ঙসি প্রধান মন্ত্রী শ্রী নরেন্দ্র মোদীনা মহাক্কী লৈফমদা তোকিও ২০২০ পেরালিম্পিক্স গেম্সকী ইন্দিয়ন কন্তিঞ্জেন্ত ওকখি৷ কন্তিঞ্জেন্ত অসিদা পেরা-এথলেতশিং অমসুং কোচশিং য়াওখি৷

প্রধান মন্ত্রীনা কন্তিঞ্জেন্ত পুম্নমক্কা কেন্দিদ অমসুং ইনফোর্মেল ইন্তরেক্সন অমা পাংথোকখি৷ মশান্নশিংদা শান্নরোইশিং অসিনা ইতিহাসিক ওইরবা মওংদা পর্ফোমেন্স উৎতুনা রেকোর্দ থুগাইখিবা অদুগীদমক মহাক্না মখোয়বু থাগৎখি৷ মখোয়গী এচিবমেন্ত অসিনা লৈবাক অসিদা লৈরিবা স্পোর্তিং কম্ম্যুনিতী পুম্নমক্কী মোরেল অসি ফগৎহল্লগনি অমসুং স্পোর্ত শান্নবা হৌগৎলক্লিবা শান্নরোইশিংনা স্পোর্তসতা হেন্না থৱাই য়াওনবা পুক্নিং থৌগৎলগনি হায়না মহাক্না ফোংদোকখি৷

প্রধান মন্ত্রীনা মরু ওইনা কন্তিঞ্জেন্ত অসিগী হনবা লৈতবা মথৌনা অমদি ৱিল পৱারবু থাগৎখি৷ মশান্নশিংদা মকোক থোংদা অহুমগী মনুং চনবা ঙমখিদ্রবা শান্নরোইশিংগী মোরেল হেনগৎননবা,  অশেংবা শান্নরোই অমা হায়বসি মাইথিবা নত্রগা মাইপাকপনা শান্নরোই অদুবু লেংহন্দনা অদুমক লুপতুনা থমগদবা নত্তে, মখাতাবা তুংগী পুন্সিদা হেন্না মাই পাক্নবা হোৎনগদবনি হায়না প্রধান মন্ত্রীনা ফোংদোকখি৷ মখোয় অসি লৈবাক অসিগী এম্বাসেদরশিংনি, অমদি মখোয়গী মশক নাইরবা পর্ফোমেন্স অদুগী মতেংদগী লৈবাক অসিগী মিংচৎ মালেমগী থাক্তা পুখৎপা ঙমখিবনি৷

মখোয়গী ‘তপস্য, পুরুশার্থ অমসুং পরাক্রম’গী মতেংদগী, পেরা-এথেলেতশিংদা মীয়াম্না য়েংলিবা মীৎয়েং অদু শান্নরোইশিংনা অসিনা হোংদোকহনখ্রে হায়না প্রধান মন্ত্রীনা ফোংদোকখি৷ অজাদি কা অমিৃত মহোতসব পাংথোক্লিবা মতম অসিদা, মখোয়না স্পোর্তসকী মালেমগী মপান্দা লৈরিবা এরিয়া খরা খন্দোক্নবা অমসুং মতৌ করম্না প্রজা মীয়াম্বু পুক্নিং থৌগৎতুনা অহোংবা পুরকপা ঙমগদগে হায়বসি এক্সপ্লোর তৌননবা মহাক্না হায়খি৷

প্রধান মন্ত্রীনা পেরা-এথেলেতশিং অসিদা ইনবাইতেসন পীরকখিবা অসিগীদমক মহাকপু শান্নরোইশিং অসিনা থাগৎখি অমসুং মহাক্কা তেবল অমতদা ফম্মিন্নবা ফংবা অসিসু অচৌবা এচিবমেন্ত অমনি হায়না ফোংদোকখি৷ প্রধান মন্ত্রীনা লেপ্প-লৈতনা লমজিংবিবা, থৌনা হাপ্পিবা অমসুং সপোর্ত তৌবিবা অসিগীদমক মখোয়না মহাকপু থাগৎখি, অমদি মখোয়গী ইন্দিয়ন কম্পেত্রিওতশিংনা মখোয়গী প্রধান মন্ত্রীদগী থাগৎ-ৱাহৈ ফোংদোক্নবা ফোন তৌরকখিবা অসি অতোপ্পা লৈবাকশিংগী শান্নরোইশিংনা খঙলকপা মতমদা শান্নরোইশিং অসিনা তশেংনা অঙকপা ফাওখি৷ মখোয়গী ত্রেনিংগীদমক সরকার অসিনা পাংথোকপা য়াবা পুম্নমক পাংথোক্তুনা মতৌ করম্না খ্বাইদগী ফবা এরেঙ্গমেন্ত শিনখিবগে হায়বদু মখোয়না পনখি৷

শান্নরোই কয়া অমনা মখোয় মখোয়না ফংলিবা মেদলশিং অদু ফংনবা হোৎনবদা শিজিন্নখিবা স্পোর্তিং ইক্ব্যুইপমেন্ত অদু প্রধান মন্ত্রীদা খুদোল তমখি৷ মেদলিস্ত পুম্নমক্না শহি পীরবা স্তোল অমসু প্রধান মন্ত্রীদা খুদোল ওইনা তমখি৷ স্পোরতিং ইক্ব্যুইপমেন্ত অসি ওক্সন তৌরগনি হায়না মহাক্না ফোংদোকলম্মী অমসুং শান্নরোইশিংনসু তরাম্না ওকখিরম্মী৷ থৌরম অদুদা কেন্দ্রগী স্পোর্তস মন্ত্রী অমসুং কেন্দ্রগী লো মন্ত্রীসু শরুক য়াখি৷

*****