প্রধানমন্ত্রীগী লোইশঙ
ভারতনা ভেক্সিনেসন কোতি ১০০ লানথোকখিবদা য়াইফ পাউজেল পীরকপগীদমক প্রধান মন্ত্রীনা মালেমগী লুচিংবশিংবু থাগৎপা ফোংদোকখ্রে
Posted On:
21 OCT 2021 10:01PM by PIB Imphal
ভারতনা ভেক্সিনেসন কোতি ১০০ লানথোকখিবদা য়াইফ পাউজেল পীরকপগীদমক প্রধান মন্ত্রী শ্রী নরেন্দ্র মোদীনা মালেমগী লুচিংবশিংবু থাগৎপা ফোংদোকখ্রে।
ভুতানগী প্রধান মন্ত্রীগী ত্বীত অমদা পাউখুম পীরদুনা, প্রধান মন্ত্রীনা হায়খি;
"অসিগুম্বা ইতিহাসিক ওইরবা থৌরম অসিদা থাগৎ-ৱাহৈ ফোংদোকপিরকপগীদমক লাইওনচেন দা. লোতে শেরিং অদোম্বু থাগৎচরি৷
ভুতানগা ঐখোয়গা মরুপ-মপাং ওইবগী লৈনরিবা মরী অসি ঐখোয়না চেকশিন্না ঙাক্লি!
লমদম অসিগা অমসুং মালেম অসিগা লোইননা কোবিদ-১৯গী মাইয়োক্তা অমতা ওইনা ঐখোয়না লান্থেংনবদা ভারতনা লেপ্প-লৈতনা থৌদাং লৌরি৷"
শ্রী লঙ্কাগী রাস্ত্রপতিগী ত্বীত অমদা পাউখুম পীরদুনা, প্রধান মন্ত্রীনা হায়খি;
"ঐগী মরুপ @PresRajapaksa অদোম্বু থাগৎচরি৷ শ্রী লঙ্কাদগী কুশিনগর ফাওবগী ইন্তর্নেস্নেল ফ্লাইত হৌদোকখিবা অমসুং ঐখোয়গী ভেক্সিনেসন দ্রাইবশিংগুম্বা হন্দক্তা লৌখৎখিবা ইনিসিয়েতিবশিং অসিনা ঐখোয়গী মরক্তা লৈরিবা মরী অসি মখা তানা মপাঙ্গল লৈহল্লগনি অমদি মচিন-মনাউগুম লৈরিবা ঐখোয়গী প্রজাগী মরক্তা ইন্তরেক্সন তৌবা হেনগৎহল্লগনি৷"
মালদ্বীপ্সকী রাস্ত্রপতিগী ত্বীত অমদা পাউখুম পীরদুনা, প্রধান মন্ত্রীনা হায়খি;
"অদোমগী মীনুংশি চেনবা থাগৎ-ৱাহৈগীদমক রাস্ত্রতপতি @ibusolih অদোম্বু থাগৎচরি৷
মালদ্বীপ্সতা চত্থরিবা ভেক্সিন কাপ্পগী দ্রাইব অসিগী প্রোগ্রেস অসি উরুবদা ঐ নুংঙাইবা ফাওই৷
য়ুমথংনবা অমসুং নক্নবা মরুপশিং ওইরুবনা, কোবিদ-১৯দগী লান্থোকপা ঙম্নবা ঐখোয়গী পার্তনরশিপ অসি মহৈ য়াল্লে৷"
ইজরেলগী প্রধান মন্ত্রীগী ত্বীত অমদা পাউখুম পীরদুনা, প্রধান মন্ত্রীনা হায়খি;
"প্রধান মন্ত্রী @naftalibennett অদোম্বু থাগৎচরি৷ অদোম্বু ৱারোলশিংবু তরাম্না ওকচরি৷ মসিগী মাইলস্তোন অসি ঐখোয়গী নোলেজ-বেজ স্ত্রাতিজিক পার্তনরশিপকী ফাউন্দেসনশিং শেমগৎলিবা ইজরেল্লী কাউন্তরপার্তশিংগা লোইননা ভারতকী সাইন্তিস্তশিং, হেল্থ ৱার্করশিং অমদি ইন্নোবেতরশিংনা ওইথোকপা ঙমহনখিবনি৷"
মলাৱিগী রাস্ত্রপতিগী ত্বীত অমদা পাউখুম পীরদুনা, প্রধান মন্ত্রীনা হায়খি;
"ভারতনা #VaccineCentury লান্থোরকপদা অদোম্না থাগৎ-ৱাহৈ ফোংদোকপিরকপগীদমক @LAZARUSCHAKWERA অদোম্বু থাগৎচরি৷
লাইনা-লাইচৎ অসি লান্থেংনবা মতমদা ভেক্সিন এসেসিবিলিতী অসি য়াম্না মরু ওই৷ মদুদা অমতা ওইনা ঐখোয় য়াওরিবনি৷"
*****
(Release ID: 1765681)
Visitor Counter : 150
Read this release in:
Tamil
,
Kannada
,
Odia
,
English
,
Urdu
,
Hindi
,
Bengali
,
Assamese
,
Punjabi
,
Gujarati
,
Telugu
,
Malayalam