তেলঙ্গনাগী রাজ্যপাল দোক্তর তমিলসাই সৌন্দররাজন জী, কেন্দ্রগী মন্ত্রীপরিসদকী ঐহাক্কী খোংলোই নরেন্দ্র সিংহ তোমর জী, জী কৃষ্ণ রেদ্দী জী, আই.সি.আর.আই.এস.এ.তি.গী দাইরেক্তর জেনরেল, অমদি ওনলাইনগী খুত্থাংদা লৈবাক মনুং অমসুং মপানদগী, অখন্ননা আফ্রীকা লৈবাকশিংদগী শরুক য়াবীরিবা শক্নাইরবশিং, মফম অসিদা তিনবীরিবা ইচে-ইচল অমসুং ইচিল-ইনাওশিং!

ঙসি অসি বসন্ত পঞ্চমিগী শেংলবা কুমহৈ নুমিৎনি। ঙসি ঐখোয়না পুক্নিং লৌশিংগী লাইরেম্বী ইমা সরস্বতিগী পুজা পাংথোকই। অদোম ময়াম্না লৈরিবা লম অসিসু পুক্নিং লৌশিং, ইনোভেসন-ইনভেন্সনগা মরী লৈনবা ওইবনা বসন্ত পঞ্চমিগী নুমিৎ অসিদা থৌরম অসি পাংথোকপগী অখন্নবা মগুন অমা লৈরি। অদোম ময়াম পুম্নমকপু গোল্দন জুব্লি থৌরমগী হন্না-হন্না নুংঙাইবা ফোংদোকচরি।

মরূপশিং,

চহি ৫০ অসি য়াম্না শাংবা মতম অমনি। অমদি মসিগী চহি ৫০গী খোংচৎ অসিদা থৌদাং লৌখিবা পুম্নমক তৌবিমল খংবা উৎচরি। থবক অসি মাংলোমদা পুখৎনবগীদমক হোৎনখিবা পুম্নমকপুসু ঐহাক্না ঙসি তৌবিমল খংবা উৎচরি। মসিমসু অঙকপা মতা চানরুবনি মদুদি ঙসি ভারতনা মশাগী নিং খা তম্বগী ৭৫শুবা চহি পালন পাংথোক্লিবা অসিদা অদোমগী ওর্গনাইজেসনসু চহি ৫০ শুরকপগী মরুওইবা তাঙ্কক্তা লৈরে। ভারতনা মশাগী নিং খা তম্বগী ১০০শুবা চহি পাংথোকপা মতমদুদা অদোম ৭৫শুবা চহিদা লৈরগনি। ভারতনা মথংগী চহি ২৫গীদমক অনৌবা পান্দম থম্লিবা অদুগুম্না মদুদা থবক পায়খৎপা হৌরে, মতৌ অদুম্না মথংগী চহি ২৫ অসি ইক্রিসৈৎকীদমকসু অদুক হক্না মরু ওইরি।

মরূপশিং,

অদোমগী নাক্তা দিকেদ ৫গী এক্সপরিয়েন্স লৈরে। মসিগী দিকেদ ৫ অসিদা অদোম্না ভারত য়াওনা মালেমগী অচৌবা শরুক অমদা এগ্রীকলচর সেক্তরগী মতেং পাংলি। অদোমগী রিসর্স, অদোমগী তেক্নোলোজীনা অরুবা ফিভম কয়াদা এগ্রিকলচরবু লাইথোকহনখি অমদি সস্তেনেবল ওইহনখি। হৌজিক ঐহাক্না য়েংখিবা তেক্নোলোজী দিসপ্লে অদুদা ইক্রিসৈৎকী হোৎনখিবশিংগী মায়পাকপা অদু উবা ফংই। ইশিং অমসুং লৈপাক লৈহাওগী মেনেজমেন্ত ওইগেরা, ক্রোপ ভেরাইতী অমসুং প্রদক্সন প্রেক্তিসশিংদা শাফহল্লকপা ওইগেরা, ওন ফার্ম দায়বর্সিতীদা হেনগৎলকপা ওইগেরা, লাইবস্তোক ইন্তিগ্রেসন ওইগেরা, অমদি লৌমীশিংবু মার্কেৎকা শম্নহনবা ওইগেরা, মসিগী হোলিস্তিক এপ্রোচ অসিনা শোইদনমক্কী এগ্রীকলচরবু সস্তেনেবল ওইহনবদা মতেং পাংলি। তেলঙ্গনা অমসুং আন্ধ্র প্রদেশতা হৱাইশিং, অখন্ননা চিক-পীগী লমদা দিবেলপ তৌরিবা অসিদা অদোমগী থৌদাং য়াম্না মরু ওইরি। লৌমীশিংগা লোয়ননা ইক্রীসৈৎকী কোলাবোরেতিব এপ্রোচ অসিনা লৌউ শিংউববু হেন্না চেত্শিলহল্লগনি, চাউখৎহল্লগনি। ঙসি ক্লাইমেৎ চেঞ্জ রিসর্স ফেসিলিতী ওন প্লান্ত প্রোতেক্সন অমসুং রেপিদ জেনরেসন এদভান্স ফেসিলিতীগী মওং মতৌদা অনৌবা ফোসিলিতীশিং হৌদোকখ্রে। মসিগী রিসর্স ফেসিলিতীশিং অসিনা ক্লাইমেৎ চেঞ্জগী শিংনরকপশিং মায়োক্নবদা এগ্রীকলচর শেক্তরদা চাউনা মতেং ওইরগনি। অমদি অদোম্না খংবীরম্লগনি, অহোংবা লাক্লিবা ক্লাইমেৎতা ঐখোয়গী এগ্রীকলচর প্রেক্তিসশিংদা করি অহোংবা পুরক্কনি, মতৌ অদুম্না ভারতনা য়াম্না চাউবা ইনিসিয়েতিব অমা লৌখৎলে মদুদি ক্লাইমেৎ চেঞ্জনা মরম ওইদুনা ফিভম কয়া অমা ওইরক্লি নেচরেল কেলামিতীশিং লাক্লি, মদুদা মীওই কয়া শিবগী খন্ন-নৈনবদি পাংথোক্লি। অদুবু ইনফ্রাস্ত্রকচরবু মাংহন তাকহনলিবা অদুনা সিস্তেম পুম্বা কাং খোং চাইহল্লি। মরম অদুনা ভারত সরকারনা ক্লাইমেৎ রেসিসতেন্স ওইবা ইনফ্রাস্ত্রচরগীদমক মদুদা এগজামিন অমসুং য়োজনা শেম্নবগীদমক গ্লোবেল লেভেলগী ইন্সতিত্যুৎ লিংখৎলি। ঙসি মতৌ অদুম্না এগ্রীকলচর সেক্তর অসিগীদমক থবক অমা পায়খৎলি। অদোম পুম্নমপু তৌবিমল খংবা উৎচরি।

মরূপশিং,

ক্লাইমেৎ চেঞ্জনা মালেমগী মীপুম খুদিংমকপু ইফেক্ত তৌই, অদুবু মসিনা খ্বাইদগী য়াম্না ইফেক্ত তৌরিবদি সমাজকী অরোইবা শরুক্কী কাংলুপতা লৈরিবা মীওইশিং অদুনি। রিসোর্সকী অৱাৎপা লৈরিবা মখোয়শিং অদু, দিবলপমেন্তকী সিরিদা মথক কাখৎনবগীদমক হোৎনরিবা মখোয়শিং অদুনি। মসিদা ঐখোয়গী অপিকপা লৌমীশিংগী মশিং য়াম্না য়াম্লি। অদুগা ভারত্তা লৌমী চাদা ৮০-৮৫দি অপিকপা লৌমীশিংনি। ক্লাইমেৎ চেঞ্জগী ৱাফম অসি ঐখোয়গী লৌমী মচাশিংগীদমক অচৌবা অৱাবা অমা ওইরি। মরম অদুনা ভারতনা ক্লাইমেৎ চেঞ্জ থেংননবগীদমক মালেমদা হিরম অসিদা অখন্নবা পুক্নিং চংনবা ফোংদোকখ্রে। ভারতনা ২০৭০ ফাওবদা নেত জেরোগী তার্গেৎতি থম্লি, ঐখোয়না লাইফ-লাইফ মিসন-লাইফস্তাইল ফোর এনভাইরনমেন্ত, মসিগী লাইফ মিসনগী মরুওইবশিংদুসু হাইলাইত তৌখ্রে। মতৌ অদুম্না প্রো প্লানেৎ পিপল অসি অদুগুম্লবা মুবমেন্ত অমনি মদুনা ক্লাইমেৎ চেঞ্জ থেংননবগীদমক কম্ম্যুনিতী পুম্নমকপু, ইন্দিভিজুএল পুম্নমকপু ক্লাইমেৎ রেস্পোন্সিবিলিতীগা শম্নহল্লি।

মরূপশিং,

ক্লাইমেৎ অমসুং অতোপ্পা ফেক্তরশিংনা মরম ওইদুনা ভারতকী এগ্রীকলচরগী মাংদা লাক্লিবা শিংনবশিং অসি থেংনবদা ভারতনা হোৎনরিবশিং অদু অদোম এক্সপার্তশিং, সাইন্তিস্তশিং, তেক্নিসিয়ানশিং পুম্নমক্না মমুৎ তানা খংবীরবনি। অদোমগী মরক্তা অয়াম্বনা মসিমসু খংবীরে মদুদি ভারত্তা এগ্রো-ক্লাইমেৎ জোন ১৫ লৈরি। ঐখোয়গী মফম অসিদা সিজন তরুক হায়বদি স্প্রিং, সম্মর, মোন্সুন, অতম, প্রি-ৱিন্তর অমসুং ৱিন্তরসু লৈরি। হায়বদি ঐখোয়গী নাক্তা এগ্রীকলচরগা মরী লৈনবা মখল কয়া অমনা থল্লি অমদি য়াম্না লীরবা এক্সপরিয়েন্সনি। এক্সপরিয়েন্স অসিগী কানবা মালেমগী অতোপ্পা লৈবাকশিংনসু ফংনবগীদমক ইক্রীসৈৎগুম্বা ওর্গনাইজেসনসু মখোয়না হোৎনরিবা অদু হেনগৎপা তাই। ঙসি ঐখোয়গী লৈবাক অসিগী চাউরাক্না জিলা ১৭০দা দ্রাউৎ-প্রুফিংগী সোলুসন পীরি। ক্লাইমেৎ চেঞ্জদগী ঐখোয়গী লৌমীশিংবু কন্নবগীদমক ঐখোয়গী মীৎয়েং অসি বেক তু বেসিক অমসুং মার্চ তু ফ্যুচর অনিমক্কী ফ্যুজনদা থম্লি। ঐখোয়গী মীৎয়েংদি ঐখোয়গী মথৌ য়াম্না তারিবা লৈবাক অসিগী অদুগুম্লবা চাদা ৮০দগী হেনবা অপিকপা লৌমীশিংদা থম্লি। হন্দক্কী বজেদতসু অদোম্না উবীরম্লগনি মদুদি নেচরেল ফার্মিং অমসুং দিজিতেল এগ্রীকলচরদা মমাংদা অমুক্তা ওইখিদ্রিবা মওংদা পুক্নিং থৌগৎলি।

মরূপশিং

দিজিতেল এগ্রীকল্চর অসিনা হোংলক্লিবা ভারতকী য়াম্না মরু ওইবা এস্পেক্ত অমা ওইরি৷ মসিনা ঐখোয়গী তুংগী লম্বীনি অমদি হিরম অসিগী মতাংদা ভারতকী তেলেন্ত লৈরিবা নহাশিংনা অচৌবা থৌদাং লৌবা ঙমগনি৷ দিজিতেল তেক্নোলোজীগা লোইননা ভারতকী লৌমীশিংবু হেন্না শক্তি পীনবা হনবা লৈতনা হোৎনখ্রে৷ দ্রোনশিং শিজিন্নদুনা তিনহাৎ হিদাক অমদি ন্যুত্রিন্তশিং চাইবা, লেন্দ রিকোর্দশিং দিজিতাইজেসন তৌবা অমদি ক্রোর এসেসমেন্তদা তেক্নোলোজী অমদি আর্তিফিসিয়েল ইন্তিলিজেন্স শিজিন্নবা হেনগৎলক্লি৷ ইথৈ-লৌখোং নিংথিনা লৈত্রিবা মফমশিংদা লৈরিবা লৌমীশিংদা ইশিং নিংথিনা ফংহনবদা, পোত্থোক হেন্না থোকহন্নবা অমদি হেন্না ফবা মরুশিং পীবদা  আই.সি.এ.আর. অমদি আই.সি.আর.আই.এস.এ.তি. পার্তনরশিপ অসি পাই পাকখ্রে৷ মসিগী মাই পাকপা অসি দিজিতেল এগ্রীকল্চরদসু লাকহনবা য়াই৷

মরুপশিং,

অসিগুম্বা নিংতম্বগী মতম অসিদা লৌউ-শিংউ তৌবদা অহেনবা গ্রোথ লাকহন্নবা মীৎয়েং থমদুনা ঐখোয়না ইনক্লুসিব গ্রোথতা প্রাইয়োরিতী পীরি৷ লৌউ-শিংউগী হিরমদা নুপীনা লৌরিবা থৌদাং অসি য়াম্না মরু ওই হায়বসি অদোম্না খঙলম্লগনি৷ মখোয়দা পাংবা য়াবা মতেং পুম্নমক পাংনবা সেল্ফ-হেল্প গ্রুপশিংগী খুৎথাংদা য়াম্না কন্না হোৎনরি৷ লৈবাক অসিদা লৈরিবা য়াম্লবা মীওই কয়া অমবু লাইরবদগী কনবদা অমদি হেন্না ফবা পুন্সি মরেল অমা ফংহন্নবগী শক্তি অদু লৌউ-শিংউবদা লৈ৷ মতাং অসিদা ফংলিবা এচিবমেন্ত পুম্নমক্তা ঐনা য়েংখিবা মতমদা, বন্দেলখন্দদা ‘পর দ্রোপ মোর ক্রোপ’ মিসন অমদি ৱাতর মেনেজমেন্ত মাই পাকখিবগী অকুপ্পা মরোল অদু সাইন্তিস্তশিংনা শন্দোক্না ফোংদোকলমখি৷ মতমগা চুনরবা মরু মখলশিং থাদুনা ইশিং য়াম্না চংদবা অমদি ইশিং ৱাৎপনা অকাইবা পীদবা মহৈ-মরোংশিং হেন্না থাহনবদসু পুক্নিং থৌগৎলি৷ চানবা থাউদা সেল্ফ-সফিসিয়েন্সী লৈহন্নবগীদমক ঐখোয়না হৌদোকখিবা নেস্নেল মিসন অসিনা ঐখোয়গী অনৌবা খোংথাং অসি উৎলি৷ লাক্কদৌরিবা চহি মঙা অসিদা পাল্ম ওইল থাবগী লৌফম অসি হেক্তর লাখ ৬.৫০দা হেনগৎহন্নবা ঐখোয়না মীৎয়েং থম্লি৷ হিরম অসিগী মতাংদা থাক্তা খুদিংমক্তা লৈরিবা লৌমীশিংদা ভারত সরকারনা মতেং পীরি৷

মরুপশিং,

চহিশিং অসিদা ভারত্তা পোস্ত-হার্বেস্ত ইনফ্রাস্ত্রকচরসু শেমগৎখ্রে৷ ইকুই-কুইদ্রিবা চহিশিংদা মিলিয়ন তন ৩৫গী কেপাসিতী লৈবা কোল্দ চেন স্তোরেজ কেপাসিতী অমা শেমগৎখ্রে৷ লুপা কোতি লাখ ১গী সরকারগী এগ্রীকল্চর ইনফ্রাস্ত্রকচর ফন্দ অসিনসু পোস্ত-হার্বেস্ত ইনফ্রাস্ত্রকচর অসি খোংজেল য়াংনা শেমগৎপা ঙমখিবনি৷ ঙসিদি, ঐখোয়না এগ্রীকল্চর ভেল্যু চেন অমদি এফ.পি.ও.শিং শেমগৎপদা কা-হেন্না মীৎয়েং থম্লি৷ লৌবাক অসিগী অপিকপা লৌমীশিংবু এফ.পি.ও. লিশিং কয়াদা ওর্গনাইস তৌদুনা, মখোয়বু হেন্না খঙহনবা অমদি অচৌবা মার্কেৎ ফোর্স অমা শেমগৎপা ঐখোয়না পাম্লি৷

মরুপশিং,

আই.সি.আর.আই.এস.এ.তি. অসি ভারতকী সেমি-এরিদ এরিয়াশিংদা থবক তৌবগী এক্সপরিয়েন্স নিংথিনা লৈরে৷ মরম অদুনা, সেমি-এরিদ এরিয়াশিংদা লৈরিবা লৌমীশিংবু খুৎশম্নদুনা ঐখোয়না স্তেনেবল অমদি দাইবর্সিফাই ওইবা প্রদক্তিব সিস্তেমশিং শেমগৎকদবনি৷ নোংপোক অমসুং খা-থংবা অফ্রিকা লৈবাকশিংগা লোইননা লৈরিবা অদোমগী এক্সপরিয়েন্সশিং অদু সেয়র তৌরক্নবা এক্সচেঞ্জ প্রোগ্রাংশিংসু হৌবা য়ারগনি৷ মহৈ-মরোং চাং ৱাংনা পুথোকপা অসি খক্তনা ঐখোয়গী পান্দম ওইরি৷ ঙসিদি, ভারত্তা মহৈ-মরোং মরাং কাইনা লৈরে, মসিনা মরম ওইদুনা ঐখোয়না অসিগুম্বা মালেমগী অচৌবা ফুদ সেক্যুরিতী প্রোগ্রাম অসি চলাইরিবনি৷ হৌজিক্তি ঐখোয়না ফুদ সেক্যুরিতীদা মীৎয়েং থম্বগা লোইননা ন্যুত্রিসন সেক্যুরিতীদসু মীৎয়েং থম্লি৷ মংলান অসিগা লোইননা, হৌখিবা চহি তরেৎ অসিদা ঐখোয়না বাইও-ফোর্তিফাইদ ভেরাইতী মখল কয়া শেমগৎখ্রে৷ ঐখোয়গী এগ্রীকল্চর অসি পাকথোক-চাওথোকহন্নবা, কংনা শোকহল্লবা ঐখোয়গী মফমশিংদা পোত্থোক হেন্না পুথোকহন্নবা অমদি লাইনা অমদি পেতশিংদগী হেন্না ঙাকথোকপা ঙম্বা অফবা ভেরাইতী মখলশিং শেমগৎনবা ঐখোয়না হেন্না-হেন্না হোৎনবা দরকার ওইরি৷

মরুপশিং,

বাইও-ফ্যুলগী ফিল্দদা আই.সি.এ.আর. অমদি এগ্রীকল্চরেল য়ুনিভর্সিতীশিংগা খুৎশম্নদুনা আই.সি.আর.আই.এস.এ.তি.না অতোপ্পা ইনিসিয়েতিব অমদা থবক তৌবা ঙম্মী৷ স্বীত সোর্ঘমদা অদোম্না থবক থৌদুনা লাক্লি৷ ইকংনা শোকহল্লবা লৌমীশিং নত্রগা লম য়াম্না লৈতবা লৌমীশিংনা বাইও-ফ্যুল হেন্না পুথোকপা মহৈ-মরোংশিং থাবা ঙম্নবা অদোম্না মরুশিং শেমগৎপা ঙমগনি৷ মতৌ করম্না অফবা মরুশিং পুথোক্কনি অমদি মখোয়দা করম্না থাজবা পীগনি হায়বা অসিগী মতাংদা ঐখোয় পুম্নমক অমতা ওইনা পুন্না থবক তৌমিন্নবগী তঙাই ফদবা লৈরি৷

মরুপশিং,

অদোমগুম্বগী ইন্নোবেতিব ওইবা ৱাখল্লোনশিংগী মতেংদগী, মীয়াম্না শরুক য়াবিবদগী অমদি সমাজ অসিনা হোৎনবিবদগী ঐখোয়না লৌউ-শিংউবগা মরী লৈনবা চেলেঞ্জশিং অসি লান্থোকপা ঙমগনি হায়বসি ঐগী থাজবনি৷ ভারত অমসুং মালেম অসিদা লৈরিবা লৌমীশিংগী পুন্সি মরেল অসি অদোম্না ফগৎহনবা ঙম্বা ওইবিয়ু অমদি হেন্না ফবা তেক্নোলোজিকেল সোলুসনশিং লেপ্প-লৈতনা পীবা ঙম্বা ওইবিয়ু! মঙ্গোল অসিগা লোইননা, অসিগুম্বা য়াম্না মরু ওইরবা থৌরম অসিদা আই.সি.আর.আই.এস.এ.তি.বু ঐনা থাগৎপা ফোংদোকচরি৷ লৈবাক অসিদা লৈরিবা লৌমীশিংগী ইকাই খুম্নফম অমদি চাওথোকচফম ওইহনবদা কান্নবা পীগদৌরিবা ইফর্তশিং অদুগীদমক মঙাল-নাইবা তুং অমা ওইবিয়ু হায়না ঐনসু মঙ্গোল পীজরি৷ ঐনা মঙ্গোল পীজরি অমদি থাগৎ-ৱাহৈ ফোংদোকচরি!

থাগৎচরি!

***