প্রধানমন্ত্রীগী লোইশঙ

ভোপালদা রানি কমলাপতি রেলৱে স্তেসন অমুক হন্না শেমগৎলিবা অদু প্রধান মন্ত্রীনা লৈবাক অসিদা কৎলগনি


প্রধান মন্ত্রীনা উজেন অমদি ইন্দোরগী মরক্তা অনৌবা মেমু ত্রেন অনি লমথারগনি

মধ্য প্রদেশতা প্রধান মন্ত্রীনা রেলৱেজকী ইনিসিয়েতিব কয়া অমসু লোঞ্চ তৌরগনি

Posted On: 14 NOV 2021 4:07PM by PIB Imphal

নবেম্বর ১৫গী মধ্য প্রদেশ খোংচৎ মনুংদা, প্রধান মন্ত্রী শ্রী নরেন্দ্র মোদীনা নুংথিলগী পুং ৩ তারকপা মতমদা ২০২১গী রানি কমলাপতি রেলৱে স্তেসন অমুক হন্না শেমগৎলিবা অদু শঙ্গারগনি৷

থৌনা লৈরবী অমদি অকিপা পোক্ত্রবী গোন্দ কিংদমগী মহারানি কমলাপতিগী মমিং লৌদুনা অমুক হন্না শেমগৎখিবা রানি কমলাপতি রেলৱে স্তেসন অসি মধ্য প্রদেশতা শারিবা অসি অহানবা ৱার্ল্দ ক্লাস রেলৱে স্তেসননি৷ পব্লিক প্রাইভেৎ পার্তনরশিপ(পি.পি.পি.) মোদতা অমুক হন্না শেমগৎতুনা, দিব্যাঙ্গশিং য়াম্না লাইনা চত্থোক-চশিন য়াহনবগা লোইননা মতমগা চুনরবা মার্ল্দ ক্লাস এমেনিতীশিং হাপতুনা গ্রীন বিল্দিং অমা ওইনা দিজাইন তৌখ্রে৷ স্তেসন অসি ইন্তিগ্রেতেদ মল্তি-মোদেল ত্রান্সপোর্তকী হব অমা ওইনসু শেমগৎখিবনি৷

থৌরম অসিদা, গোজ কনবর্তেদ অমদি ইলেক্ত্রিফাইদ উজেন-ফতেহবাদ চন্দ্রৱাতিগঞ্জ ব্রোদ গোজ সেক্সন, ভোপাল-বার্খেরা সেক্সনদা লৈরিবা থর্দ লাইন, গোজ কনবর্তেদ অমসুং ইলেক্ত্রিফাইদ মথেলা-নিমর খেরি ব্রোদ গোজ সেক্সন অমদি ইলেক্ত্রিফাইদ গুনা-গ্বালিয়র সেক্সন য়াওনা মধ্য প্রদেশতা রেলৱেগী অতোপ্পা ইন্সিয়েতিব কয়া অমসু প্রধান মন্ত্রীনা লৈবাক অসিদা কৎলগনি৷ উজেন অমসুং ইন্দোরগী মরক্তা প্রধান মন্ত্রীনা অনৌবা মেমু ত্রেন অনি লমথারগনি৷

******



(Release ID: 1772140) Visitor Counter : 109


Read this release in: English , Gujarati , Urdu , Hindi , Marathi , Bengali , Assamese , Punjabi , Odia , Tamil , Telugu , Kannada , Malayalam