প্রধান মন্ত্রী শ্রী নরেন্দ্র মোদীনা জনুৱারী ২০দা ভিদিও কনফরেন্সকী থোংদা অয়ুক পুং ১০:৩০ তাবা মতমদা ‘আজাদী কে অমৃত মহোৎসব সে স্বর্নিম ভারত কে ওর’ গী থৌরম জাতিগী থাক্তা হৌদোকপদা মরু ওইবা ৱারোল পীগনি। থৌরম অসিদা ব্রহ্মা কুমারীশিংনা আজাদী কা অমৃত মহোৎসবতা কত্থোক্তুনা চহি চুপ্পা পাইখৎলকপা থৌরাংশিং হৌদোক্কনি, হায়রিবা অসিদা কেম্পেন ৩০ হেন্না অমসুং প্রোগ্রাম অমদি ইভেন্ত ১৫০০০গী মথক্তা য়াওরি।

থৌরম অসিগী মনুংদা প্রধান মন্ত্রীনা ব্রহ্মা কুমারীশিংগী থৌরাং তরেৎ হৌদোক্কনি। মসিদা মাই ইন্দিয়া হেল্দী ইন্দিয়া, আত্মনির্ভর ভারত: সেল্ফ রিলাইন্ত ফার্মর্স, রুমেন: ফ্লেগ বিয়র্র ওফ ইন্দিয়া, পাৱর ওফ পীচ বস কেম্পেন, অন্দেখা ভারত সাইকল রেলী, য়ুনাইতেদ মোতোর বাইক কেম্পেন অমসুং স্বচ্ছ ভারত আভিয়ানগী মখাদা গ্রীন ইনিসিএতিবশিং য়াওরি। 

মাই ইন্দিয়া হেল্দী ইন্দিয়াগী থৌরাংদা স্পিরিচ্যুএলিতী, হকচাং ফনা থম্বা অমসুং মচি ওইবা চীঞ্জাক্তা মীৎয়েং থম্বগা লোয়ননা মেদিকেল কোলেজ অমসুং হোস্পিতালশিংদা ইভেন্ত অমসুং প্রোগ্রাম কয়ামরুম পাঙথোক্কনি। মসিদা অতোপ্পা কয়াগী মরক্তা মেদিকেল কেম্পশিং, কেন্সর স্ক্রীনিং, দোক্তর অমদি অতোপ্পা হেল্থ কিয়র ৱার্করশিংগী কনফরেন্সশিং শিনবা য়াওগনি। আত্মনির্ভর ভারত: সেল্ফ রিলাইন্ত ফার্মর্সকী মখাদা, লৌমীশিংবু এম্পাৱর তৌনবগী কেম্পেন ৭৫, লৌমীশিংগী কনফরেন্স ৭৫, সস্তেনেবল য়োগীক ফার্মিং ত্রেনিং প্রোগ্রাম ৭৫ অমসুং লৌমীশিংগী য়াইফনবা অতোপ্পা অসিগুম্বা থৌরাং কয়ামরুম পাঙথোক্কনি। রুমেন: ফ্লেগ বিয়র্র ওফ ইন্দিয়াগী মখাদা, থৌরাংশিং অসিনা নুপীবু এম্পাৱর তৌবা অমসুং অঙাং নুপীমচাবু এম্পাৱর তৌবগী খুত্থাংদা খুন্নাইদা অওনবা পুরকপদা মীৎয়েং থমগনি।

পাৱর ওফ পীচ বস কেম্পেন্না শহর অমসুং তেহসিল ৭৫ থুংনবা চৎকনি অমসুং ঙসিগী নহারোলশিংদা অফবা অওনবা পুরক্নবা এগজিবিসন অমা পাঙথোক্কনি। অন্দেখা ভারত সাইকল রেলী অসি হেরিতেজ অমসুং এনভাইর্নমেন্তগী মরক্তা মরী অমা থম্নবা তোঙান-তোঙানবা হেরিতেজ সাইৎশিংদা পাঙথোক্কনি। য়ুনাইতেদ ইন্দিয়া মোতোর বাইক কেম্পেন অসি মাউন্ত অবুদগী দিল্লী ফাওবা অমসুং শহর কয়ামরুম থুংনবা চৎকনি। স্বচ্ছ ভারত আভিয়ানগী মখাদা পাইখৎপা থৌরাংশিং অসিদা থাগী ওইনা লুনান্না থম্নবা দ্রাইবশিং, কম্ম্যুনিতী ক্লীনিং প্রোগ্রামশিং অমসুং এৱের্নেস কেম্পেনশিং য়াওগনি।

থৌরম অদুদা গ্রেম্মী এৱার্দ ফংলবা শ্রী রিক্কী কেজনা শকপা আজাদী কা অমৃত মহোৎসবতা কত্থোকপা ঈশৈ অমসু ফোঙগনি।

ব্রহ্মা কুমারীস অসি লনাইগী ওইবা অওনবা পুরকপা অমসুং মালেমদা অওনবা পুরক্নবগী কত্থোক্লবা মালেম শিনবা থুংবগী স্পিরিচ্যুএল মুফমেন্ত অমনি। ইং কুমজা ১৯৩৭তা ভারত্তা হৌদোকখিবা ব্রহ্মা কুমারীস অসি লৈবাক ১৩০ হেনবদা শন্দোকখ্রে। ব্রহ্মা কুমারীস হৌদোক্লম্বা মপা, পিতাশ্রী প্রজাপিতা ব্রহ্মাগী ৫৩শুবা এস্সেন্সনগী কুমওন থৌরম পালন তৌবা ওইনা থৌরম অসি পাঙথোক্কনি।

**********