ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਨੇ ਅੱਜ ਕਾਰਖਿਯਾਂ, ਵਾਰਾਣਸੀ ‘ਚ ਯੂਪੀ ਸਟੇਟ ਇੰਡਸਟ੍ਰੀਅਲ ਡਿਵੈਲਪਮੈਂਟ ਅਥਾਰਿਟੀ ਫੂਡ ਪਾਰਕ ਵਿਖੇ ‘ਬਨਾਸ ਡੇਅਰੀ ਸੰਕੁਲ’ ਦਾ ਨੀਂਹ ਪੱਥਰ ਰੱਖਿਆ। ਜ਼ਮੀਨ ਦੇ 30 ਏਕੜ ਰਕਬੇ ‘ਚ ਫੈਲੀ ਇਸ ਡੇਅਰੀ ਦੀ ਉਸਾਰੀ 475 ਕਰੋੜ ਰੁਪਏ ਦੀ ਲਾਗਤ ‘ਤੇ ਕੀਤੀ ਜਾਵੇਗੀ ਅਤੇ ਇਸ ਵਿੱਚ ਪ੍ਰਤੀ ਦਿਨ 5 ਲੱਖ ਲਿਟਰ ਦੁੱਧ ਦੀ ਪ੍ਰੋਸੈੱਸਿੰਗ ਦੀ ਸੁਵਿਧਾ ਹੋਵੇਗੀ। ਪ੍ਰਧਾਨ ਮੰਤਰੀ ਨੇ ਬਨਾਸ ਡੇਅਰੀ ਨਾਲ ਜੁੜੇ 1.7 ਲੱਖ ਤੋਂ ਵੱਧ ਦੁੱਧ ਉਤਪਾਦਕਾਂ ਦੇ ਬੈਂਕ ਖਾਤਿਆਂ ‘ਚ ਲਗਭਗ 35 ਕਰੋੜ ਰੁਪਏ ਵੀ ਡਿਜੀਟਲ ਤਰੀਕੇ ਨਾਲ ਟ੍ਰਾਂਸਫਰ ਕੀਤੇ। ਪ੍ਰਧਾਨ ਮੰਤਰੀ ਨੇ ਦੁੱਧ ਉਤਪਾਦਕ ਸਹਿਕਾਰੀ ਯੂਨੀਅਨ ਪਲਾਂਟ, ਰਾਮਨਗਰ, ਵਾਰਾਣਸੀ ਲਈ ਬਾਇਓਗੈਸ (ਗੋਬਰ ਗੈਸ) ਅਧਾਰਤ ਬਿਜਲੀ ਪੈਦਾ ਕਰਨ ਵਾਲੇ ਪਲਾਂਟ ਦਾ ਨੀਂਹ ਪੱਥਰ ਵੀ ਰੱਖਿਆ। ਪ੍ਰਧਾਨ ਮੰਤਰੀ ਨੇ ਬਿਊਰੋ ਆਵ੍ ਇੰਡੀਅਨ ਸਟੈਂਡਰਡਜ਼ (BIS) ਵੱਲੋਂ ‘ਨੈਸ਼ਨਲ ਡੇਅਰੀ ਡਿਵੈਲਪਮੈਂਟ ਬੋਰਡ’ (NDDB) ਦੀ ਮਦਦ ਨਾਲ ਵਿਕਸਿਤ ਕੀਤੇ ਇੱਕ ਪੋਰਟਲ ਤੇ ਲੋਗੋ ਨੂੰ ਲਾਂਚ ਕੀਤਾ, ਜੋ ਦੁੱਧ ਉਤਪਾਦਾਂ ਦੀ ‘ਕਨਫਰਮਿਟੀ ਅਸੈੱਸਮੈਂਟ ਸਕੀਮ’ ਨੂੰ ਸਮਰਪਿਤ ਹੈ।

ਬੁਨਿਆਦੀ ਪੱਧਰ ‘ਤੇ ਜ਼ਮੀਨ ਦੀ ਮਾਲਕੀ ਨਾਲ ਸਬੰਧਿਤ ਮਾਮਲੇ ਘਟਾਉਣ ਦੀ ਇੱਕ ਹੋਰ ਕੋਸ਼ਿਸ਼ ਵਜੋਂ ਪ੍ਰਧਾਨ ਮੰਤਰੀ ਨੇ ਉੱਤਰ ਪ੍ਰਦੇਸ਼ ਦੇ 20 ਲੱਖ ਤੋਂ ਵੱਧ ਨਾਗਰਿਕਾਂ ਨੂੰ ਕੇਂਦਰੀ ਪੰਚਾਇਤੀ ਰਾਜ ਮੰਤਰਾਲੇ ਦੀ ‘ਸਵਾਮਿਤਵ’ ਯੋਜਨਾ ਅਧੀਨ ਪਿੰਡਾਂ ਦੇ ਰਿਹਾਇਸ਼ੀ ਅਧਿਕਾਰ ਰਿਕਾਰਡ ‘ਘਰੌਨੀ’ ਵਰਚੁਅਲ ਤਰੀਕੇ ਨਾਲ ਵੰਡੇ।

ਇਸ ਪ੍ਰੋਗਰਾਮ ‘ਚ ਪ੍ਰਧਾਨ ਮੰਤਰੀ ਨੇ ਵਾਰਾਣਸੀ ‘ਚ 870 ਕਰੋੜ ਰੁਪਏ ਦੇ 22 ਵਿਕਾਸ ਪ੍ਰੋਜੈਕਟਾਂ ਦਾ ਉਦਘਾਟਨ ਕੀਤਾ ਤੇ ਨੀਂਹ ਪੱਥਰ ਰੱਖਿਆ। ਇਸ ਨਾਲ ਵਾਰਾਣਸੀ ਨੂੰ 360 ਡਿਗਰੀ ‘ਤੇ ਬਦਲ ਕੇ ਰੱਖ ਦੇਣ ਲਈ ਚਲ ਰਹੀ ਮੁਹਿੰਮ ਹੋਰ ਮਜ਼ਬੂਤ ਹੋਵੇਗੀ।

ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਉੱਤਰ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਸ਼੍ਰੀ ਯੋਗੀ ਆਦਿੱਤਿਆਨਾਥ ਤੇ ਕੇਂਦਰੀ ਮੰਤਰੀ ਡਾ. ਮਹੇਂਦਰ ਨਾਥ ਪਾਂਡੇ ਮੌਜੂਦ ਸਨ।

ਇਕੱਠ ਨੂੰ ਸੰਬੋਧਨ ਕਰਦਿਆਂ ਪ੍ਰਧਾਨ ਮੰਤਰੀ ਨੇ ਸਾਬਕਾ ਪ੍ਰਧਾਨ ਮੰਤਰੀ ਚੌਧਰੀ ਚਰਨ ਸਿੰਘ ਦੀ ਜਯੰਤੀ, ਜਿਸ ਨੂੰ ‘ਕਿਸਾਨ ਦਿਵਸ’ ਵਜੋਂ ਮਨਾਇਆ ਜਾਂਦਾ ਹੈ, ਮੌਕੇ ਉਨ੍ਹਾਂ ਨੂੰ ਸ਼ਰਧਾਂਜਲੀ ਭੇਟ ਕੀਤੀ।

ਪ੍ਰਧਾਨ ਮੰਤਰੀ ਨੇ ਪਸ਼ੂ ਧਨ ਦੀ ਮਹੱਤਤਾ ਨੂੰ ਉਜਾਗਰ ਕੀਤਾ। ਉਨ੍ਹਾਂ ਕਿਹਾ, “ਗਊਆਂ ਬਾਰੇ ਗੱਲ ਕਰਨਾ ਕੁਝ ਲੋਕਾਂ ਲਈ ਅਪਰਾਧ ਹੋ ਸਕਦਾ ਹੈ, ਸਾਡੇ ਦੁਆਰਾ ਗਊਆਂ ਨੂੰ ਮਾਂ ਦੇ ਰੂਪ ਵਿੱਚ ਸਤਿਕਾਰਿਆ ਜਾਂਦਾ ਹੈ। ਗਊਆਂ-ਮੱਝਾਂ ਦਾ ਮਜ਼ਾਕ ਉਡਾਉਣ ਵਾਲੇ ਲੋਕ ਭੁੱਲ ਜਾਂਦੇ ਹਨ ਕਿ ਦੇਸ਼ ਦੇ 8 ਕਰੋੜ ਪਰਿਵਾਰਾਂ ਦਾ ਗੁਜ਼ਾਰਾ ਅਜਿਹੇ ਪਸ਼ੂ–ਧਨ ਨਾਲ ਹੀ ਚਲਦਾ ਹੈ। ਉਨ੍ਹਾਂ ਅੱਗੇ ਕਿਹਾ,“ਭਾਰਤ ਦੇ ਡੇਅਰੀ ਸੈਕਟਰ ਨੂੰ ਮਜ਼ਬੂਤ ਕਰਨਾ ਸਾਡੀ ਸਰਕਾਰ ਦੀਆਂ ਪ੍ਰਮੁੱਖ ਤਰਜੀਹਾਂ ਵਿੱਚੋਂ ਇੱਕ ਹੈ। ਇਸੇ ਲੜੀ ਵਿੱਚ ਅੱਜ ਇੱਥੇ ‘ਬਨਾਸ ਕਾਸ਼ੀ ਸੰਕੁਲ’ ਦਾ ਨੀਂਹ ਪੱਥਰ ਰੱਖਿਆ ਗਿਆ ਹੈ। ਉਨ੍ਹਾਂ ਨੇ ਪਸ਼ੂਆਂ ਵਿੱਚ ਮੂੰਹ ਤੇ ਖੁਰ ਦੀ ਬਿਮਾਰੀ ਲਈ ਦੇਸ਼ ਵਿਆਪੀ ਟੀਕਾਕਰਣ ਪ੍ਰੋਗਰਾਮ ਬਾਰੇ ਵੀ ਗੱਲ ਕੀਤੀ। ਦੇਸ਼ 'ਚ ਦੁੱਧ ਦਾ ਉਤਪਾਦਨ 6-7 ਸਾਲ ਪਹਿਲਾਂ ਦੇ ਮੁਕਾਬਲੇ ਲਗਭਗ 45 ਫੀਸਦੀ ਵਧਿਆ ਹੈ। ਅੱਜ ਭਾਰਤ ਦੁਨੀਆ ਦਾ 22 ਫੀਸਦੀ ਦੁੱਧ ਪੈਦਾ ਕਰਦਾ ਹੈ। ਪ੍ਰਧਾਨ ਮੰਤਰੀ ਨੇ ਕਿਹਾ,“ਮੈਨੂੰ ਖੁਸ਼ੀ ਹੈ ਕਿ ਅੱਜ ਯੂਪੀ ਦੇਸ਼ ਦਾ ਸਭ ਤੋਂ ਵੱਡਾ ਦੁੱਧ ਉਤਪਾਦਕ ਰਾਜ ਹੀ ਨਹੀਂ ਹੈ, ਸਗੋਂ ਡੇਅਰੀ ਖੇਤਰ ਦੇ ਵਿਸਤਾਰ ਵਿੱਚ ਵੀ ਕਾਫ਼ੀ ਅੱਗੇ ਹੈ।”

ਪ੍ਰਧਾਨ ਮੰਤਰੀ ਨੇ ਕਿਸਾਨਾਂ ਦੇ ਜੀਵਨ ਨੂੰ ਬਦਲਣ ਵਿੱਚ ਡੇਅਰੀ ਸੈਕਟਰ, ਪਸ਼ੂ ਪਾਲਣ ਅਤੇ ਚਿੱਟੀ ਕ੍ਰਾਂਤੀ ਵਿੱਚ ਨਵੇਂ ਹੁਲਾਰੇ ਦੀ ਭੂਮਿਕਾ ਵਿੱਚ ਆਪਣਾ ਪੱਕਾ ਵਿਸ਼ਵਾਸ ਪ੍ਰਗਟ ਕੀਤਾ। ਸਭ ਤੋਂ ਪਹਿਲਾਂ, ਉਨ੍ਹਾਂ ਕਿਹਾ ਕਿ ਪਸ਼ੂ ਪਾਲਣ ਦੇਸ਼ ਦੇ ਛੋਟੇ ਕਿਸਾਨਾਂ, ਜਿਨ੍ਹਾਂ ਦੀ ਗਿਣਤੀ 10 ਕਰੋੜ ਤੋਂ ਵੱਧ ਹੈ, ਲਈ ਵਾਧੂ ਆਮਦਨ ਦਾ ਇੱਕ ਵੱਡਾ ਸਰੋਤ ਬਣ ਸਕਦਾ ਹੈ। ਦੂਜਾ, ਭਾਰਤ ਦੇ ਡੇਅਰੀ ਉਤਪਾਦਾਂ ਦਾ ਵਿਦੇਸ਼ਾਂ ਵਿੱਚ ਬਹੁਤ ਵੱਡਾ ਬਜ਼ਾਰ ਹੈ, ਜਿਸ ਦੇ ਵਧਣ ਦੀ ਬਹੁਤ ਸੰਭਾਵਨਾ ਹੈ। ਤੀਜਾ, ਪ੍ਰਧਾਨ ਮੰਤਰੀ ਨੇ ਕਿਹਾ, ਪਸ਼ੂ ਪਾਲਣ ਮਹਿਲਾਵਾਂ ਦੀ ਆਰਥਿਕ ਉੱਨਤੀ ਲਈ, ਉਨ੍ਹਾਂ ਦੀ ਉੱਦਮਤਾ ਨੂੰ ਅੱਗੇ ਵਧਾਉਣ ਦਾ ਇੱਕ ਵਧੀਆ ਤਰੀਕਾ ਹੈ। ਚੌਥਾ, ਇਹ ਕਿ ਬਾਇਓਗੈਸ (ਗੋਬਰ ਗੈਸ), ਔਰਗੈਨਿਕ ਫਾਰਮਿੰਗ ਅਤੇ ਨੈਚੁਰਲ ਫਾਰਮਿੰਗ ਲਈ ਪਸ਼ੂ ਧਨ ਵੀ ਵੱਡਾ ਅਧਾਰ ਹੈ। ਭਾਰਤੀ ਮਿਆਰ ਬਿਊਰੋ ਨੇ ਦੇਸ਼ ਲਈ ਇੱਕ ਯੂਨੀਫਾਈਡ ਸਿਸਟਮ ਜਾਰੀ ਕੀਤਾ ਹੈ (ਏਕੀਕ੍ਰਿਤ ਪ੍ਰਣਾਲੀ ਜਾਰੀ ਕੀਤੀ ਹੈ)। ਪ੍ਰਮਾਣੀਕਰਣ ਲਈ ਕਾਮਧੇਨੂ ਗਊਆਂ ਦੀ ਵਿਸ਼ੇਸ਼ਤਾ ਵਾਲਾ ਇੱਕ ਏਕੀਕ੍ਰਿਤ ਲੋਗੋ ਵੀ ਲਾਂਚ ਕੀਤਾ ਗਿਆ ਹੈ। ਪ੍ਰਧਾਨ ਮੰਤਰੀ ਨੇ ਜ਼ੋਰ ਦੇ ਕੇ ਕਿਹਾ ਕਿ ਜੇਕਰ ਇਹ ਸਬੂਤ, ਇਹ ਲੋਗੋ ਦਿਖਾਈ ਦਿੰਦਾ ਹੈ, ਤਾਂ ਸ਼ੁੱਧਤਾ ਦੀ ਪਹਿਚਾਣ ਅਸਾਨ ਹੋ ਜਾਵੇਗੀ ਅਤੇ ਭਾਰਤ ਦੇ ਦੁੱਧ ਉਤਪਾਦਾਂ ਦੀ ਭਰੋਸੇਯੋਗਤਾ ਵਿੱਚ ਵੀ ਵਾਧਾ ਹੋਵੇਗਾ।

ਨੈਚੁਰਲ ਫਾਰਮਿੰਗ 'ਤੇ ਜ਼ੋਰ ਦਿੰਦਿਆਂ ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਸਮੇਂ ਦੇ ਬੀਤਣ ਨਾਲ ਨੈਚੁਰਲ ਫਾਰਮਿੰਗ ਦਾ ਦਾਇਰਾ ਘਟਦਾ ਗਿਆ ਅਤੇ ਰਸਾਇਣਕ ਖੇਤੀ ਭਾਰੂ ਹੋ ਗਈ। ਉਨ੍ਹਾਂ ਕਿਹਾ,“ਧਰਤੀ ਮਾਂ ਦੀ ਕਾਇਆਕਲਪ ਕਰਨ ਲਈ, ਆਪਣੀ ਮਿੱਟੀ ਦੀ ਰੱਖਿਆ ਲਈ, ਆਉਣ ਵਾਲੀਆਂ ਪੀੜ੍ਹੀਆਂ ਦੇ ਭਵਿੱਖ ਨੂੰ ਸੁਰੱਖਿਅਤ ਕਰਨ ਲਈ, ਸਾਨੂੰ ਇੱਕ ਵਾਰ ਫਿਰ ਨੈਚੁਰਲ ਫਾਰਮਿੰਗ ਵੱਲ ਮੁੜਨਾ ਚਾਹੀਦਾ ਹੈ। ਇਹ ਅੱਜ ਸਮੇਂ ਦੀ ਲੋੜ ਹੈ।” ਪ੍ਰਧਾਨ ਮੰਤਰੀ ਨੇ ਕਿਸਾਨਾਂ ਨੂੰ ਨੈਚੁਰਲ ਫਾਰਮਿੰਗ ਅਤੇ ਜੈਵਿਕ ਫ਼ਸਲਾਂ ਅਪਨਾਉਣ ਦੀ ਅਪੀਲ ਕੀਤੀ। ਉਨ੍ਹਾਂ ਕਿਹਾ ਕਿ ਇਸ ਨਾਲ ਸਾਡੀ ਖੇਤੀ ਨੂੰ ਆਤਮਨਿਰਭਰ ਬਣਾਉਣ ਵਿੱਚ ਮਦਦ ਮਿਲੇਗੀ।

ਪ੍ਰਧਾਨ ਮੰਤਰੀ ਨੇ ਕੇਂਦਰੀ ਪੰਚਾਇਤੀ ਰਾਜ ਮੰਤਰਾਲੇ ਦੀ ਸਵਾਮਿਤਵ ਯੋਜਨਾ ਅਧੀਨ ਉੱਤਰ ਪ੍ਰਦੇਸ਼ ਦੇ 20 ਲੱਖ ਤੋਂ ਵੱਧ ਨਿਵਾਸੀਆਂ ਨੂੰ ਗ੍ਰਾਮੀਣ ਰਿਹਾਇਸ਼ੀ ਅਧਿਕਾਰਾਂ ਦੇ ਰਿਕਾਰਡ 'ਘਰੌਨੀ' ਨੂੰ ਵਰਚੁਅਲ ਤਰੀਕੇ ਨਾਲ ਵੰਡਿਆ। ਉਨ੍ਹਾਂ ਕਿਹਾ ਕਿ ਇਹ ਪਿੰਡਾਂ ਦੇ ਗ਼ਰੀਬਾਂ ਲਈ ਵਿਕਾਸ ਅਤੇ ਮਾਣ-ਸਨਮਾਨ ਦੇ ਨਵੇਂ ਦ੍ਰਿਸ਼ ਖੋਲ੍ਹੇਗਾ ਅਤੇ ਉਨ੍ਹਾਂ ਨੂੰ ਵਿਕਾਸ ਵਾਧੇ ਦੀ ਕਹਾਣੀ ਦਾ ਹਿੱਸਾ ਬਣਾਏਗਾ।

ਉਨ੍ਹਾਂ ਕਿਹਾ ਕਿ ਵਾਰਾਣਸੀ ਤੇਜ਼ੀ ਨਾਲ ਵਿਕਾਸ ਦਾ ਮਾਡਲ ਬਣ ਰਿਹਾ ਹੈ। ਨਵੇਂ ਪ੍ਰੋਜੈਕਟ ਵਾਰਾਣਸੀ ਦੇ ਲੋਕਾਂ ਲਈ ਬੇਮਿਸਾਲ ਅਸਾਨੀ ਅਤੇ ਸੁਵਿਧਾ ਲਿਆ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਅੱਜ ਸ਼ੁਰੂ ਕੀਤੇ ਗਏ ਪ੍ਰੋਜੈਕਟ ਸਿਹਤ, ਸਿੱਖਿਆ ਅਤੇ ਬੁਨਿਆਦੀ ਢਾਂਚੇ ਨਾਲ ਸਬੰਧਿਤ ਅਕਸ ਨੂੰ ਹੋਰ ਮਜ਼ਬੂਤ ਕਰਨਗੇ।

ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਉੱਤਰ ਪ੍ਰਦੇਸ਼ ਦੀ ਰਾਜਨੀਤੀ ਨੂੰ ਜਾਤ, ਨਸਲ, ਧਰਮ ਦੀ ਨਜ਼ਰ ਤੋਂ ਦੇਖਣ ਵਾਲੇ ਲੋਕ ਦੋਹਰੇ ਇੰਜਣ ਦੀ ਦੋਹਰੀ ਤਾਕਤ ਦੀ ਗੱਲ ਕਰਕੇ ਪਰੇਸ਼ਾਨ ਹੋ ਜਾਂਦੇ ਹਨ। ਉਨ੍ਹਾਂ ਕਿਹਾ ਕਿ ਅਜਿਹੇ ਲੋਕ ਸਕੂਲ, ਕਾਲਜ, ਸੜਕਾਂ, ਪਾਣੀ, ਗ਼ਰੀਬਾਂ ਲਈ ਘਰ, ਗੈਸ ਕਨੈਕਸ਼ਨ ਅਤੇ ਪਖਾਨੇ ਨੂੰ ਵਿਕਾਸ ਦਾ ਹਿੱਸਾ ਨਹੀਂ ਸਮਝਦੇ। ਪ੍ਰਧਾਨ ਮੰਤਰੀ ਨੇ ਅੰਤ ‘ਚ ਕਿਹਾ,“ਯੂਪੀ ਦੇ ਲੋਕਾਂ ਨੂੰ ਪਹਿਲਾਂ ਕੀ ਮਿਲਿਆ ਅਤੇ ਅੱਜ ਸਾਡੀ ਸਰਕਾਰ ਤੋਂ ਯੂਪੀ ਦੇ ਲੋਕਾਂ ਨੂੰ ਕੀ ਮਿਲ ਰਿਹਾ ਹੈ, ਇਸ ਵਿੱਚ ਅੰਤਰ ਸਪਸ਼ਟ ਹੈ। ਅਸੀਂ ਯੂਪੀ ਦੀ ਵਿਰਾਸਤ ਨੂੰ ਵਧਾ ਰਹੇ ਹਾਂ ਅਤੇ ਅਸੀਂ ਯੂਪੀ ਦਾ ਵਿਕਾਸ ਵੀ ਕਰ ਰਹੇ ਹਾਂ।”

ਸਿੱਖਿਆ ਖੇਤਰ ਵਿੱਚ ਜਿਨ੍ਹਾਂ ਪ੍ਰੋਜੈਕਟਾਂ ਦਾ ਪ੍ਰਧਾਨ ਮੰਤਰੀ ਦੁਆਰਾ ਉਦਘਾਟਨ ਕੀਤਾ ਗਿਆ, ਉਨ੍ਹਾਂ ਵਿੱਚ ਕੇਂਦਰੀ ਸਿੱਖਿਆ ਮੰਤਰਾਲੇ ਦੁਆਰਾ ਲਗਭਗ 107 ਕਰੋੜ ਰੁਪਏ ਦੀ ਲਾਗਤ ਨਾਲ ਬਣਾਇਆ ਗਿਆ ਅਧਿਆਪਕਾਂ ਦੀ ਸਿੱਖਿਆ ਲਈ ਇੰਟਰ ਯੂਨੀਵਰਸਿਟੀ ਸੈਂਟਰ ਅਤੇ 7 ਕਰੋੜ ਰੁਪਏ ਦੀ ਲਾਗਤ ਨਾਲ ਤਿਆਰ ਕੀਤਾ ਗਿਆ ਸੈਂਟਰਲ ਇੰਸਟੀਟਿਊਟ ਆਵ੍ ਹਾਇਰ ਤਿੱਬਤੀਅਨ ਸਟਡੀਜ਼ ਵਿੱਚ ਇੱਕ ਅਧਿਆਪਕ ਸਿੱਖਿਆ ਕੇਂਦਰ ਸ਼ਾਮਲ ਹਨ। ਇਸ ਤੋਂ ਇਲਾਵਾ, ਬੀਐੱਚਯੂ ਅਤੇ ਆਈਟੀਆਈ ਕਰੌਂਡੀ ਵਿਖੇ ਰਿਹਾਇਸ਼ੀ ਫਲੈਟਾਂ ਅਤੇ ਸਟਾਫ਼ ਕੁਆਰਟਰਾਂ ਦਾ ਵੀ ਪ੍ਰਧਾਨ ਮੰਤਰੀ ਦੁਆਰਾ ਉਦਘਾਟਨ ਕੀਤਾ ਗਿਆ।

ਸਿਹਤ ਖੇਤਰ ਵਿੱਚ, ਮਹਾਮਨਾ ਪੰਡਿਤ ਮਦਨ ਮੋਹਨ ਮਾਲਵੀਯ ਕੈਂਸਰ ਸੈਂਟਰ ਵਿੱਚ ਡਾਕਟਰਾਂ ਦੇ ਹੋਸਟਲ, ਇੱਕ ਨਰਸ ਹੋਸਟਲ ਅਤੇ 130 ਕਰੋੜ ਰੁਪਏ ਦੀ ਲਾਗਤ ਵਾਲੇ ਸ਼ੈਲਟਰ ਹੋਮ ਸਮੇਤ ਪ੍ਰੋਜੈਕਟਾਂ ਦਾ ਉਦਘਾਟਨ ਪ੍ਰਧਾਨ ਮੰਤਰੀ ਨੇ ਕੀਤਾ। ਉਨ੍ਹਾਂ ਨੇ ਭਦਰਸੀ ਵਿਖੇ 50 ਬਿਸਤਰਿਆਂ ਵਾਲੇ ਏਕੀਕ੍ਰਿਤ ਆਯੁਸ਼ ਹਸਪਤਾਲ ਦਾ ਉਦਘਾਟਨ ਕੀਤਾ। ਉਨ੍ਹਾਂ ਨੇ ਆਯੁਸ਼ ਮਿਸ਼ਨ ਤਹਿਤ ਤਹਿਸੀਲ ਪਿੰਦਰਾ ਵਿੱਚ 49 ਕਰੋੜ ਰੁਪਏ ਦੀ ਲਾਗਤ ਨਾਲ ਬਣਨ ਵਾਲੇ ਸਰਕਾਰੀ ਹੋਮਿਓਪੈਥਿਕ ਮੈਡੀਕਲ ਕਾਲਜ ਦੀ ਨੀਂਹ ਵੀ ਰੱਖੀ।

ਸੜਕ ਖੇਤਰ ਵਿੱਚ, ਪ੍ਰਧਾਨ ਮੰਤਰੀ ਨੇ ਪ੍ਰਯਾਗਰਾਜ ਅਤੇ ਭਦੋਹੀ ਸੜਕਾਂ ਲਈ ਦੋ '4 ਤੋਂ 6 ਲੇਨ' ਸੜਕ ਚੌੜੀ ਕਰਨ ਵਾਲੇ ਪ੍ਰੋਜੈਕਟਾਂ ਦਾ ਨੀਂਹ ਪੱਥਰ ਰੱਖਿਆ। ਇਸ ਨਾਲ ਵਾਰਾਣਸੀ ਦੀ ਕਨੈਕਟੀਵਿਟੀ ਵਿੱਚ ਸੁਧਾਰ ਹੋਵੇਗਾ ਅਤੇ ਸ਼ਹਿਰ ਦੀ ਟ੍ਰੈਫਿਕ ਜਾਮ ਦੀ ਸਮੱਸਿਆ ਨੂੰ ਹੱਲ ਕਰਨ ਦੀ ਦਿਸ਼ਾ ਵਿੱਚ ਇੱਕ ਕਦਮ ਹੋਵੇਗਾ।

ਪਵਿੱਤਰ ਸ਼ਹਿਰ ਦੀ ਟੂਰਿਜ਼ਮ ਸੰਭਾਵਨਾ ਨੂੰ ਹੁਲਾਰਾ ਦੇਣ ਲਈ, ਪ੍ਰਧਾਨ ਮੰਤਰੀ ਨੇ ਸ਼੍ਰੀ ਗੁਰੂ ਰਵਿਦਾਸ ਜੀ ਮੰਦਿਰ, ਸੀਰ ਗੋਵਰਧਨ, ਵਾਰਾਣਸੀ ਨਾਲ ਸਬੰਧਿਤ ਟੂਰਿਜ਼ਮ ਵਿਕਾਸ ਪ੍ਰੋਜੈਕਟ ਦੇ ਫੇਜ਼-1 ਦਾ ਉਦਘਾਟਨ ਵੀ ਕੀਤਾ।

ਪ੍ਰਧਾਨ ਮੰਤਰੀ ਦੁਆਰਾ ਉਦਘਾਟਨ ਕੀਤੇ ਗਏ ਹੋਰ ਪ੍ਰੋਜੈਕਟਾਂ ਵਿੱਚ ਅੰਤਰਰਾਸ਼ਟਰੀ ਚਾਵਲ ਖੋਜ ਸੰਸਥਾਨ, ਦੱਖਣੀ ਏਸ਼ੀਆ ਖੇਤਰੀ ਕੇਂਦਰ ਵਾਰਾਣਸੀ ਵਿਖੇ ਇੱਕ ਸਪੀਡ ਬਰੀਡਿੰਗ ਸੁਵਿਧਾ, ਪਿੰਡ ਪਯਾਕਪੁਰ ਵਿਖੇ ਇੱਕ ਖੇਤਰੀ ਸੰਦਰਭ ਮਿਆਰੀ ਪ੍ਰਯੋਗਸ਼ਾਲਾ ਅਤੇ ਤਹਿਸੀਲ ਪਿੰਦਰਾ ਵਿਖੇ ਇੱਕ ਐਡਵੋਕੇਟ ਇਮਾਰਤ ਸ਼ਾਮਲ ਹੈ।

https://twitter.com/PMOIndia/status/1473940661619421186

https://twitter.com/PMOIndia/status/1473940997969268736

https://twitter.com/PMOIndia/status/1473941437238562817

https://twitter.com/PMOIndia/status/1473942858797178880

https://twitter.com/PMOIndia/status/1473943419420479494

https://twitter.com/PMOIndia/status/1473943415448489986

https://twitter.com/PMOIndia/status/1473943412109758471

https://twitter.com/PMOIndia/status/1473945166180339714

https://twitter.com/PMOIndia/status/1473945594301349889

https://twitter.com/PMOIndia/status/1473947827646517248

https://twitter.com/PMOIndia/status/1473947824584753155

https://twitter.com/PMOIndia/status/1473947821095063553

https://twitter.com/PMOIndia/status/1473948044185849857

https://youtu.be/n43dorpIy2Y

 *********

ਡੀਐੱਸ/ਏਕੇ