ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ପ୍ରଧାନମନ୍ତ୍ରୀ ବ୍ରିଟେନର ଗ୍ଲାସଗୋରେ ସିଓପି୨୬ ଅବସରରେ ନେପାଳର ପ୍ରଧାନମନ୍ତ୍ରୀଙ୍କ ସହ ବୈଠକ କରିଛନ୍ତି
Posted On:
02 NOV 2021 8:02PM by PIB Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ନଭେମ୍ବର ୨, ୨୦୨୧ରେ ବ୍ରିଟେନର ଗ୍ଲାସଗୋରେ ଆୟୋଜିତ ସିଓପି୨୬ ଶିଖର ସମ୍ମିଳନୀ ଅବରସରେ ନେପାଳର ପ୍ରଧାନମନ୍ତ୍ରୀ ମାନ୍ୟବର ଶ୍ରୀ ଶେର ବାହାଦୂର ଦେଓବାଙ୍କୁ ଭେଟିଛନ୍ତି ।
୨. ଉଭୟ ନେତା କୋଭିଡ-୧୯ ମହାମାରୀ ବିରୋଧରେ ଚାଲିଥିବା ପ୍ରୟାସ ପରିପ୍ରେକ୍ଷୀରେ ଦ୍ୱିପାକ୍ଷିକ ସହଯୋଗକୁ ଆହୁରି ମଜବୁତ କରିବାର ଉପାୟ ଉପରେ ଆଲୋଚନା କରିଥିଲେ । ମହାମାରୀ ସମୟରେ ଭାରତ ଏବଂ ନେପାଳ ମଧ୍ୟରେ ଟିକା, ଔଷଧ ଏବଂ ଚିକିତ୍ସା ଉପକରଣ ଯୋଗାଣ ତଥା ସୀମା ଦେଇ ସାମଗ୍ରୀର ମୁକ୍ତ ଯୋଗାଣକୁ ସୁନିଶ୍ଚିତ ହୋଇଥିବା ସଂକ୍ରାନ୍ତରେ ଏହି ଦୁଇ ନେତା ଉଲ୍ଲେଖ କରିଛନ୍ତି । ମହାମାରୀ ପରବର୍ତ୍ତୀ ପୁନରୁଦ୍ଧାର ଦିଗରେ ଉଭୟ ନେତା ମଧ୍ୟ ଘନିଷ୍ଠ ଭାବରେ କାର୍ଯ୍ୟ କରିବାକୁ ସହମତ ହୋଇଥିଲେ ।
୩. ଚଳିତ ବର୍ଷ ଜୁଲାଇରେ ଶ୍ରୀ ଦେଓବା ନେପାଳର ପ୍ରଧାନମନ୍ତ୍ରୀ ଭାବରେ ଦାୟିôୟ ଗ୍ରହଣ କରିବା ସମୟରେ ସେମାନଙ୍କ ମଧ୍ୟରେ ହୋଇଥିବା ଟେଲିଫୋନ୍ ବାର୍ତ୍ତାଳାପ ପରେ ପ୍ରଧାନମନ୍ତ୍ରୀ ମୋଦୀଙ୍କର ପ୍ରଧାନମନ୍ତ୍ରୀ ଦେଓବାଙ୍କ ସହିତ ଏହା ପ୍ରଥମ ବୈଠକ ।
HS
(Release ID: 1769124)
Visitor Counter : 155
Read this release in:
English
,
Urdu
,
Hindi
,
Marathi
,
Manipuri
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam