শেনমিৎলোন্দা মন্ত্রীমন্দলগী মীফম (সি.সি.ই.এ.)
azadi ka amrit mahotsav

কত্তন সিজন(ওক্তোবরদগী সেপ্তেম্বর ফাওবা) ২০১৪-১৫দগী ২০২০-২১ ফাওবগী মতমদা লশিংগীদমক এম.এস.পি. ওপরেসনশিংগী মখাদা মাংখিবা অদু হঞ্জিনবিনবগীদমক শেনফম কাইথনবা মন্ত্রী-মন্দলনা অয়াবা পীখ্রে

কত্তন সিজনশিং ২০১৪-১৫দগী ২০২০-২১ ফাওবগী ওইনা কত্তন কোর্পোরেসন ওফ ইন্দিয়া (সি.সি.আই.)দা লুপা কোতি ১৭,৪০৮.৮৫গী প্রাইস সপোর্ত পীননবা মন্ত্রী-মন্দলনা অয়াবা পীখ্রে

Posted On: 10 NOV 2021 3:44PM by PIB Imphal

কত্তন সিজনশিংগীদমক ২০১৪-১৫দগী ২০২০-২১(৩০.০৯.২০২১ ফাওবা) কত্তন কোর্পোরেসন ওফ ইন্দিয়া(সি.সি.আই.)দা লুপা কোতি ১৭,৪০৮.৮৫গী কম্মিতেদ প্রাইস সপোর্ত পীননবা প্রধান মন্ত্রী শ্রী নরেন্দ্র মোদীনা থৌবুরেল ওইদুনা ইকোনোমিক এফিয়র্সকী মতাংদা ফংখিবা মন্ত্রী-মন্দলনা অয়াবা পীখ্রে৷

লশিং থারিবা লৌমীশিংগী ইন্তরেস্তশিং ঙাক শেনবগীদমক, লশিংগী মমলশিং অসিনা এম.এস.পি. মমলশিং তচ তৌখিবনা লশিংগী চহিশিং ২০১৪-১৫দগী ২০২০-২১ ফাওবদা প্রাইস সপোর্ত ওপরেসনশিং পাংথোকপনা হেন্না খুদোং চাই৷ মসি চৎনরকপা অসিনা লৈবাক অসিগী ইকোনোমিক এক্তিবিতীদা লশিং থারিবা লৌমীশিংগী ইনক্লুসিবনেস হেনগৎহল্লি৷ প্রাইস সপোর্ত ওপরেসনশিং অসিনা লশিংগী মমলশিং অসি স্তেবিলাইজ তৌবদা মতেং পাংলি অমদি লৌমীশিংগী অৱাবা হন্থহল্লি৷

লশিং অসি খ্বাইদগী মরু ওইবা কেস ক্রোপশিংগী মনুংদা অমনি অমদি মসিনা লশিং থারিবা লৌমী লাখ ৫৮রোমগী পুন্সি মরেল অসি ফগৎহনবদা অচৌবা থৌদাং অমা লৌরি অমসুং মীওই লাখ ৪০০দগী ৫০০না কত্তন প্রোসেসিং অমদি ত্রেদকুম্বা মরী লৈনবা থবক থৌরমশিংদা থবক তৌখি৷

কত্তন সিজন ২০২০-২১গী মতমদা, লশিং থারিবা লম অসি হেক্তর লাখ ১৩৩ ওইখি, মসিনা চাওরাক্না বেল লাখ ৩৬০রোমগী চাং পুথোক্তুনা মালেমদা লশিং পুথোকপগী অপুনবা চাং অদুগী ২৫%রোম ওই৷ সি.এ.সি.পি.গী রিকম্মেন্দেসনশিংদা বেজ তৌদুনা ভারত সরকারনা সীদ কত্তন(কপাস)গী এম.এস.পি. লেপ্পি৷

ভারত সরকারনা সি.সি.আই.বু সেন্ত্রেল নোদেল এজেন্সী ওইনা খল্লি অমদি লশিংগী মমলশিংনা এম.এস.পি. লেবেলদগী তারক্লবা মতম ফাওবদা ক্বান্তিতেতিব সিলিং অমতা তৌদনা লৌমীশিংদগী এফ.এ.ক্বু. গ্রেদ লশিংশিং এম.এস.পি.দা লৌশিন্নবা সি.সি.আই.দা খঙহনখি৷ এম.এস.পি. ওপরেসনশিং অসিনা মমলগী ফিভম শোক্লকপা মতম অমা হেক্তদা লশিং থারিবা লৌমীশিংনা লশিং য়োনবদা থেংনরিবা অৱাবা অদুদগী ঙাক শেল্লি৷

এম.এস.পি. ওপরেসনশিং অসি মহৌশানা মনিং-মখা তম্না মথৌ তৌজবনা লৈবাক অসিদা লৈরিবা লশিং থারিবা লৌশিংবু পুক্নিং থৌগৎলি, মসিনা মখোয়বু লশিং থাবদা হেন্না থৌনা পীবিদুনা স্পিনিং ইন্দস্ত্রীগী রো মেতরিএল অমা ওইরিবা ক্বালিতী লৈবা লশিংগীদমক ভারতনা অত্মনির্ভর ফংবা ঙমগনি৷ সি.সি.আই.না জিলা ১৪৩দা প্রোক্যোরমেন্ত সেন্তর ৪৭৪ হাংদোক্তুনা লশিং চাওনা থারিবা রাজ্য ১১ পুম্নমক্তা মহাক্কী ইনফ্রাস্ত্রকচর শেম-শাদুনা থম্মী৷

হৌখিবা কত্তন সিজন অনি(২০১৯-২০ অমসুং ২০২০-২১)গী মতমদা থোকখিবা মালেম শিনবা থুংনা শন্দোক্লিবা লাইনা-লাইচৎকী মতমদা, সি.সি.আই.না লৈবাক অসিদা পুথোকচবা লশিংগী শরুক ১/৩গী চাংদা লৌশিনখি, হায়বদি বেল লাখ ২০০রোমগী চাং অমসুং লৌমী লাখ ৪০রোমগী বেঙ্ক একাউন্তশিংদা দাইরেক্লী ওইনা লুপা কোতি ৫৫,০০০ হেনবগী শেনফম কাইথখি৷

হৌজিক হৌজিক চৎলিবা কত্তন সিজন(২০২১-২২) অসিগী ওইনা, সি.সি.আই.না এম.এস.পি. ওপরেসনশিংগী ওইথোকপা য়াবা আউতকম অমা হেক্তা ফংবা ঙম্নবগীদমক প্রোক্যোরমেন্ত সেন্তের ৪৫০ হেনবদা মেন পৱার দিপ্লোই তৌবা য়াওনা লশিং চাওনা থারিবা রাজ্য ১১ পুম্নমক্তা এরেঙ্গমেন্ত মতিক চানা মাংজৌননা শেমখ্রে৷

******



(Release ID: 1771313) Visitor Counter : 56