প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রী মন্ত্রী-মন্দলনা ঙসি নেস্নেল কম্মিসন ফোর সফাই কর্মচারিস (এন.সি.এস.কে.)গী তেনর অসি ৩১.৩.২০২২দগী মখা তানা চহি অহুম অমগা শাংদোকপদা অয়াবা পীখ্রে।

চহি অহুম শাংদোকখিবা অসিদা পুন্না চংগদবা অসি চাউরাক্না লুপা করোর ৪৩.৬৮ ওইগনি।

কান্নবা:

এন.সি.এস.কে. অসি ৩১.৩.২০২২দগী মখা তানা অহেনবা চহি ৩ অমগা শাংদোকপনা খ্বাইদগী চাউনা কান্নবা ফংহনগদৌরিবা বেনিফিসরীশিং অসি সফাই কর্মচারীশিং অমসুং লৈবাক অসিগী মশক খঙদোক্লবা মেন্যুএল স্কাভেঞ্জরশিংনা ওইরগনি। ৩১.১২.২০২১ ফাওবদা এম.এস. এক্ত সর্ভেগী মখাদা মশক খঙদোকখ্রবা মেন্যুএল স্কাভেঞ্জরশিংগী মশিং অসি ৫৮০৯৮ ওইরি।

অকুপ্পা মরোল:

এন.সি.এস.কে. অসি অহানবদা এন.সি.এস.কে. এক্ত ১৯৯৩গী প্রোভিজনশিংগী মতুং ইন্না অহানবদা ৩১.৩.১৯৯৭ ফাওবগী মতমগী ওইনা ইং কুমজা ১৯৯৩দা এন.সি.এস.কে. লিংখৎখি। মতুংদা এক্ত অসি চৎনবগী মতম অহানবগী ওইনা ৩১.৩.২০০২ ফাওবা শাংদোকখি অমসুং মতুংদা ২৯.২.২০০৪ ফাওবা অমুক শাংদোকখি। এন.সি.এস.কে. এক্ত অসি ২৯.২.২০০৪দগী চৎনবা লেপখি। মসিগী মতুংদা এন.সি.এস.কে.গী তেনর অসি রিজোল্যুসনশিংগী খুত্থাংদা মতম মতমগী ওইনা নন-স্তেচ্যুতরী বোদী অমা ওইনা শাংদোকখি। হৌজিক লৈরিবা কম্মিসন অসিগী তেনর ৩১.২.২০২২ ফাওবা লৈখি।

বেকগ্রাউন্দ:

এন.সি.এস.কে.না সরকারদা সফাই কর্মচারিশিংগী য়াইফনবা অখন্নবা প্রোগ্রামশিং, সফাই কর্মচারিশিংগী হৌজিক লৈরিবা য়াইফনবা প্রোগ্রামশিং অসি য়েংশিনবা অমসুং ইভাল্যুএৎ তৌনবা, অখন্নবা গ্রিভান্সশিংগী কেস থীজিনবা অসিনচিংবগী মতাংদা রিকম্মেন্দেসনশিং পীরি। লোয়ননা প্রোহিবিসন ওফ ইমপ্লোইমেন্ত এস মেন্যুএল স্কাভেঞ্জর্স এন্দ দিয়র রিহেবিলিতেসন এক্ত, ২০১৩গী প্রোভিজনশিংগী মতুং ইন্না, এক্ত অসি ইমপ্লিমেন্ত তৌবগী মোনিতর তৌনবা, কেন্দ্র অমসুং রাজ্য সরকারশিংদা মসি নীংথিনা ইমপ্লিমেন্ত তৌনবগী তেন্দর এদভাইস অমসুং এক্ত অসিগী প্রোভিজনশিং থুংগাইবা/ইমপ্লিমেন্ত তৌদবগী মতাংদা থিজিন্নবগী থবক এন.সি.এস.কে.দা শিন্নখি। সরকারনা সফাই কর্মচারিশিংগী য়াইফনবা খোঙথাং কয়া লৌখৎচরবসু মখোয়না সোসিও-ইকনোমিক অমসুং এজুকেসনগী লমশিংদা শোত্থনা লৈরিবা অসিদি হৌজিক ফাওবা কোকহন্দনা লৈরি। মেন্যুএল স্কাভেঞ্জিং অসি অয়াম্বনা মুত্থৎখ্রবসু মফম খরদা অদুমক থেংনরি। সিৱর/সেপ্তিক তেঙ্কশিংগী হকচাং শোক্নীংঙাই ওইবা শেংদোক চামথোকপা অসি সরকারনা খ্বাইদগী মীৎয়েং হেন্না চংবা লম অমা মখা তানা ওইরি। মরম অসিনা সরকারনা সফাই কর্মচারিশিংগী য়াইফনবা অমসুং লৈবাক অসিদা সিৱর/সেপ্তিক তেঙ্কশিং শেংদোকপগী মপুং ফাবা মেকানিজম অমগী পান্দম ফংনবা অমসুং মেন্যুএল স্কাভেঞ্জরশিং রিহেবিলিতেসন তৌনবা তোঙান-তোঙানবা খোঙথাং অমসুং থৌরাংশিং য়েংশিনবা মখা তানা মথৌ তাই হায়না ফাওরি।

****