মন্ত্রীমন্দল
azadi ka amrit mahotsav

মন্ত্রী-মন্দলনা কেন-ৱাতৱা ইন্তরলিঙ্কিং তৌনবা তুরেলশিংগী প্রোজেক্ত অয়াবা পীখ্রে

প্রোজেক্ত অসি লুপা করোর ৪৪,৬০৫ চংগনি অমসুং চহি ৮দা লোইশিনগনি

প্রোজেক্ত অসিনা হাইদ্রো পাৱর এম.দবল্যু ১০৩ অমসুং সোলর পাৱর এম.দবল্যু. ২৭ পুথোক্কনি

প্রোজেক্ত অসি ইমপ্লিমেন্ত তৌনবা কেন-বাতৱা লিঙ্ক প্রোজেক্ত ওথোরিতী (কে.বি.এল.পি.এ.) কৌবা স্পেসিএল পর্পজ ভেহিকল (এস.পি.ভি.) অমা শেমগনি

প্রোজেক্ত অসিনা মধ্য প্রদেশকী ছত্তরপুর, পন্না অমসুং তীকমগর অমসুং উত্তর প্রদেশকী বান্দা, মহোবা অমসুং ঝান্সীগী মতম চুপ্পা ঈকং থোক্কনবা অমসুং ঈশিং তাংবা লমদমশিংদা লৈবা লম হেক্তর লাখ ১০.৬২দা ঈথৈ-লৌখোঙ ফংহল্লগনি

কেনেল শম্নহন্দুনা মীওই লাখ ৬২দা থক্নবা ঈশিং ফংহল্লগনি

Posted On: 08 DEC 2021 4:33PM by PIB Imphal

প্রধান মন্ত্রী শ্রী নরেন্দ্র মোদীনা ঙসি ময়াই তাংবল লৌদুনা ফমখিবা কেন্দ্রগী মন্ত্রী-মন্দলনা তুরেলশিংগী প্রোজেক্তকী কেন-বেতৱা ইন্তর-লিঙ্কিং তৌনবগী ফন্দিং অমসুং ইমপ্লিমেন্তেসন তৌবদা অয়াবা পীখ্রে।

২০২০-২১গী প্রাইস লেবেলশিংদা কেন-বেতৱা লিঙ্ক প্রোজেক্ত অসিগী অপুনবা শেনফম লুপা করোর ৪৪,৬০৫ ওইগনি লেপখি। কেন্দ্রগী মন্ত্রী-মন্দলনা লুপা করোর ৩৬,২৯০গী শেন্থং অমসুং লুপা করোর ৩,০২৭গী লোন কভর তৌদুনা প্রোজেক্ত অসিগী ওইনা লুপা করোর ৩৯,৩১৭ কেন্দ্রনা তেংবাং পীবদা অয়াবা পীখ্রে।

প্রোজেক্ত অসিনা ভারত্তা তুরেলগী প্রোজেক্তশিং হেন্না ইন্তরলিঙ্কিং তৌনবা লম্বী ফাৎলগনি অমসুং মালেমদা ঐখোয়গী ইনজিন্যুতী অমসুং ভিজন অসিসু উৎথোক্লগনি।

প্রোজেক্ত অসিদা দৌধান দাম অমসুং তুরেল অনি অসি শেম্নহল্লি কেনেল অমা শাদুনা কেনদগী বেতৱা তুরেলদা ঈশিং লাকহনবা, লোৱর ওর প্রোজেক্ত, কোথা বর্রাজ – অমসুং বিনা কম্প্লেক্স মল্তিপর্পজ প্রোজেক্ত য়াওরি। প্রোজেক্ত অসিনা হেক্তর লাখ ১০.৬২গী চহিগী ঈথৈ লৌখোঙ, মীশিং লাখ ৬২গী থক্নবা ঈশিংগী সপ্লাই অমসুং হাইদ্রোপাৱরগী এম.দবল্যু. ১০৩ অমসুং সোলর পাৱর এম.দবল্যু ২৭সু পুথোক্লগনি।  প্রোজেক্ত অসি স্তেৎ ওফ দি আর্ত তেক্নোলোজীগা লোয়ননা চহি ৮দা ইমপ্লিমেন্ত তৌনবা প্রপোজ তৌখি।

প্রোজেক্ত অসিনা এম.পি. অমসুং য়ু.পি.গী রাজ্যশিং অসিদা লৈরিবা ঈশিং তাংবা বুন্দেলখন্দগী লমদমদা চাউনা কান্নবা পীরগনি। প্রোজেক্ত অসিনা মধ্য প্রদেশকী পন্না, তীকমগর, সাগর, দমোহ, দতিয়া, বিদিশা, শিবপুরী অমসুং রায়সেন অমসুং উত্তর প্রদেশকী বান্দা, মহোবা, ঝান্সী অমসুং ললিততপুর হায়রিবা জিলাশিং অসিদা চাউনা কান্নবশিং ফংহল্লগনি।

প্রোজেক্ত অসিনা লৌউ-শিংউগী থবক-থৌরমশিং অমদি থবক পীবা হেনগৎহনদুনা শোত্থরবা বুন্দেলখন্দগী লমদমদা খুন্নাই অমসুং শেন্মীৎলোনগী চাউখৎপা পুরক্লগনি হায়না পান্নরি। মসিনা লমদম অসিগী মাইগ্রেসন তৌবা হন্থহনবদসু মতেং ওইরগনি।

প্রোজেক্ত অসিনা এনভাইর্নমেন্ত মেনেজমেন্ত অমসুং সেফগার্দশিং চাউনা পীরগনি। মসিগীদমক কম্প্রিহেন্সিব লেন্দস্কেপ মেনেজমেন্ত প্লান অমা ৱাইল্দলাইফ ইন্সতিত্যুত ওফ ইন্সিয়ানা অরোইবা ৱারেপ লৌনবা ঙাইদুনা লৈরি।

বেকগ্রাউন্দ:

মার্চ ২২, ২০২১দা লৈবাক অসিগী অহানবা অচৌবা কেন্দ্রনা য়েংশিনবা তুরেল ইন্তরলিঙ্কিং তৌবগী প্রোজেক্ত অমা ইমপ্লিমেন্ত তৌনবা জল শক্তিগী কেন্দ্রগী মন্ত্রী অমসুং মধ্য প্রদেশ অমদি উত্তর প্রদেশকী মুখ্য মন্ত্রীশিংগী মরক্তা ইতিহাসিক ওইবা য়ান্ন-ৱারোল অমা খুৎয়েক পীনখি। য়ান্ন-ৱারোল অসিনা শ্রী অতল বিহারি বাজপায়ীনা ঈশিং মরাং কাইনা ফংবা মফমশিংদগী ঈকং থোক্কনবা অমসুং ঈশিং তাংবা মফমশিংদা তুরেলশিং ইন্তরলিঙ্কিং তৌদুনা ঈশিং য়ৌহন্নবা মঙজরম্বা মঙলান অদু ইমপ্লিমেন্ত তৌনবা ইন্তর-স্তেৎ কোওপরেসন পীনবগী অহৌবা অমা ওইখি।

***



(Release ID: 1779528) Visitor Counter : 93