প্রধানমন্ত্রীগী লোইশঙ

পি. এম.না অখন্নবা মগুন লৈবা মহৈ-মরোং মখল ৩৫ লৈবাক মীয়ামদা খুৎশিন্নখ্রে

পি. এম.না রাইপুরদা নেস্নেল ইন্সতিত্যুৎ ওফ বাইওতিক স্ত্রেস মেনেজমেন্তগী নৌনা শাগৎলবা কেম্পস লৈবাক মীয়ামদা খুৎশিন্নখ্রে

পি. এম.না এগ্রিকলচরেল য়ুনিভর্সিতীশিংদা গ্রীন কেম্পস এৱার্দ য়েন্থোকখ্রে

“লৌমী অমসুং এগ্রিকলচরদা শাফবা অমা লৈরবা মতম খক্তদা, মখোয়গী চাউখৎপা য়াম্না থুনা লাক্কনি”

“সাইন্স, সরকার অমসুং সমাজগী থবকশিং অমত্তা ওইনা চৎমিন্নরবা মতমদা, হেন্না ফবা অমা ওইরক্কনি। অসিগুম্বা লৌমী অমসুং সাইন্তিস্তশিং পুনশিনবা অমা লৈরবতদা, লৈবাক অসিনা থেংনবা অনৌবা অৱা-অনা কয়াদা মাইয়োক্নবা ঙমগনি”

“লোমীশিংবু মহৈ-মরোংদা য়ুম্ফম ওইবা ইনকম সিস্তেমগী লৌথোক্নবা হোৎনরি অমসুং শেন্থোক লৈবা অমসুং অতোপ্পা লৌউ মখল অমদা পুক্নিং থৌগৎলি”

“ঐখোয়গী থায়নগী লৌউগী চৎনবীগা লোয়ননা, তুংগা চৎমিন্নবা চপ মান্ননা মরু ওই”

Posted On: 28 SEP 2021 12:42PM by PIB Imphal

প্রধান মন্ত্রী, শ্রী নরেন্দ্র মোদীনা ভিদিও কনফরেন্সকী খুত্থাংদা অখন্নবা মখলগী মহৈ-মরোং ভেরাইতী ৩৫ লৈবাক মীয়ামদা খুৎশিন্নখ্রে। প্রধান মন্ত্রীনা রাইপুরদা নেস্নেল ইন্সতিত্যুৎ ওফ বাইওতিক স্ত্রেস মেনেজমেন্তগী নৌনা শাগৎলবা কেম্পসশু লৈবাক মীয়ামদা খুৎশিন্নখ্রে। থৌরম অসিদা, প্রধান মন্ত্রীনা এগ্রিকলচরেল য়ুনিভর্সিতীশিংদা গ্রীন কেম্পস এৱার্দ য়েন্থোকখি। মহাক্না অনৌবা মেথোদ শিজিন্নরিবা লৌমীশিংগা উনখি অমসুং মীয়াম পুনবা অসিদা ৱা ঙাংখি।  

জম্মু অমসুং কশ্মীরদা লৈবা গান্দরবলগী শ্রীমতি জাইতুন বেগমদা ৱারী শারদুনা, প্রধান মন্ত্রীনা মহাক্না এগ্রিকলচরগী থবকশিংদা অনৌবা অমা তম্লকপগী খোঙচৎ অমসুং মহাক্না অতোপ্পা লৌমীশিংদা তম্বিবা অমসুং মতৌ করম্না মহাক্না তম্পাক অসিদা নুপীমচাশিংগী মহৈ তমহন্নবা হোৎনখিবগী মরমদা ৱারী লীখি। প্রধান মন্ত্রীনা পনখি মদুদি শান্ন-খোৎনবা ফাওবদা জে.অমসুং কে.গী নুপীমচাশিংনা নিংথিনা হোৎনৈ। মহাক্না মসি অমসু হায়খি মদুদি লম পীক্না লৈবা লৌমী মচাশিংগী তঙাইফদবা পীবা অসি সরকারনা পায়খৎকদবা অহনবা থবক্নি অমসুং মখোয়না কান্নবশিং পুম্বা হকথেংননা ফংলি।   

উত্তর প্রদেশকী বুলন্দশহরদগী লৌমী অমসুং মরু পুথোকপা শ্রী কুলৱান্তগা লোয়ননা উনবা মতমদা প্রধান মন্ত্রীনা মঙোন্দা মতৌ কম্না মখল কয়াগী মরুশিং অসি পুথোকলিবনো হায়না হংখি। প্রধান মন্ত্রীনা মঙোন্দা হংখি মদুদি মতৌ করম্না পুসাদা লৈবা এগ্রিকলচর ইন্সতিত্যুৎতা লৈবা সাইন্তিস্তশিং থেংনবদা মহাক্না করি কান্নবা ফংবগে হায়না হংখি অমসুং অসিগুম্বা ইন্সতিত্যুৎ অমা থেংনবা অসিনা লৌমীশিংদা করি অহোংবা লাকপগে হায়না হংখি। প্রধান মন্ত্রীনা মহাক্না মহৈ-মরোং লীবা অমসুং শেন্থোক লৈনবা হোৎনরিবা অসিদা থাগৎপা ফোংদোকখি। প্রধান মন্ত্রীনা হায়খি মদুদি সরকারনা লৌমীশিংদা মার্কেত, অফবা মখলগী মরু, লৈহাও ফনবগী কার্দ পীবনা চিংবা খঙথাং কয়া লৌখৎতুনা লৌমীশিংদা মমল ফজনা ফংনবা হোৎনরি।   

প্রধান মন্ত্রীনা গোৱাগী, বার্দেজতগী শ্রীমতি দর্শনা পেদেনরদা মতৌ করম্না মহাক্না  মহৈ-মরোং মখল কয়া অমা থারিবা অমসুং য়ুমশাশিং য়োক্লিবগী মরমদা হংখি।  মহাক্না লৌমীশিং অসিনা য়ুবীদা শেন্থোং লৈনা হোৎনরিবা অসিগী মতাংদা হংখি। মতৌ করম্না নুপী লৌমীশিং অমনা এন্ত্রেপ্রিনর ওইনা মায় পাক্না হোৎনরিবা হায়দুনা মহাক্না হরাওবা ফোংদোকখি।

মনিপুরদগী শ্রী থোইবা সিংহগা উনদুনা, প্রধান মন্ত্রীনা মহাকপু আর্ম ফোর্সেস্তা লৈরুরবা মতুংদা লৌউবা অমা ওইনা পুন্সি লেনবগীদমক থাগৎপা ফোংদোকখি। লৌমী অসিনা পায়খৎলিবা মখল কয়াগী থবকশিং হায়বদি লৌউ-শীংউবা, ঙা-য়োকপা অমসুং অতৈ চুনবা থবকশিং অসিনা প্রধান মন্ত্রীগী পুক্নিং চিংশিনখি। প্রধান মন্ত্রীনা মহাকপু জয় জৱান-জয় কিসান-জয় বিগ্যানগী খুদম অমা পীদুনা থাগৎপা ফোংদোকখি।  

প্রধান মন্ত্রীনা উত্তরাখন্দগী উধম সিংহ নগরদগী শ্রী সুরেশ রানা, মতৌ করম্না মহাক্না চু়াজাক থাবা হৌখিবগে হায়না হংখি। প্রধান মন্ত্রীনা উত্তরাখন্দগী লৌমীশিংবু এফ.পি.ও. য়াম্না নিংথিনা শিজিন্নবগীদমক থাগৎপা ফোংদোকখি অমসুং হায়খি মদুদি লৌমীশিংনা পুন্না থবক শুমিন্নবনা মখোয়না য়াম্না চাউনা কান্নবা ফংবা ঙম্মী। সরকার অসিনা লৌমীশিংদা রিসোর্স অমসুং ইনফ্রাস্ত্রকচর ফংহন্নবা হোৎনরি।  

থৌরম অসিদা ৱা ঙাংদুনা, প্রধান মন্ত্রীনা হায়খি হৌখিবা চহি ৬-৭ অসিদা, সাইন্স অমসুং তেক্নোলোজী অসি লৌউ-শিংউবগা মরী লৈন্ননা থেংনরীবা অৱাবশিং অসি কোক্নবা অহানবা খোঙথাং অমা ওইনা লৌখৎলি। “ঐখোয়না মরু, অনৌবা ফিভম অমদা চুননবা, অখন্ননা হোংলক্লিবা অইং অশাগী ফিভম অসিদা য়াম্না ৱাংনা মিৎয়েং থম্মী,” হায়না প্রধান মন্ত্রীনা হায়খি।

হৌখিবা চহি, কোরোনা লায়চৎ মনুংদা রাজ্য খরদা মশিং য়াম্লবা কৌজেংনা লান্দারকপা নিংশিংলি। ভারতনা হায়রিবা লান্দারক্লবা অসিবু লৌমীশিংনা য়াম্না মাং তাক্কদবদগী কন্না হোৎনদুনা কনখি, হায়না মহাক্না হায়খি।

প্রধান মন্ত্রীনা মরুওইবা পীদুনা হায় মদুদি লৌমী অমসুং লৌউ-শিংউবদা শাফগদবা অমা পীরবা মতমদা, মখোয়না য়াম্না থুনা চাউখৎলক্কনি। প্রধান মন্ত্রীনা সরকারনা লৌখৎলিবা লৌমীগা চুনবা খোঙথাং কয়া অমা পীরি হায়রিবা অসিদা লৌমীশিংদা ঈশিংগী অৱাৎপা লৈহন্দনবা পন্দুনা লৈবা ইখোঙ-নালা ১০০ লোইশিন্নবগী কেম্পেন, পোত্থোক লৈনবগীদমক মহৈ-মরোংদা তীল তাদনবা অনৌবা মখলগী মরু পীবা। মহাক্না মখা তানা হায় মদুদি এম.এস.পি. হেনগৎলকপগা, পোৎ লৈবগী থৌওংশিং ফগৎলক্লি হায়রিবা অসিনা লৌমীশিংদা হেন্না-হেন্না কান্নবা ফংগনি। রবি পান্থা মনুংদা গেহু মেত্রিক তন লাখ ৪৩০ হেন্না লৈখি অমসুং লৌমীশিংদা লুপা কোতি লিশিং ৮৫ হেন্না পীখি।  

প্রধান মন্ত্রীনা হায় মদুদি লৌমীশিংনা তেক্নোলোজীগা শম্নবা অসিনা, ঐখোয়না মখোয়বু বেঙ্কতগী মতেং পীরকপদা হেন্না লাইনা থোকই। ঙসিদি লৌমীশিংনা অইং-অশাগী পাউ হেন্না ফবা মওংদা ফংবা ঙম্লে। হন্দক্তা, লৌমী কোতি ২ হেন্না কিসান ক্রেদিত কার্দ পীখ্রে।

প্রধান মন্ত্রীনা হায়খি মদুদি অইং-অশা ওল্লকপগী মতুং ইন্না, অনৌবা মখলগী তিল-কাং, অনৌবা লায়নাশিং, লায়চৎশিং হেনগৎলক্লি, মরম অসিনা, মীওইবা অমসুং য়ুমশা অমসুং মহৈ মরোংদা য়াম্না চাউনা অকাইবা পীরক্লি। হায়রিবা পোৎশক অসিদা লেপ্পা লৈতনা থিজিনবা অমা তঙাইফদনা চংলি। মহাক্না হায়খি মদুদি সাইন্স, সরকার অমসুং সমাজগী থবকশিং পুন্না তৌমিন্নরবা মতমদা হেন্না ফবা অমা ওইরক্কনি। অসিগুম্বা লৌমী অমসুং সাইন্তিস্তশিং পুনশিনবা অমা লৈরবতদা, লৈবাক অসিনা থেংনবা অনৌবা অৱা-অনা কয়াদা মাইয়োক্নবা ঙমগনি।   

লোমীশিংবু মহৈ-মরোংদা য়ুম্ফম ওইবা ইনকম সিস্তেমগী লৌথোক্নবা হোৎনরি অমসুং শেন্থোক লৈবা অমসুং অতোপ্পা লৌউ মখল অমদা পুক্নিং থৌগৎলি। মহাক্না মিল্লেত অমসুং হৱায়শিং সাইন্স অমসুং রিসর্সকী মতেং লৌদুনা মখা তানা ফগৎহন্নবা তঙাইফদবা লৈ হায়না মরু ওইবা পীখি। মহাক্না হায় মদুদি পান্দম অদুদি মখোয়না লৈবাক অসিগী মফম কয়াদা লোকেলগী তঙাইফদবা য়েংলগা থাবা য়াই। মহাক্না মীয়ামদা লাক্কদৌরিবা চহি অসি ইয়ার ওফ দ মিল্লেত হায়না য়ু.এন. লাওথোক্লিবা অসিদা পীরিবা খুদোংচাবশিং অসি লৌহৌনবা শেম-শাদুনা লৈনবা হায়খি।

ঐখোয়গী থায়নগী লৌউগী চৎনবীগা লোয়ননা, তুংগা চৎমিন্নবা চপ মান্ননা মরু ওই হায়না প্রধান মন্ত্রীনা হায়খি। মহাকনা মতমগা চুনরবা তেক্নোলোজী অমসুং অনৌবা ফার্মগী খুলায়শিং অসিনা তুংগী লৌউবগী মরুওইবা অমনি। “মতমগা চুনরবা লৌউবগী মেচিন অমসুং মচাকশিং পুখৎনবা হোৎনখিবা অসিগী মহৈ ঙসি উবা ফংলি,” হায়না মহাক্না মখা তাখি।

***



(Release ID: 1759029) Visitor Counter : 95