসি লৈহনখিবনি। পন্দিৎ নেহরুনা ওগস্ত ১৫, ১৯৫৫দা লাল কিলাদগী করি হায়খিবনো ঐহাক্না চপ চানা পাউদমজগে। কংগ্রেসকী মীওইশিং মফমসিদা লৈরম্লবদি নুংঙাইগদবনি, নেহরুগী মমিং তাবদা মথৱাই ফাওবদি নুংঙাইজগনি। মখোয়গী অরাম-খৌরাং কোকহন্নবগীদমক্তা ঐহাক্না নেহরুজীবু হৌজিক্কান হন্না-হন্না নীংশিংলিবনি। নেহরুনা লাল কিলাদগী হায়খিবদু ঐহাক হায়জগে। ঐখোয়না লান্মী থাজিনগনি হায়বগী অরানবা ৱাখল থম্বীগনু। গোৱাগী অনকপদা লান্মী অমত্তা লৈতে। ইরাং থোকহল্লগা ঐখোয়বু উপায় লৈতবদগী লান্মী থাজিন্দবা য়াদবা ফিভম শাগৎপসি মীওই খরনা পাম্মি। ঐখোয়না মসিবু শান্তি ওইনা খন্নগনি, কৈদৌনুংদা লান্মী থাজিল্লোই হায়বসি মীয়াম্না খঙবীয়ু। মসিগী ৱারোল অসি ওগস্ত ১৫দা গোৱাগী মীয়ামগী অয়াপম্বগী মাইয়োক্তা মহাক্না লাল কিলাদগী হায়খিবনি। মহাক্না মখা তানা অসুম্না হায়খি। লোহিয়াজী য়াওনা গোৱাদা সত্যগ্রহ পাংথোক্নবা চৎলিবা মীয়াম, লৈবাক্কী সত্যগ্রহ চৎলিবা, করনাতকাগী জগন্নাথ রাজ কোশীগী লুচিং মখাদা সত্যগ্রহ পাংথোকপা চৎলিবশিং মঙ্গোল ওইবীয়ু হায়না নেহরুজীনা হায়বীখি। কয়াদা করেম্নরিবনো অমুক্তা য়েংবীয়ু। ইরৈবাক্কী নীংতম্বগীদমক্তা লান্থেংনরিবা লৈবাক মীয়ামগীদমক্তা অসিগুম্বা উশিত্তবা ৱা ঙাংবসিবু করিনো? মফমদুদা চৎলিবা মীওইশিংবু মঙ্গোল ওইবীয়ু হায়বসিবু করিনোবা? অদুগা সত্যগ্রহগী ৱাখল্লোন করিনো হায়বসি অদোমসু অমুক্তা খন্থবীয়ু। মখোয়গী ৱাখল, পান্দম অমসুং পাম্বৈ অসি করিনো? সত্যগ্রহগা লান্মীগা মরী লৈনদে, লান্মী পীয়ু হায়বগী মখোয়গী খোল্লাও অমসুং অপাম্বা লৈতে। ইশামক্কী লৈবাক্কী মরুপশিংবু মরন্নাই তাহনবীখি, মরোমদোম থাদোকখি। মসি গোৱাগী মথক্তা তৌবীখ্রিবনি। গোৱাগী মীয়াম্না কংগ্রেসকী অসিগুম্বা থৌওং কৌদৌনুংদা কাওদ্রি, কাওরোই।

ইকায় খুম্ননীংঙাই ওইরবা চেয়রমেনজী,

অপাম্বা ফোংদোকপগী নীংতম্বা ফাংবগী মতাংদসু মফমসিদা ৱাফম কয়া থম্নখ্রে। নুমিৎ খুদিংগী ঐখোয়গী মফমদা তাকপী তম্বীরি। ঐহাক্না ঙসি থৌদোক অমগী মতাংদা হায়জগে। মসিসু গোৱাদা থোকখিবা থৌদোক্নি। গোৱাদা পোকখিবা মচারোই অমগী ৱারীনি। অপাম্বা ফোংদোকপগী মতাংদা করি থোকখি, করম্না থোকখি হায়বগী খুদম্নি। মশা মশাগী মনীংতম্বগী মতাংদা ৱাফম থমখিবা মীওই খরগী পুৱারী লিজগে। লতা মঙ্গেস্করনা লৈখিদবদগী ঙসিদি লৈবাক পুম্নমক মবুক্নিং ৱারি। লৈবাক্কী য়াম্না চাউনা মাঙজবনি। অদুবু, মহাক্কী ইমুং মনুং অসি গোৱাদগীনি। মহাক্কী ইমুংগী মফমদা করি থোকখিবগে হায়জগে। লৈবাক্না মসি খঙবগী মথৌ তাই। ৱারী অসি লতা মঙ্গেসকরগী মৌপ্বা অমসুং গোৱাগী মচানুপা ভাই পন্দিৎ হ্রিদয়নাথ মঙ্গেসকরগীনি। মহাক অসি ওল ইন্দিয়া রেদিওদা থবক তৌরম্বনি। মহাকপু ওল ইন্দিয়া রেদিওদগী তান্থোকখি। করি মরালগীনো খঙবীবরা? মহাক্কী মরালদি, বীর সাৱর্করগী লৈবাক নীংবনা থল্লবা শৈরেং অমবু ওল ইন্দিয়া রেদিওদা শন্দোক্লুবগীনি। মহাক্কী ইন্তর্ভিয়ু অদুম ফংবনি, মদুদা মহাক্না হায়খিবদা মহাক্না বীর সাৱর্করগা উন্নদুনা মহাক্কী শৈরেং অমবু ঈশৈদা ওন্থোকপা পাম্মি হায়খি, মদুদা সাৱর্করজীনা অদোম জেল চঙবা পাম্বরা হংলকখি হায়না ফোংদোকখি। অদুবু, মহাক্না সাৱর্করজীগী লৈবাক নীংবনা থল্লবা শৈরেংবু ঈশৈ ওইনা শন্দোকখি। নুমিৎ নিপান্নিগী মনুংদা মহাকপু ওল ইন্দিয়া রেদিওদগী তান্থোকখি। মসি অদোমগী অপাম্বা ৱা ঙাংবগী মনীং তম্বনি। মসিগুম্বা নীংতম্বগী তৌশিন্নবা ৱাফম্বু অদোম্না লৈবাক মীয়াম মাঙদা থমখি। কংগ্রেস সরকারগী মতমদা চত্থখিবা মীওৎ মীনৈসি পন্দিৎ হ্রিদয়নাথ মঙ্গেসকরগী মফমদা খক্তা নঙখিবা নত্তে। মসিগী মশিং থীঙমদনা লৈ। মজরুহ সুলতানপুরীবু নেহরুগী মাইয়োক্তা ৱা ঙাংবগীদমক্তা জেলদা চহি অমা থমখিবনি। মান্নবা মরমগীদমক্তা প্রোফেসর ধর্মপালজীবুসু জেলদা থাজিনখিবনি। শক্নাইরবা শৈশকপা কিশোর কুমারজীবুসু ইমর্জেন্সীগী মতমদা ইন্দিরাজীগী মমাঙদা মঙক নোন্দবা অমসুং ইমর্জেন্সীগী মাইকৈদা ৱা ঙাংদবগীদমক্তা ইমর্জেন্সীগী মতমদা তান্থোকখিবনি। অখন্নবা শাগৈ অমগী মাইয়োক্তা করিগুম্বা অমা ঙাংবা মতমদা করি থোকই হায়বা ঐখোয় খুদিংনা খঙনরবনি। সিতারাম কেসরীজীবুসু ঐখোয়না নীংথিনা খঙই, মহাক্কী মফমদা করি থোকখি হায়বসু ঐখোয়না খঙই।

ইকায় খুম্ননীংঙাই ওইরবা চেয়রমেনজী,

ঐহাক্না হাউসকী মেম্বরশিংদা ভারতকী তুংগী মশক মঙাল লৈবা মরাইবক্তা থাজবা থমসি হায়জরি। মীওই করোর ১৩০গী তৌবা ঙম্বা অমসুং হোৎনবদা থাজবা থমসি। মসিগী হোৎনজম অসিদা য়ুম্ফম ওইরগা ঐখোয়না অচৌবা পান্দম থমদুনা লৈবাক অসিবু অনৌবা অৱাংবা থাক্তা পুখৎনবা হোৎনমিন্নসি।

ইকাই খূম্নরবা সভাপতী,

ঐগী নঙগী ঐখোয়গী হায়বা চৎনবী অসি ঐখোয়না লোইশিনবা মথৌ তারে। ভোৎ অমগা অপাম্বা অমগা লোয়ননা পান্দম অমা ফংনবা মাইকৈদা লৈবাক অসিনা চংশিন্নবা হৌজিক্কী ওইনা মসি তঙাই ফদে। মসি গোল্দন এজ অমনি, মালেম পুম্বনা অচৌবা অশা অমসুং ইকাই খুম্নবা অমগা লোয়ননা ভারতকী মায়কৈদা মীৎয়েং থম্লি। মসিগী খুদোংচাবা অসি মাংহনগুমসি। ইরৈবাকচাশিংগী য়াইফনবগীদমক্তা মসিদগী হেনবা খুদোংচাবা অমা লৈত্রে। মসিগী খুদোংচাবা অসি লৌবীহৌ, চহি ২৫গী খোংচৎ অসিনা ঐখোয়বু পান্দম অমহেক্তা ফংহনবা ঙম্লগনি। ঐখোয়গী লৈবাক চৎনবীশিং অসিগীদমক্তা ঐখোয়না চাউথোকচগদবনি অমসুং সভাপতী, ঐখোয়না অচৌবা থাজবা অমগা লোয়ননা পুন্না চৎমিন্নগনি। অদুগা মসি স্ক্রিপচরশিংদা ইদুনা লৈরম্লবনি। সম গচ্ছধভম সম বদ্ধভম সঙ ৱো মনান্সি জান্তাম। মসিনা হায়বদি, ঐখোয় পুন্না চৎমিন্নসি, পুন্না খন্নমিন্নসি, পুন্না খুদিংমক পাংথোকমিন্নসি, মসিগা খোলাউ অসিগা লোয়ননা ঐহাক্না রাস্ত্রপতিগী ৱারোলগী অয়াবা পীজরে। ঐহাক্না মদুবুসু থাগৎপা ফোঙদোকচরি। অদুগা ঐহাক্না ইকাই খুম্নরবা মেম্বর খুদিংমকপু মখোয়গী কো-ওপরেসন অমসুং মিৎয়েংশিং থম্বীবগীদমক্তা থাগৎপা ফৌঙদোকচরি। পুম্নমকপু থাগৎপা ফোঙদোকচরি!

***